50
1 ⵉⵊⵊ ⵏ ⵓⵣⴻⵀⵀⴻⴷ ⵏ ⴰⵙⴰⴼ. ⴰⵔⴻⴱⴱⵉ ⵅ ⵎⴰⵔⵔⴰ ⵉⵔⴻⴱⴱⵉⵜⴻⵏ, ⵙⵉⴷⵉ ⵉⵙⵙⴰⵡⴰⵍ. ⵏⴻⵜⵜⴰ ⵉⵜⵜⵍⴰⵖⴰ ⵉ ⵜⴻⵎⵎⵓⵔⵜ ⵣⵉ ⵎⴰⵏⵉ ⴷⴷ-ⵜⴻⵏⵇⴰⵔ ⵜⴼⵓⵛⵜ ⴰⵍ ⵎⴰⵏⵉ ⵜⴻⵖⵍⵉ.
2 ⵣⵉ ⵚⵉⵀⵢⵓⵏ, ⴰⵥⵔⵉ ⵉⴽⴻⵎⵎⵍⴻⵏ,
ⵉⵜⵜⴱⴰⵏ ⴰⵔⴻⴱⴱⵉ ⵉⵜⵜⵉⵙⵙⵉⵇ.
3 ⴰⵔⴻⴱⴱⵉ ⵏⵏⴻⵖ ⴰⴷ ⴷⴷ-ⵢⴰⵙ,
ⵡⴰⵔ ⵉⵙⵙⴻⵖⴷ ⵛⴰ.
ⵜⵉⵎⴻⵙⵙⵉ ⵣⵣⴰⵜⴻⵙ ⴰⴷ ⵜⴻⵛⵛ,
ⵜⴰⵃⴰⵔⵢⴰⴹⵜ ⵉ ⴷ ⴰⵙ ⴷⴷ-ⵉⵜⵜⴻⵏⵏⴹⴻⵏ
ⴰⴷ ⵜⵙⵓⴹ ⴰⵟⵟⴰⵙ.
4 ⵏⴻⵜⵜⴰ ⴰⴷ ⵉⵍⴰⵖⴰ ⵉ ⵉⵊⴻⵏⵡⴰⵏ ⵙⴻⵏⵏⴻⵊ,
ⵉ ⵜⴻⵎⵎⵓⵔⵜ ⵃⵉⵎⴰ ⴰⴷ ⵉⵃⴽⴻⵎ ⵅ ⵍⴳⴻⵏⵙ ⵏⵏⴻⵙ:
5 “ⵙⵎⵓⵏⴻⵎ-ⴷⴷ ⵖⴰⵔⵉ ⵉⵎⵜⵉⵇⵇⴰⵏ ⵉⵏⵓ,
ⵉⵏⵏⵉ ⴽⵉⴷⵉ ⵉⵜⵜⴻⴳⴳⴻⵏ ⵍⵄⴰⵀⴷ ⵙ ⵜⵖⴰⵔⵚⵜ.”
6 ⵉⵊⴻⵏⵡⴰⵏ ⵜⵜⴱⴰⵔⵔⵃⴻⵏ ⵜⴰⵙⴻⴳⴷⴰ ⵏⵏⴻⵙ,
ⵎⴰⵖⴰⵔ ⴰⵔⴻⴱⴱⵉ ⵙ ⵢⵉⵅⴻⴼ ⵏⵏⴻⵙ
ⴰⵇⴰ-ⵜ ⴷ ⵍⵇⴰⴹⵉ. ⵙⵉⵍⴰⵀ. ◼50:6 ⵍⵇⴰⴹⵉ-ⵏⵉⵖ ‘ⴰⵎⴻⵥⵔⵓⴼ’.
7 “ⵙⴻⵍ, ⴰ ⵍⴳⴻⵏⵙ ⵉⵏⵓ,
ⵓ ⵏⴻⵛⵛ ⴰⴷ ⵙⵙⵉⵡⵍⴻⵖ, ⵉⵙⵔⴰⵉⵍ,
ⵏⴻⵛⵛ ⴰⴷ ⵛⴻⵀⴷⴻⵖ ⴹⵉⴷⴷ ⵏⵏⴻⵛ:
ⴰⵇⴰ ⵏⴻⵛⵛ, ⴰⵔⴻⴱⴱⵉ, ⴷ ⴰⵔⴻⴱⴱⵉ ⵏⵏⴻⵛ!
8 ⵡⴰⵔ ⵉⴵⵉ ⵅ ⵜⵖⴰⵔⵚⴰ ⵏⵏⴻⵛ
ⴰⴷ ⵛⴻⴽ ⵡⴻⴱⴱⵅⴻⵖ,
ⵎⴰⵖⴰⵔ ⵜⵉⵖⴰⵔⵚⴰ ⵏⵏⴻⵛ
ⴰⵇⴰ ⴰⵜⴻⵏⵜ ⵍⴻⴱⴷⴰ ⵣⵣⴰⵜⵉ.
