1 ⵉⵙⵙⴻⵡⵊⴻⴷ ⵙⵉⴷⵉ ⵉⵊⵊ ⵏ ⵡⴻⵙⵍⴻⵎ ⴰⵎⴻⵇⵇⵔⴰⵏ ⵃⵉⵎⴰ ⴰⴷ ⵉⵙⵙⴻⵖⵔⵉ ⵢⵓⵏⵓⵙ ⵓⵛⴰ ⵢⵓⵏⵓⵙ ⵉⴽⴽⴰ ⵜⵍⴰⵜⴰ ⵏ ⵡⵓⵙⵙⴰⵏ ⴷ ⵜⵍⴰⵜⴰ ⵏ ⴵⵉⵢⴰⵍⵉ ⴷⴻⴳ ⵓⵄⴻⴷⴷⵉⵙ ⵏ ⵡⴻⵙⵍⴻⵎ. ◘2:1 ⵎⵜ. 12:40; 16:4; ⵍⴽ. 11:30 2 ⵓⵛⴰ ⵉⵥⵥⵓⴵ ⵢⵓⵏⵓⵙ ⵉ ⵙⵉⴷⵉ, ⴰⵔⴻⴱⴱⵉ ⵏⵏⴻⵙ, ⵣⴻⴳ ⵓⵄⴻⴷⴷⵉⵙ ⵏ ⵡⴻⵙⵍⴻⵎ. 3 ⵉⵏⵏⴰ:

”ⵣⵉ ⵍⴻⵃⵚⴰⵔⴻⵜ ⵉⵏⵓ ⵍⴰⵖⵉⵖ ⵉ ⵙⵉⴷⵉ

ⵓ ⵏⴻⵜⵜⴰ ⵢⴰⵔⵔⴰ-ⴷⴷ ⵅⴰⴼⵉ.

ⵣⴻⴳ ⵡⴻⵃⵡⵉⵛ ⵏ ⵍⴰⵅⴰⵔⵜ ⵍⴰⵖⵉⵖ

ⵓⵛⴰ ⵛⴻⴽ ⵜⴻⵙⵍⵉⴷ ⵉ ⵜⵎⵉⵊⵊⴰ ⵉⵏⵓ. ◘2:3 ⵉⵥⵀⴷ. 120:1

4 ⵜⵓⵖⴰ ⵜⴻⵏⴹⴰⵔⴻⴷ ⴰⵢⵉ ⴷⵉ ⵍⴰⴵⴰⵖ,

ⴷⴻⴳ ⵡⵓⵍ ⵏ ⵍⴻⴱⵃⵓⵔ,

ⵜⴻⵏⵏⴹⴻⵏ ⴰⵢⵉ-ⴷⴷ ⵍⴻⵎⵡⴰⵊ.

ⵎⴰⵔⵔⴰ ⵣⵣⵀⵉⵔ ⵏⵏⴻⵛ ⴷ ⵍⴻⵎⵡⴰⵊ ⵏⵏⴻⵛ

ⴽⴽⵉⵏ-ⴷⴷ ⵅⴰⴼⵉ ⵙⴻⵏⵏⴻⵊ. ◘2:4 ⵉⵥⵀⴷ. 42:8

5 ⵏⵏⵉⵖ: ‘ⵏⴻⵛⵛ ⵜⵜⵡⴰⵙⵙⵓⴼⴼⵖⴻⵖ

ⵣⵉ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ.

ⵄⴰⴷ ⴰⴷ ⵜⵡⴰⵍⵉⵖ ⵄⴰⵡⴻⴷ

ⵣⵣⴰⵡⴻⵛⵜ ⵏⵏⴻⵛ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ.’ ◘2:5 ⵉⵥⵀⴷ. 31:23

6 ⵟⵟⴼⴻⵏ ⴰⵢⵉ ⵡⴰⵎⴰⵏ

ⴰⵍ ⵎⴰⵏⵉ ⵉⵡⴹⴻⵏ ⵖⴰⵔ ⵍⴻⵄⵎⴰⵔ ⵉⵏⵓ,

ⴰⵎⴰⵏ ⵉⵀⴻⵡⵍⴻⵏ ⵏⵏⴹⴻⵏ ⴰⵢⵉ-ⴷⴷ,

ⵉⵍⵚⴻⵇ-ⴷⴷ ⴰⵔⴱⵉⵄ ⵏ ⵍⴻⴱⵃⴰⵔ ⴷⴻⴳ ⵓⵣⴻⴵⵉⴼ ⵉⵏⵓ.

