6
ⵙⵉⴷⵉ ⵉⵙⵙⵉⵡⴻⵍ ⴰⴽ-ⴷ ⵎⵓⵙⴰ
1 ⵍⴻⵅⴷⴻⵏⵏⵉ ⵉⵏⵏⴰ ⵙⵉⴷⵉ ⵉ ⵎⵓⵙⴰ: “ⵍⴻⵅⵅⵓ ⴰⴷ ⵜⵥⴰⵔⴻⴷ ⵎⵉⵏ ⵖⴰ ⴳⴳⴻⵖ ⵉ ⴼⵉⵔⵄⵓⵏ, ⵎⵉⵏⵣⵉ ⵙ ⵓⴼⵓⵙ ⵉⵊⴻⵀⴷⴻⵏ ⴰⴷ ⵜⴻⵏ ⵢⴻⵊⵊ ⴰⴷ ⵔⴰⵃⴻⵏ, ⵡⴰⵀ, ⵙ ⵓⴼⵓⵙ ⵉⵊⴻⵀⴷⴻⵏ ⴰⴷ ⵅⴰⵙⴻⵏ ⵢⴰⵥⵥⴻⵍ ⵣⵉ ⵜⴻⵎⵎⵓⵔⵜ ⵏⵏⴻⵙ.” 2 ⵉⵙⵙⵉⵡⴻⵍ ⴰⵔⴻⴱⴱⵉ ⵖⴰⵔ ⵎⵓⵙⴰ, ⵉⵏⵏⴰ ⴰⵙ: “ⵏⴻⵛⵛ ⴷ ⵙⵉⴷⵉ, 3 ⵏⴻⵛⵛ ⴱⴰⵏⴻⵖ-ⴷⴷ ⵉ ⵉⴱⵔⴰⵀⵉⵎ, ⴷ ⵉⵙⵃⴰⵇ ⴷ ⵢⴰⵄⵇⵓⴱ ⴰⵎ ⴰⵔⴻⴱⴱⵉ, ⴰⵎⵣⴻⵎⵎⴰⵔ ⵅ ⴽⵓⵍⵛⵉ, ⵎⴰⵛⴰ ⵙ ⵢⵉⵙⴻⵎ ⵉⵏⵓ ‘ⵙⵉⴷⵉ’, ⵜⵓⵖⴰ ⵡⴰⵔ ⵖⴰⵔⵙⴻⵏ ⵜⵜⵡⴰⵙⵙⵏⴻⵖ ⵛⴰ. 4 ⵄⴰⵡⴻⴷ ⵙⵙⴳⴻⵄⵄⴷⴻⵖ ⵍⵄⴰⵀⴷ ⵉⵏⵓ ⴰⴽⵉⴷⵙⴻⵏ ⴰⵇⴰ ⴰⴷ ⴰⵙⴻⵏ ⵡⵛⴻⵖ ⵜⴰⵎⵎⵓⵔⵜ ⵏ ⴽⴻⵏⵄⴰⵏ, ⵜⴰⵎⵎⵓⵔⵜ ⵏ ⵓⵏⴻⵡⵊⵉ ⵏⵙⴻⵏ ⵎⴰⵏⵉ ⵜⴻⵏ ⵜⵓⵖⴰ ⴰⵎ ⵢⵉⴱⴰⵔⵔⴰⵏⵉⵢⵢⴻⵏ. 5 ⵄⴰⵡⴻⴷ ⵏⴻⵛⵛ ⵙⵍⵉⵖ ⴰⵏⵉⵅⵙⴻⵙ ⵏ ⴰⵢⵜ ⵏ ⵉⵙⵔⴰⵉⵍ, ⵉⵏⵏⵉ ⵉⵜⵜⵡⴰⴳⴳⴻⵏ ⴷ ⵉⵙⴻⵎⵖⴰⵏ ⵣⴻⴳ ⵉⵎⵉⵚⵔⵉⵢⵢⴻⵏ, ⴰⵇⴰ ⵅⴰⵔⵔⵚⴻⵖ ⴷⵉ ⵍⵄⴰⵀⴷ ⵉⵏⵓ. 6 ⵙ ⵓⵢⴰ ⴰⴷ ⵜⵉⵏⵉⴷ ⵉ ⴰⵢⵜ ⵏ ⵉⵙⵔⴰⵉⵍ: ⵏⴻⵛⵛ ⴰⵇⴰ ⴰⵢⵉ ⴷ ⵙⵉⴷⵉ ⵓ ⵏⴻⵛⵛ ⴰⴷ ⴽⴻⵏⵏⵉⵡ ⵙⵙⵓⴼⴼⵖⴻⵖ ⵣⵉ ⵙⴰⴷⵓ ⵣⴰⵢⵍⵓ ⵏ ⵉⵎⵉⵚⵔⵉⵢⵢⴻⵏ. ⵏⴻⵛⵛ ⴰⴷ ⴽⴻⵏⵏⵉⵡ ⴼⴻⴽⴽⴻⵖ ⵣⵉ ⵜⴻⵙⵎⵓⵖⵉ ⵏⵙⴻⵏ, ⴰⴷ ⴽⴻⵏⵏⵉⵡ ⴼⴷⵉⵖ ⵙ ⵓⵖⵉⵍ ⵉⵙⵙⵡⵉⵥⵥⴹⴻⵏ ⴷ ⵍⴻⵃⴽⴰⵎⴰⵜ ⵉⵎⵖⴰⵔⴻⵏ. 