1 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⵍⴻⵅⵍⴰ ⵏ ⵍⴻⴱⵃⴰⵔ.

“ⴰⵎ ⵎⴰⵎⵎⴻⵛ ⵜⵜⴰⵣⵣⵍⴻⵏⵜ ⵜⵃⴰⵔⵢⴰⴹⵉⵏ ⴷⵉ ⵜⴻⵎⵎⵓⵔⵜ ⵏ ⵍⵊⴰⵏⵓⴱ, ⴰⵎⵎⵓ ⵉ ⵖⴰ ⵉⴼⴼⴻⵖ ⵏⴻⵜⵜⴰ ⵣⵉ ⵍⴻⵅⵍⴰ, ⵣⵉ ⵜⴻⵎⵎⵓⵔⵜ ⵉⵙⵙⴰⴳⴳⵯⴰⴷⴻⵏ. ◼21:1 ⵍⴻⴱⵃⴰⵔ-ⵏⵉⵖ ‘ⵉⵍ’. 2 ⵜⵓⵙⴰ-ⴷⴷ ⵖⴰⵔⵉ ⵉⵊⵊ ⵏ ⵍⴻⵡⵃⵉⵢ ⵉⵇⵙⴻⵃ: ‘ⴰⵖⴻⴷⴷⴰⵔ ⵉⵜⵜⴻⴳⴳ ⵙ ⵍⴻⵖⴷⴰⵔⴻⵜ ⵓ ⴰⵎⵜⴻⵃⵃⴰⵢ ⴰⴷ ⵉⵜⴻⵃⵃⴰ. ⴳⴻⵄⵄⴻⴷ-ⴷⴷ, ⴰ ⵄⵉⵍⴰⵎ, ⵃⵚⴰⵔ, ⴰ ⵎⴰⴷⴰⵢ!’ ⵏⴻⵛⵛ ⴰⴷ ⵙⵙⴱⴻⴷⴷⴻⵖ ⵎⴰⵔⵔⴰ ⴰⵣⴻⵀⵀⴰⵔ ⵏⵏⴻⵙ. 3 ⵅ ⵓⵢⴰ ⵜⵜⴻⴽⵙⴻⵏⵜ ⴷⴰⵢⵉ ⵜⴻⵊⵄⵉⵏⵏⴰⵜⵉⵏ ⵉⵏⵓ, ⵓ ⵟⵟⴼⴻⵏ ⴰⵢⵉ ⵍⴻⵡⵊⴻⵄ ⵏ ⵜⴰⵔⵓⵜ ⴰⵎ ⵍⴻⵡⵊⴻⵄ ⵏ ⵉⵛⵜ ⵏ ⵜⴻⵎⵖⴰⵔⵜ ⵉⵜⵜⴰⵔⵡⴻⵏ. ⵏⴻⵛⵛ ⵜⵜⵏⴻⵣⴱⴰⵔⴻⵖ ⵅⵎⵉ ⴷ ⴰⵙ ⵜⵜⴻⵙⵍⵉⵖ, ⵏⵏⵅⴻⵍⵄⴻⵖ ⵓⵎⵉ ⵜ ⵜⵜⵡⴰⵍⵉⵖ. 4 ⵓⵍ ⵉⵏⵓ ⵉⵏⵏⴻⵊⵔⴻⴼ, ⴰⵇⴰⵔⵇⴻⴱ ⵏⵏⴻⵙ ⵉⵙⵙⴻⵏⵀⴻⵣⵣⴰ ⴷⴰⵢⵉ ⵜⵉⴳⴳⵯⵓⴷⵉ. ⵜⴱⴰⵎⴱⴰⵙⵜ ⵏ ⵜⵎⴻⴷⴷⵉⵜ ⵏⵏⵉ ⵡⴻⵀⵀⵛⴻⵖ ⴰⵟⵟⴰⵙ, ⵉⴳⴳⴰ ⴰⵢⵉ ⵜⵜ ⴷ ⵍⵄⵓⵔⵔⴻⵜ.” ◘21:4 ⴰⵢⵓⴱ 7:3

5 “ⵙⵔⵓⵙⴰ-ⴷⴷ ⵟⵟⴰⴱⵍⴰ, ⵙⴱⴻⴷⴷ ⴰⵄⴻⵙⵙⴰⵙ, ⴻⵛⵛ, ⵙⵓ!”

