54
1 I umeqqran n imeɣnajen. Ak-d uzenzun x ifiřan. Axemmi n Dawud.
2 Řami dd-usin Izifiyyen, nnan as i Cawul: “Ma war issnuffar Dawud ixef nnes ɣarneɣ?”◘54:2 1 Ṣm. 23:19-28; 26:1
3 Senjem ayi, a AREBBI, s Yisem nnec,
aɣ ayi tasɣart s tzemmar nnec ijehden.
4 A AREBBI, seř i tẓaǧit inu,
sḥess i wawařen n uqemmum inu.
5 Maɣar ibarraniyyen kkaren akidi,
ayt n bu-řexcunet arezzun ad ayi nɣen.
War tteggen ca AREBBI
zzat i tiṭṭawin nsen. Silah. ◼54:5 arezzun ad ayi nɣen - s Tɛibranit ‘arezzun ad nɣen řeɛmar inu’.
6 Xzar, AREBBI d amɛawen inu.
Sidi inu aqa-t jar yinni d ayi isennden.
7 Netta ad ixeǧeṣ řɣar
i yinni d ayi iḥeṣṣaren.
Qḍa xasen di řaman nnec.
8 S řxaḍar ad ac dd-awyeɣ tiɣarṣa,
ad qadiɣ Isem nnec, a SIDI,
maɣar Netta d aṣebḥan,
9 maɣar Netta ifekk ayi
zi marra řeḥṣaret,
uca yarra ayi-dd ad xezzareɣ
x řɛedyan inu swadday.
◘54:2 54:2 1 Ṣm. 23:19-28; 26:1
◼54:5 54:5 arezzun ad ayi nɣen - s Tɛibranit ‘arezzun ad nɣen řeɛmar inu’.