7 ⴰⴷ ⴽⴻⵏⵏⵉⵡ ⵇⴻⴱⵍⴻⵖ ⴷ ⵍⴳⴻⵏⵙ ⵉⵏⵓ ⵓⵛⴰ ⴰⴷ ⴰⵡⴻⵎ ⵉⵍⵉⵖ ⴷ ⴰⵔⴻⴱⴱⵉ ⵓ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⴱⴻⵍⵍⵉ ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⴷ ⵡⴻⵏⵏⵉ ⵜⵓⵖⴰ ⴽⴻⵏⵏⵉⵡ ⵉⵙⵙⵓⴼⴼⵓⵖⴻⵏ ⵣⵉ ⵙⴰⴷⵓ ⵣⴰⵢⵍⵓ ⵏ ⵉⵎⵉⵚⵔⵉⵢⵢⴻⵏ. 8 ⴰⴷ ⴽⴻⵏⵏⵉⵡ ⵙⵙⵉⴷⴼⴻⵖ ⵖⴰⵔ ⵜⴻⵎⵎⵓⵔⵜ ⵎⵉⵅⴻⴼ ⵙⵙⴳⴻⵄⵄⴷⴻⵖ ⴰⴼⵓⵙ ⵉⵏⵓ ⵎⴰⵃⴻⵏⴷ ⴰⴷ ⵜⵜ ⵡⵛⴻⵖ ⵉ ⵉⴱⵔⴰⵀⵉⵎ ⴷ ⵉⵙⵃⴰⵇ ⴷ ⵢⴰⵄⵇⵓⴱ ⵓ ⵏⴻⵛⵛ ⴰⴷ ⴰⵡⴻⵎ ⵜⵜ ⵡⵛⴻⵖ ⴷ ⵍⵡⴰⵔⵜ, ⵏⴻⵛⵛ ⴷ ⵙⵉⴷⵉ!” ◼6:8 ⵙⵙⴳⴻⵄⵄⴷⴻⵖ ⴰⴼⵓⵙ ⵉⵏⵓ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ ⴱⴻⵍⵍⵉ ⴰⵔⴻⴱⴱⵉ ⵜⵓⵖⴰ ⵉⵊⵊⵓⴵ ⴰⴷ ⴰⵙⴻⵏ ⵉⵡⵛ ⵜⴰⵎⵎⵓⵔⵜ. ⵅⵥⴰⵔ ⵄⴰⵡⴻⴷ ⵄⴱⵔ. 6:13-18. 9 ⴰⵎⵎⵓ ⵉ ⵉⵙⵙⵉⵡⴻⵍ ⵎⵓⵙⴰ ⴰⴽ-ⴷ ⴰⵢⵜ ⵏ ⵉⵙⵔⴰⵉⵍ, ⵎⴰⵛⴰ ⵏⵉⵜⵏⵉ ⵡⴰⵔ ⵙⵍⵉⵏ ⵛⴰ ⵖⴰⵔ ⵎⵓⵙⴰ ⵣⵉ ⵙⵙⵉⴱⴱⴻⵜ ⵏ ⵍⴻⵃⵚⴰⵔⴻⵜ ⵏ ⵜⵏⴻⴼⵙⴻⵛⵜ ⴷ ⵜⴰⵙⵎⵓⵖⵉ ⵉⵇⴻⵙⵃⴻⵏ.