9 ⵡⴰⵔ ⴽⴻⵙⵙⵉⵖ ⵛⴰ ⴰⴼⵓⵏⴰⵙ ⴰⵎⴻⵥⵢⴰⵏ
ⵣⵉ ⵜⴰⴷⴷⴰⵔⵜ ⵏⵏⴻⵛ,
ⵓⵍⴰ ⴷ ⵉⵖⴰⵢⴹⴻⵏ ⵣⵉ ⵜⴻⵇⵡⵉⵔⵉⵏ ⵏⵏⴻⵛ.
10 ⵎⴰⵖⴰⵔ ⵎⴰⵔⵔⴰ ⵉⵎⵓⴷⴷⴰⵔ ⵏ ⵡⴻⵣⵖⴰⵔ,
ⴰⵇⴰ ⵉⵏⵓ, ⵍⵎⴰⵍ ⵅ ⵡⴰⵍⴻⴼ ⵉⴷⵓⵔⴰⵔ. ◼50:10 ⴰⵥⵖⴰⵔ-ⵏⵉⵖ ‘ⵍⵖⴰⴱⴻⵜ’ ⵏⵉⵖ ‘ⵜⴰⵥⴳⴰⵏⵜ’.
11 ⵏⴻⵛⵛ ⵙⵙⵏⴻⵖ ⵎⴰⵔⵔⴰ ⵉⵊⴹⴰⴹ ⵏ ⵉⴷⵓⵔⴰⵔ,
ⵎⴰⵔⵔⴰ ⵎⵉⵏ ⵉⵜⵜⴻⵏⵀⴻⵣⵣⴰⵏ ⴷⴻⴳ ⵉⵢⵢⴰⵔ,
ⴰⵇⴰ-ⵜ ⵉⵏⵓ.
12 ⵎⵍⵉ ⵜⵓⵖⴰ ⴷⴰⵢⵉ ⵍⴰⵥ,
ⵎⴰ ⵡⴰⵔ ⴷ ⴰⵛ ⵜ ⵇⵇⴰⵔⴻⵖ,
ⵎⴰⵖⴰⵔ ⵉⵏⵓ ⴷⴷⵓⵏⴻⵛⵜ ⴷ ⵓⵄⴻⵎⵎⴰⵔ ⵏⵏⴻⵙ. ◘50:12 ⵓⴼ. 19:5; ⴰⵄⵡⴷ. 10:14; ⴰⵢⵓⴱ 41:3; ⵉⵥⵀⴷ. 24:1; 1 ⴽⵓⵔ. 10:26, 28
13 ⵎⴰ ⴰⴷ ⵛⵛⴻⵖ ⵅⴻⵏⵏⵉ
ⴰⵢⵙⵓⵎ ⵏ ⵉⴼⵓⵏⴰⵙⴻⵏ ⵉⵊⴻⵀⴷⴻⵏ,
ⵏⵉⵖ ⵉⴷⴰⵎⵎⴻⵏ ⵏ ⵉⵖⴰⵢⴹⴻⵏ?
14 ⴰⵡⵉ-ⴷⴷ ⵉ ⴰⵔⴻⴱⴱⵉ ⵜⴰⵡⵀⵉⴱⵜ ⵏ ⵓⵇⴰⴷⵉ,
ⴽⴻⵎⵎⴻⵍ ⵍⵡⵓⵄⵓⴷ ⵏⵏⴻⵛ ⵉ ⵓⵎⵄⵓⴵⵉ ⵅ ⴽⵓⵍⵛⵉ. ◘50:14 ⴰⵄⵡⴷ. 23:22; ⴰⵢⵓⴱ 22:27; ⵉⵥⵀⴷ. 76:12; ⴰⵎⴱ. 5:3, 4, 5
15 ⵍⴰⵖⴰ ⴰⵢⵉ-ⴷⴷ ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ,
ⵅⴻⵏⵏⵉ ⴰⴷ ⵛⴻⴽ ⵙⵙⵏⴻⵊⵎⴻⵖ
ⵓⵛⴰ ⵛⴻⴽ ⴰⴷ ⴰⵢⵉ ⵜⴻⴳⴳⴻⴷ ⵛⵛⴰⵏ.”
16 ⵎⴰⵛⴰ ⵉ ⵓⵄⴻⴼⴼⴰⵏ ⵉⵇⵇⴰⵔ ⴰⵔⴻⴱⴱⵉ:
“ⵎⴰⵢⴻⵎⵎⵉ ⵜⴱⴰⵔⵔⵃⴻⴷ ⵜⵉⵡⴻⵚⵚⴰ ⵉⵏⵓ,
ⵎⴰⵢⴻⵎⵎⵉ ⵉ ⵜⴻⴳⴳⵉⴷ ⵍⵄⴰⵀⴷ ⵉⵏⵓ
ⴷⴻⴳ ⵓⵇⴻⵎⵎⵓⵎ ⵏⵏⴻⵛ,
17 ⵓⵎⵉ ⵜⵛⴰⵔⵔⵀⴻⴷ ⵜⵜⴰⵔⴱⵉⵢⵢⴻⵜ ⵉⵏⵓ
ⵓ ⵜⴻⵏⴹⴰⵔⴻⴷ ⴰⵡⴰⵍⴻⵏ ⵉⵏⵓ ⴰⵡⴰⵔⵏⵉ ⴰⵛ.
18 ⵎⴰⵍⴰ ⵜⴻⵥⵔⵉⴹ ⵉⵊⵊ ⵏ ⵓⵅⴻⵡⵡⴰⵏ,
ⴰⵎⵎⵓ ⵉ ⵜⴻⴳⴳⵓⵔⴻⴷ ⴰⴽⵉⴷⴻⵙ,
ⵜᵉⵜⵜⵚⵓⵔⵉⴷ ⴰⴽ-ⴷ ⵢⵉⵏⵏⵉ ⵉⵣⴻⵏⵏⴰⵏ.
19 ⴰⵇⴻⵎⵎⵓⵎ ⵏⵏⴻⵛ ⵜᵉⵜⵜⴰⵔⵔⵉⴷ ⵉ-ⵜ ⵉ ⵍⵖⴰⵔ,
ⵉⵍⴻⵙ ⵏⵏⴻⵛ ⵉⵜⵜⵅⴰⵔⵔⴻⵚ ⴷⴻⴳ ⵡⴻⵛⵎⴰⵜ.
20 ⵜⴻⵜⵜⵖⵉⵎⵉⴷ ⴷⵉⵏⵏⵉ, ⵜⴻⵙⵙⴰⵡⴰⵍⴻⴷ ⵅ ⵓⵎⴰⵛ,
ⵜⴻⵙⵙⴻⴼⴷⴰⵃⴻⴹ ⵣⵉ ⵎⵎⵉⵙ ⵏ ⵢⴻⵎⵎⴰⵙ.
21 ⴰⵢⴰ ⵜᵉⵜⵜⴻⴳⴳⴻⴷ ⵓ ⵏⴻⵛⵛ ⵙⵙⴻⵖⴷⵉⵖ.
ⵜⵜⵖⵉⵍ ⴰⵛ, ⴰⵇⴰ ⴰⵢⵉ ⴰⵎ ⵛⴻⴽ.
ⵏⴻⵛⵛ ⴰⴷ ⵛⴻⴽ ⵡⴻⴱⴱⵅⴻⵖ,
ⴰⴷ ⵙⵙⴰⵔⵙⴻⵖ ⴷⴷⵏⵓⴱ ⵏⵏⴻⵛ
ⵣⵣⴰⵜ ⵉ ⵜⵉⵟⵟⴰⵡⵉⵏ ⵏⵏⴻⵛ.
22 ⴼⵀⴻⵎ ⴰⵢⴰ ⵅⴻⵏⵏⵉ, ⴰ ⵛⴻⴽ ⵉ ⵉⵜⵜⵓⵏ ⴰⵔⴻⴱⴱⵉ,
ⵃⵉⵎⴰ ⵡⴰⵔ ⵛⴻⴽ ⵜⵎⴻⵣⵣⵇⴻⵖ
ⴰⵎ ⵡⴰⵔ ⴷⵉⵏ ⵉⵜⵜⵉⵍⵉ ⵓⴼⴻⴽⴽⵉ.”
23 ⵡⴻⵏⵏⵉ ⴷⴷ-ⵉⵜⵜⴰⵡⵢⴻⵏ ⵜⴰⵖⴰⵔⵚⵜ ⵏ ⵓⵇⴰⴷⵉ,
ⵉⵜⵜⴻⴳⴳ ⴰⵢⵉ ⵛⵛⴰⵏ ⵓ ⵉⵙⵙⴻⵡⵊⴰⴷ ⴰⴱⵔⵉⴷ,
ⵃⵉⵎⴰ ⴰⴷ ⴰⵙ ⵙⵙⴻⵛⵏⴻⵖ ⴰⵙⴻⵏⵊⴻⵎ ⵏ ⴰⵔⴻⴱⴱⵉ.
◼50:6 50:6 ⵍⵇⴰⴹⵉ-ⵏⵉⵖ ‘ⴰⵎⴻⵥⵔⵓⴼ’.
◼50:10 50:10 ⴰⵥⵖⴰⵔ-ⵏⵉⵖ ‘ⵍⵖⴰⴱⴻⵜ’ ⵏⵉⵖ ‘ⵜⴰⵥⴳⴰⵏⵜ’.
◘50:12 50:12 ⵓⴼ. 19:5; ⴰⵄⵡⴷ. 10:14; ⴰⵢⵓⴱ 41:3; ⵉⵥⵀⴷ. 24:1; 1 ⴽⵓⵔ. 10:26, 28
◘50:14 50:14 ⴰⵄⵡⴷ. 23:22; ⴰⵢⵓⴱ 22:27; ⵉⵥⵀⴷ. 76:12; ⴰⵎⴱ. 5:3, 4, 5