1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵉⵣⵍⵉ ⵏ ⵡⴻⵛⴹⴰⵏ’. ⴰⵅⴻⵎⵎⵉ ⵏ ⴷⴰⵡⵓⴷ.

2 ⴰⴱⵓⵀⴰⵍⵉ ⵉⵏⵏⴰ ⴷⴻⴳ ⵡⵓⵍ ⵏⵏⴻⵙ:

“ⵡⴰⵔ ⴷⵉⵏ ⴱⵓ ⴰⵔⴻⴱⴱⵉ!”

ⵏⵉⵜⵏⵉ ⵜⵜⴰⵔⴻⴷⴷⴵⴻⵏ,

ⵜⵜⴻⴳⴳⴻⵏ ⵎⵉⵏ ⵉⴵⴰⵏ ⴷ ⵏⵏⵄⵉ ⵏ ⵍⵖⴻⵛⵛ,

ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵎⵉⵏ ⵉⵛⵏⴰⵏ. ◘53:2 ⵉⵥⵀⴷ. 10:4; ⵉⵥⵀⴷ. 14; ⵔⵓⵎ. 3:12

3 ⴰⵔⴻⴱⴱⵉ ⵉⵅⴻⵣⵣⴰⵔ-ⴷⴷ ⵣⴻⴳ ⵓⵊⴻⵏⵏⴰ

ⵖⴰⵔ ⵜⴰⵔⵡⴰ ⵏ ⴱⵏⴰⴷⴻⵎ,

ⵃⵉⵎⴰ ⴰⴷ ⵉⵥⴰⵔ ⵎⴰ ⴷⵉⵏ ⵃⴻⴷ

ⵖⴰⵔⴻⵙ ⵍⴻⴼⵀⴰⵎⴻⵜ,

ⵉⵊⵊⴻⵏ ⵉ ⵢⴰⵔⴻⵣⵣⵓⵏ ⴰⵔⴻⴱⴱⵉ. ◘53:3 ⵔⵓⵎ. 3:11

4 ⵎⴰⵔⵔⴰ ⴼⴼⵖⴻⵏ ⵣⴻⴳ ⵡⴻⴱⵔⵉⴷ,

ⴰⵇⴰ ⴰⵜⴻⵏ ⵊⵎⵉⵄ ⴷⴻⵡⵍⴻⵏ ⴷ ⵉⵄⴻⴼⴼⴰⵏⴻⵏ,

ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵍⵅⴰⵔ,

ⵓⵍⴰ ⴷ ⵉⵊⵊ.

5 ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ

ⵎⴰ ⵡⴰⵔ ⵖⴰⵔⵙⴻⵏ ⵜⵓⵙⵙⵏⴰ,

ⵉⵏⵏⵉ ⵉⵜⵜᵉⵜⵜⴻⵏ ⵍⴳⴻⵏⵙ ⵉⵏⵓ

ⴰⵅⵎⵉ ⵜⵜᵉⵜⵜⴻⵏ ⴰⵖⵔⵓⵎ?

ⵏⵉⵜⵏⵉ ⵡⴰⵔ ⵜⵜⵍⴰⵖⴰⵏ ⵅ ⴰⵔⴻⴱⴱⵉ.

6 ⴰⵇⴰ ⴷⵉⵏ ⵉ ⵅⴰⵙⴻⵏ ⵜⴻⵡⴹⴰ

ⵜⵉⴳⴳⵯⵓⴷⵉ ⵉⵎⵖⴰⵔⴻⵏ,

ⵓⵎⵉ ⵡⴰⵔ ⴷⵉⵏ ⵎⵉⵏ ⵣⵉ ⵉ ⵖⴰ ⴳⴳⵯⴻⴷⴻⵏ,

ⵎⴰⵖⴰⵔ ⴰⵔⴻⴱⴱⵉ ⵉⵟⴰⵔⵔⴻⵛ ⵉⵖⵙⴰⵏ

ⵏ ⵡⴻⵏⵏⵉ ⵅⴰⴽ ⵉⵀⴻⵊⵊⵎⴻⵏ.

ⵛⴻⴽ ⵜⴻⵙⵙⴱⴻⵀⴷⵍⴻⴷ ⵉ-ⵜⴻⵏ,

ⵎⵉⵏⵣⵉ ⴰⵔⴻⴱⴱⵉ ⵉⵏⴹⴰⵔ ⵉ-ⵜⴻⵏ.

7 ⴰⵀ, ⵉⵍⵉ ⴰⵙⴻⵏⵊⴻⵎ ⴰⵎⴻⵇⵇⵔⴰⵏ ⵏ ⵉⵙⵔⴰⵉⵍ

ⴰⴷ ⴷⴷ-ⵢⴰⵙ ⴷⴻⵖⵢⴰ ⵣⵉ ⵚⵉⵀⵢⵓⵏ!

ⵅⵎⵉ ⴷⴷ ⵖⴰ ⵉⵏⵏⴻⵇⵍⴻⴱ ⴰⵔⴻⴱⴱⵉ

ⵜⴰⵎⴻⵃⴱⴰⵙⵜ ⵏ ⵍⴳⴻⵏⵙ ⵏⵏⴻⵙ,

ⴰⴷ ⵢⴰⵔⵛⴻⵇ ⵢⴰⵄⵇⵓⴱ,

ⴰⴷ ⵉⴼⴰⵔⵃ ⵉⵙⵔⴰⵉⵍ. ◘53:7 ⵢⵃ. 4:22; ⴰⵙⴰ. 14:1