1 “ⴷⴻⴳ ⵡⴰⵙⵙ ⵏⵏⵉ ⴰⴷ ⵜⵉⵏⵉⴷ: ‘ⵏⴻⵛⵛ ⵜⵜⵇⴰⴷⵉⵖ ⵛⴻⴽ, ⴰ ⵙⵉⴷⵉ, ⴰⵇⴰ ⵜⵓⵖⴰ ⵛⴻⴽ ⵜⵅⴻⵢⵢⵇⴻⴷ ⵅⴰⴼⵉ, ⵎⴰⵛⴰ ⴰⵖⴹⴰⴱ ⵏⵏⴻⵛ ⵉⵏⵏⴻⵇⵍⴻⴱ ⵓ ⵛⴻⴽ ⵜⴻⵙⵙⴼⴻⵡⵡⴰⵊⴻⴷ ⵅⴰⴼⵉ. 2 ⵅⵣⴰⵔ, ⴰⵔⴻⴱⴱⵉ ⴷ ⴰⵙⴻⵏⵊⴻⵎ ⵉⵏⵓ, ⵏⴻⵛⵛ ⴰⴷ ⵅⴰⵙ ⵜⵜⴻⵛⵍⴻⵖ, ⵄⴻⵎⵎⴰⵔⵚ ⴰⴷ ⴳⴳⵯⴻⴷⴻⵖ, ⵎⴰⵖⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⴰⵇⴰ-ⵜ ⴷ ⵊⵊⴻⵀⴷ ⴷ ⵓⵣⴻⵀⵀⵉⴷ ⵉⵏⵓ, ⵏⴻⵜⵜⴰ ⵉⴷⵡⴻⵍ ⴰⵢⵉ ⴷ ⴰⵙⴻⵏⵊⴻⵎ.’ 3 ⴽⴻⵏⵏⵉⵡ ⴰⴷ ⵜⴰⵢⵎⴻⵎ ⴰⵎⴰⵏ ⵙ ⵍⴻⴼⵔⴰⵃⴻⵜ ⵣⵉ ⵜⴰⵍⴰⵡⵉⵏ ⵏ ⵓⵙⴻⵏⵊⴻⵎ.” ◘12:3 ⵢⵃ. 7:37, 38

4 “ⴷⴻⴳ ⵡⴰⵙⵙ ⵏⵏⵉ ⴰⴷ ⵜⵉⵏⵉⵎ: ‘ⵇⴰⴷⴰⵎ ⵉ ⵙⵉⴷⵉ, ⵍⴰⵖⴰⵎ ⵉⵙⴻⵎ ⵏⵏⴻⵙ, ⵙⴻⵛⵏⴻⵎ ⵜⵉⵎⴻⴳⴳⴰ ⵏⵏⴻⵙ ⵊⴰⵔ ⵍⴻⴳⵏⵓⵙ, ⴱⴰⵔⵔⵃⴻⵎ ⴰⵇⴰ ⵉⵙⴻⵎ ⵏⵏⴻⵙ ⵉⵄⵓⴵⴰ! ◘12:4 ⵢⵃ. 17:1, 4, 6, 26 5 ⵣⴻⵀⵀⴷⴻⵎ ⵉ ⵙⵉⴷⵉ, ⵎⴰⵖⴰⵔ ⵏⴻⵜⵜⴰ ⵉⴳⴳⴰ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ. ⴻⵊⵊ ⴰⵢⴰ ⴰⴷ ⵉⵜⵜⵡⴰⵙⵙⴻⵏ ⴷⵉ ⵎⴰⵔⵔⴰ ⵜⴰⵎⵎⵓⵔⵜ. 6 ⵙⵍⵉⵡⵍⴻⵡ ⵓ ⵖⴻⵏⵏⴻⵊ, ⴰ ⵛⴻⵎ ⵜⴻⵏⵏⵉ ⵉⵣⴻⴷⴷⵖⴻⵏ ⴷⵉ ⵚⵉⵀⵢⵓⵏ, ⵎⵉⵏⵣⵉ ⴷ ⴰⵎⴻⵇⵇⵔⴰⵏ ⴰⵎⵇⴻⴷⴷⴰⵙ ⵏ ⵉⵙⵔⴰⵉⵍ ⴷⵉ ⵍⵡⴻⵙⵟ ⵏⵏⴻⵎ.’ ”