107
ⴰⴷⵍⵉⵙ ⵡⵉⵙⵙ ⵅⴻⵎⵙⴰ: ⵉⵣⴻⵀⵀⵉⴷⴻⵏ 107-150
1 ⵇⴰⴷⴰⵎ ⵙⵉⴷⵉ,
ⵎⴰⵖⴰⵔ ⵏⴻⵜⵜⴰ ⵉⵚⴱⴻⵃ,
ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ
ⵜᵉⵜⵜⵖⵉⵎⴰ ⵉ ⵍⴻⴱⴷⴰ.
2 ⴻⵊⵊ ⵉⵏⵏⵉ ⵉⵜⵜⵡⴰⴼⴻⴽⴽⴻⵏ ⵏ ⵙⵉⴷⵉ
ⴰⴷ ⵙⵙⵉⵡⵍⴻⵏ ⴰⵎⵎⵓ,
ⵉⵏⵏⵉ ⵉⴼⴻⴽⴽ ⵣⴻⴳ ⵓⴼⵓⵙ
ⵏ ⵢⵉⵏⵏⵉ ⵜⴻⵏ ⵉⵃⴻⵚⵚⴰⵔⴻⵏ, ◼107:2 ⵉⵜⵜⵡⴰⴼⴻⴽⴽⴻⵏ ... ⵉⴼⴻⴽⴽ-ⵏⵉⵖ ‘ⵉⵜⵜⵡⴰⴼⴷⵉⵏ ... ⵉⴼⴷⵉ’. ⵅⵥⴰⵔ ⵉⵥⵀⴷ. 78:35. ◘107:2 ⵉⵥⵀⴷ. 35:9; ⵉⵥⵀⴷ. 63:2, 3; ⵉⵛⴰ. 49:12; 56:18; 62:12;
3 ⵉⵏⵏⵉ ⵉⵙⵙⵎⵓⵏ ⵣⵉ ⵜⴻⵎⵎⵓⵔⴰ,
ⵣⵉ ⵛⵛⴰⵔⵇ, ⵣⵉ ⵍⵖⴰⵔⴱ, ⵣⵉ ⵛⵛⴰⵎⴰⵍ
ⵓ ⵣⵉ ⵍⴻⴱⵃⴰⵔ. ◘107:3 ⵉⵥⵀⴷ. 106:47; ⴰⵄⵡⴷ. 30:4, 5
4 ⵜⵓⵖⴰ ⴷⵉⵏ ⵉⵏⵏⵉ ⵉⵡⴻⴷⴷⴰⵔⴻⵏ ⴷⵉ ⵍⴻⵅⵍⴰ,
ⴰⴱⵔⵉⴷ ⵏⵙⴻⵏ ⵉⴽⴽⴰ ⵅ ⵜⵏⴻⵣⵔⵓⴼⵜ,
ⵡⴰⵔ ⵓⴼⵉⵏ ⵜⴰⵏⴷⵉⵏⵜ
ⵎⴰⵃⴻⵏⴷ ⴰⴷ ⴷⴰⵢⴻⵙ ⵣⴻⴷⵖⴻⵏ.
5 ⴷⴰⵢⵙⴻⵏ ⵍⴰⵥ ⴷ ⵓⴼⴰⴷⵉ,
ⵍⴻⵄⵎⴰⵔ ⵏⵙⴻⵏ ⵉⴼⵛⴻⵍ ⴷⴰⵢⵙⴻⵏ.
6 ⵅⴻⵏⵏⵉ ⵙⵖⵓⵢⴻⵏ ⵖⴰⵔ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ,
ⵓ ⵏⴻⵜⵜⴰ ⵉⴼⴻⴽⴽ ⵉ-ⵜⴻⵏ ⵣⵉ ⵜⵉⴳⴳⵯⵓⴷⵉ ⵏⵙⴻⵏ.
