10
1 ⵎⵉⵏ ⵉⵇⵇⵉⵎⴻⵏ ⵏ ⵓⵣⴻⵀⵀⴻⴷ 9
ⵍⴰⵎⵉⴷ. ⴰ ⵙⵉⴷⵉ,
ⵎⴰⵢⴻⵎⵎⵉ ⵜⴻⵇⵇⵉⵎⴻⴷ ⵜⵉⴳⴳⵯⴻⵊⴻⴷ ⴰⵎⵎⵓ?
ⵎⴰⵢⴻⵎⵎⵉ ⵜⴻⵙⵙⵏⵓⴼⴼⴰⵔⴻⴷ ⵉⵅⴻⴼ ⵏⵏⴻⵛ
ⴷⵉ ⵍⵡⴻⵇⵜ ⵏ ⵍⴻⵃⵚⴰⵔⴻⵜ?
2 ⵙ ⵏⵏⴼⴰⵅⴻⵜ ⵉⴹⴻⴼⴼⴰⵔ ⵓⵄⴻⴼⴼⴰⵏ ⵍⵎⴻⵙⴽⵉⵏ.
ⴰⴷ ⵜⵜⵡⴰⵟⵟⴼⴻⵏ ⵙ ⵜⵎⴻⵄⵎⴰⵍⵜ ⵉ ⴷⵉ ⵜⵜⵅⴰⵔⵔⵚⴻⵏ. ◘10:2 ⵉⵥⵀⴷ. 7:16; 9:16; ⴰⵡⵍⵏ. 5:22
3 ⵎⴰⵖⴰⵔ ⴰⵄⴻⴼⴼⴰⵏ ⵉⵙⵙⵄⵓⴵⴰ ⵉⵅⴻⴼ ⵏⵏⴻⵙ
ⵖⴰⵔ ⵎⴻⵥⵔⵉ ⵏ ⵍⴻⵄⵎⴰⵔ ⵏⵏⴻⵙ,
ⵉⵜⵜⴱⴰⵔⴻⴽ ⴰⴹⴻⵎⵎⴰⵄ, ⵉⵜⵜⵛⴻⵇⵇⴰⴼ ⴷⵉ ⵙⵉⴷⵉ.
4 ⴰⵄⴻⴼⴼⴰⵏ ⴰⵎ ⵡⴻⵏⵏⵉ ⵉⵙⵙⴳⴻⵄⵄⴰⴷⴻⵏ
ⵜⵉⵏⵣⴰⵔⵜ ⵏⵏⴻⵙ ⵖⴰⵔ ⵓⵊⴻⵏⵏⴰ,
ⵡⴰⵔ ⵉⵜⵜⴱⴻⵇⵇⴻⵛ, ⵉⵇⵇⴰⵔ.
“ⵡⴰⵔ ⴷⵉⵏ ⴰⵔⴻⴱⴱⵉ”,
ⵎⴰⵏ ⴰⵢⴰ ⴷ ⵎⴰⵔⵔⴰ ⵎⵉⵏ ⴷⵉ ⵉⵣⴻⵎⵎⴰⵔ ⴰⴷ ⵉⵜⵜⵅⴰⵔⵔⴻⵚ. ◘10:4 ⵉⵥⵀⴷ. 14:1; 53:2
5 ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵙ
ⵜⵜⴻⴼⴼⵖⴻⵏ ⴰⵙ ⵎⵍⵉⵃ ⴽⵓⵍ ⵜⵡⴰⵍⴰ.
ⵍⴻⵀⴽⴰⵎⴰⵜ ⵏⵏⴻⵛ ⵜⵜⵓⵄⵍⴰⵏⵜ ⵅⴰⵙ.
ⵉⵜⵜⵣⴰⵡⴰⵔ ⵎⴰⵔⵔⴰ ⵉⵏⵏⵉ ⵜ ⵉⵃⴻⵚⵚⴰⵔⴻⵏ.
6 ⵏⴻⵜⵜⴰ ⵉⵇⵇⴰⵔ ⴷⴻⴳ ⵡⵓⵍ ⵏⵏⴻⵙ: “ⵡⴰⵔ ⵜⵜⴻⵏⵀⴻⵣⵣⵉⵖ,
ⵣⵉ ⵊⵊⵉⵍ ⴰⵍ ⵊⵊⵉⵍ ⵡⴰⵔ ⴷ ⴰⵢⵉ ⵉⵍⴻⵇⵇⴻⴼ
ⵓⵍⴰ ⴷ ⵉⵊⵊ ⵏ ⵍⵖⴰⵔ.”
7 ⴰⵇⴻⵎⵎⵓⵎ ⵏⵏⴻⵙ ⵉⵛⵛⵓⵔ ⵙ ⵏⵏⴻⵄⵍⴻⵜ
ⴷ ⵉⵅⴰⵔⵔⵉⵇⴻⵏ ⴷ ⴷⴷⴻⴵ.