10 ⵓⵛⴰ ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ: 11 “ⴰⴷⴻⴼ ⵖⴰⵔ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ, ⵜⵉⵏⵉⴷ ⴰⵙ ⴰⴷ ⵉⴹⵍⴻⵇ ⵉ ⴰⵢⵜ ⵏ ⵉⵙⵔⴰⵉⵍ ⵎⴰⵃⴻⵏⴷ ⴰⴷ ⴼⴼⵖⴻⵏ ⵣⵉ ⵜⴻⵎⵎⵓⵔⵜ ⵏⵏⴻⵙ.” 12 ⵎⴰⵛⴰ ⵎⵓⵙⴰ ⵉⵙⵙⵉⵡⴻⵍ ⵣⵣⴰⵜ ⵉ ⵙⵉⴷⵉ, ⵉⵏⵏⴰ: “ⵅⵣⴰⵔ, ⴰⵢⵜ ⵏ ⵉⵙⵔⴰⵉⵍ ⵡⴰⵔ ⵖⴰⵔⵉ ⴷⴷ-ⵙⵍⵉⵏ, ⵎⴰⵎⵎⴻⵛ ⵉ ⴷ ⴰⵢⵉ ⵖⴰ ⵉⵙⴻⵍ ⴼⵉⵔⵄⵓⵏ ⵓ ⵏⴻⵛⵛ ⴰⵇⴰ ⵖⴰⵔⵉ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ.” ◼6:12 ⵏⴻⵛⵛ ... ⵖⴰⵔⵉ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ: ⵏⴻⵛⵛ ⵡⴰⵔ ⵥⴻⵎⵎⴰⵔⴻⵖ ⵅ ⵡⴰⵡⴰⵍ ⴷⴻⴳ ⵡⴻⵎⵛⴰⵏ ⵏ ⴰⵔⴻⴱⴱⵉ ⵥⵥⴰⵜ ⵉ ⴼⵉⵔⵄⵓⵏ. 13 ⵍⴻⵅⴷⴻⵏⵏⵉ ⵉⵙⵙⵉⵡⴻⵍ ⵙⵉⴷⵉ ⵖⴰⵔ ⵎⵓⵙⴰ ⴷ ⵀⴰⵔⵓⵏ ⵓⵛⴰ ⵢⵓⵎⵓⵔ ⵉ-ⵜⴻⵏ ⴰⴷ ⵓⵢⵓⵔⴻⵏ ⵖⴰⵔ ⴰⵢⵜ ⵏ ⵉⵙⵔⴰⵉⵍ ⴷ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ, ⵃⵉⵎⴰ ⴰⴷ ⵉⵙⵙⵓⴼⴼⴻⵖ ⴰⵢⵜ ⵏ ⵉⵙⵔⴰⵉⵍ ⵣⵉ ⵜⴻⵎⵎⵓⵔⵜ ⵏ ⵎⵉⵚⵔⴰ.
ⵜⴰⵔⵡⴰ ⵏ ⵔⵓⴱⵉⵏ, ⵛⵉⵎⵄⵓⵏ ⴷ ⵍⴰⵡⵉ
14 ⵉⵏⴰ ⴷ ⵉⵣⴻⴵⵉⴼⴻⵏ ⵅ ⵍⴰⴵⴰⵜ ⵣⵉ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏⵙⴻⵏ.
