3
2 A SIDI, inni d ayi iḥeṣṣaren
aqa kettaren,
aṭṭas aqa aten ḍidd inu.
3 Aṭṭas aqa qqaren x řeɛmar inu:
“I netta war din iǧi usenjem ɣar AREBBI!”
Silah.
4 Aḥeqqa Cek, a SIDI,
d taseddart n useřqi i necc,
aɛuǧi inu,
Cek d wenni issgeɛɛden azeǧif inu.
5 S tmijja inu řaɣiɣ i SIDI,
uca Netta yarra-dd xafi
zeg wedrar nnes iqeddsen. Silah.
6 Senndeɣ uca ikka xafi yiḍeṣ,
faqeɣ-dd, minzi SIDI ittɛawen ayi. ◘3:6 Izhd. 4:9
7 War tteggʷideɣ zi ɛecra n řuřuf n řgens,
inni d ayi dd-innḍen,
ssbeddan ixef nsen x iɣezdisen inu. ◘3:7 Izhd. 27:3
8 Kkar, a SIDI, senjem ayi, a AREBBI inu,
minzi Cek tewtid marra řɛedyan inu
ɣar uɣesmir,
aqa teddzed tiɣmas n iɛeffanen.
9 Asenjem aqa-t n SIDI,
lbaraka nnec aqa-tt x řgens nnec. Silah. ◘3:9 Awřn. 21:31; Ica. 43:11; Irm. 3:23; Ḥuc. 13:4; Asa. 7:10; 19:1
◘3:1 3:1 2 Ṣm. 15-18.
◘3:7 3:7 Izhd. 27:3
◘3:9 3:9 Awřn. 21:31; Ica. 43:11; Irm. 3:23; Ḥuc. 13:4; Asa. 7:10; 19:1