5
1 ⵍⴰⵖⴰ ⵎⴰⵛⴰ! ⵎⴰ ⴷⵉⵏ ⵛⴰ ⵏ ⵢⵉⵊⵊⴻⵏ
ⵉ ⵅⴰⴽ ⴷⴷ ⵖⴰ ⵢⴰⵔⵔⴻⵏ?
ⵖⴰⵔ ⵎⴰⵏ ⵣⴻⴳ ⵉⵎⵇⴻⴷⴷⴰⵙⴻⵏ ⵉ ⵖⴰ ⵜⵙⴻⵡⴹⴻⴷ?
2 ⵎⵉⵏⵣⵉ ⴰⵅⴻⵢⵢⴻⵇ ⵉⵏⴻⵇⵇ ⴰⴱⵓⵀⴰⵍⵉ,
ⵓ ⵜⵓⵙⵎⵉ ⵜⵏⴻⵇⵇ ⴰⵇⵓⴱⴱⴰⵏⵉ.
3 ⵥⵔⵉⵖ ⵉⵊⵊ ⵏ ⵓⴱⵓⵀⴰⵍⵉ ⵉⴹⵍⴻⵇ ⵉ ⵡⴻⵥⵡⴰⵔ,
ⵎⴰⵛⴰ ⵅ ⵉⵛⵜ ⵏ ⵍⵖⴻⴼⵍⴻⵜ
ⵜⵓⵖⴰ ⵉⵜⵜⵅⴻⵚⵚⴰ ⴰⴷ ⵏⴻⵄⵍⴻⵖ ⵜⴰⵣⴻⴷⴷⵉⵖⵜ ⵏⵏⴻⵙ.
4 ⵉⴳⴳⵯⴻⵊⴻⵏ ⵉⵃⴻⵏⵊⵉⵔⴻⵏ ⵏⵏⴻⵙ ⵅ ⵓⵙⴻⵏⵊⴻⵎ,
ⵜⵜⵡⴰⴷⴷⵣⴻⵏ ⵖⴰⵔ ⵜⴻⵡⵡⴰⵔⵜ ⵏ ⵜⴻⵏⴷⵉⵏⵜ
ⵓⵛⴰ ⵡⴰⵔ ⵜⵓⵖⵉ ⴷⵉⵏ ⵡⵉ ⵜⴻⵏ ⵉ ⵖⴰ ⵉⴼⴻⴽⴽⴻⵏ,
5 ⵓⵎⵉ ⵉⵛⵛⴰ ⵓⵎⴻⵀⵢⵓⴼ ⵚⵚⴰⴱⴻⵜ ⵏⵏⴻⵙ
- ⵡⴰⵀ, ⵡⴰⵏⵉⵜⴰ ⵉⵙⵙⵓⴼⴼⴻⵖ ⵉ-ⵜ-ⵉ-ⴷⴷ ⵄⴰⴷ
ⵣⴻⴳ ⵉⵙⴻⵏⵏⴰⵏⴻⵏ -
ⵓ ⵉⵙⴰⵔⴹ ⵓⵅⴻⵡⵡⴰⵏ ⴰⴳⵍⴰ ⵏⵙⴻⵏ.
6 ⵎⴰⵖⴰⵔ ⵡⴰⵔ ⵉⴵⵉ ⵣⵉ ⵜⵄⴻⵊⵊⴰⵊⵜ
ⵉ ⵣⵉ ⴷⴷ-ⵉⵜⵜⴻⴽⴽ ⵍⵖⴰⵔ
ⵓ ⵣⵉ ⵜⴻⵎⵎⵓⵔⵜ ⵡⴰⵔ ⴷⴷ-ⵜⵖⴻⵎⵎⵉ ⵜⴰⵎⴰⵔⴰ,
7 ⵎⴰⵛⴰ ⴱⵏⴰⴷⴻⵎ
ⴷ ⵡⴻⵏⵏⵉ ⴷⴷ-ⵉⵜⵜⵡⴰⵅⴻⵍⵇⴻⵏ ⵉ ⵜⴰⵎⴰⵔⴰ,
ⴰⵎ ⴳⴻⵄⵄⴷⴻⵏⵜ ⵜⵛⴻⵄⵄⴰⵍⵉⵏ ⵏ ⵜⵎⴻⵙⵙⵉ
ⵎⴰⵃⴻⵏⴷ ⴰⴷ ⴹⵡⵉⵏⵜ.