“ⴽⴽⴰⵔⴻⵎ, ⴰ ⵍⵃⵓⴽⴽⴰⵎ, ⴷⴻⵀⵏⴻⵎ ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ!” 6 ⵎⴰⵖⴰⵔ ⴰⵎⵎⵓ ⵉ ⴷ ⴰⵢⵉ ⵉⵏⵏⴰ ⵙⵉⴷⵉ: “ⵓⵢⵓⵔ, ⴻⴳⴳ ⵉⵊⵊ ⵏ ⵓⵄⴻⵙⵙⴰⵙ, ⴻⵊⵊ ⵉ-ⵜ ⴰⴷ ⵉⵅⴻⴱⴱⴰⵔ ⵎⵉⵏ ⵉⵜⵜⵡⴰⵍⴰ!” 7 ⴰⵇⴰ ⵉⵥⵔⴰ ⵉⵔⵢⴰⵣⴻⵏ ⵏⵏⵉ ⵉⵏⵢⵉⵏ ⵅ ⵢⴻⵢⵙⴰⵏ, ⵜⵢⵓⵢⴰ ⵏ ⵉⵎⵏⴰⵢⴻⵏ ⴰⴽ-ⴷ ⵜⵢⵓⵢⴰ ⵏⵏⴻⵖⵏⵉ, ⵉⵊⵊ ⵏ ⵓⴽⴰⵔⴰ$ⴰⵏ ⵏ ⵢⴻⵖⵢⴰⵍ ⴷ ⵉⵊⵊ ⵏ ⵓⴽⴰⵔⴰ$ⴰⵏ ⵏ ⵉⵍⴻⵖⵎⴰⵏ. ⵜⵓⵖⴰ ⵉⵃⴻⵟⵟⴰ ⵎⵍⵉⵃ, ⵎⵍⵉⵃ ⴰⵟⵟⴰⵙ. 8 ⵅⴻⵏⵏⵉ ⵉⵍⴰⵖⴰ ⵡⴻⵏⵏⵉ ⵜⵜ ⵉⵥⵔⵉⵏ: “ⴰ ⵙⵉⴷⵉ ⵉⵏⵓ, ⴷⴻⴳ ⵡⴰⵙⵙ ⵜⵜⴱⴻⴷⴷⵉⵖ ⴱⵍⴰ ⵇⴻⵟⵟⵓ ⵅ ⵡⴻⵛⴱⴰⵔ ⵏ ⵜⵄⴻⵙⵙⴰⵙⵜ ⵓ ⴽⵓⵍ ⴵⵉⵍⴻⵜ ⵜⵜⵄⴻⵙⵙⴻⵖ. ◘21:8 ⵃⴰⴱ. 2:1 9 ⵅⵣⴰⵔ, ⴷⵉⵀⴰ ⵓⵙⵉⵏ-ⴷⴷ ⵉⵔⵢⴰⵣⴻⵏ ⵏⵏⵉ ⵉⵏⵢⵉⵏ ⵅ ⵢⴻⵢⵙⴰⵏ, ⵜⵢⵓⵢⴰ ⵏ ⵉⵎⵏⴰⵢⴻⵏ ⴰⴽ-ⴷ ⵜⵢⵓⵢⴰ ⵏⵏⴻⵖⵏⵉ!” ⵄⴰⵡⴻⴷ ⵉⵟⵟⴻⴼ ⵏⴻⵜⵜⴰ ⴷⴻⴳ ⵡⴰⵡⴰⵍ, ⵉⵏⵏⴰ: “ⵜⴻⵡⴹⴰ ⵜⴻⵏⴷⵉⵏⵜ ⵏ ⴱⴰⴱⵉⵍ, ⵜⴻⵡⴹⴰ, ⴷ ⵎⴰⵔⵔⴰ ⵍⴻⵅⵢⴰⵍⴰⵜ ⵉⵏⴻⵇⵛⴻⵏ ⵏ ⵉⵔⴻⴱⴱⵉⵜⴻⵏ ⵏⵏⴻⵙ ⵉⵍⴱⴻⵣ ⵉ-ⵜⴻⵏ ⵅ ⵜⴻⵎⵎⵓⵔⵜ!” ◘21:9 ⵉⵔⵎ. 25:12; 51:8; ⴰⵙⴰ. 14:8; 18:2 10 ⴰ ⴰⵙⴰⵔⵡⴰⵜ ⵉⵏⵓ, ⴰ ⵎⵎⵉⵙ ⵏ ⵓⵏⴻⴷⵔⴰⵔ ⵉⵏⵓ! ⵎⵉⵏ ⵙⵍⵉⵖ ⵣⵉ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⴰⵔⴻⴱⴱⵉ ⵏ ⵉⵙⵔⴰⵉⵍ, ⵅⴻⴱⴱⴰⵔⴻⵖ ⴽⴻⵏⵏⵉⵡ ⵅⴰⵙ.

11 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⴷⵓⵎⴰ.

“ⵣⵉ ⵙⴰⵄⵉⵔ ⵍⴰⵖⴰⵏ ⴰⵢⵉ-ⴷⴷ: ‘ⴰⵄⴻⵙⵙⴰⵙ, ⵎⴻⵛⵃⴰⵍ ⵄⴰⴷ ⵖⴰ ⵜⴻⴽⴽ ⴵⵉⵍⴻⵜ? ⴰⵄⴻⵙⵙⴰⵙ, ⵎⴻⵛⵃⴰⵍ ⵄⴰⴷ ⵖⴰ ⵜⴻⴽⴽ ⴵⵉⵍⴻⵜ?’ 12 ⵉⵏⵏⴰ ⵓⵄⴻⵙⵙⴰⵙ: ‘ⵢⵓⵙⴰ-ⴷⴷ ⵓⵜⴻⴼⴼⵓ ⵏ ⵍⵃⴰⵍ, ⵓⵍⴰ ⴷ ⴵⵉⵍⴻⵜ ⵜⵓⵙⴰ-ⴷⴷ. ⵎⴰⵍⴰ ⴽⴻⵏⵏⵉⵡ ⵜⴻⵅⵙⴻⵎ ⴰⴷ ⵜⴻⵙⵙⴻⵇⵙⴰⵎ, ⵙⴻⵇⵙⴰⵎ! ⴷⴻⵡⵍⴻⵎ-ⴷⴷ, ⴰⵙⴻⵎ-ⴷⴷ!’ ”

13 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⴷⵉ ⵜⵎⴻⴷⴷⵉⵜ.

“ⴷⴻⴳ ⵡⴻⵣⵖⴰⵔ ⴷⵉ ⵜⴻⵎⵎⵓⵔⵜ ⵏ ⵡⴻⵄⵔⴰⴱⴻⵏ ⴰⴷ ⵜⴻⵙⵙⴻⵏⵙⴻⵎ, ⴰ ⴽⴻⵏⵏⵉⵡ, ⵉⴽⴰⵔⴰ$ⴰⵏⴻⵏ ⵏ ⴰⵢⵜ ⵏ ⴷⴰⴷⴰⵏ! ◼21:13 ⴰⵥⵖⴰⵔ-ⵏⵉⵖ ‘ⵍⵖⴰⴱⴻⵜ’ ⵏⵉⵖ ‘ⵜⴰⵥⴳⴰⵏⵜ’. 14 ⵓⵢⵓⵔⴻⵎ ⵖⴰⵔ ⵡⵓⵎⵙⴰⴳⴰⵔ ⴰⴽ-ⴷ ⵡⴻⵏⵏⵉ ⵉⴼⴼⵓⴷⴻⵏ ⵃⵉⵎⴰ ⴰⴷ ⴰⵙ ⵜⴰⵡⵢⴻⵎ ⴰⵎⴰⵏ! ⵉⵎⴻⵣⴷⴰⵖ ⵏ ⵜⴻⵎⵎⵓⵔⵜ ⵏ ⵜⴰⵢⵎⴰ ⴼⴼⵖⴻⵏ-ⴷⴷ ⵖⴰⵔ ⵓⵎⵙⴰⴳⴰⵔ ⴰⴽ-ⴷ ⵓⵎⴰⵔⵡⴰⵍ ⵙ ⵡⴻⵖⵔⵓⵎ. 15 ⵎⴰⵖⴰⵔ ⵏⵉⵜⵏⵉ ⴰⵔⴻⵡⵍⴻⵏ ⵣⵉ ⵍⴻⵙⵢⵓⴼ, ⵣⵉ ⵙⵙⵉⴼ ⵉ ⴷⴷ-ⵉⵜⵜⵡⴰⵊⴻⴱⴷⴻⵏ, ⵣⵉ ⵍⵇⴻⵡⵙ ⵉⵜⵜⵡⴰⵎⴻⵃⴷⴻⵏ ⵓ ⵣⵉ ⵍⴻⵖⴱⴻⵏ ⵏ ⵓⵎⴻⵏⵖⵉ. 16 ⵎⴰⵖⴰⵔ ⴰⵎⵎⵓ ⵉ ⴷ ⴰⵢⵉ ⵉⵏⵏⴰ ⵙⵉⴷⵉ ⵉⵏⵓ: ‘ⵄⴰⴷ ⴷⴻⴳ ⵉⵊⵊ ⵏ ⵓⵙⴻⴳⴳⵯⴰⵙ, ⵄⵍⴰⵃⵙⴰⴱ ⵉⵙⴻⴳⴳⵯⵓⵙⴰ ⵏ ⵓⵛⴻⵡⵡⴰⵍ, ⵅⴻⵏⵏⵉ ⴰⴷ ⵉⵇⴹⴰ ⵎⴰⵔⵔⴰ ⵅ ⵓⵄⵓⴵⵉ ⵏ ⵇⵉⴷⴰⵔ! 17 ⵍⵇⴻⴷⴷ ⵏ ⴰⵢⵜ ⵏ ⴱⵓ-ⵍⵇⴻⵡⵙ ⵉⵇⵇⵉⵎⴻⵏ, ⴰⵢⵜ ⵏ ⴱⵓ-ⵜⴻⵖⵍⵓⴷⵟ ⵏ ⵇⵉⴷⴰⵔ, ⴰⴷ ⵢⵉⵍⵉ ⴷⵔⵓⵙ ⵡⴰⵀⴰ, ⵎⴰⵖⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ ⴷ ⵡⴻⵏⵏⵉ ⵉⵏⵏⴰⵏ ⴰⵢⴰ.’ ”