5
Tarewsa n tḥimart n Arebbi
1 Ttzawgeɣ inni d imɣaren jar awen, necc d wenni d amɣar akidwem d acehhad n uweddeb i ikkin x Lmasiḥ uřa d amɛacar deg uɛuǧi nnes i dd ɣa ittwasseḍhar: 2 Arewsem taḥimart n AREBBI tenni tḥeṭṭam, war iǧi s uɣiř maca s řxaḍar, war iǧi di ṭṭmeɛ n arbeḥ war iḥřin, maca s marra wuř nwem, ◘5:2 Řex. 20:28; 1 Tim. 3:3; Tit. 1:7. 3 war iǧi am yinni iǧan x tḥimart, maca umi teǧam d ijj n umedya icna i nitni. ◘5:3 2 Kur. 1:24; Fil. 3:17; 1 Tim. 4:12; Tit. 2:7. 4 Uca xmi dd ɣa iḍhar Umeksa Ameqqran ad zzayes tᵉṭṭfem ttaj n uɛuǧi i war ifennin. ◘5:4 Ica. 40:11; Ḥiz. 34:23; Yḥ. 10:11; 1 Kur. 9:25; Ɛbr. 13:20; 2 Tim. 4:8; Yaɛ. 1:12; 1 Bṭ. 1:4; 2:25.
5 U kenniw, ibřiɣen, sarsem ixef nwem sadu imɣaren nwem, beysem ixef nwem s uwaḍeɛ n arruḥ ijj i wenneɣni, minzi AREBBI ittɛekkas imɛeffaren, maca imwaḍɛen iwca asen arḍa. ◘5:5 Awřn. 3:34; Rum. 12:10; Fil. 2:3; Yaɛ. 4:6. 6 Semẓayem ixef nwem sadu afus ijehden n AREBBI, ḥima ad kenniw issuɛřa di řweqt nnes nican. ◘5:6 Ayub 22:29; Awřn. 29:23; Mt. 23:12; Lk. 14:11; Yaɛ. 4:10. 7 Marra imnusen nwem arrem ten ɣar AREBBI, aqa Netta itthilla daywem. ◘5:7 Izhd. 55:23; Mt. 6:25; Lk. 12:22; 1 Kur. 9:9; Fil. 4:6; Ɛbr. 13:5; 1 Tim. 6:8.
8 Arrem-dd řbař, ḥḍam, minzi řeɛdu nwem, cciṭan ameqqran, ittzehhar am wayrad u ittḥama, yarezzu min izemmar ad isarḍ. ◘5:8 Ayub 1:7; Lk. 22:31; 1 Ts. 5:6; 1 Bṭ. 1:13; 4:7. 9 Mɛařam t, tbeddem nican di l’iman, aqa tessnem belli aytmatwem di ddunect uřa d nitni kessin aweddeb-a. ◘5:9 Afa. 4:27; Yaɛ. 4:7.
10 Maca AREBBI n arḍa wenni d aneɣ dd-iřaɣan ɣar uɛuǧi nnes ittduman i řebda s Yasuɛ Lmasiḥ, aqa Netta, awarni řami nweddeb řeḥṣarat-a timuqřiřin, ad aneɣ issejhed, ad aneɣ iḍmen u ad aneɣ isedd i řebda. ◘5:10 Ɛbr. 10:37; 1 Bṭ. 1:6. 11 Ɣares Netta aɛuǧi d ṣṣulṭa d řɛezz i řebda qaɛ. Amin.
12 Uriɣ awem-dd ca n tmesřayin di tira taquḍaḍt s ufus n Silwanus, uma d amtiqqi, u necc qenɛeɣ u cehhdeɣ, aqa man aya di min di tbeddem nican, aqa-t d arḍa n AREBBI d tidett.
13 Tamesmunt ittwafarzen i iǧan di Babil, tseǧam xawem s řehna, uřa d mmi Markus.
14 Seǧmem x wayawya s řehna u s usudem iqeddsen. Řehna ad kiwem yiři marra idwem i iǧan di Lmasiḥ. Amin. ◘5:14 Rum. 16:16; 1 Kur. 16:20; 2 Kur. 13:12; 1 Ts. 5:26.
◘5:2 5:2 Řex. 20:28; 1 Tim. 3:3; Tit. 1:7.
◘5:3 5:3 2 Kur. 1:24; Fil. 3:17; 1 Tim. 4:12; Tit. 2:7.
◘5:4 5:4 Ica. 40:11; Ḥiz. 34:23; Yḥ. 10:11; 1 Kur. 9:25; Ɛbr. 13:20; 2 Tim. 4:8; Yaɛ. 1:12; 1 Bṭ. 1:4; 2:25.
◘5:5 5:5 Awřn. 3:34; Rum. 12:10; Fil. 2:3; Yaɛ. 4:6.
◘5:6 5:6 Ayub 22:29; Awřn. 29:23; Mt. 23:12; Lk. 14:11; Yaɛ. 4:10.
◘5:7 5:7 Izhd. 55:23; Mt. 6:25; Lk. 12:22; 1 Kur. 9:9; Fil. 4:6; Ɛbr. 13:5; 1 Tim. 6:8.
◘5:8 5:8 Ayub 1:7; Lk. 22:31; 1 Ts. 5:6; 1 Bṭ. 1:13; 4:7.
◘5:10 5:10 Ɛbr. 10:37; 1 Bṭ. 1:6.
◘5:14 5:14 Rum. 16:16; 1 Kur. 16:20; 2 Kur. 13:12; 1 Ts. 5:26.