1 I umeqqran n imeɣnajen. S teɣnint n Ujtti, weryaz zi Jat. Azehhed n Dawud.

2 A SIDI, Arebbi nneɣ, mammec ijhed

Yisem nnec x marra tammurt,

Cek d wenni iggin lɛaḍama nnec

sennej i ijenwan. ◘8:2 Ayub 36:30

3 Zeg uqemmum n iḥenjiren d iseyman,

teggid dsas ijhed

zi ssibbet n yinni Cek iḥeṣṣaren,

ḥima ad tbellɛed abrid x řeɛdu

u x wenni yarezzun ad ixřef. ◘8:3 Mt. 21:16

4 Mařa twařiɣ ajenna,

řxedmet n iḍewḍan nnec,

taziri d yetran, inni teggid,

5 min iɛna xenni bnadem,

aqa Cek txarrṣed dayes,

mmis n bnadem,

aqa Cek txezzared ɣares? ◘8:5 Ayub 7:17; Izhd. 144:3; Ɛbr. 2:6

6 Cek tarrid t mɣir

cwayt waha qell i AREBBI,

tewcid as ttaj n uɛuǧi d řɛezz.

7 Cek tarrid t ad iḥkem

x tmegga n ifassen nnec,

tessarsed marra swadday i iḍaren nnes: ◘8:7 1 Kur. 15:27; Afa. 1:22

8 uǧi d ifunasen, marra ina,

uřa d řmař n yeyyar,

9 ijḍaḍ n ujenna d iseřman n řebḥar,

marra min ittcuqan ibriden n řebḥur.

10 A SIDI, Siditneɣ,

mammec ijhed Yisem nnec

di marra tammurt!