51
1 I umeqqran n imeɣnajen. Azehhed n Dawud.
2 Ařami i ɣares dd-yusa unabi Natan, awarni řami yudef Dawud x Bat-Cabaɛ. ◼51:2 Dawud - s Tiɛbranit ‘netta’. ◘51:2 2 Ṣm. 11:4; 12:1
3 Ḥinn xafi, a AREBBI,
ɛlaḥsab tamexsiwt nnec icewwaren.
Mseḥ ixeṭṭan inu
ɛlaḥsab afeyyeḍ n arreḥmet nnec.
4 Ssird řmuɛṣiyyet inu zzayi marra,
sizdeg ayi zi ddenb inu,
5 maɣar necc ssneɣ ixeṭṭan inu,
ddenb inu řebda ibedd ayi-dd
6 Akidek, akidek waha i xḍiɣ,
ggiɣ min iǧan d aɛeffan
jar tiṭṭawin nnec,
ařami Cek tseggded
deg wawařen nnec,
teṣfid di řeḥkamat nnec. ◘51:6 Rum. 3:4
7 Xzar, ttwaxeřqeɣ-dd di ddnub,
di ddnub teksi ayi yemma.
8 Xzar, Cek tᵉttexsed tidett di daxeř,
di tnuffra tesscaned ayi tiɣit.
9 Ksi xafi ddnub s tɛelǧet,
xenni ad dewřeɣ qqureɣ,
sird ayi, xenni ad dewřeɣ
d acemřař x wedfeř. ◘51:9 Lawi 14:4, 6; Řxř. 19:6, 18; Ica. 1:18
10 Arr ayi ad sřeɣ arcuq d řefraḥet,
ḥima iɣsan nni třebzed Cek,
ad ceḍhen s řefraḥet.
11 Snuffar udem nnec
zzat i ddnub inu,
mseḥ i marra řmuɛṣiyyet inu.
12 Xřeq-dd dayi uř izdig, a AREBBI,
jedded di daxeř inu
ijj n arruḥ imetnen.
13 War d ayi neṭṭar zeg wudem nnec,
war zzayi ttekkes
Arruḥ Iqeddsen nnec.
14 Ewc ayi ɛawed
řefraḥet n usenjem nnec,
uřa d ijj n buḥbeř amseɛɛaf
i kidi ɣa ibedden.
15 Xenni ad ssɣareɣ ibriden nnec
i yinni xak iɛeddan,
ḥima ad ɣarek dd-ɛeqben imednab.
16 Fekk ayi zeg umarwas n idammen,
a AREBBI, AREBBI n usenjem inu,
xenni ad isřewřiw iřes inu
x tsegda nnec.
17 Arzem ayi iyencicen inu, a Sidi inu,
xenni ad ibarreḥ uqemmum inu
s ccan nnec,
18 maɣar war d ak tecqi tɣarṣt,
iři wciɣ ac tt,
taɣarṣt n wecmaḍ
war d ac dd-tᵉttis x řxaḍar.
19 Tiɣarṣa n AREBBI
aqa atent d ijj n buḥbeř yareẓ,
ijj n wuř iddez
war t tesseḥqarid, a AREBBI!
20 Egg řxar i Ṣihyun ɛlaḥsab arḍa nnec,
bna řeḥyuḍ n Urcalim!
21 Xenni ad tarḍid di tɣarṣa n řmuɛṣiyyet,
di tɣarṣt n wecmaḍ ikemmřen.
Xenni ad qeddmen ifunasen imeẓyanen
x uɛalṭar nnec,
◼51:2 51:2 Dawud - s Tiɛbranit ‘netta’.
◘51:2 51:2 2 Ṣm. 11:4; 12:1
◼51:5 51:5 ibedd ayi-dd ɣar tiṭṭawin - s Tɛibranit ‘ibedd qibač i nnec’.
◘51:9 51:9 Lawi 14:4, 6; Řxř. 19:6, 18; Ica. 1:18