ⵙⴰⴷⵓ ⵢⵉⵍⴻⵙ ⵏⵏⴻⵙ
ⴰⵇⴰ ⴷⵉⵏ ⵜⴰⵎⴰⵔⴰ ⴷ ⵍⵎⵓⵄⵚⵉⵢⵢⴻⵜ. ◘10:7 ⵔⵓⵎ. 3:14
8 ⵏⴻⵜⵜⴰ ⵉⵜⵜⵖⵉⵎⴰ ⵖⴰⵔ ⵡⴻⵛⴱⴰⵔ ⴷⵉ ⴷⵛⵓⵔⴰⵜ,
ⴷⴻⴳ ⵉⵎⵓⵛⴰⵏ ⵉⵏⵏⵓⴼⴼⴰⵔⴻⵏ
ⵉⵏⴻⵇⵇ ⵉⵏⵏⵉ ⵡⴰⵔ ⵉⴳⴳⵉⵏ ⵙ ⵛⴰ.
ⵜⵉⵟⵟⴰⵡⵉⵏ ⵏⵏⴻⵙ ⵎⵎⴻⵏⴹⴰⵔⴻⵏⵜ ⵅ ⵍⵎⴻⵙⴽⵉⵏ.
9 ⵉⵍⴱⴻⵜ ⴷⴻⴳ ⵡⴻⵎⵛⴰⵏ ⵉⵏⵏⵓⴼⴰⵔⴻⵏ
ⴰⵎ ⵡⴻⵢⵔⴰⴷ ⴷⴻⴳ ⵓⴷⵓⵔⵔⵉ ⵏ ⵓⵄⵉⵛⵛⵓ ⵏⵏⴻⵙ.
ⵏⴻⵜⵜⴰ ⵉⵜⵜⵃⴻⴽⴽⴰⵔ ⵃⵉⵎⴰ ⴰⴷ ⵢⴰⵛⴰⵔ ⵍⵎⴻⵙⴽⵉⵏ.
ⵉⵜⵜⴰⵛⴰⵔ ⵍⵎⴻⵙⴽⵉⵏ ⵓⵎⵉ ⵜ ⵉⵊⴻⴱⴱⴻⴷ
ⴷⵉ ⵜⵔⴰⵛⵛⴰ ⵏⵏⴻⵙ.
10 ⵏⴻⵜⵜⴰ ⵉⵀⴻⴽⴽⵡⴰ-ⴷⴷ ⵖⴰⵔ ⵡⴰⴷⴷⴰⵢ,
ⵉⵜⵜⴰⴹⴰⵔ, ⴰⵇⴰ ⵍⵎⴻⵙⴽⵉⵏ ⵉⵡⴻⵟⵟⴰ
ⵊⴰⵔ ⵡⴰⵛⵛⴰⵔⴻⵏ ⵏⵏⴻⵙ ⵉⵊⴻⵀⴷⴻⵏ.
11 ⵉⵇⵇⴰⵔ ⴷⴻⴳ ⵡⵓⵍ ⵏⵏⴻⵙ: “ⴰⵔⴻⴱⴱⵉ ⵉⵜⵜⵓ,
ⵏⴻⵜⵜⴰ ⵉⵙⵙⵏⵓⴼⴼⴰⵔ ⵓⴷⴻⵎ ⵏⵏⴻⵙ,
ⵄⴻⵎⵎⴰⵔⵚ ⴰⴷ ⵜ ⵉⵥⴰⵔ.” ◘10:11 ⵉⵥⵀⴷ. 94:7
12 ⵇⵓⴼ. ⴽⴽⴰⵔ, ⴰ ⵙⵉⴷⵉ,
ⴰⵔⴻⴱⴱⵉ, ⵙⴳⴻⵄⵄⴻⴷ ⴰⴼⵓⵙ ⵏⵏⴻⵛ,
ⵡⴰⵔ ⵜⵜᵉⵜⵜⵓ ⵍⵎⵓⵙⴰⴽⵉⵏ.
13 ⵎⴰⵢⴻⵎⵎⵉ ⵉⵜⵜⵛⴻⵇⵇⴰⴼ ⵓⵄⴻⴼⴼⴰⵏ ⴷⵉ ⴰⵔⴻⴱⴱⵉ,
ⵎⴰⵢⴻⵎⵎⵉ ⵉⵇⵇⴰⵔ ⴷⴻⴳ ⵡⵓⵍ ⵏⵏⴻⵙ:
“ⵛⴻⴽ ⵡⴰⵔ ⵜᵉⵜⵜⴱⴻⵇⵇⴰⵛⴻⴷ!”?