7 ⵏⴻⵜⵜⴰ ⵉⵏⴷⴻⵀ ⵉ-ⵜⴻⵏ
ⴷⴻⴳ ⵉⵊⵊ ⵏ ⵡⴻⴱⵔⵉⴷ ⵉⵙⴻⴳⴳⴻⴷ,
ⵎⴰⵃⴻⵏⴷ ⴰⴷ ⵓⵢⵓⵔⴻⵏ ⵖⴰⵔ ⵉⵛⵜ ⵏ ⵜⴻⵏⴷⵉⵏⵜ
ⵃⵉⵎⴰ ⴰⴷ ⴷⴰⵢⴻⵙ ⵣⴻⴷⵖⴻⵏ.
8 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,
ⵅ ⵍⵎⵓⵄⵊⵉⵣⴰⵜ ⵏⵏⴻⵙ ⵉ ⵜⴰⵔⵡⴰ ⵏ ⴱⵏⴰⴷⴻⵎ.
9 ⵎⴰⵖⴰⵔ ⵏⴻⵜⵜⴰ ⵉⵙⵙⵊⵊⵉⵡⴻⵏ ⵍⴻⵄⵎⴰⵔ ⵉⴼⴼⵓⴷⴻⵏ,
ⵍⴻⵄⵎⴰⵔ ⵉⴵⵓⵥⴻⵏ ⵉⵛⵛⵓⵔ ⵉ-ⵜ ⵙ ⵍⵅⴰⵔ.
10 ⵜⵓⵖⴰ ⴷⵉⵏ ⵉⵏⵏⵉ ⵉⵇⵇⵉⵎⴻⵏ
ⴷⵉ ⵜⴰⴵⴻⵙⵜ ⴷ ⵜⵉⵍⵉ ⵏ ⵍⵎⴻⵡⵜ,
ⵙ ⵉⵛⴻⴷⴷⵉⵢⴻⵏ ⵏ ⴷⴷⴻⴵ ⴷ ⵡⵓⵣⵣⴰⵍ,
11 ⵎⴰⵖⴰⵔ ⵖⴻⵡⵡⵖⴻⵏ
ⴰⴽ-ⴷ ⵡⴰⵡⴰⵍⴻⵏ ⵏ ⴰⵔⴻⴱⴱⵉ,
ⵡⴰⵔ ⵙⵍⵉⵏ ⵖⴰⵔ ⵛⵛⵡⴰⵔ
ⵏ ⵓⵎⵄⵓⴵⵉ ⵅ ⴽⵓⵍⵛⵉ.
12 ⵏⴻⵜⵜⴰ ⵉⵙⵙⴻⵇⵏⴻⵄ ⵓⵍ ⵏⵙⴻⵏ ⵙ ⵜⴰⵎⴰⵔⴰ,
ⵏⵏⴷⴻⵔⴼⴻⵏ, ⵡⴰⵔ ⵓⴼⵉⵏ ⵡⵉ ⵖⴰ ⵉⵡⵛⴻⵏ ⴰⴼⵓⵙ.
13 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
ⵓ ⵏⴻⵜⵜⴰ ⵉⵙⵙⴻⵏⵊⴻⵎ ⵉ-ⵜⴻⵏ
ⵣⵉ ⵜⵉⴳⴳⵯⵓⴷⵉ ⵏⵙⴻⵏ,
14 ⵏⴻⵜⵜⴰ ⵉⵙⵙⵓⴼⴼⴻⵖ ⵉ-ⵜⴻⵏ ⵣⵉ ⵜⴰⴵⴻⵙⵜ
ⵓ ⵣⵉ ⵜⵉⵍⵉ ⵏ ⵍⵎⴻⵡⵜ,
ⵢⴰⵔⵥⴰ ⵉⵛⴻⴷⴷⵉⵢⴻⵏ ⵏⵙⴻⵏ.
15 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,
ⵅ ⵍⵎⵓⵄⵊⵉⵣⴰⵜ ⵏⵏⴻⵙ ⵉ ⵜⴰⵔⵡⴰ ⵏ ⴱⵏⴰⴷⴻⵎ.
16 ⵎⴰⵖⴰⵔ ⵏⴻⵜⵜⴰ ⵢⴰⵔⵥⴰ ⵜⵉⵡⵡⵓⵔⴰ ⵏ ⵏⵏⵃⴰⵙ,
ⵉⵛⴰⵔⵔⴻⴳ ⵣⵣⴻⴽⵔⵓⵏⴰⵜ ⵏ ⵡⵓⵣⵣⴰⵍ.
