1 ⴰⵡⴰⵔⵏⵉ ⴰⵙ ⵥⵔⵉⵖ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵉⵀⴻⴽⴽⵡⴰ-ⴷⴷ ⵣⴻⴳ ⵓⵊⴻⵏⵏⴰ, ⵖⴰⵔⴻⵙ ⵚⵚⵓⵍⵟⴰ ⵜⴰⵎⴻⵇⵇⵔⴰⵏⵜ, ⵓⵛⴰ ⵟⵟⵢⴰ ⵏ ⵓⵄⵓⴵⵉ ⵏⵏⴻⵙ ⵜⴻⴳⴳⴰ ⵜⴰⴼⴰⵡⵜ ⴽⵓⵍⵛⵉ ⵉ ⵜⴻⵎⵎⵓⵔⵜ. 2 ⵏⴻⵜⵜⴰ ⵉⵍⴰⵖⴰ ⵙ ⵜⵎⵉⵊⵊⴰ ⵜⴻⵊⵀⴻⴷ, ⵉⵇⵇⴰⵔ:

“ⴰⵇⴰ ⵜⴻⵡⴹⴰ, ⵜⴻⵡⴹⴰ ⵜⴻⵏⴷⵉⵏⵜ ⵜⴰⵎⴻⵇⵇⵔⴰⵏⵜ ⴱⴰⴱⵉⵍ,

ⵜⴻⴷⵡⴻⵍ ⴷ ⵜⴰⵣⴻⴷⴷⵉⵖⵜ ⵉ ⵛⵛⵡⴰⵟⴻⵏ

ⴷ ⵍⴻⵃⴱⴻⵙ ⵉ ⴽⵓⵍ ⵍⴰⵔⵢⴰⵃ ⴰⵎⴻⵏⴳⵓⵙ ⴰⵎⴻⵏⵄⵉ, ◘18:2 ⵉⵛⴰ. 13:21; 21:9; 34:11, 14; ⵉⵔⵎ. 50:39; 51:8; ⴰⵙⴰ. 14:8.

3 ⵎⵉⵏⵣⵉ ⵜⴻⵙⵙⵅⴻⴵⴻⴹ ⴱⵉⵏⵓ ⵏ ⴼⴰⵔⵇ-ⵛⵛⵖⴻⵍ ⵏⵏⴻⵙ

ⵉ ⵎⴰⵔⵔⴰ ⵍⴻⴳⵏⵓⵙ,

ⵓ ⵎⵉⵏⵣⵉ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ

ⴰⵇⴰ ⵙⵙⴼⴻⵙⴷⴻⵏ ⵉⵅⴻⴼ ⵏⵙⴻⵏ ⵣⵣⴰⵢⴻⵙ,

ⵓ ⵎⵉⵏⵣⵉ ⵉⵙⴻⴱⴱⴰⴱⴻⵏ ⵏ ⵜⴻⵎⵎⵓⵔⵜ

ⴷⴻⵡⵍⴻⵏ ⴷ ⵜⵡⴰⵊⵊⴰⵔ

ⵙ ⵊⵊⴻⵀⴷ ⵏ ⵓⵟⴻⵎⵎⴻⵙ ⵏⵏⴻⵙ ⵏ ⵡⴰⴳⵔⴰ.” ◘18:3 ⴰⵙⴰ. 14:8; 17:2.

4 ⵓⵛⴰ ⵙⵍⵉⵖ ⵉ ⵜⵎⵉⵊⵊⴰ ⵏⵏⴻⵖⵏⵉ ⵜⵍⴰⵖⴰ-ⴷⴷ ⵣⴻⴳ ⵓⵊⴻⵏⵏⴰ:

“ⴼⴼⴻⵖ ⵣⵣⴰⵢⴻⵙ, ⴰ ⵍⴳⴻⵏⵙ ⵉⵏⵓ,

ⵃⵉⵎⴰ ⵡⴰⵔ ⵜⵜⵉⵍⵉⵏ ⴷⴷⵏⵓⴱ ⵏⵏⴻⵙ ⵅ ⵢⵉⵔⵉ ⵏⵏⴻⵛ

ⵓⵛⴰ ⵡⴰⵔ ⵜⴽⴻⵙⵙⵉⴷ ⵣⵉ ⵊⵊⵔⴰⵢⴻⵃ ⵏⵏⴻⵙ, ◘18:4 ⴰⵎⵥ. 19:12; ⵉⵛⴰ. 48:20; 52:11; ⵉⵔⵎ. 51:6, 45; 2 ⴽⵓⵔ. 6:17.

