2
1 Mayemmi tthajen řegnus,
ttxarriṣen ccuɛub di řbaṭer? ◘2:1 Řex. 4:25
2 Kkaren ijeǧiden n temmurt,
ayt n bu-ṣṣulṭa mcawaren
ḍidd i SIDI u ḍidd i Lmasiḥ nnes:
3 ‘Ejj aneɣ ad nqess iceddiyyen nsen,
ad xaneɣ nessbeɛɛed tiseɣwin nsen!’
4 Wenni izeddɣen deg ujenna iḍeḥḥec,
Sidi inu ad zzaysen isstehza.
5 Xenni ad kidsen issiweř s weɣḍab nnes,
s řḥaduq n weɣḍab nnes ad ten issiggʷed.
6 “Necc aqa dehneɣ Ajeǧid inu,
x Ṣihyun, adrar inu iqeddsen!”
7 Necc ad barrḥeɣ tikkest n wawař!
SIDI inna ayi:
“Cek d Mmi, ass-a jjiɣ-dd Cek! ◘2:7 Řex. 13:33; Ɛbr. 1:5; 5:5
8 Ttar zzayi
u Necc ad ac wceɣ řegnus d řwart,
tineggura n temmurt
ad ɣarek iřint
d agřa i Cek. ◘2:8 Izhd. 22:28; 72:8
9 Ad ten třebzed s yijj n weqḍib n wuzzař,
ad ten tarẓid d tareẓẓit
am yijj n uɣarraf n třaxt.”◘2:9 Asa. 2:27; 19:15
10 Řexxu xenni, a ijeǧiden,
iřim d ifehhamen,
tebbtem ixef nwem,
a řquḍat n temmurt! ◼2:10 řquḍat - niɣ ‘imezurfa’.
11 Sexxarem i SIDI s teggʷudi,
farḥem s tarjijet.
12 Sudmem Mmis, ḥima Netta war iseɛɛar
u ad tᵉttwahellkem deg webrid,
waxxa ittwassarɣ weɣḍab nnes
mɣir drus waha.
Sseɛd nsen i yinni ɣares yarekkwařen. ◘2:12 Izhd. 34:9; Awřn. 16:20; Ica. 30:18; Irm. 17:7; Rum. 9:33; 10:11; 1 Bṭ. 2:6
◘2:7 2:7 Řex. 13:33; Ɛbr. 1:5; 5:5
◘2:8 2:8 Izhd. 22:28; 72:8
◼2:10 2:10 řquḍat - niɣ ‘imezurfa’.
◘2:12 2:12 Izhd. 34:9; Awřn. 16:20; Ica. 30:18; Irm. 17:7; Rum. 9:33; 10:11; 1 Bṭ. 2:6