17 ⵜⵓⵖⴰ ⴷⵉⵏ ⵉⴱⵓⵀⴰⵍⵉⵢⵢⴻⵏ ⵉⵏⵏⵉ ⵉⵜⵜⵡⴰⵖⴻⵣⵣⴰⵏ
ⵣⵉ ⵙⵙⵉⴱⴱⴻⵜ ⵏ ⵓⵅⴻⵟⵟⵓ ⵏⵙⴻⵏ ⴷ ⵍⵎⵓⵄⵚⵉⵢⵢⴻⵜ ⵏⵙⴻⵏ.
18 ⵉⵄⵉⴼⴼ ⵍⴻⵄⵎⴰⵔ ⵏⵙⴻⵏ ⵣⵉ ⵎⴰⵔⵔⴰ ⵎⴰⵛⵛⴰ,
ⵉⵡⴹⴻⵏ ⴰⵍ ⵜⴻⵡⵡⵓⵔⴰ ⵏ ⵍⵎⴻⵡⵜ.
19 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
ⵓ ⵏⴻⵜⵜⴰ ⵉⵙⵙⴻⵏⵊⴻⵎ ⵉ-ⵜⴻⵏ ⵣⵉ ⵜⵉⴳⴳⵯⵓⴷⵉ ⵏⵙⴻⵏ.
20 ⵏⴻⵜⵜⴰ ⵉⵙⵙⴻⴽⴽ ⴰⵡⴰⵍ ⵏⵏⴻⵙ,
ⵉⵙⵙⴳⴻⵏⴼⴰ ⵉ-ⵜⴻⵏ ⵓ ⵉⵙⵙⴻⵏⵊⴻⵎ ⵉ-ⵜⴻⵏ
ⵣⴻⴳ ⵉⵃⵓⴼⴰⵔ ⵏⵙⴻⵏ.
21 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,
ⵅ ⵍⵎⵓⵄⵊⵉⵣⴰⵜ ⵏⵏⴻⵙ ⵉ ⵜⴰⵔⵡⴰ ⵏ ⴱⵏⴰⴷⴻⵎ.
22 ⴻⵊⵊ ⵉ-ⵜⴻⵏ ⴰⴷ ⴰⵡⵢⴻⵏ ⵜⵉⵡⵀⵉⴱⵉⵏ ⵏ ⵓⵇⴰⴷⵉ,
ⴰⴷ ⴱⴰⵔⵔⵃⴻⵏ ⵜⵉⵎⴻⴳⴳⴰ ⵏⵏⴻⵙ ⵙ ⵓⵙⵍⵉⵡⵍⴻⵡ. ◘107:22 ⵍⴰⵡⵉ 7:12; ⵉⵥⵀⴷ. 50:14
23 ⵜⵓⵖⴰ ⴷⵉⵏ ⵉⵏⵏⵉ ⵉⵀⴻⴽⴽⵡⴰⵏ
ⵖⴰⵔ ⵍⴻⴱⵃⴰⵔ ⵙ ⵉⵖⴰⵔⵔⵓⴱⴰ,
ⵉⵏⵏⵉ ⵉⵅⴻⴷⴷⵎⴻⵏ ⵅ ⵡⴰⵎⴰⵏ ⵉⵡⴻⵙⵄⴻⵏ. ◘107:23 ⴰⵙⴰ. 18:17
24 ⵥⵔⵉⵏ ⵎⵉⵏ ⵉⴳⴳⴰ ⵙⵉⴷⵉ,
ⵓⵍⴰ ⴷ ⵍⵎⵓⵄⵊⵉⵣⴰⵜ ⵏⵏⴻⵙ ⴷⵉ ⵍⴰⴵⴰⵖ ⵏ ⵍⴻⴱⵃⴰⵔ.