5 ⵎⵉⵏⵣⵉ ⴷⴷⵏⵓⴱ ⵏⵏⴻⵙ ⴰⵇⴰ ⵉⵡⴹⴻⵏ ⵖⴰⵔ ⵓⵊⴻⵏⵏⴰ,

ⵓⵛⴰ ⴰⵔⴻⴱⴱⵉ ⴰⵇⴰ ⵉⵄⵇⴻⵍ ⵅ ⵍⵎⵓⵄⵚⵉⵢⵢⴻⵜ ⵏⵏⴻⵙ. ◘18:5 ⴰⵙⴰ. 16:19.

6 ⴰⵔⵔⴻⵎ-ⴷⴷ ⵅⴰⵙ

ⴰⵎ ⵎⴰⵎⵎⴻⵛ ⴷⴷ-ⵜⴰⵔⵔⴰ ⵏⴻⵜⵜⴰⵜ,

ⴰⵔⵔⴻⵎ-ⴷⴷ ⵅⴰⵙ ⵙ ⵓⴹⴻⴼⴼⵓⵙ

ⵄⵍⴰⵃⵙⴰⴱ ⵍⴻⵅⴷⴰⵢⴻⵎ ⵏⵏⴻⵙ,

ⵅⴻⴵⴻⴹ ⴰⵙ ⵙ ⵓⴹⴻⴼⴼⵓⵙ ⴷⴻⴳ ⵓⵖⴰⵔⵔⴰⴼ

ⵏⵏⵉ ⵜⵓⵖⴰ ⵜⵅⴻⴵⴻⴹ ⵏⴻⵜⵜⴰⵜ. ◘18:6 ⴰⵙⴰ. 14:10.

7 ⵅⴻⵍⴼⴻⵎ ⴰⵙ-ⴷⴷ ⴰⵄⴻⴷⴷⴻⴱ ⴷ ⵡⴻⵛⴹⴰⵏ

ⴰⵏⴻⵛⵜ ⵜⵓⵖⴰ ⵏⴻⵜⵜⴰⵜ ⵜⴻⵙⵙⵄⵓⴵⵉ

ⵓ ⵜⴻⵙⵙⴳⴻⵄⵄⴻⴷ ⵉⵅⴻⴼ ⵏⵏⴻⵙ

ⵎⵉⵏⵣⵉ ⵜⴻⵏⵏⴰ ⴷⴻⴳ ⵡⵓⵍ ⵏⵏⴻⵙ:

‘ⴰⵇⴰ ⵇⵇⵉⵎⴻⵖ ⴰⵎ ⵜⵊⴻⴵⵉⴷⵜ,

ⵡⴰⵔ ⴵⵉⵖ ⴷ ⵜⴰⵊⵊⴰⵍⵜ,

ⵓⵛⴰ ⴰⵛⴹⴰⵏ ⵡⴰⵔ ⵜ ⵥⴰⵔⵔⴻⵖ ⵛⴰ!’ ◘18:7 ⵉⵛⴰ. 47:8.

8 ⵙ ⵓⵢⴻⵏⵏⵉ ⴷⴻⴳ ⵉⵊⵊ ⵏ ⵡⴰⵙⵙ ⴰⴷ ⵅⴰⵙ ⵡⴹⴰⵏⵜ ⵎⴰⵔⵔⴰ ⵊⵊⵔⴰⵢⴻⵃ ⵏⵏⴻⵙ: ⵍⵎⴻⵡⵜ, ⴰⵛⴹⴰⵏ ⴷ ⵍⴰⵥ, ⵓⵛⴰ ⴰⴷ ⵜᵉⵜⵜⵡⴰⵛⵎⴻⴹ ⴷⵉ ⵜⵎⴻⵙⵙⵉ, ⵎⵉⵏⵣⵉ ⵙⵉⴷⵉ, ⴷ ⵡⴻⵏⵏⵉ ⵅⴰⵙ ⵉ ⵖⴰ ⵉⵃⴻⴽⵎⴻⵏ, ⴰⵇⴰ ⵉⵊⵀⴻⴷ. ◘18:8 2 ⵜⵙ. 2:8; ⴰⵙⴰ. 17:16.