7 ⵀⵡⵉⵖ ⵖⴰⵔ ⵟⵟⵔⵓⴼⴰ ⵢⵓⴵⵖⴻⵏ ⵇⴰⵄ ⵏ ⵉⴷⵓⵔⴰⵔ,

ⵜⵜⵡⴰⴱⴻⵍⵍⵄⴻⵏ ⵣⵣⴻⴽⵔⵓⵏⴰⵜ ⵏ ⵜⴻⵎⵎⵓⵔⵜ ⵅⴰⴼⵉ

ⵙⴻⵏⵏⴻⵊ ⵉ ⵍⴻⴱⴷⴰ,

ⵎⴰⵛⴰ ⵛⴻⴽ ⵜⴻⵙⵙⴳⴻⵄⵄⴷⴻⴷ ⵜⵓⴷⴰⵔⵜ ⵉⵏⵓ

ⵣⵉ ⵜⵓⵔⵚⵓⴹⵉ ⴷⴻⴳ ⵡⴰⵎⴰⵏ,

ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ!

8 ⵓⵎⵉ ⵉⴷⴻⵡⵡⴻⵅ ⵍⴻⵄⵎⴰⵔ ⵉⵏⵓ ⴷⴰⵢⵉ,

ⴼⴻⴽⴽⴰⵔⴻⵖ ⴷⵉ ⵙⵉⴷⵉ,

ⵓ ⵜⴰⵥⴰⴵⵉⵜ ⵉⵏⵓ ⵜⴳⴻⵄⵄⴻⴷ ⵖⴰⵔⴻⴽ,

ⴷⵉ ⵣⵣⴰⵡⴻⵛⵜ ⵏⵏⴻⵛ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ. ◼2:8 ⴷⴰⵢⵉ-ⵙ ⵜⵄⵉⴱⵔⴰⵏⵉⵜ ‘ⵅⴰⴼⵉ’.

9 ⵏⵉⵜⵏⵉ ⵟⵟⴼⴻⵏ ⴷⵉ ⵍ’ⴰⵚⵏⴰⵎ ⵉⴱⴻⵟⵟⵍⴻⵏ ⴷ ⵉⵖⴻⵛⵛⴻⵏ,

ⵙⴻⵎⵃⴻⵏ ⴷⵉ ⵜⵎⴻⵅⵙⵉⵡⵜ ⵏⵙⴻⵏ ⵉⵛⴻⵡⵡⴰⵔⴻⵏ.

10 ⵎⴰⵛⴰ ⵏⴻⵛⵛ ⴰⴷ ⵛⴻⴽ ⵃⴻⵎⴷⴻⵖ

ⵙ ⵢⵉⵛⵜ ⵏ ⵜⵎⵉⵊⵊⴰ ⵜⴻⵛⵛⵓⵔ ⵙ ⵓⵇⴰⴷⵉ.

ⵎⵉⵏ ⵡⴰⵄⴷⴻⵖ, ⴰⴷ ⵜ ⵇⴻⴼⵍⴻⵖ.

ⴰⵙⴻⵏⵊⴻⵎ ⵣⵉ ⵙⵉⴷⵉ.” ◘2:10 ⵉⵥⵀⴷ. 3:9; 50:14, 23; 116:17; ⵃⵓⵛ. 14:3; ⵄⴱⵔ. 13:15

11 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵡⴻⵙⵍⴻⵎ ⵓⵛⴰ ⵉⵄⵓⵇⵇ-ⴷⴷ ⵢⵓⵏⵓⵙ ⴷⵉ ⵍⴱⴰⵔ.