1 Ma war ǧiɣ d aḥurri? Ma war ǧiɣ d rrasul? Ma war ẓriɣ Siditneɣ Yasuɛ Lmasiḥ? Ma war teǧim kenniw d řxedmet inu di Sidi inu? ◘9:1 Řex. 9:3, 17; 22:14, 18; 23:11; 1 Kur. 4:15; 15:8; 2 Kur. 12:2. 2 Mařa war ǧiɣ d rrasul i wenneɣni, i kenniw nican ɛniɣ t, wah, kenniw d acemmiɛ n řxedmet inu n rrasul.

3 Necc arriɣ-dd x yinni xafi iḥekkmen ammu: 4 Ma war ɣarneɣ bu ttesriḥ ḥima ad necc, ad nsu? ◘9:4 1 Kur. 9:14; 1 Ts. 2:6; 2 Ts. 3:9. 5 Ma war ɣarneɣ bu ttesriḥ ad nawi akidneɣ ict n twečmat d tamɣart am ɛawed rrusul inneɣni d wawmaten n Siditneɣ d Kifa? ◘9:5 Mt. 8:14. 6 Niɣ waha Bar-Naba d necc war ɣarneɣ bu ttesriḥ ḥima war nxeddem? 7 Man wen i ɣa ixeddmen di řɛeskar ad ixeǧeṣ řmunet i yixef nnes? Man wen i ɣa iẓẓun ict n tzayart deg ijj n umarjeɛ n uḍiř, war ittett ca zi řɣiǧet nnes? Niɣ man wen i ɣa yarekkwesen ict n tḥimart, war isess ca aɣi n tḥimart? ◘9:7 Yḥ. 21:15; 1 Kur. 3:6, 7, 8; 2 Kur. 10:4; 1 Bṭ. 5:2. 8 Ma qqareɣ man aya am bnadem waha? Xzar, uřa d Ccariɛa teqqar aya! 9 Minzi tura di Ccariɛa n Musa: “War ttegg tacmant i uyenduz issarwaten.” Ma AREBBI iḥeṭṭa x iyenduzen s tidett? ◘9:9 Aɛwd. 25:4; 1 Tim. 5:18. 10 Nessen aqa inna i-t di ṭṭweɛ nneɣ u man aya tura di ṭṭweɛ nneɣ, minzi wenni icarrzen, ad icarz s usitem u wenni issarwaten, ad issarwat s usitem ad ɣares yiři ṣṣabet.

11 Mařa neccin aqa nzarreɛ daywem min iǧan n Arruḥ, xenni ma d aṭṭas mařa nemjar zzaywem ca zi min iǧan n temmurt? ◘9:11 Rum. 15:27; Gal. 6:6. 12 Mařa inneɣni ɣarsen ttesriḥ-a xawem, maḥend ad carcen di min iǧan nwem, mayemmi neccin ktar lla? Maca neccin war nesstenfiɛ zi ttesriḥ-a, maca neksi marra, ḥima war nᵉttegg uřa d ict n tɛenkrift i Řexbar Aṣebḥan n Lmasiḥ. ◘9:12 Řex. 20:33; 2 Kur. 11:9; 12:13. 13 Ma war tessinem ca belli inni ittsexxaren deg Uqeddas ad ttwarezqen zi min iǧan deg Uqeddas? Uca inni ittsexxaren ɣar uɛalṭar ad ṭṭfen tasɣart nsen zeg uɛalṭar? ◘9:13 Aɛwd. 18:1. 14 Ammu ɛawed yumur Siditneɣ i yinni ittbarrḥen Řexbar nnes Aṣebḥan, aqa ad ddaren zi Řexbar Aṣebḥan. ◘9:14 Lawi 19:13; Aɛwd. 24:14; 25:4; Mt. 10:10; Lk. 10:7; 1 Tim. 5:18.

15 Maca necc war sstenfiɛeɣ zeg uřa d ict zi tmesřayin-a. U necc war t uriɣ ca, ḥima ad ittwagg man aya i necc, meɛlik ufiɣ ad mmteɣ x usebḍeř n usemɣar inu s ca n yijjen. 16 Xenni mařa necc ttbarrḥeɣ s Řexbar Aṣebḥan, necc war ɣari ca min di ɣa ssemɣareɣ, minzi ittxeṣṣa ayi man aya. Ayeḥḥat xafi, mařa war ttbarrḥeɣ ca s Řexbar Aṣebḥan! 17 S uyenni, mařa ggiɣ tt s řxaḍar inu, ad ɣari tiři řmunet, maca mařa war tt tteggiɣ s řxaḍar, aqa ad iqqim uwekkeř deg ufus inu. 18 Man ten qaɛ iǧan d řmunet inu? Aqa-tt d ta: am ttbarrḥeɣ s Řexbar Aṣebḥan ad sseḥḍareɣ Řexbar Aṣebḥan n Lmasiḥ baṭeř, war kessiɣ ca ttesriḥ inu i dayi iwca Arebbi di L’Injil.

19 Necc, umi qqimeɣ ttwaḥarreɣ zi marra, aqa arreɣ ixef inu d amsexxar n marra, ḥima ad arebḥeɣ aṭṭas n iwdan. 20 I Wudayen dewřeɣ am Wuday ḥima ad arebḥeɣ Udayen, i yinni iǧan sadu Ccariɛa dewřeɣ am yinni sadu Ccariɛa, ḥima ad arebḥeɣ inni iǧan sadu Ccariɛa. ◘9:20 Řex. 16:3; 18:18; 21:23. 21 I yinni iǧan břa Ccariɛa dewřeɣ am wenni břa Ccariɛa - war ǧiɣ břa Ccariɛa qibač i AREBBI, maca aqa-yi ddareɣ di Ccariɛa n Lmasiḥ - ḥima ad arebḥeɣ inni iǧan břa Ccariɛa. ◘9:21 Gal. 2:3. 22 Tuɣa ayi ḍeɛfeɣ ɣar yinni iḍeɛfen, ḥima ad arebḥeɣ inni iḍeɛfen. Aqa dewřeɣ d marra i marra, ḥima beɛda ad wceɣ Tudart i marra. ◘9:22 Rum. 15:1; 1 Kur. 10:33; Gal. 6:1. 23 Man aya tteggeɣ, ḥima ad ṭṭfeɣ tasɣart di Řexbar Aṣebḥan.

24 Ma war tessinem ca belli inni itteggen tḥamat n tazřa di řmeřɛeb, marra nican aqa ttazzřen, maca ijjen zzaysen i ɣa yarebḥen waha? Xenni azzřem kenniw ammu ař d ɣa tarebḥem. ◘9:24 Gal. 2:2; 5:7; Fil. 2:16; 2 Tim. 4:7; Ɛbr. 6:18. 25 Maca kuř aryaz i itteggen ict n tḥamet, iḥekkem x yixef nnes di marra. Nitni uzzřen ḥima ad arebḥen ijj n ttaj ifenna, maca neccin ḥima ad narbeḥ ijj n ttaj war ifenni. ◘9:25 2 Tim. 2:4; 4:8; 1 Bṭ. 1:4; 5:4. 26 S uyenni necc war ttizzřeɣ ca amenni waha, war ttmenɣiɣ am wenni iccaten di řeɛwin, 27 maca ttmarrateɣ arrimet inu, ad as qetmareɣ, ḥima necc war ttwassuffuɣeɣ ca barra awarni řami barrḥeɣ inneɣni.