8 ⵎⵍⵉ ⵓⴼⵉⵖ ⴰⴷ ⴰⵔⵣⵓⵖ ⵖⴰⵔ ⴰⵔⴻⴱⴱⵉ,
ⴰⴷ ⵙⵙⵉⵡⴹⴻⵖ ⵜⴰⵎⴻⵙⵍⴰⵛⵜ ⵉⵏⵓ ⵖⴰⵔ ⴰⵔⴻⴱⴱⵉ,
9 ⵡⴻⵏⵏⵉ ⵉⵜⵜⴻⴳⴳⴻⵏ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ,
ⵡⴰⵔ ⴷⵉⵏ ⵡⵉ ⵜⴻⵏⵜ ⵉ ⵖⴰ ⵉⴼⴻⵀⵎⴻⵏ,
ⵉⵜⵜⴻⴳⴳ ⵍⵎⵓⵄⵊⵉⵣⴰⵜ
ⵉ ⵡⴰⵔ ⵉⵣⴻⵎⵎⴰⵔ ⴰⴷ ⵜⵜⵡⴰⵃⴻⵙⴱⴻⵏⵜ. ◘5:9 ⴰⵢⵓⴱ 9:10; ⵉⵥⵀⴷ. 72:18; ⵔⵓⵎ. 11:33
10 ⵉⵙⵙⴰⴽⴽⵯⴰⴹ ⴰⵏⵥⴰⵔ ⵅ ⵡⵓⴷⴻⵎ ⵏ ⵜⴻⵎⵎⵓⵔⵜ,
ⵓⵛⴰ ⵉⵙⵙⴻⴽⴽⴰ ⴰⵎⴰⵏ ⵅ ⵡⵓⴷⴻⵎ ⵏ ⵉⵢⵢⴰⵔⴻⵏ, ◘5:10 ⵉⵥⵀⴷ. 104:10
11 ⵃⵉⵎⴰ ⴰⴷ ⵉⵙⵙⴳⴻⵄⵄⴻⴷ ⵉⵎⵡⴰⴹⵄⴻⵏ,
ⵓⵛⴰ ⵉⵏⵏⵉ ⵉⵛⴻⴹⵏⴻⵏ ⴰⴷ ⵜⴻⵏ ⵙⵙⵓⵄⵍⴰⵏ ⵖⴰⵔ ⵍⴰⵎⴰⵏ. ◘5:11 1 ⵚⵎ. 2:7; ⵉⵥⵀⴷ. 113:7, 8
12 ⵏⴻⵜⵜⴰ ⵉⵙⵙⴱⴻⵟⵟⴻⵍ
ⵉⵅⴰⵔⵔⵉⵚⴻⵏ ⵏ ⵉⵃⵔⴰⵢⵎⵉⵢⵢⴻⵏ,
ⴰⵍⴰⵎⵉ ⵉⴼⴰⵙⵙⴻⵏ ⵏⵙⴻⵏ
ⵡⴰⵔ ⵣⴻⵎⵎⴰⵔⴻⵏ ⴰⴷ ⴳⴳⴻⵏ ⵡⴰⵍⵓ. ◘5:12 ⵏⴰⵃ. 4:9; ⵉⵥⵀⴷ. 33:10; ⵉⵛⴰ. 8:10
13 ⵉⵎⵉⵖⵉⵙⴻⵏ ⵉⵎⴻⵏⵏⴻⵄ ⵉ-ⵜⴻⵏ
ⴷⵉ ⵜⴻⵃⵔⴰⵢⵎⴻⵛⵜ ⵏⵙⴻⵏ,
ⵉⵜⵜⵡⴰⵙⵙⴱⴻⵟⵟⴻⵍ ⵛⵛⵡⴰⵔ ⵏ ⵉⵃⵔⴰⵢⵎⵉⵢⵢⴻⵏ. ◘5:13 1 ⴽⵓⵔ. 3:19
14 ⴷⴻⴳ ⵓⵣⵉⵍ ⵎⵎⵙⴰⴳⴰⵔⴻⵏ ⴰⴽ-ⴷ ⵜⴰⴵⴻⵙⵜ
ⵓⵛⴰ ⴷⵉ ⵟⵟⵃⴰ ⵏ ⵓⵣⵉⵍ
ⵜⵜⴼⴰⴼⴰⵏ ⴰⵎ ⵜⵜⴼⴰⴼⴰⵏ ⴷⵉ ⴵⵉⵍⴻⵜ. ◘5:14 ⴰⵄⵡⴷ. 28:29
15 ⵏⴻⵜⵜⴰ ⵉⵙⵙⴻⵏⵊⴰⵎ ⵣⵉ ⵙⵙⵉⴼ ⵉ ⴷⴷ-ⵉⵜⵜⴻⴼⴼⵖⴻⵏ
ⵣⴻⴳ ⵓⵇⴻⵎⵎⵓⵎ ⵏⵙⴻⵏ,
ⵓⵍⴰ ⴷ ⴰⵎⴻⵣⵍⵓⴹ ⵣⴻⴳ ⵓⴼⵓⵙ ⵏ ⵡⴻⵏⵏⵉ ⵉⵊⴻⵀⴷⴻⵏ.