9 ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ, ⵉⵏⵏⵉ ⴽⵉⴷⴻⵙ ⵉⴳⴳⵉⵏ ⴼⴰⵔⵇ-ⵛⵛⵖⴻⵍ ⵓ ⵙⵙⴳⴻⵄⵄⴷⴻⵏ ⵉⵅⴻⴼ ⵏⵙⴻⵏ, ⴰⴷ ⵅⴰⵙ ⵔⵓⵏ, ⴰⴷ ⵅⴰⵙ ⵡⵜⴻⵏ ⴰⴳⴻⵊⴷⵓⵔ ⵅⵎⵉ ⵖⴰ ⵥⴰⵔⴻⵏ ⴷⴷⴻⵅⵅⴰⵏ ⵏ ⵜⵎⴻⵙⵙⵉ ⵏⵏⴻⵙ. ◘18:9 ⴰⵙⴰ. 17:2; 18:3, 18. 10 ⵏⵉⵜⵏⵉ ⴰⴷ ⵇⵇⵉⵎⴻⵏ ⴱⴻⴷⴷⴻⵏ ⵖⴰⵔ ⵍⴰⴳⴳⵯⴰⵊ ⵣⵉ ⵜⴻⴳⴳⵯⵓⴷⵉ ⵏ ⵓⵄⴻⴷⴷⴻⴱ ⵏⵏⴻⵙ, ⵇⵇⴰⵔⴻⵏ:

‘ⵓⵛⵜ, ⵓⵛⵜ, ⵓⵛⵜ, ⵅⴰⵎ, ⴰ ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ,

ⴱⴰⴱⵉⵍ, ⵜⴰⵏⴷⵉⵏⵜ ⵉⵊⴻⵀⴷⴻⵏ,

ⵎⵉⵏⵣⵉ ⴰⵇⴰ ⵢⵓⵙⴰ-ⴷⴷ ⵍⵃⵓⴽⵎ ⵏⵏⴻⵎ

ⴷⴻⴳ ⵉⵛⵜ ⵏ ⵜⵙⴰⵄⵄⴻⵜ!’ ” ◘18:10 ⵉⵛⴰ. 21:9; ⵉⵔⵎ. 51:1; ⴰⵙⴰ. 14:8.

