14
Ayub issiweř ak-d Ṣufar x řmewt
1 Bnadem i dd-ittwaxeřqen
zi temɣart,
aqa ussan n tudart nnes udrusen
u netta iccur s řeḥweř. ◘14:1 Izhd. 90:5, 6, 9; 102:12; 103:15; 144:4; Yaɛ. 4:14
2 Netta iɣemmi am tnewwact,
xenni ittwaqḍeɛ.
Ittrakkwař am tiři, war ittɣimi. ◘14:2 Ayub 8:9; Izhd. 90:6, 10; 102:12; 103:15; 144:4; Ica. 40:6; 1 Bṭ. 1:24
3 Waxxa amenni tarezmed
tiwa nnes tiṭṭawin nnec,
tᵉttawyed ayi-dd di ddeɛwet akidek. ◘14:3 Ayub 7:17, 18; 10:20
4 Man wen izemmaren ad issuffeɣ
ijj n umezdag zeg umexmuj?
5 Mara ussan nnes urin,
řqedd n iyuren nnes aqa ittwassen ɣarek
uca teggid as řeḥdud nnes
nni war d as iɛeddeř ad ten iɛdu, ◘14:5 Ayub 7:1
6 neqřeb xenni xas maḥend ad yareyyeḥ,
ařami izemmar ad yarr meẓri
am yijj n ucewwař deg wass nnes. ◘14:6 Ayub 7:1, 2, 16, 19; 10:20
7 Maɣar i tcejjart aqa din ɛad řayas!
Mařa tᵉttwaqess,
ad tessuffeɣ ɛawed řefruɛ,
řefruɛ nnes war ttbeddin zeg uɣemmi.
8 Waxxa iwsar weẓwar nnes di temmurt,
immut jjdeɛ nnes deg ucař,
9 ad teɣmi tcejjart ɛawed
xmi ɣa taca ak-d waman,
ad tessuffeɣ ɛawed řefruɛ
am ict n tcejjart ẓẓun tt beḥřa.
10 Maca mařa immut ijj n weryaz, ifenna,
mařa iffeɣ as buḥbeř i bnadem,
mani iǧa xenni?
11 Aman tteffɣen-dd zi řebḥar,
iɣzar ittaẓeɣ u ixekkwa.
12 Izzeř bnadem din, war ittekkar ɛad.
Ař war ttiřin ɛad ijenwan, war d ttfiqin,
war ttwassekkaren zeg iḍeṣ nsen.
13 Ax, mři d ayi ɣa tarred ɣar řaxart,
ad ayi tessnuffared
ař ɣa iḥeyyed weɣḍab nnec,
mři d ayi turid ijj n řmijař imten,
ḥima ad ayi tidared ɛawed!
14 Mařa ijj n weryaz immut,
ma ad dd-idweř ɣar tudart?
Xenni ad qqimeɣ ttrajiɣ
marra ussan n umenɣi inu,
ař dd-yusa ufekki inu.
15 Mařa xenni Cek třaɣid,
necc ad Cek dd-arreɣ
uca Cek ad temmeẓřed
ɣar řxedmet n ifassen nnec.
16 Maca řexxu tḥessbed iṣuraf inu,
war tmennɛed lɣaḍab nnec x ddnub inu. ◘14:16 Ayub 31:4; 34:21; Izhd. 56:9; 139:2, 3, 4; Awřn. 5:21; Irm. 32:19
17 Axeṭṭu inu ittwacemmeɛ di tcemmust,
ɣar řmuɛṣiyyet inu tarnid dayes ktar.
18 Wah, adrar iweṭṭan, ifessi,
jarf iḥruǧed zeg wemcan nnes,
19 aman tteddzen iẓra,
iɣezran nnes ttekksen acař n temmurt,
ammu i tareddǧed řayas n bnadem.
20 Cek tarennid dayes i řebda, xenni yuyur.
Tᵉttbeddařed udem nnes
uca tessekked i-t.
21 Mařa iḥenjiren nnes ṭṭfen ccan,
netta war t issin,
mařa ten deǧen,
war kidsen ittici.
22 Maca arrimet nnes tᵉttnezbar
di ṭṭweɛ n yixef nnes waha,
u řeɛmar nnes ittecḍin
di ṭṭweɛ nnes.
◘14:1 14:1 Izhd. 90:5, 6, 9; 102:12; 103:15; 144:4; Yaɛ. 4:14
◘14:2 14:2 Ayub 8:9; Izhd. 90:6, 10; 102:12; 103:15; 144:4; Ica. 40:6; 1 Bṭ. 1:24
◘14:3 14:3 Ayub 7:17, 18; 10:20
◘14:4 14:4 Amz. 5:3; Izhd. 51:7; Yḥ. 3:6; Rum. 5:12; Afa. 2:3
◘14:6 14:6 Ayub 7:1, 2, 16, 19; 10:20
◘14:16 14:16 Ayub 31:4; 34:21; Izhd. 56:9; 139:2, 3, 4; Awřn. 5:21; Irm. 32:19