145
1 ⵉⵣⵍⵉ ⵏ ⵓⵚⴻⴱⴱⴻⵃ ⵏ ⴷⴰⵡⵓⴷ.
ⴰⵍⵉⴼ. ⴰ, ⴰⵔⴻⴱⴱⵉ ⵉⵏⵓ, ⴰⵊⴻⴵⵉⴷ,
ⵏⴻⵛⵛ ⴰⴷ ⵛⴻⴽ ⵙⵙⵄⵓⴵⴻⵖ,
ⴰⴷ ⴱⴰⵔⴽⴻⵖ ⵉⵙⴻⵎ ⵏⵏⴻⵛ ⵉ ⵍⴻⴱⴷⴰ ⵇⴰⵄ.
2 ⴱⵉⵜ. ⴽⵓⵍ ⴰⵙⵙ ⴰⴷ ⵛⴻⴽ ⴱⴰⵔⴽⴻⵖ,
ⴰⴷ ⵙⵙⴻⵎⵖⴰⵔⴻⵖ ⵉⵙⴻⵎ ⵏⵏⴻⵛ ⵉ ⵍⴻⴱⴷⴰ ⵇⴰⵄ.
3 ⴳⵉⵎⴻⵍ. ⵙⵉⴷⵉ ⴷ ⴰⵎⴻⵇⵇⵔⴰⵏ,
ⵉⵙⵙⴷⵉⵀⴻⴵ ⴰⵙⴻⵎⵖⴰⵔ ⴰⵟⵟⴰⵙ,
ⵍⴻⵎⵖⴰⵔⴻⵜ ⵏⵏⴻⵙ ⵡⴰⵔ ⴷⴰⵢⴻⵙ ⴱⵓ ⵜⴰⵔⴻⵣⵣⵓⵜ. ◘145:3 ⴰⵢⵓⴱ 5:9; ⵉⵥⵀⴷ. 18:4; 150:2
4 ⴷⴰⵍⵉⵜ. ⵊⵊⵉⵍ ⴰⵡⴰⵔⵏⵉ ⵊⵊⵉⵍ
ⴰⴷ ⵉⵙⵙⴻⵎⵖⴰⵔ ⵍⴻⵅⴷⴰⵢⴻⵎ ⵏⵏⴻⵛ,
ⴰⴷ ⴱⴰⵔⵔⵃⴻⵏ ⵙ ⵜⵎⴻⴳⴳⴰ ⵏⵏⴻⵛ ⵜⵉⵎⴻⵇⵇⵔⴰⵏⵉⵏ. ◘145:4 ⴰⵄⵡⴷ. 4:9; 6:7
5 ⵀⵉ. ⵏⴻⵛⵛ ⴰⴷ ⵙⵙⵉⵡⵍⴻⵖ
ⵅ ⵜⵉⵙⵙⵉⵇⵜ ⵏ ⵓⵄⵓⴵⵉ ⵏ ⵍⵄⴰⴹⴰⵎⴰ ⵏⵏⴻⵛ,
ⵅ ⵍⴻⵅⴱⴰⵔ ⵏ ⵍⵎⵓⵄⵊⵉⵣⴰⵜ ⵏⵏⴻⵛ. ◼145:5 ⵅ ⵍⴻⵅⴱⴰⵔ-ⵙ ⵜⵄⵉⴱⵔⴰⵏⵉⵜ ‘ⵏ ⵡⴰⵡⴰⵍⴻⵏ’.
6 ⵡⴰⵡ. ⵏⵉⵜⵏⵉ ⴰⴷ ⵙⵙⵉⵡⵍⴻⵏ
ⵅ ⵊⵊⵀⴻⴷ ⵏ ⵜⵎⴻⴳⴳⴰ ⵏⵏⴻⵛ ⵉⵙⵙⴰⴳⴳⵯⴰⴷⴻⵏ,
ⵏⴻⵛⵛ ⴰⴷ ⴱⴰⵔⵔⵃⴻⵖ ⵙ ⵍⴻⵎⵖⴰⵔⴻⵜ ⵏⵏⴻⵛ.