11 ⵉⵙⴻⴱⴱⴰⴱⴻⵏ ⵏ ⵜⴻⵎⵎⵓⵔⵜ ⴰⴷ ⵅⴰⵙ ⵔⵓⵏ, ⴰⴷ ⵛⴻⴹⵏⴻⵏ, ⵎⵉⵏⵣⵉ ⵓⵍⴰ ⴷ ⵉⵊⵊ ⵡⴰⵔ ⵉⵙⵙⵉⵖ ⵄⴰⴷ ⵙⵙⴻⵍⵄⴻⵜ ⵏⵙⴻⵏ: 12 ⵙⵙⴻⵍⵄⴻⵜ ⵏ ⵡⵓⵔⴻⵖ ⴷ ⵏⵏⵓⵇⴰⵔⵜ ⴷ ⵢⴻⵥⵔⴰ ⵢⵉⵖⵍⴰⵏ ⴷ ⵜⵢⴰⵇⵓⵜⵉⵏ ⴷ ⵍⴻⵇⵟⴻⵏ ⴷ ⴰⵔⵊⵓⵡⴰⵏⵉ ⴷ ⵍⴻⵃⵔⵉⵔ ⴰⵣⴻⴳⴳⵯⴰⵖ ⵉⵃⴻⴷⵇⴻⵏ ⴷ ⵄⵍⴰⵎ ⴽⵓⵍ ⴰⴽⴻⵛⵛⵓⴹ ⵉⵜⵜⴼⵓⵃⴻⵏ ⴷ ⵄⵍⴰⵎ ⴽⵓⵍ ⵍⴻⵇⵛⵓⵄ ⵣⵉ ⵍⵄⴰⵊ ⴷ ⵄⵍⴰⵎ ⴽⵓⵍ ⵍⴻⵇⵛⵓⵄ ⵣⴻⴳ ⵓⴽⴻⵛⵛⵓⴹ ⵉⵖⵍⴰⵏ ⴷ ⵏⵏⵃⴰⵙ ⴷ ⵡⵓⵣⵣⴰⵍ ⴷ ⵍⵎⴰⵔⵎⵓⵔ ◼18:12 ⵍⵄⴰⵊ-ⵉⵅⵙ ⴰⴷ ⵢⵉⵏⵉ ‘ⴰⵛⵛⵉⵡⴻⵏ ⵏ ⵍⴼⵉⵍ’. 13 ⴷ ⵍⵇⴰⵔⴼⴰ ⴷ ⵍⴻⴱⵅⵓⵔ ⴷ ⵎⵉⵔⵔⵓ ⴷ ⵊⵊⴰⵡⵉ ⴷ ⴱⵉⵏⵓ ⴷ ⵣⵣⴻⵛⵜ ⵏ ⵣⵣⵉⵜⵓⵏ ⴷ ⴰⵔⴻⵏ ⵏ ⵙⵙⵎⵉⴷ ⴷ ⵡⵓⴵⵉ ⴷ ⵢⴻⵢⵙⴰⵏ ⴷ ⵉⴽⴰⵔⵔⵓⵜⴻⵏ ⵓⵍⴰ ⴷ ⴰⵔⵔⵉⵎⴰⵜ ⴷ ⵍⴻⵄⵎⵓⵔ ⵏ ⵉⵡⴷⴰⵏ. ◘18:13 ⵃⵉⵥ. 27:13. 14 ⴰⵇⴰ ⵍⵖⵉⴵⴻⵜ ⵉ ⴷⵉ ⵜⵓⵖⴰ ⵉⵜⵜⵎⴻⵥⵔⵉ ⵍⴻⵄⵎⴰⵔ ⵏⵏⴻⵎ, ⴰⵇⴰ ⵜⵉⴳⴳⵯⴻⵊ ⵅⴰⵎ, ⵓⵍⴰ ⴷ ⵎⴰⵔⵔⴰ ⵎⵉⵏ ⵜⵓⵖⴰ ⵖⴰⵔⴻⵎ ⴷ ⴰⴳⵍⴰ ⴷ ⵎⵉⵏ ⵉⵜⵜⵉⵙⵙⵉⵇⴻⵏ, ⴰⵇⴰ ⵉⵡⴻⴷⴷⴰⵔ, ⵡⴰⵔ ⵜ ⵜⵥⴰⵔⵔⴻⴷ ⵄⴻⵎⵎⴰⵔⵚ ⵄⴰⴷ. 15 ⵉⵙⴻⴱⴱⴰⴱⴻⵏ ⵏ ⵍⴻⵃⵡⴰⵢⴻⵊ-ⴰ, ⵉⵏⵏⵉ ⵉⴷⴻⵡⵍⴻⵏ ⵣⵣⴰⵢⵙⴻⵏⵜ ⴷ ⵜⵡⴰⵊⵊⴰⵔ, ⵡⴰⵔ ⵜⴻⵏⵜ ⵜⵜⵉⴼⴻⵏ ⵄⴰⴷ, ⵓⵛⴰ ⴰⴷ ⵇⵇⵉⵎⴻⵏ ⵖⴰⵔ ⵍⴰⴳⴳⵯⴰⵊ ⵣⵉ ⵜⴻⴳⴳⵯⵓⴷⵉ ⵏ ⵓⵄⴻⴷⴷⴻⴱ ⵏⵏⴻⵙ, ⴰⵎ ⵜⵜⵔⵓⵏ ⵓ ⴰⵎ ⵛⴻⵟⵟⵏⴻⵏ, 16 ⴰⴷ ⵉⵏⵉⵏ:

“ⵓⵛⵜ, ⵓⵛⵜ ⵅⴰⵎ, ⴰ ⵛⴻⵎ, ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ

ⵉ ⵢⴰⵔⴹⴻⵏ ⵍⴻⵇⵟⴻⵏ ⴷ ⴰⵔⵊⵓⵡⴰⵏⵉ

ⴷ ⴰⵣⴻⴳⴳⵡⴰⵖ ⵉⵃⴻⴷⵇⴻⵏ ⵉⵇⵇⴻⵏ ⵙ ⵡⵓⵔⴻⵖ

ⴷ ⵢⴻⵥⵔⴰ ⵉⵖⵍⴰⵏ ⴷ ⵜⵢⴰⵇⵓⵜⵉⵏ, ◘18:16 ⴰⵙⴰ. 17:4.

17 ⵙ ⵎⵉⵏⵣⵉ ⴷⴻⴳ ⵉⵛⵜ ⵏ ⵜⵙⴰⵄⵄⴻⵜ

ⴰⵇⴰ ⵉⵡⴻⴷⴷⴰⵔ ⵡⴰⴳⵍⴰ ⴰⵎⴻⵇⵇⵔⴰⵏ ⵏⵏⵉ!”

