146
1 Hallilu-Yah.
A řeɛmar inu, ṣebbeḥ i SIDI.
2 Necc ad ṣebbḥeɣ i SIDI
min ɣa kkeɣ ddareɣ,
ad zehhdeɣ i AREBBI inu
min da ɣa kkeɣ ɛad. ◼146:2 min ... ɣa kkeɣ ddareɣ - s Tɛibranit ‘di tudart inu’.
3 War tceř x tarwa n taṣiřet,
x mmis n bnadem,
wenni umi war ɣar iǧi bu usenjem. ◘146:3 Izhd. 118:8, 9
4 Iffeɣ buḥbeř nnes,
idweř ɣar temmurt.
Deg wass nni simant nnes
ad qḍan inwayen nnes.
5 Sseɛd n wenni ɣar iǧa
Arebbi n Yaɛqub d amɛawen,
wenni ittrajan SIDI, AREBBI nnes,
6 wenni iggin ijenwan d temmurt,
řebḥar d marra min dayes,
wenni dayes řaman i řebda, ◼146:6 wenni dayes řaman - s Tɛibranit ‘wenni iḥeṭṭan řaman’.
7 wenni ittaɣen tasɣart
i yinni ittwaḥeṣṣaren,
wenni itticen aɣrum i yinni iǧuẓen.
SIDI yarexxu i imeḥbas.
8 SIDI yarezzem i idarɣařen tiṭṭawin,
issbedda inni igguren itteqwisen,
SIDI ittexs imseggaden. ◘146:8 Izhd. 145:14; 147:3; Mt. 9:30; Lk. 13:13; Yḥ. 9:7,32
9 SIDI iḥeṭṭa ibarraniyyen,
ittic afus i uyujiř d tijjař,
maca abrid n iɛeffanen ad t issfarɣ.
10 SIDI ad iḥkem i řebda,
AREBBI nnec, a Ṣihyun,
iḥekkem zi jjiř ař jjiř.
Hallilu-Yah. ◘146:10 Uf. 15:18; Izhd. 145:13
◼146:2 146:2 min ... ɣa kkeɣ ddareɣ - s Tɛibranit ‘di tudart inu’.
◘146:3 146:3 Izhd. 118:8, 9
◼146:6 146:6 wenni dayes řaman - s Tɛibranit ‘wenni iḥeṭṭan řaman’.
◘146:8 146:8 Izhd. 145:14; 147:3; Mt. 9:30; Lk. 13:13; Yḥ. 9:7,32
◘146:10 146:10 Uf. 15:18; Izhd. 145:13