1 Hallilu-Yah, sɛuǧem,

kenniw imsexxaren n SIDI,

sɛuǧem Isem n SIDI!

2 Ad ittwabarek Isem n SIDI,

zi řexxu ař řebda. ◘113:2 Dan. 2:20

3 Zi manis dd-tneqqar tfuct

ař manis tɣeǧi tfuct,

ad ittwassɛuǧa Isem n SIDI.◘113:3 Mal. 1:11

4 SIDI yuɛřa x marra řegnus,

tiwa i ijenwan d aɛuǧi nnes.

5 Man wen iǧan

am SIDI, AREBBI nneɣ,

wenni izeddɣen di řuɛřa qaɛ,

6 wenni yuḍaren

maḥend ad iẓar deg ijenwan

u x temmurt!

7 Wenni dd-issnekkaran

amuqřiř zi tɛejjajt,

issgeɛɛed amezřuḍ zeg wefraḍ ◘113:7 1 Ṣm. 2:8; Izhd. 107:41

8 maḥend ad t issɣim ak-d tarwa n taṣiřet,

ak-d tarwa n taṣiřet n řgens nnes.

9 Wenni issezdaɣen

tenni war ittirwen di taddart,

am ict n yemmatsen n iḥenjiren tfarḥ.

Hallilu-Yah.