ⵎⴰⵔⵔⴰ ⵉⵏⵏⵉ ⵉⵏⴻⴷⴷⵀⴻⵏ ⵉⵖⴰⵔⵔⵓⴱⴰ ⴷ ⵎⴰⵔⵔⴰ ⵉⵏⵏⵉ ⵉⵜⵜⴻⴽⴽⴻⵏ ⵅ ⵍⴻⴱⵃⴰⵔ ⴷⴻⴳ ⵉⵖⴰⵔⵔⵓⴱⴰ ⴷ ⵎⴰⵔⵔⴰ ⵉⴱⴻⵃⵔⵉⵢⵢⴻⵏ ⴷ ⵎⴰⵔⵔⴰ ⵉⵏⵏⵉ ⵉⵜⵜⵙⴻⴱⴱⴰⴱⴻⵏ ⴷⵉ ⵍⴻⴱⵃⴰⵔ ⵇⵇⵉⵎⴻⵏ ⴱⴻⴷⴷⴻⵏ ⵖⴰⵔ ⵍⴰⴳⴳⵯⴰⵊ. 18 ⵏⵉⵜⵏⵉ ⵙⵖⵓⵢⵢⴻⵏ ⵓⵎⵉ ⵥⵔⵉⵏ ⴷⴷⴻⵅⵅⴰⵏ ⵏ ⵜⵎⴻⵙⵙⵉ ⵏⵏⴻⵙ, ⵏⵏⴰⵏ:

“ⵡⵉ ⵉⵣⴻⵎⵎⴰⵔⴻⵏ ⴰⴷ ⵉⵎⵇⵓⴷⴷⴰ ⴰⴽ-ⴷ ⵜⴻⵏⴷⵉⵏⵜ-ⴰ ⵜⴰⵎⴻⵇⵇⵔⴰⵏⵜ?” ◘18:18 ⵉⵛⴰ. 34:10; ⴰⵙⴰ. 13:4; 18:9.

19 ⵙⵙⵓⵢⵓⵙⴻⵏ ⵓⵛⴰⵍ ⵅ ⵉⵣⴻⴵⵉⴼⴻⵏ ⵏⵙⴻⵏ ⵓⵛⴰ ⵙⵖⵓⵢⴻⵏ, ⴰⵎ ⵜⵜⵔⵓⵏ ⵓ ⴰⵎ ⵜⵜⴻⵛⴹⵉⵏⴻⵏ, ⵏⵏⴰⵏ:

“ⵓⵛⵜ, ⵓⵛⵜ ⵅⴰⵎ, ⴰ ⵛⴻⵎ, ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ

ⵏⵏⵉ ⴷⵉ ⴷⴻⵡⵍⴻⵏ ⴷ ⵜⵡⴰⵊⵊⴰⵔ

ⵎⴰⵔⵔⴰ ⵉⵏⵏⵉ ⵖⴰⵔ ⵉⴵⴰ ⵉⵖⴰⵔⵔⵓⴱⴰ ⴷⵉ ⵍⴻⴱⵃⴰⵔ,

ⵙ ⵓⴱⴰⵔⵔⵓ ⵏ ⵡⴰⴳⵍⴰ ⵏⵏⴻⵙ,

ⵎⵉⵏⵣⵉ ⴷⴻⴳ ⵉⵛⵜ ⵏ ⵜⵙⴰⵄⵄⴻⵜ ⵜⵡⴻⴷⴷⴰⵔ!”

20 “ⴼⴰⵔⵃⴻⵜ ⵣⵣⴰⵢⴻⵙ, ⴰ ⴰⵊⴻⵏⵏⴰ,

ⵓ ⴽⴻⵏⵏⵉⵡ, ⴰ ⵉⵎⵇⴻⴷⴷⴰⵙⴻⵏ ⴷ ⵔⵔⵓⵙⵓⵍ ⴷ ⵉⵏⴰⴱⵉⵢⵢⴻⵏ,

ⵎⵉⵏⵣⵉ ⴰⵔⴻⴱⴱⵉ ⴰⵇⴰ ⵉⵙⵙⵓⴼⴼⴻⵖ-ⴷⴷ ⵍⴻⵃⴽⴰⵎⴻⵜ ⵏⵏⴻⵙ ⵅⴰⵙ!” ◘18:20 ⴰⵙⴰ. 19:2.