7 ⵣⴰⵢⵉⵏ. ⵍⵉⴷⴰⵔⴻⵜ ⵏ ⵜⵛⵓⵏⵉ ⵏⵏⴻⵛ ⵉⴼⴻⵢⵢⴹⴻⵏ
ⴰⴷ ⵜⵜ ⴳⴳⴻⵏ ⴷ ⵉⵊⵊ ⵏ ⵍⵄⵓⵏⵚⴰⵔ ⵉⵜⵜⵛⵓⵔⵛⵓⵔ,
ⴰⴷ ⵙⵍⵉⵡⵍⵉⵡⴻⵏ ⵉ ⵜⵙⴻⴳⴷⴰ ⵏⵏⴻⵛ. ◘145:7 ⵉⵥⵀⴷ. 119:171
8 ⵅⵉⵜ. ⵙⵉⴷⵉ ⴷ ⴰⵔⵃⵉⵎ ⴷ ⴰⵃⵏⵉⵏ,
ⵖⴰⵔⴻⵙ ⵜⵜⴰⵙⵉⵄ ⵏ ⵍⵅⴰⴹⴰⵔ
ⴷ ⵡⴰⵟⵟⴰⵙ ⵏ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ. ◘145:8 ⵓⴼ. 34:6, 7; ⵍⵅⵍ. 14:18; ⵉⵥⵀⴷ. 86:15; 103:8
9 ⵜⵉⵜ. ⵙⵉⴷⵉ ⴷ ⴰⵚⴻⴱⵃⴰⵏ ⵉ ⵎⴰⵔⵔⴰ,
ⴰⵔⵔⴻⵃⵎⴻⵜ ⵏⵏⴻⵙ ⴰⵇⴰ-ⵜⵜ ⵜⵉⵡⴰ
ⵎⴰⵔⵔⴰ ⵜⵉⵎⴻⴳⴳⴰ ⵏⵏⴻⵙ.
10 ⵢⵓⴷ. ⵎⴰⵔⵔⴰ ⵜⵉⵎⴻⴳⴳⴰ ⵏⵏⴻⵛ,
ⴰ ⵙⵉⴷⵉ, ⴰⴷ ⵛⴻⴽ ⵇⴰⴷⵉⵏⵜ,
ⵉⵎⵜⵉⵇⵇⴰⵏ ⵏⵏⴻⵛ ⴰⴷ ⵛⴻⴽ ⴱⴰⵔⴽⴻⵏ.
11 ⴽⴰⴼ. ⵏⵉⵜⵏⵉ ⴰⴷ ⵙⵙⵉⵡⵍⴻⵏ
ⵅ ⵓⵄⵓⴵⵉ ⵏ ⵜⴳⴻⵍⴷⵉⵜ ⵏⵏⴻⵛ, ⴰⴷ ⵙⵙⵉⵡⵍⴻⵏ
ⵅ ⵜⵉⵎⴻⴳⴳⴰ ⵏⵏⴻⵛ ⵜⵉⵎⴻⵇⵇⵔⴰⵏⵉⵏ,
12 ⵍⴰⵎⵉⴷ. ⵃⵉⵎⴰ ⴰⴷ ⴱⴰⵔⵔⵃⴻⵏ
ⵙ ⵜⵎⴻⴳⴳⴰ ⵏⵏⴻⵙ ⵜⵉⵎⴻⵇⵇⵔⴰⵏⵉⵏ
ⵉ ⵜⴰⵔⵡⴰ ⵏ ⴱⵏⴰⴷⴻⵎ,
ⵙ ⵓⵄⵓⴵⵉ ⵏ ⵍⵄⴰⴹⴰⵎⴰ ⵏ ⵜⴳⴻⵍⴷⵉⵜ ⵏⵏⴻⵙ.
13 ⵎⵉⵎ. ⵜⴰⴳⴻⵍⴷⵉⵜ ⵏⵏⴻⵛ
ⴷ ⵉⵛⵜ ⵏ ⵜⴳⴻⵍⴷⵉⵜ ⵉ ⵍⴻⴱⴷⴰ,
ⵍⴻⵃⴽⴰⵎⴻⵜ ⵏⵏⴻⵛ ⴰⴷ ⵜⵉⵍⵉ ⵅ ⴽⵓⵍ ⵊⵊⵉⵍ.
14 ⵙⴰⵎⵉⵅ. ⵙⵉⴷⵉ ⵉⵜⵜⵙⴻⵏⵏⴻⴷ
ⵎⴰⵔⵔⴰ ⵉⵏⵏⵉ ⵉⵡⴹⴰⵏ,
ⵉⵜⵜⵙⴻⴳⴳⴻⵎ ⵎⴰⵔⵔⴰ ⵉⵏⵏⵉ ⵉⵇⵡⵉⵙⴻⵏ.