25 ⵎⴰⵍⴰ ⵏⴻⵜⵜⴰ ⵉⵙⵙⵉⵡⴻⵍ,
ⵉⴽⴽⴰⵔ-ⴷⴷ ⵉⵊⵊ ⵏ ⵓⵙⴻⵎⵎⵉⴹ
ⵏⵏⵉ ⵉⵙⵙⴳⴻⵄⵄⴷⴻⵏ ⵍⴻⵎⵡⴰⵊ ⵏⵏⴻⵙ.
26 ⴳⴻⵄⵄⴷⴻⵏ ⵖⴰⵔ ⵓⵊⴻⵏⵏⴰ
ⵓⵛⴰ ⵀⵡⴰⵏ ⵖⴰⵔ ⵜⵉⵙⵉ ⵏ ⵡⴰⵎⴰⵏ ⵉⵀⴻⵡⵍⴻⵏ.
ⵉⴼⵙⵉ ⵍⴻⵄⵎⴰⵔ ⵏⵙⴻⵏ ⵣⵉ ⵜⵉⴳⴳⵯⵓⴷⵉ.
27 ⵎⴻⵢⵢⵍⴻⵏ, ⵎⴻⵢⵢⵍⴻⵎ
ⵣⵉ ⵙⵙⴰ ⵖⴰⵔ ⴷⴰ ⴰⵎ ⵓⵎⴻⵙⵛⴰⵔ,
ⵉⵡⴻⴷⴷⴰⵔ ⴰⵙⴻⵏ ⵎⴰⵔⵔⴰ ⵍⴻⵄⵇⴻⵍ ⵏⵙⴻⵏ.
28 ⵅⴻⵏⵏⵉ ⵍⴰⵖⴰⵏ ⵉ ⵙⵉⴷⵉ ⴷⵉ ⵍⴻⵃⵚⴰⵔⴻⵜ ⵏⵙⴻⵏ
ⵓ ⵏⴻⵜⵜⴰ ⵉⵙⵙⵓⴼⴼⴻⵖ ⵉ-ⵜⴻⵏ-ⴷⴷ
ⵣⵉ ⵜⵉⴳⴳⵯⵓⴷⵉ ⵏⵙⴻⵏ.
29 ⵏⴻⵜⵜⴰ ⵢⴰⵔⵔⴰ ⴰⵙⴻⵎⵎⵉⴹ ⴰⴷ ⵢⴰⵔⵙⴰ,
ⴰⵍⴰⵎⵉ ⴷⴻⵡⵍⴻⵏ ⵍⴻⵎⵡⴰⵊ ⵙⵙⴻⵖⴹⴻⵏ.
30 ⵏⵉⵜⵏⵉ ⴼⴰⵔⵃⴻⵏ ⵓⵎⵉ ⴰⵔⵙⵉⵏ ⵍⴻⵎⵡⴰⵊ
ⵓ ⵓⵎⵉ ⵏⴻⵜⵜⴰ ⵉⵏⴷⴻⵀ ⵉ-ⵜⴻⵏ
ⵖⴰⵔ ⵍⵎⵓⵢⵢⵉ ⵉ ⵖⴰⵔⴻⵙ ⵜⵓⵖⴰ ⵜⵜⵎⴻⵥⵔⵉⵢⴻⵏ.
31 ⴻⵊⵊ ⵉ-ⵜⴻⵏ ⴰⴷ ⵇⴰⴷⴰⵏ ⵙⵉⴷⵉ
ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,
ⵅ ⵍⵎⵓⵄⵊⵉⵣⴰⵜ ⵏⵏⴻⵙ ⵉ ⵜⴰⵔⵡⴰ ⵏ ⴱⵏⴰⴷⴻⵎ,
32 ⴻⵊⵊ ⵉ-ⵜⴻⵏ ⴰⴷ ⵜ ⵙⵙⵄⵓⴵⴻⵏ
ⴷⴻⴳ ⵡⴻⴳⵔⴰⵡ ⵏ ⵍⴳⴻⵏⵙ,
ⴰⴷ ⵜ ⵛⴻⵏⵏⵄⴻⵏ ⴷⵉ ⵍⵃⴻⵍⵇⴻⵜ ⵏ ⵉⵎⵖⴰⵔⴻⵏ.