ⴰⵢⵜ ⵏ ⵔⵓⴱⵉⵏ, ⴰⵎⴻⵏⵣⵓ ⵏ ⵉⵙⵔⴰⵉⵍ, ⵏⵉⵜⵏⵉ ⴷ ⵀⴰⵏⵓⴽ ⴷ ⴼⴰⵍⵍⵓ, ⵃⴰⵚⵔⵓⵏ ⴷ ⴽⴰⵔⵎⵉ. ⴷ ⵢⵉⵏⴰ ⴷ ⵍⴰⴵⴰⵜ ⵏ ⵔⵓⴱⵉⵏ. ◘6:14 ⴰⵎⵥ. 46:9; ⵍⵅⵍ. 26:5; 1 ⵉⵎ. 5:3
15 ⴰⵢⵜ ⵏ ⵛⵉⵎⵄⵓⵏ ⵜⵓⵖⴰ ⴰⵜⴻⵏ ⴷ ⵢⴰⵎⵓⵢⵉⵍ ⴷ ⵢⴰⵎⵉⵏ ⴷ ⵓⵀⴰⴷ ⴷ ⵢⴰⴽⵉⵏ ⴷ ⵚⵓⵃⴰⵔ ⴷ ⵛⴰⵡⵓⵍ, ⵎⵎⵉ ⵏ ⵉⵛⵜ ⵏ ⵜⴻⵎⵖⴰⵔⵜ ⵜⴰⴽⴻⵏⵄⴰⵏⵉⵜ. ⵉⵏⴰ ⴷ ⵍⴰⴵⴰⵜ ⵏ ⵛⵉⵎⵄⵓⵏ. ◘6:15 ⴰⵎⵥ. 46:10; ⵍⵅⵍ. 26:12; 1 ⵉⵎ. 4:24
16 ⵉⵏⴰ ⴷ ⵉⵙⵎⴰⵡⴻⵏ ⵏ ⴰⵢⵜ ⵏ ⵍⴰⵡⵉ ⵄⵍⴰⵃⵙⴰⴱ ⴰⵙⴻⵜⵜⴻⴼ ⵏ ⵡⴻⵅⵍⴰⵇ ⵏⵙⴻⵏ: ⵊⴰⵔⵛⵓⵎ ⴷ ⵇⴰⵀⴰⵜ ⴷ ⵎⴰⵔⴰⵔⵉ. ⵜⵓⵖⴰ ⵍⵎⵉⵊⴰⵍ ⵏ ⵜⵓⴷⴰⵔⵜ ⵏ ⵍⴰⵡⵉ ⵎⵢⴰ ⵓ-ⵙⴻⴱⵄⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ. ◘6:16 ⴰⵎⵥ. 46:11; ⵍⵅⵍ. 3:17; 26:57; 1 ⵉⵎ. 5:25, 1; 23:6
18 ⴰⵢⵜ ⵏ ⵇⴰⵀⴰⵜ ⵜⵓⵖⴰ ⴰⵜⴻⵏ ⴷ ⵄⴰⵎⵔⴰⵎ ⴷ ⵢⵉⵚⵀⴰⵔ ⴷ ⵃⴰⴱⵔⵓⵏ ⴷ ⵄⵓⵣⵣⵉⵢⵉⵍ. ⵜⵓⵖⴰ ⵍⵎⵉⵊⴰⵍ ⵏ ⵜⵓⴷⴰⵔⵜ ⵏ ⵇⴰⵀⴰⵜ ⵎⵢⴰ ⵓ-ⵜⵍⴰⵜⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ. ◘6:18 1 ⵉⵎ. 6:3; 23:12
19 ⴰⵢⵜ ⵏ ⵎⴰⵔⴰⵔⵉ ⵜⵓⵖⴰ ⴰⵜⴻⵏ ⴷ ⵎⴰⵃⵍⵉ ⴷ ⵎⵓⵛⵉ. ⵉⵏⴰ ⴷ ⵍⴰⴵⴰⵜ ⵏ ⵍⴰⵡⵉ ⵄⵍⴰⵃⵙⴰⴱ ⴰⵙⴻⵜⵜⴻⴼ ⵏ ⵡⴻⵅⵍⴰⵇ ⵏⵙⴻⵏ. ◘6:19 1 ⵉⵎ. 6:4; 23:21
20 ⵓⵛⴰ ⵄⴰⵎⵔⴰⵎ ⵉⴽⵙⵉ ⵢⵓⴽⴰⴱⴰⴷ, ⵄⴻⵏⵜⵉⵙ, ⴷ ⵜⴰⵎⵖⴰⵔⵜ ⵉ ⵢⵉⵅⴻⴼ ⵏⵏⴻⵙ ⵓ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⵀⴰⵔⵓⵏ ⴷ ⵎⵓⵙⴰ. ⵜⵓⵖⴰ ⵍⵎⵉⵊⴰⵍ ⵏ ⵜⵓⴷⴰⵔⵜ ⵏ ⵄⴰⵎⵔⴰⵎ ⵎⵢⴰ ⵓ-ⵙⴻⴱⵄⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ. ◘6:20 ⵓⴼ. 2:1; ⵍⵅⵍ. 26:59
21 ⴰⵢⵜ ⵏ ⵢⵉⵚⵀⴰⵔ ⵜⵓⵖⴰ ⴰⵜⴻⵏ ⴷ ⵇⵓⵔⴰⵃ ⴷ ⵏⴰⴼⴰⵊ ⴷ ⴷⵉⴽⵔⵉ.
