114
1 Ařami iffeɣ Israil zi Miṣra,
taddart n Yaɛqub
zeg ijj n řgens
s yiřes n midden, ◼114:1 iřes - niɣ ‘tutlayt’. ◘114:1 Uf. 13:3
2 idweř Yahuda d Zzawect nnes Iqeddsen,
Israil d tammurt n řeḥkamet nnes.
3 Řebḥar iẓra i-t uca yarweř,
L’Urdun inneqřeb ɣar ḍeffar.
4 Idurar negzen am yicarriyyen,
tiwririn am yizmaren.
5 Min cek yuɣin, a řebḥar,
ařami trekkwařed,
a cek L’Urdun,
ařami tenqeřbed ɣar ḍeffar? ◼114:5 řebḥar - niɣ ‘il’.
6 A idurar, min kenniw yuɣin
ařami tneggzem am yicarriyyen,
tiwririn am yizmaren?
7 A tammurt arjiji zzat i wudem n Sidi,
zzat i wudem n Arebbi n Yaɛqub,
8 wenni yarrin taṣḍart
d řḥemřet n waman,
sseǧaḥ d řɛunṣarat n waman. ◘114:8 Uf. 17:6; Řxř. 20:11
◼114:1 114:1 iřes - niɣ ‘tutlayt’.
◼114:5 114:5 řebḥar - niɣ ‘il’.
◘114:8 114:8 Uf. 17:6; Řxř. 20:11