21 ⵓⵛⴰ ⵉⵊⵊ ⵣⵉ ⵍⵎⴰⵍⴰⴽⴰⵜ ⵏⵏⵉ ⵉⵙⵙⴳⴻⵄⵄⴻⴷ ⵉⵊⵊ ⵏ ⵡⴻⵥⵔⵓ ⴰⵎⴻⵇⵇⵔⴰⵏ ⴰⵏⴻⵛⵜ ⵏ ⵜⴻⵚⴹⴰⵔⵜ ⵏ ⵜⵙⵉⵔⵜ, ⵉⵏⴹⴰⵔ ⵉ-ⵜ ⴷⵉ ⵍⴻⴱⵃⴰⵔ, ⵉⵇⵇⴰⵔ:

“ⴰⵎⵎⵓ ⵙ ⵊⵊⴻⵀⴷ ⴰⴷ ⵜᵉⵎⵎⴻⵏⴹⴰⵔ

ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ ⴱⴰⴱⵉⵍ

ⵓⵛⴰ ⵡⴰⵔ ⵜᵉⵜⵜⵡⵉⴼⵉ ⵄⴰⴷ ⵄⴻⵎⵎⴰⵔⵚ! ◘18:21 ⵉⵔⵎ. 51:64.

22 ⵍⵃⴻⵙⵙ ⵏ ⵍⵀⴰⵔⴱⴰ ⴷ ⵓⵙⵓⴹⵉ ⴷⴻⴳ

ⵓⵢⵉⵛⵛ ⵏ ⵉⵛⴰⵔⵔⵉ,

ⴷ ⵍⵃⴻⵙⵙ ⵏ ⵄⵍⴰⵎ ⴽⵓⵍ ⴰⵖⴻⵏⵏⴻⵊ

ⵓ ⵏ ⵢⵉⵏⵏⵉ ⵉⵜⵜⵙⵓⴹⴻⵏ ⴷⵉ ⵍⴱⵓⵇ,

ⵡⴰⵔ ⵉⵜⵜⵡⴰⵙⴻⵍ ⵄⴰⴷ ⴷⴰⵢⴻⵎ. ◘18:22 ⵉⵔⵎ. 25:10; ⵃⵉⵥ. 26:13.

23 ⵄⴻⵎⵎⴰⵔⵚ ⴰⴷ ⴷⴰⵢⴻⵎ ⵜᵉⵜⵜⵡⴰⵥⴰⵔ ⵄⴰⴷ

ⵟⵟⵢⴰ ⵏ ⵍⴻⴼⵏⴰⵔ,

ⵓⵛⴰ ⵓⵍⴰ ⴷ ⵍⵃⴻⵙⵙ ⵏ ⵡⴻⵙⵍⵉ

ⴷ ⵍⵃⴻⵙⵙ ⵏ ⵜⴻⵙⵍⵉⵜ

ⵡⴰⵔ ⵉⵜⵜⵡⴰⵙⴻⵍ ⵄⴰⴷ ⴷⴰⵢⴻⵎ.

ⵉⵙⴻⴱⴱⴰⴱⴻⵏ ⵏⵏⴻⵎ ⵜⵓⵖⴰ ⴰⵜⴻⵏ

ⴷ ⵉⵎⴻⵇⵇⵔⴰⵏⴻⵏ ⵏ ⵜⴻⵎⵎⵓⵔⵜ,

ⵎⵉⵏⵣⵉ ⵙ ⵜⵙⴻⵃⵃⴰⵔⵜ ⵏⵏⴻⵎ,

ⴰⵇⴰ ⵜⵅⴻⴷⵄⴻⴷ ⵍⴻⴳⵏⵓⵙ ⵎⴰⵔⵔⴰ. ◘18:23 ⵉⵔⵎ. 7:34; 16:9; 25:10.

24 ⴰⵇⴰ ⵉⵜⵜⵡⴰⴼ ⴷⴰⵢⴻⵎ ⵉⴷⴰⵎⵎⴻⵏ

ⵏ ⵉⵏⴰⴱⵉⵢⵢⴻⵏ ⴷ ⵉⵎⵇⴻⴷⴷⴰⵙⴻⵏ,

ⵉⵏⵏⵉ ⵉⵜⵜⵡⴰⵏⵖⴻⵏ ⴷⵉ ⵜⴻⵎⵎⵓⵔⵜ.” ◘18:24 ⴰⵎⵥ. 4:10; ⴰⵙⴰ. 17:6.