1 ⴱⵓⵍⵓⵙ ⴷ ⵙⵉⵍⵡⴰⵏⵓⵙ ⴷ ⵜⵉⵎⵓⵜⵉⵢⵓ, ⵉ ⵜⵎⴻⵙⵎⵓⵏⵜ ⵏ ⵉⵜⵉⵙⵙⴰⵍⵓⵏⵉⴽⵉⵢⵢⴻⵏ, ⵜⴻⵏⵏⵉ ⵉⴵⴰⵏ ⴷⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⴷⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ. 2 ⴰⵔⴹⴰ ⴷ ⵍⴻⵀⵏⴰ ⵣⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⵣⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⴰⴷ ⴽⵉⵡⴻⵎ ⵉⵍⵉⵏ. ◘1:2 1 ⴽⵓⵔ. 1:3; 1 ⵜⵙ. 1:1; 1 ⴱⵟ. 1:2.

3 ⵉⵛⵓⵡⵡⴰⵔ ⴰⴷ ⵏⵇⴰⴷⴰ ⴰⵔⴻⴱⴱⵉ ⵉ ⴽⴻⵏⵏⵉⵡ ⵍⴻⴱⴷⴰ, ⴰ ⴰⵢⵜⵎⴰ, ⴰⵎ ⵎⴰⵎⵎⴻⵛ ⵉⵜⵜⵍⵉⵇ, ⵎⵉⵏⵣⵉ ⵍ’ⵉⵎⴰⵏ ⵏⵡⴻⵎ ⵉⵎⴻⵇⵇⴰⵔ ⴰⵟⵟⴰⵙ, ⴰⵎ ⵎⴰⵎⵎⴻⵛ ⵓⵍⴰ ⴷ ⵜⴰⵢⵔⵉ ⵏ ⴽⵓⵍ ⵉⵊⵊⴻⵏ ⵣⵣⴰⵢⵡⴻⵎ ⵎⴰⵔⵔⴰ ⵉ ⵡⴻⵏⵏⵉ ⴷ ⴰⵙ ⵢⵓⴷⵙⴻⵏ ⵜⴰⵔⴻⵏⵏⵉ ⵜⵎⴻⵇⵇⴰⵔ ⴽⵜⴰⵔ, ◘1:3 ⴰⴼⴰ. 1:15; ⴼⵉⵍ. 1:3; ⴽⵓⵍ. 1:3; 1 ⵜⵙ. 1:2. 4 ⴰⵍ ⵏⴻⵜⵜⴼⴻⵢⵢⴻⵛ ⵅⴰⵡⴻⵎ ⴷⵉ ⵜⵎⴻⵙⵎⵓⵏⵉⵏ ⵏ ⴰⵔⴻⴱⴱⵉ ⵅ ⵙⵙⵉⴱⴱⴻⵜ ⵏ ⵍ’ⵉⵎⴰⵏ ⵏⵡⴻⵎ ⴷ ⵚⵚⴱⴰⵔ ⵏⵡⴻⵎ ⴷⵉ ⵎⴰⵔⵔⴰ ⴰⴷⴰⵔⵔⴻⵛ ⵏⵡⴻⵎ ⴷ ⵍⴻⵎⵃⴰⵢⴻⵎ ⵏⵡⴻⵎ ⵏⵏⵉ ⵜⴻⴽⵙⵉⵎ. ◘1:4 1 ⵜⵙ. 2:19. 5 ⵎⴰⵏ ⴰⵢⴰ ⴷ ⵍⴱⵓⵔⵀⴰⵏ ⵏ ⵍⵃⵓⴽⵎ ⵉⵙⵙⴻⴳⴳⴷⴻⵏ ⵏ ⴰⵔⴻⴱⴱⵉ, ⴰⵇⴰ ⵜᵉⵜⵜⵡⴰⵃⴰⵙⴱⴻⵎ ⵜⴻⵙⴷⴰⵀⴻⴵⴻⵎ ⵜⴰⴳⴻⵍⴷⵉⵜ, ⵜⴻⵏⵏⵉ ⵅⴻⴼ ⵜⴻⴽⵙⵉⵎ ⴰⵎⴰⵔⵔⴻⵜ. ◼1:5 ⵍⴱⵓⵔⵀⴰⵏ-ⵏⵉⵖ: ‘ⴷⴷⴰⵍⵉⵍ’.  ◘1:5 1 ⵜⵙ. 2:14; ⵢⴰⵀ. 6. 6 ⵓ ⵎⴰⵍⴰ ⵅⴻⵏⵏⵉ ⴷ ⵍⵃⴻⵇⵇ ⵣⵣⴰⵜ ⵉ ⴰⵔⴻⴱⴱⵉ ⵓⵎⵉ ⵖⴰ ⵉⵅⴻⴵⴻⵚ ⵙ ⵍⵎⴻⵃⵏⴻⵜ ⵉ ⵢⵉⵏⵏⵉ ⴽⴻⵏⵏⵉⵡ ⵉⵃⴻⵚⵚⴰⵔⴻⵏ, ◘1:6 ⵣⴰⴽ. 2:12. 