33 ⵏⴻⵜⵜⴰ ⵢⴰⵔⵔⴰ ⵉⵖⴻⵣⵔⴰⵏ ⴷ ⵍⴻⵅⵍⴰ,
ⵍⵄⵓⵏⵚⴰⵔⴰⵜ ⵢⴰⵔⵔⴰ ⵉ-ⵜⴻⵏⵜ
ⴷ ⵜⴰⵎⵎⵓⵔⵜ ⵉⴼⴼⵓⴷⴻⵏ,
34 ⵜⴰⵎⵎⵓⵔⵜ ⵉ ⵉⵜⵜⵉⵛⴻⵏ ⵍⵖⵉⴵⴻⵜ
ⵢⴰⵔⵔⴰ ⵉ-ⵜⵜ ⴷ ⵜⴰⵎⴻⴵⴰⵃⵜ,
ⵣⵉ ⵙⵙⵉⴱⴱⴻⵜ ⵏ ⵜⵓⵄⴻⴼⴼⵏⴰ
ⵏ ⵢⵉⵏⵏⵉ ⴷⴰⵢⴻⵙ ⵉⵣⴻⴷⴷⵖⴻⵏ.
35 ⵏⴻⵜⵜⴰ ⵢⴰⵔⵔⴰ ⵍⴻⵅⵍⴰ
ⴷ ⴰⵢⴻⵍⵎⴰⵎ ⵏ ⵡⴰⵎⴰⵏ,
ⵜⴰⵎⵎⵓⵔⵜ ⵢⵓⵥⵖⴻⵏ ⴷ ⵍⵄⵓⵏⵚⴰⵔⴰⵜ.◘107:35 ⵉⵛⴰ. 41:18
36 ⴷⵉⵏⵏⵉ ⵉ ⵉⵙⵙⴻⵣⴷⴻⵖ ⵉⵏⵏⵉ ⵉⴵⵓⵥⴻⵏ
ⵓⵛⴰ ⴷⵉⵏ ⵙⵙⴱⴻⴷⴷⴻⵏ ⵏⵉⵜⵏⵉ ⵉⵛⵜ ⵏ ⵜⴻⵏⴷⵉⵏⵜ
ⵎⴰⵃⴻⵏⴷ ⴰⴷ ⴷⴰⵢⴻⵙ ⵣⴻⴷⵖⴻⵏ.
37 ⵏⵉⵜⵏⵉ ⵣⴰⵔⵔⵄⴻⵏ ⴷⴻⴳ ⵉⵢⵢⴰⵔⴻⵏ,
ⵜⵜⴻⵥⵥⵓⵏ ⵜⵉⵣⴰⵢⴰⵔⵉⵏ ⴷⴻⴳ ⵉⵎⴰⵔⵊⴰⵄⴻⵏ,
ⵜⵉⵏⵏⵉ ⴷⴷ-ⵉⵜⵜⴰⵡⵢⴻⵏ ⵉⴳⵓⵎⵎⴰ
ⴷ ⵍⵖⵉⴵⴻⵜ ⵏⵙⴻⵏ.
38 ⵏⴻⵜⵜⴰ ⵉⴱⴰⵔⴻⴽ ⵉ-ⵜⴻⵏ,
ⴰⵍⴰⵎⵉ ⴷⴻⵡⵍⴻⵏ ⴷⴻⴳ ⵡⴰⵟⵟⴰⵙ,
ⴰⴳⵍⴰ ⵏ ⵍⵎⴰⵍ ⵏⵙⴻⵏ ⵡⴰⵔ ⵉⵜⵜⵡⴰⵙⵙⴻⵎⵥⵉ.
39 ⵅⴻⵏⵏⵉ ⵎⴰⵛⴰ ⴷⴰⴽⴽⵡⴰⵍⴻⵏ ⴷⵉ ⴷⵔⵓⵙ ⵄⴰⵡⴻⴷ,
ⵀⴻⴽⴽⵡⴰⵏ ⵖⴰⵔ ⵍⴰⴵⴰⵖ
ⵣⵉ ⵙⵙⵉⴱⴱⴻⵜ ⵏ ⵍⴻⵃⵚⴰⵔⴻⵜ
ⴷ ⵍⴻⵖⴱⴻⵏ ⴷ ⵡⴻⵛⴹⴰⵏ.