22 ⴰⵢⵜ ⵏ ⵄⵓⵣⵣⵉⵢⵉⵍ ⵜⵓⵖⴰ ⴰⵜⴻⵏ ⴷ ⵎⵉⵛⴰⵢⵉⵍ ⴷ ⴰⵍⵚⴰⴼⴰⵏ ⴷ ⵙⵉⵜⵔⵉ.
23 ⵓⵛⴰ ⵉⴽⵙⵉ ⵀⴰⵔⵓⵏ ⵉⵍⵉⵛⴰⴱⴰⵄ, ⵢⴻⴵⵉⵙ ⵏ ⵄⴰⵎⵎⵉⵏⴰⴷⴰⴱ, ⵓⵍⵜⵎⴰⵙ ⵏ ⵏⴰⵃⵛⵓⵏ, ⴷ ⵜⴰⵎⵖⴰⵔⵜ ⵉ ⵢⵉⵅⴻⴼ ⵏⵏⴻⵙ ⵓ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⵏⴰⴷⴰⴱ ⴷ ⴰⴱⵉⵀⵓ ⴷ ⴰⵍⵉⵄⴰⵣⴰⵔ ⴷ ⵉⵜⴰⵎⴰⵔ. ◘6:23 ⵍⵅⵍ. 3:2; 26:60; 1 ⵉⵎ. 5:29; 24:1
24 ⴰⵢⵜ ⵏ ⵇⵓⵔⴰⵃ ⵜⵓⵖⴰ ⴰⵜⴻⵏ ⴷ ⴰⵙⵙⵉⵔ ⴷ ⴰⵍⵇⴰⵏⴰ ⴷ ⴰⴱⵉⵢⴰⵙⴰⴼ. ⵉⵏⴰ ⴷ ⵍⴰⴵⴰⵜ ⵏ ⵉⵇⵓⵔⴰⵃⵉⵢⵢⴻⵏ.
25 ⵓⵛⴰ ⴰⵍⵉⵄⴰⵣⴰⵔ, ⵎⵎⵉⵙ ⵏ ⵀⴰⵔⵓⵏ, ⵉⴽⵙⵉ ⵉⵛⵜⴻⵏ ⵣⴻⴳ ⵢⴻⵙⵙⵉⵙ ⵏ ⴼⵓⵜⵉⵢⵉⵍ ⴷ ⵜⴰⵎⵖⴰⵔⵜ ⵉ ⵢⵉⵅⴻⴼ ⵏⵏⴻⵙ ⵓⵛⴰ ⵏⴻⵜⵜⴰⵜ ⵜⵓⵔⵓⵡ ⴰⵙ-ⴷⴷ ⴼⵉⵏⴰⵃⴰⵙ. ⵉⵏⴰ ⴷ ⵉⵣⴻⴵⵉⴼⴻⵏ ⵏ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏ ⵉⵍⴰⵡⵉⵢⵢⴻⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ.
