28
Tanukra
1 Awarni řami teɛdu ssebt, ɣar řefjar n wass amezwaru n ssimana, tusa-dd Maryam n Majdala d Maryam nneɣnit ḥima ad ssijjent x wenḍeř. ◘28:1 [Mk. 16:1-8; Lk. 24:1-12; Yḥ. 20:1-10] 2 Xzar, imsar ijj n wenhezzi n temmurt imɣar, minzi lmalak n SIDI ihwa-dd zeg ujenna, iqarreb-dd, isseqnunni taṣḍart zeg wadaf uca iqqim xas. 3 Tuɣa ṣṣifet nnes am wajjaj u warruḍ nnes d acemřař am wedfeř. ◘28:3 Dan. 7:9; Řex. 1:10. 4 Iɛessasen fecřen zi teggʷudi zzayes uca dewřen am yimettinen.
5 Lmalak iṭṭef deg wawař, inna i temɣarin: “War tteggʷedent ca, minzi ssneɣ aqa kennint tarezzunt x Yasuɛ wenni ittwaṣellben. ◘28:5 Mk. 16:6; Lk. 24:4. 6 War da iǧi, minzi Netta ikkar-dd, am mammec inna. Asent-i-dd da, xzarent amcan mani tuɣa immars Siditneɣ. ◘28:6 Mt. 16:21; 17:23; 20:19; Mk. 8:31; 9:31; 10:34; Lk. 9:22; 18:33; 24:6. 7 Ruḥent deɣya, inint i imeḥḍaren nnes, aqa ittwassnekkar-dd zi taddart n imettinen, u xzar Netta d awem i ɣa izwaren ɣar Ljalil. Din ad t tẓarem. Xzar, aqa nniɣ awem tt.” ◘28:7 Mt. 26:32; Mk. 16:7.
8 Ffɣent nitenti deɣya zeg wenḍeř s tiggʷudi d řefraḥet imɣaren, ttazzřent ḥima ad tt xebbarent imeḥḍaren. ◘28:8 Mk. 16:8; Yḥ. 20:18. 9 Uca xzar, Yasuɛ iřqa tent deg webrid, inna asen: “Sřam xakent!” Nitenti usint-i-dd ɣares, ṭṭfent deg iḍaren nnes uca sejdent as. ◘28:9 Mk. 16:9; Yḥ. 20:14. 10 Řexdenni inna asent Yasuɛ: “War tteggʷedent ca, ssiwḍent řexbar-a i aytma, ḥima ad raḥen ɣar Ljalil, diha ad ayi ẓaren.” ◘28:10 Řex. 1:3; 13:31; 1 Kur. 15:5.
11 Am ruḥent, xzar, aqa ca zeg iɛessasen usin-dd ɣar tendint, ḥima ad xebbaren imeqqranen n ikehhanen x marra min imsaren. 12 Řexdenni munen nitni ak-d imɣaren n řgens uca mcawaren akidsen, uca wcin asen i iɛessasen ttmenyat n nnuqart, war iǧi drus, 13 nnan: “Inim: ‘Imeḥḍaren nnes usin-dd s ǧiřet uca ucaren t am tuɣa neṭṭeṣ!’ 14 Mařa isřa i-t lɛamil, ad t nesseqneɛ uca ad negg war tᵉttiřim deg imunas.” 15 Ṭṭfen tmenyat n nnuqart uca ggin am mammec d asen ɛeřmen. Ammu i dd-itteffeɣ řexbar-a jar Wudayen ař ass n yiḍa.
Řumur ameqqran i ubarreḥ n Řexbar Aṣebḥan
16 Ḥiṭac n imeḥḍaren nni ruḥen ɣar Ljalil, ɣar wedrar mani ten yumur Yasuɛ. ◘28:16 [Mk. 16:14-18; Lk. 24:36-49; Yḥ. 20:19-23; Uf. 1:6-8] — Mt. 26:32; 17 Ařami t ẓrin, sejden as, maca ca cekken. 18 Iqarreb-dd ɣarsen Yasuɛ, issiweř akidsen, inna: “Temmewc ayi marra ṣṣulṭa deg ujenna u x temmurt. Am mammec i d ayi dd-issekk Baba, ammu kenniw i ɣa ssekkeɣ Necc. ◘28:18 Izhd. 8:7; Mt. 11:27; Lk. 10:22; Yḥ. 3:35; 17:2; 1 Kur. 15:27; Afa. 1:22; Ɛbr. 2:8. 19 Ruḥem, arrem marra řegnus d imeḥḍaren inu u ssɣeḍṣem ten s Yisem n Baba d Mmis d Arruḥ Iqeddsen, ◘28:19 Mk. 16:15; Yḥ. 15:16. 20 u sřemdem asen ad ṭṭfen di marra min xef kenniw umureɣ zzayes, u xzar, Necc aqa ayi akidwem marra ussan ař qeṭṭu n ddunect.”
Aneggar n L’Injil Iqeddsen am mammec t ibarreḥ Matta. ◘28:20 Yḥ. 14:18.
◘28:1 28:1 [Mk. 16:1-8; Lk. 24:1-12; Yḥ. 20:1-10]
◘28:3 28:3 Dan. 7:9; Řex. 1:10.
◘28:5 28:5 Mk. 16:6; Lk. 24:4.
◘28:6 28:6 Mt. 16:21; 17:23; 20:19; Mk. 8:31; 9:31; 10:34; Lk. 9:22; 18:33; 24:6.
◘28:7 28:7 Mt. 26:32; Mk. 16:7.
◘28:8 28:8 Mk. 16:8; Yḥ. 20:18.
◘28:9 28:9 Mk. 16:9; Yḥ. 20:14.
◘28:10 28:10 Řex. 1:3; 13:31; 1 Kur. 15:5.
◘28:16 28:16 [Mk. 16:14-18; Lk. 24:36-49; Yḥ. 20:19-23; Uf. 1:6-8] — Mt. 26:32;
◘28:18 28:18 Izhd. 8:7; Mt. 11:27; Lk. 10:22; Yḥ. 3:35; 17:2; 1 Kur. 15:27; Afa. 1:22; Ɛbr. 2:8.
◘28:19 28:19 Mk. 16:15; Yḥ. 15:16.