16 ⴰⵎⵎⵓ ⵉ ⵢⴻⴵⴰ ⵍⴰⵢⴰⵙ ⵉ ⵓⵎⴻⵣⵍⵓⴹ
ⵓⵛⴰ ⴷⴷⴻⴵ ⴰⴷ ⵉⴱⴻⵍⵍⴻⵄ ⴰⵇⴻⵎⵎⵓⵎ ⵏⵏⴻⵙ. ◘5:16 ⵉⵥⵀⴷ. 107:42
17 ⵅⵣⴰⵔ, ⵙⵙⴻⵄⴷ ⵏ ⵡⴻⵔⵢⴰⵣ
ⵡⴻⵏⵏⵉ ⵉⵙⴻⴳⴳⴻⵎ ⴰⵔⴻⴱⴱⵉ.
ⵙ ⵓⵢⴰ ⵡⴰⵔ ⵜⴻⵙⵙⴻⵃⵇⵉⵔⵉ ⵛⴰ
ⵜⵜⴰⵔⴱⵉⵢⵢⴻⵜ ⵏ ⵓⵎⵣⴻⵎⵎⴰⵔ ⵅ ⴽⵓⵍⵛⵉ! ◘5:17 ⴰⵡⵍⵏ. 3:11, 12; ⵄⴱⵔ. 12:5; ⵢⴰⵄ. 1:12; ⴰⵙⴰ. 3:19
18 ⵎⴰⵖⴰⵔ ⵏⴻⵜⵜⴰ ⵉⵙⵙⵢⴻⵣⵣⵉⵎ ⴰⵢⵉ
ⵙ ⵉⵊⵊ ⵏ ⵓⵢⴻⵣⵣⵉⵎ ⵉⵜⵜⴻⵇⵇⵙⴻⵏ
ⵓⵛⴰ ⵅⴻⵏⵏⵉ ⵉⵜⵜⵛⴻⴷⴷⴰ,
ⵉⵛⵛⴰⵜ ⵓⵛⴰ ⵅⴻⵏⵏⵉ ⵉⴼⴰⵙⵙⴻⵏ ⵏⵏⴻⵙ ⵙⵙⴳⴻⵏⴼⴰⵏ. ◘5:18 ⴰⵄⵡⴷ. 32:39; 1 ⵚⵎ. 2:6; ⵃⵓⵛ. 6:1
19 ⴷⵉ ⵙⴻⵜⵜⴰ ⵏ ⵍⴻⵃⵚⴰⵔⴰⵜ ⴰⴷ ⵛⴻⴽ ⵉⴼⴻⴽⴽ,
ⴷⵉ ⵜⴻⵏⵏⵉ ⵡⵉⵙⵙ ⵙⴻⴱⵄⴰ ⵡⴰⵔ ⵛⴻⴽ ⵉⵍⴻⵇⵇⴻⴼ ⵍⵖⴰⵔ. ◘5:19 ⵉⵥⵀⴷ. 91
20 ⴷⵉ ⵍⴰⵥ ⴰⴷ ⵛⴻⴽ ⵉⵙⵙⴻⵏⵊⴻⵎ ⵣⵉ ⵍⵎⴻⵡⵜ,
ⴷⴻⴳ ⵓⵎⴻⵏⵖⵉ ⵣⵉ ⵜⵉⵢⵢⵉⵜⴰ ⵏ ⵙⵙⵉⴼ.
21 ⴰⴷ ⵜⵉⵍⵉⴷ ⴷⵉ ⵍⴰⵎⴰⵏ
ⵣⵣⴰⵜ ⵉ ⵓⵔⴻⴽⴽⵓⴹ ⵏ ⵢⵉⵍⴻⵙ,
ⵡⴰⵔ ⵜᵉⵜⵜⴻⴳⴳⵯⴻⴷⴻⴷ ⵛⴰ ⵣⴻⴳ ⵡⴰⵔⴻⴷⴷⴻⴵ
ⵎⴰⵍⴰ ⵢⵓⵙⴰ-ⴷⴷ.