26 ⴰⵇⴰ ⵡⴰ ⴷ ⵀⴰⵔⵓⵏ ⴷ ⵎⵓⵙⴰ ⵉ ⵓⵎⵉ ⵉⵏⵏⴰ ⵙⵉⴷⵉ: “ⵙⵓⴼⴼⵖⴻⵎ ⴰⵢⵜ ⵏ ⵉⵙⵔⴰⵉⵍ ⵣⵉ ⵜⴻⵎⵎⵓⵔⵜ ⵏ ⵎⵉⵚⵔⴰ ⴰⵎ ⵜⵜⵡⴰⵙⴻⵜⵜⴼⴻⵏ ⵏⵉⵜⵏⵉ ⵄⵍⴰⵃⵙⴰⴱ ⵉⵙⴻⴷⴷⵉⵢⵢⴻⵏ ⵏ ⵍⵄⴻⵙⴽⴰⵔ ⵏⵙⴻⵏ.” 27 ⵉⵏⴰ ⴷ ⵉⵏⵏⵉ ⵉⵙⵙⵉⵡⵍⴻⵏ ⴰⴽ-ⴷ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ, ⵃⵉⵎⴰ ⴰⴷ ⵙⵙⵓⴼⴼⵖⴻⵏ ⴰⵢⵜ ⵏ ⵉⵙⵔⴰⵉⵍ ⵣⵉ ⵎⵉⵚⵔⴰ, ⵎⵓⵙⴰ ⴷ ⵀⴰⵔⵓⵏ, ⵏⵉⵜⵏⵉ ⴷ ⵉⵏⴰ. 28 ⵉⵎⵙⴰⵔ ⴷⴻⴳ ⵡⴰⵙⵙ ⵉ ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ ⴷⵉ ⵜⴻⵎⵎⵓⵔⵜ ⵏ ⵎⵉⵚⵔⴰ, 29 ⴰⵇⴰ ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵎⵓⵙⴰ, ⵉⵏⵏⴰ: “ⵏⴻⵛⵛ ⴷ ⵙⵉⴷⵉ ⵉ ⴵⵉⵖ! ⵎⴰⵔⵔⴰ ⵎⵉⵏ ⴷ ⴰⵛ ⵇⵇⴰⵔⴻⵖ, ⵉⵏⵉ ⵜ ⵉ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ.” 30 ⵅⴻⵏⵏⵉ ⵉⵏⵏⴰ ⵎⵓⵙⴰ ⵣⵣⴰⵜ ⵉ ⵙⵉⴷⵉ: “ⴰⵇⴰ ⵖⴰⵔⵉ ⵏⴻⵛⵛ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ, ⵎⴰⵎⵎⴻⵛ ⵖⴰ ⵢⴻⴳⴳ ⵅⴻⵏⵏⵉ ⴰⴷ ⵖⴰⵔⵉ ⵉⵙⴻⴵ ⴼⵉⵔⵄⵓⵏ?” ◼6:30 ⴰⵇⴰ ⵖⴰⵔⵉ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ-ⵅⵥⴰⵔ ⴰⴼⴻⵙⵙⴰⵔ ⵖⴰⵔ ⵓⴼ. 6:12. ◘6:30 ⵓⴼ. 6:12; ⵓⴼ. 4:10
◼6:8 6:8 ⵙⵙⴳⴻⵄⵄⴷⴻⵖ ⴰⴼⵓⵙ ⵉⵏⵓ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ ⴱⴻⵍⵍⵉ ⴰⵔⴻⴱⴱⵉ ⵜⵓⵖⴰ ⵉⵊⵊⵓⴵ ⴰⴷ ⴰⵙⴻⵏ ⵉⵡⵛ ⵜⴰⵎⵎⵓⵔⵜ. ⵅⵥⴰⵔ ⵄⴰⵡⴻⴷ ⵄⴱⵔ. 6:13-18.
◼6:12 6:12 ⵏⴻⵛⵛ ... ⵖⴰⵔⵉ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ: ⵏⴻⵛⵛ ⵡⴰⵔ ⵥⴻⵎⵎⴰⵔⴻⵖ ⵅ ⵡⴰⵡⴰⵍ ⴷⴻⴳ ⵡⴻⵎⵛⴰⵏ ⵏ ⴰⵔⴻⴱⴱⵉ ⵥⵥⴰⵜ ⵉ ⴼⵉⵔⵄⵓⵏ.
◘6:14 6:14 ⴰⵎⵥ. 46:9; ⵍⵅⵍ. 26:5; 1 ⵉⵎ. 5:3
◘6:15 6:15 ⴰⵎⵥ. 46:10; ⵍⵅⵍ. 26:12; 1 ⵉⵎ. 4:24
◘6:16 6:16 ⴰⵎⵥ. 46:11; ⵍⵅⵍ. 3:17; 26:57; 1 ⵉⵎ. 5:25, 1; 23:6
◘6:20 6:20 ⵓⴼ. 2:1; ⵍⵅⵍ. 26:59
◘6:23 6:23 ⵍⵅⵍ. 3:2; 26:60; 1 ⵉⵎ. 5:29; 24:1
◼6:30 6:30 ⴰⵇⴰ ⵖⴰⵔⵉ ⵉⵢⴻⵏⵛⵉⵛⴻⵏ ⵡⴰⵔ ⵉⵜⵜⵡⴰⵅⴻⵜⵏⴻⵏ-ⵅⵥⴰⵔ ⴰⴼⴻⵙⵙⴰⵔ ⵖⴰⵔ ⵓⴼ. 6:12.