15 ⵄⴰⵢⵉⵏ. ⵎⴰⵔⵔⴰ ⵜⵉⵟⵟⴰⵡⵉⵏ ⵜⵜⵔⴰⵊⴰⵏⵜ ⵛⴻⴽ,
ⵛⴻⴽ ⵜᵉⵜⵜⵉⵛⴻⴷ ⴰⵙⴻⵏ ⵎⴰⵛⵛⴰ
ⴷⵉ ⵍⵡⴻⵇⵜ ⵏⵏⴻⵙ ⵉⵜⵜⵡⴰⴳⴳⴻⵏ. ◘145:15 ⵉⵥⵀⴷ. 104:27
16 ⴱⵉ. ⵛⴻⴽ ⵜⴰⵔⴻⵣⵣⵎⴻⴷ ⴰⴼⵓⵙ ⵏⵏⴻⵛ,
ⵜⴻⵙⵙⵢⴰⵡⴰⵏⴻⴷ ⵎⴰⵔⵔⴰ ⵎⵉⵏ ⵉⴷⴷⴰⵔⴻⵏ
ⴰⴽ-ⴷ ⵎⵉⵏ ⵉⵅⵙ ⵍⵅⴰⴹⴰⵔ ⵏⵙⴻⵏ.
17 ⵜⵙⴰⴷⵉ. ⵙⵉⴷⵉ ⴰⵇⴰ-ⵜ ⵏⵉⵛⴰⵏ
ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵙ,
ⵉⵜⵜⴻⴳⴳ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ
ⴷⵉ ⵎⴰⵔⵔⴰ ⵜⵉⵎⴻⴳⴳⴰ ⵏⵏⴻⵙ.
18 ⵇⵓⴼ. ⵙⵉⴷⵉ ⵢⵓⴷⴻⵙ ⵉ ⵎⴰⵔⵔⴰ
ⵉⵏⵏⵉ ⵅⴰⵙ ⵉⵜⵜⵍⴰⵖⴰⵏ,
ⵎⴰⵔⵔⴰ ⵉⵏⵏⵉ ⵅⴰⵙ ⵉⵜⵜⵍⴰⵖⴰⵏ ⴷⵉ ⵜⵉⴷⴻⵜⵜ.
19 ⵔⵉⵅ. ⵏⴻⵜⵜⴰ ⵉⴳⴳⴰ ⵙ ⵍⵅⴰⴹⴰⵔ
ⵉ ⵎⴰⵔⵔⴰ ⵉⵏⵏⵉ ⵜ ⵉⵜⵜⴻⴳⴳⵯⴷⴻⵏ,
ⵉⵜⵜⴻⵙⵍⴰ ⵉⵖⵓⵢⵢⴰⵏ ⵏⵙⴻⵏ ⵓ ⵉⵙⵙⴻⵏⵊⴰⵎ ⵉ-ⵜⴻⵏ.
20 ⵛⵉⵏ. ⵙⵉⴷⵉ ⵉⵃⴻⵟⵟⴰ ⵅ ⵎⴰⵔⵔⴰ ⵉⵏⵏⵉ ⵜ ⵉⵜⵜⴻⵅⵙⴻⵏ,
ⵎⴰⵛⴰ ⵎⴰⵔⵔⴰ ⵉⵄⴻⴼⴼⴰⵏⴻⵏ ⵉⵜⵜⴻⵃⵃⴰ ⵉ-ⵜⴻⵏ.
21 ⵜⴰⴼ. ⴰⵇⴻⵎⵎⵓⵎ ⵉⵏⵓ ⴰⴷ ⵉⵙⵙⵉⵡⴻⵍ
ⵅ ⵓⵚⴻⴱⴱⴻⵃ ⵏ ⵙⵉⴷⵉ,
ⵎⴰⵔⵔⴰ ⴷⴷⴰⵜ ⴰⴷ ⵉⴱⴰⵔⴻⴽ
ⵉⵙⴻⵎ ⵏⵏⴻⵙ ⵉⵇⴻⴷⴷⵙⴻⵏ, ⵉ ⵍⴻⴱⴷⴰ ⵇⴰⵄ.
◘145:3 145:3 ⴰⵢⵓⴱ 5:9; ⵉⵥⵀⴷ. 18:4; 150:2
◼145:5 145:5 ⵅ ⵍⴻⵅⴱⴰⵔ-ⵙ ⵜⵄⵉⴱⵔⴰⵏⵉⵜ ‘ⵏ ⵡⴰⵡⴰⵍⴻⵏ’.
◘145:7 145:7 ⵉⵥⵀⴷ. 119:171
◘145:8 145:8 ⵓⴼ. 34:6, 7; ⵍⵅⵍ. 14:18; ⵉⵥⵀⴷ. 86:15; 103:8
◘145:15 145:15 ⵉⵥⵀⴷ. 104:27