22 ⵅ ⵡⴰⵔⴻⴷⴷⴻⴵ ⴷ ⵍⴰⵥ
ⵜⵣⴻⵎⵎⴰⵔⴻⴷ ⴰⴷ ⵜⴹⴻⵃⵛⴻⴷ,
ⵣⵉ ⵍⴻⵡⵃⵓⵛ ⵏ ⵍⴻⵅⵍⴰ ⵏ ⵜⴻⵎⵎⵓⵔⵜ
ⵡⴰⵔ ⵜᵉⵜⵜⴻⴳⴳⵯⴻⴷⴻⴷ,
23 ⵎⴰⵖⴰⵔ ⵜⵇⴻⴹⵄⴻⴷ ⵍⵄⴰⵀⴷ ⴰⴽ-ⴷ ⵉⵥⵔⴰ ⵏ ⵢⴻⵢⵢⴰⵔ,
ⵅⴻⵏⵏⵉ ⵍⴻⵡⵃⵓⵛ ⵏ ⵍⴻⵅⵍⴰ
ⴰⴷ ⴽⵉⴷⴻⴽ ⴷⴷⴰⵔⴻⵏ ⴷⵉ ⵍⴻⵀⵏⴰ. ◘5:23 ⵃⵓⵛ. 2:20
24 ⴰⴷ ⵜⴰⵔⴳⴱⴻⴷ ⴰⵇⴰ ⵍⴻⵀⵏⴰ ⴷ ⴰⵇⵉⴹⵓⵏ ⵏⵏⴻⵛ,
ⴰⴷ ⵜⴱⴻⵇⵇⵛⴻⴷ ⵜⴰⵣⴻⴷⴷⵉⵖⵜ ⵏⵏⴻⵛ,
ⴰⴷ ⵜⴰⴼⴻⴷ ⵡⴰⵔ ⵛⴻⴽ ⵉⵜⵜⵅⴻⵚⵚⵉ ⵡⴰⵍⵓ.
25 ⵛⴻⴽ ⴰⴷ ⵜⴻⵙⵙⵏⴻⴷ ⴰⵇⴰ ⴰⵔⵔⴰⵡ ⵏⵏⴻⵛ ⴰⵟⵟⴰⵙ,
ⵓ ⴷⴷⵓⵔⵔⵢⴻⵜ ⵏⵏⴻⵛ
ⴰⵎ ⵡⴻⴼⵙⵓ ⴰⵣⵉⵣⴰ ⵏ ⵜⴻⵎⵎⵓⵔⵜ.
26 ⴰⴷ ⵜⴰⴷⴼⴻⴷ ⵖⴰⵔ ⵡⴻⵏⴹⴻⵍ ⴷⵉ ⵜⴻⵡⵙⴰⵔ,
ⴰⵎ ⵎⴰⵎⵎⴻⵛ ⵙⵙⴳⴻⵄⵄⴷⴻⵏ
ⵉⵊⵊ ⵏ ⵓⵄⵓⵔⵔⵉⵛ ⵏ ⵜⵇⴻⴱⴱⵉⴹⵉⵏ ⵏ ⵉⵎⴻⵏⴷⵉ
ⵖⴰⵔ ⵓⵏⴻⴷⵔⴰⵔ ⴷⵉ ⵍⵃⴰⵍ ⵏⵏⴻⵙ.
27 ⵅⵣⴰⵔ, ⵎⴰⵏ ⴰⵢⴰ, ⴰⵇⴰ ⵏⴻⵛⵛⵉⵏ ⵏⴰⵔⵣⵓ ⴷⴰⵢⴻⵙ,
ⴰⵎⵎⵓ ⵉ ⵜⴻⴵⴰ!
ⵙⴻⵍ ⵖⴰⵔⴻⵙ, ⵙⵙⴻⵏ ⵉ-ⵜ ⴷⴻⴳ ⵢⵉⵅⴻⴼ ⵏⵏⴻⵛ!
◘5:9 5:9 ⴰⵢⵓⴱ 9:10; ⵉⵥⵀⴷ. 72:18; ⵔⵓⵎ. 11:33
◘5:10 5:10 ⵉⵥⵀⴷ. 104:10
◘5:11 5:11 1 ⵚⵎ. 2:7; ⵉⵥⵀⴷ. 113:7, 8
◘5:12 5:12 ⵏⴰⵃ. 4:9; ⵉⵥⵀⴷ. 33:10; ⵉⵛⴰ. 8:10
◘5:13 5:13 1 ⴽⵓⵔ. 3:19
◘5:14 5:14 ⴰⵄⵡⴷ. 28:29
◘5:16 5:16 ⵉⵥⵀⴷ. 107:42
◘5:17 5:17 ⴰⵡⵍⵏ. 3:11, 12; ⵄⴱⵔ. 12:5; ⵢⴰⵄ. 1:12; ⴰⵙⴰ. 3:19
◘5:18 5:18 ⴰⵄⵡⴷ. 32:39; 1 ⵚⵎ. 2:6; ⵃⵓⵛ. 6:1
◘5:19 5:19 ⵉⵥⵀⴷ. 91