40 ⵏⴻⵜⵜⴰ ⵉⵜⵜⴽⴻⴱⴱⴰ ⴰⵙⴻⵃⵇⴰⵔ
ⵅ ⵜⴰⵔⵡⴰ ⵏ ⵜⴰⵚⵉⵍⴻⵜ,
ⵉⵊⵊⴰ ⵉ-ⵜⴻⵏ ⵜⵜᵉⵜⵍⵉⵄⴻⵏ ⴷⵉ ⵍⴻⵅⵍⴰ
ⵎⴰⵏⵉ ⵡⴰⵔ ⴵⵉⵏ ⵉⴱⵔⵉⴷⴻⵏ. ◘107:40 ⴰⵢⵓⴱ. 12:24
41 ⵉⵙⵙⴳⴻⵄⵄⴻⴷ-ⴷⴷ ⴰⵎⴻⵣⵍⵓⴹ ⵣⵉ ⵍⴻⵖⴱⴻⵏ
ⵓⵛⴰ ⵢⴰⵔⵔⴰ ⵍⴰⴵⴰⵜ ⴰⵎ ⵜⵃⵉⵎⴰⵔⵉⵏ ⵏ ⵡⵓⴵⵉ. ◘107:41 1 ⵚⵎ. 2:8; ⵉⵥⵀⴷ. 113:7, 8
42 ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵜⵜⵡⴰⵍⴰⵏ
ⵓⵛⴰ ⴼⴰⵔⵔⵃⴻⵏ,
ⵎⴰⵛⴰ ⵎⴰⵔⵔⴰ ⴰⵢⵜ ⵏ ⵍⵎⵓⵄⵚⵉⵢⵢⴻⵜ
ⵜⵜⴻⵇⵇⵏⴻⵏ ⴰⵇⴻⵎⵎⵓⵎ ⵏⵙⴻⵏ. ◘107:42 ⴰⵢⵓⴱ 5:16; 22:19
43 ⵡⴻⵏⵏⵉ ⴷ ⴰⵎⵉⵖⵉⵙ, ⴻⵊⵊ ⵉ-ⵜ ⴰⴷ ⵉⵃⴹⴰ,
ⴻⵊⵊ ⵉ-ⵜⴻⵏ ⴰⴷ ⵙⵙⵏⴻⵏ ⵏⵉⵛⴰⵏ
ⵜⵉⵎⴻⴳⴳⴰ ⵏ ⵜⵎⴻⵅⵙⵉⵡⵜ ⵏ ⵙⵉⴷⵉ.
◼107:2 107:2 ⵉⵜⵜⵡⴰⴼⴻⴽⴽⴻⵏ ... ⵉⴼⴻⴽⴽ-ⵏⵉⵖ ‘ⵉⵜⵜⵡⴰⴼⴷⵉⵏ ... ⵉⴼⴷⵉ’. ⵅⵥⴰⵔ ⵉⵥⵀⴷ. 78:35.
◘107:2 107:2 ⵉⵥⵀⴷ. 35:9; ⵉⵥⵀⴷ. 63:2, 3; ⵉⵛⴰ. 49:12; 56:18; 62:12;
◘107:3 107:3 ⵉⵥⵀⴷ. 106:47; ⴰⵄⵡⴷ. 30:4, 5
◘107:22 107:22 ⵍⴰⵡⵉ 7:12; ⵉⵥⵀⴷ. 50:14
◘107:23 107:23 ⴰⵙⴰ. 18:17
◘107:35 107:35 ⵉⵛⴰ. 41:18
◘107:40 107:40 ⴰⵢⵓⴱ. 12:24
◘107:41 107:41 1 ⵚⵎ. 2:8; ⵉⵥⵀⴷ. 113:7, 8
◘107:42 107:42 ⴰⵢⵓⴱ 5:16; 22:19