14 ⵔⵉⵅ. ⴰⵇⴰ ⵛⴻⴽ ⵜⴻⵥⵔⵉⴷ,
ⵎⵉⵏⵣⵉ ⵛⴻⴽ ⵜᵉⵜⵜⵡⴰⵍⵉⴷ ⵜⴰⵎⴰⵔⴰ ⴷ ⵡⴻⵛⴹⴰⵏ,
ⵎⴰⵃⴻⵏⴷ ⴰⴷ ⵜⴻⵏ ⵜⴻⵙⵙⴰⵔⵙⴻⴷ ⴷⴻⴳ ⵓⴼⵓⵙ ⵏⵏⴻⵛ.
ⵍⵎⴻⵙⴽⵉⵏ ⵉⵜⵜⴰⵔⵔ-ⴷⴷ ⵖⴰⵔⴻⴽ ⵙ ⵓⵣⴻⴵⵉⴼ.
ⵛⴻⴽ ⴷ ⴰⵎⵄⴰⵡⴻⵏ ⵏ ⵓⵢⵓⵊⵉⵍ. ◼10:14 ⴰⵢⵓⵊⵉⵍ-ⵏⵉⵖ ‘ⴰⴳⵓⴳⵉⵍ’.
15 ⵛⵉⵏ. ⴰⵔⵥ ⴰⵖⵉⵍ ⵏ ⵓⵄⴻⴼⴼⴰⵏ,
ⵅⵍⴻⴼ ⵍⵖⴰⵔ ⵣⴻⴳ ⵡⴻⵏⵏⵉ ⵉⵜⵜⴻⴳⴳⴻⵏ ⵜⵓⵄⴻⴼⴼⵏⴰ,
ⴰⵍ ⵡⴰⵔ ⵜᵉⵜⵜⵉⴼⴻⴷ ⵡⴰⵍⵓ ⵄⴰⴷ.
16 ⵙⵉⴷⵉ ⴷ ⴰⵊⴻⴵⵉⴷ ⵉ ⵍⴻⴱⴷⴰ ⵇⴰⵄ.
ⵜⵜⵡⴰⵜⴻⵃⵃⴰⵏ ⵍⴻⴳⵏⵓⵙ ⵣⵉ ⵜⴻⵎⵎⵓⵔⵜ ⵏⵏⴻⵙ. ◘10:16 ⵉⵥⵀⴷ. 29:10; 145:13, 146:10; ⵉⵔⵎ. 10:10; ⵉⴳⵊⴷ. 5:19; ⴷⴰⵏ. 3:33; 6:27; 1 ⵜⵉⵎ. 1:17
17 ⵜⴰⴼ. ⴰ ⵙⵉⴷⵉ, ⵛⴻⴽ ⵜⴻⵙⵍⵉⴷ ⵉ ⵎⴻⵥⵔⵉ ⵏ ⵉⵎⵡⴰⴹⵄⴻⵏ,
ⴰⴷ ⵜⴻⵙⵙⵊⴻⵀⴷⴻⴷ ⵓⵍⴰⵡⴻⵏ ⵏⵙⴻⵏ,
ⴰⴷ ⵖⴰⵔⵙⴻⵏ ⵜⵎⴻⵢⵢⵍⴻⴷ ⴰⵎⴻⵣⵣⵓⵖ ⵏⵏⴻⵛ,
18 ⵃⵉⵎⴰ ⴰⴷ ⵜⴰⵖⴻⴷ ⵜⴰⵙⵖⴰⵔⵜ ⵉ ⵓⵢⵓⵊⵉⵍ
ⵓ ⵉ ⵡⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ,
ⵎⴰⵃⴻⵏⴷ ⵓⵍⴰ ⴷ ⵉⵊⵊ ⵏ ⴱⵏⴰⴷⴻⵎ ⵅ ⵜⴻⵎⵎⵓⵔⵜ
ⵡⴰⵔ ⵉⵜⵜⵖⵉⵎⵉ ⵉⵙⵙⴰⴳⴳⵯⴰⴷ ⵄⴰⴷ ⵓⵍⴰ ⴷ ⵉⵊⵊ.
◘10:2 10:2 ⵉⵥⵀⴷ. 7:16; 9:16; ⴰⵡⵍⵏ. 5:22
◘10:4 10:4 ⵉⵥⵀⴷ. 14:1; 53:2
◘10:11 10:11 ⵉⵥⵀⴷ. 94:7
◼10:14 10:14 ⴰⵢⵓⵊⵉⵍ-ⵏⵉⵖ ‘ⴰⴳⵓⴳⵉⵍ’.
◘10:16 10:16 ⵉⵥⵀⴷ. 29:10; 145:13, 146:10; ⵉⵔⵎ. 10:10; ⵉⴳⵊⴷ. 5:19; ⴷⴰⵏ. 3:33; 6:27; 1 ⵜⵉⵎ. 1:17