7 ⵅⴻⵏⵏⵉ ⵏⴻⵜⵜⴰ ⴰⴷ ⴽⵉⴷⵏⴻⵖ ⵉⵙⵙⴻⴷⴷⴰⵔ ⵓⵍⴰ ⴷ ⴽⴻⵏⵏⵉⵡ ⵉⵏⵏⵉ ⵉⵜⵜⵡⴰⵃⵚⴰⵔⴻⵏ, ⵡⴰⵀ ⴰⴷ ⴰⵏⴻⵖ ⵉⵙⵙⴻⴷⴷⴰⵔ ⴰⴽⵉⴷⵡⴻⵎ ⵖⴰⵔ ⵓⵙⴰⵔⴳⴻⴱ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⵣⴻⴳ ⵓⵊⴻⵏⵏⴰ ⴰⴽ-ⴷ ⵍⵄⴻⵙⴽⴰⵔⴰⵜ ⵏ ⵍⵎⴰⵍⴰⴽⴰⵜ ⵏⵏⴻⵙ, ◘1:7 1 ⵜⵙ. 4:16. 8 ⵅ ⵎⵉⵏⵏⵉ ⵉ ⵖⴰ ⵉⵏⵜⴰⵇⴻⵎ ⴷⵉ ⵜⵎⴻⵙⵙⵉ ⵉⵜⵜⴻⵃⴷⵓⴷⵓⵇⴻⵏ ⵅ ⵢⵉⵏⵏⵉ ⵡⴰⵔ ⵉⵙⵙⵉⵏⴻⵏ ⵛⴰ ⴰⵔⴻⴱⴱⵉ ⵓ ⵅ ⵢⵉⵏⵏⵉ ⵡⴰⵔ ⵅⵙⴻⵏ ⴰⴷ ⵛⴻⵀⴷⴻⵏ ⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ. ◘1:8 ⵔⵓⵎ. 2:8; 2 ⴱⵟ. 3:7. 9 ⵎⵉⵏⵣⵉ ⵉⵏⴰ ⴰⴷ ⵜⵜⵡⴰⵄⴰⵇⴱⴻⵏ ⴷⵉ ⵍⵃⵓⴽⵎ ⵙ ⵓⵀⴻⵍⵍⴻⴽ ⵉ ⵍⴻⴱⴷⴰ ⴰⵎ ⵢⴰⴳⴳⵡⴻⵊⴻⵏ ⵅ ⵡⵓⴷⴻⵎ ⵏ ⵙⵉⴷⵉⵜⵏⴻⵖ ⵓ ⵅ ⵓⵄⵓⴵⵉ ⵏ ⵊⵊⴻⵀⴷ ⵏⵏⴻⵙ, ◘1:9 ⵉⵛⴰ. 2:19. 10 ⵅⵎⵉ ⴷⴷ ⵖⴰ ⵢⴰⵙ ⵏⴻⵜⵜⴰ ⵃⵉⵎⴰ ⴰⴷ ⵉⵜⵜⵡⴰⵄⵓⴵⵉ ⴷⴻⴳ ⵡⴰⵙⵙ ⵏⵏⵉ ⴷⵉ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵏⵏⴻⵙ, ⵓ ⵃⵉⵎⴰ ⴰⴷ ⵉⵙⵙⵛⴻⵏ ⵍⴻⵄⵊⴰⵢⴻⴱ ⵏⵏⴻⵙ ⵙ ⵢⵉⵏⵏⵉ ⴷⴰⵢⴻⵙ ⵢⵓⵎⵏⴻⵏ, ⵎⵉⵏⵣⵉ ⵜⵓⵎⵏⴻⵎ ⵣⵉ ⵛⵛⵀⴰⴷⴻⵜ ⵏⵏⴻⵖ ⵉ ⴽⴻⵏⵏⵉⵡ ⴷⴻⴳ ⵡⴰⵙⵙ ⵏⵏⵉ. ◘1:10 ⵍⴻⵅ. 1:11; 1 ⵜⵙ. 1:10; ⴰⵙⴰ. 1:7.

11 ⵙ ⵓⵢⴻⵏⵏⵉ ⵏⴽⴻⵙⵙⵉ ⴰⵡⴻⵎ ⵍⵎⴻⵄⵔⵓⴼ ⵍⴻⴱⴷⴰ, ⵃⵉⵎⴰ ⴰⵔⴻⴱⴱⵉ ⵏⵏⴻⵖ ⴰⴷ ⴽⴻⵏⵏⵉⵡ ⵢⴻⴳⴳ ⴰⴷ ⵜⴻⵙⴷⴰⵀⴻⴵⴻⵎ ⵜⴰⵍⴰⵖⵉⵜ ⵏⵡⴻⵎ, ⵓ ⵃⵉⵎⴰ ⴰⴷ ⴽⴻⵏⵏⵉⵡ ⵉⵛⵛⵓⵔ ⵙ ⵊⵊⴻⵀⴷ ⵎⴰⵃⴻⵏⴷ ⴰⴷ ⵜⵉⵍⵉⵎ ⵜⵡⴻⵊⴷⴻⵎ ⵇⴰⵄ ⵉ ⵜⵎⴻⴳⴳⴰ ⵏ ⵜⵛⵓⵏⵉ ⵓ ⵉ ⵍⴻⵅⴷⴰⵢⴻⵎ ⵏ ⵍ’ⵉⵎⴰⵏ, 12 ⵃⵉⵎⴰ ⴰⴷ ⴷⴰⵢⵡⴻⵎ ⵉⵜⵜⵡⴰⵄⵓⴵⵉ ⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴰⵙⵓⵄ, ⵓⵛⴰ ⵓⵍⴰ ⴷ ⴽⴻⵏⵏⵉⵡ ⴷⴰⵢⴻⵙ, ⵄⵍⴰⵃⵙⴰⴱ ⴰⵔⴹⴰ ⵏ ⴰⵔⴻⴱⴱⵉ ⵏⵏⴻⵖ ⴷ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ.