54
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⴰⵅⴻⵎⵎⵉ ⵏ ⴷⴰⵡⵓⴷ.
2 ⵍⴰⵎⵉ ⴷⴷ-ⵓⵙⵉⵏ ⵉⵣⵉⴼⵉⵢⵢⴻⵏ, ⵏⵏⴰⵏ ⴰⵙ ⵉ ⵛⴰⵡⵓⵍ: “ⵎⴰ ⵡⴰⵔ ⵉⵙⵙⵏⵓⴼⴼⴰⵔ ⴷⴰⵡⵓⴷ ⵉⵅⴻⴼ ⵏⵏⴻⵙ ⵖⴰⵔⵏⴻⵖ?”◘54:2 1 ⵚⵎ. 23:19-28; 26:1
3 ⵙⴻⵏⵊⴻⵎ ⴰⵢⵉ, ⴰ ⴰⵔⴻⴱⴱⵉ, ⵙ ⵢⵉⵙⴻⵎ ⵏⵏⴻⵛ,
ⴰⵖ ⴰⵢⵉ ⵜⴰⵙⵖⴰⵔⵜ ⵙ ⵜⵣⴻⵎⵎⴰⵔ ⵏⵏⴻⵛ ⵉⵊⴻⵀⴷⴻⵏ.
4 ⴰ ⴰⵔⴻⴱⴱⵉ, ⵙⴻⵍ ⵉ ⵜⵥⴰⴵⵉⵜ ⵉⵏⵓ,
ⵙⵃⴻⵙⵙ ⵉ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ.
5 ⵎⴰⵖⴰⵔ ⵉⴱⴰⵔⵔⴰⵏⵉⵢⵢⴻⵏ ⴽⴽⴰⵔⴻⵏ ⴰⴽⵉⴷⵉ,
ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ ⴰⵔⴻⵣⵣⵓⵏ ⴰⴷ ⴰⵢⵉ ⵏⵖⴻⵏ.
ⵡⴰⵔ ⵜⵜⴻⴳⴳⴻⵏ ⵛⴰ ⴰⵔⴻⴱⴱⵉ
ⵣⵣⴰⵜ ⵉ ⵜⵉⵟⵟⴰⵡⵉⵏ ⵏⵙⴻⵏ. ⵙⵉⵍⴰⵀ. ◼54:5 ⴰⵔⴻⵥⵥⵓⵏ ⴰⴷ ⴰⵢⵉ ⵏⵖⴻⵏ-ⵙ ⵜⵄⵉⴱⵔⴰⵏⵉⵜ ‘ⴰⵔⴻⵥⵥⵓⵏ ⴰⴷ ⵏⵖⴻⵏ ⵍⴻⵄⵎⴰⵔ ⵉⵏⵓ’.
6 ⵅⵣⴰⵔ, ⴰⵔⴻⴱⴱⵉ ⴷ ⴰⵎⵄⴰⵡⴻⵏ ⵉⵏⵓ.
ⵙⵉⴷⵉ ⵉⵏⵓ ⴰⵇⴰ-ⵜ ⵊⴰⵔ ⵢⵉⵏⵏⵉ ⴷ ⴰⵢⵉ ⵉⵙⴻⵏⵏⴷⴻⵏ.
7 ⵏⴻⵜⵜⴰ ⴰⴷ ⵉⵅⴻⴵⴻⵚ ⵍⵖⴰⵔ
ⵉ ⵢⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ.
ⵇⴹⴰ ⵅⴰⵙⴻⵏ ⴷⵉ ⵍⴰⵎⴰⵏ ⵏⵏⴻⵛ.
8 ⵙ ⵍⵅⴰⴹⴰⵔ ⴰⴷ ⴰⵛ ⴷⴷ-ⴰⵡⵢⴻⵖ ⵜⵉⵖⴰⵔⵚⴰ,
ⴰⴷ ⵇⴰⴷⵉⵖ ⵉⵙⴻⵎ ⵏⵏⴻⵛ, ⴰ ⵙⵉⴷⵉ,
ⵎⴰⵖⴰⵔ ⵏⴻⵜⵜⴰ ⴷ ⴰⵚⴻⴱⵃⴰⵏ,
9 ⵎⴰⵖⴰⵔ ⵏⴻⵜⵜⴰ ⵉⴼⴻⴽⴽ ⴰⵢⵉ
ⵣⵉ ⵎⴰⵔⵔⴰ ⵍⴻⵃⵚⴰⵔⴻⵜ,
ⵓⵛⴰ ⵢⴰⵔⵔⴰ ⴰⵢⵉ-ⴷⴷ ⴰⴷ ⵅⴻⵣⵣⴰⵔⴻⵖ
ⵅ ⵍⵄⴻⴷⵢⴰⵏ ⵉⵏⵓ ⵙⵡⴰⴷⴷⴰⵢ.
◘54:2 54:2 1 ⵚⵎ. 23:19-28; 26:1
◼54:5 54:5 ⴰⵔⴻⵥⵥⵓⵏ ⴰⴷ ⴰⵢⵉ ⵏⵖⴻⵏ-ⵙ ⵜⵄⵉⴱⵔⴰⵏⵉⵜ ‘ⴰⵔⴻⵥⵥⵓⵏ ⴰⴷ ⵏⵖⴻⵏ ⵍⴻⵄⵎⴰⵔ ⵉⵏⵓ’.