144
1 ⵏ ⴷⴰⵡⵓⴷ.
ⴰⴷ ⵉⵜⵜⵡⴰⴱⴰⵔⴻⴽ ⵙⵉⴷⵉ, ⵜⴰⵚⴹⴰⵔⵜ ⵉⵏⵓ,
ⵡⴻⵏⵏⵉ ⵉⵙⵙⴻⵍⵎⴰⴷⴻⵏ ⵉⴼⴰⵙⵙⴻⵏ ⵉⵏⵓ ⵉ ⵓⵎⴻⵏⵖⵉ,
ⵉⴹⴻⵡⴹⴰⵏ ⵉⵏⵓ ⵉ ⵍⵃⴰⵔⴱ. ◘144:1 2 ⵚⵎ. 22:35; ⵉⵥⵀⴷ. 18:35
2 ⵛⴻⴽ ⵉ ⴷ ⴰⵢⵉ ⵜⴻⴵⵉⴷ ⴷ ⴰⵎⴻⴷⴷⵓⴽⴽⴻⵍ ⵉⵏⵓ
ⵉ ⴷⴰⵢⴻⵙ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ,
ⵓⵍⴰ ⴷ ⵍⴱⵓⵔⵊ ⵉⵏⵓ, ⵍⴱⵓⵔⵊ ⵉⵏⵓ ⵢⵓⵄⵍⴰⵏ
ⴷ ⴰⵎⵙⴻⵏⵊⴻⵎ ⵉⵏⵓ,
ⵜⴰⵙⴻⴷⴷⴰⵔⵜ ⵉⵏⵓ ⵉ ⵓⵙⴻⵍⵇⵉ,
ⴷ ⵡⴻⵏⵏⵉ ⵖⴰⵔ ⴰⵔⴻⴽⴽⵡⴰⵍⴻⵖ,
ⴷ ⵡⴻⵏⵏⵉ ⴷ ⴰⵢⵉ ⵉⵙⵙⵡⴰⴹⴹⵄⴻⵏ ⵍⴳⴻⵏⵙ ⵉⵏⵓ. ◘144:2 2 ⵚⵎ. 22:48; ⵉⵥⵀⴷ. 18:48
3 ⴰ ⵙⵉⴷⵉ, ⵎⵉⵏ ⵉⵄⵏⴰ ⴱⵏⴰⴷⴻⵎ,
ⴰⵇⴰ ⵛⴻⴽ ⵜⴻⵅⵙⴻⴷ ⴰⴷ ⵜ ⵜⴻⵙⵙⵏⴻⴷ?
ⵎⵎⵉⵙ ⵏ ⴱⵏⴰⴷⴻⵎ,
ⴰⵇⴰ ⵛⴻⴽ ⵜᵉⵜⵜⵅⴰⵔⵔⵉⵚⴻⴷ ⴷⴰⵢⴻⵙ? ◘144:3 ⴰⵢⵓⴱ 7:17; ⵉⵥⵀⴷ. 8:5; 31:8; ⵄⴱⵔ. 2:6
4 ⴱⵏⴰⴷⴻⵎ ⴰⵎⴻⵛⵏⴰⵡ ⵍⴻⴼⵡⴰⵔ,
ⵓⵙⵙⴰⵏ ⵏⵏⴻⵙ ⴰⴷ ⵄⴷⵓⵏ ⴰⵎ ⵜⵉⵍⵉ. ◘144:4 ⴰⵢⵓⴱ 8:9; 14:2, 3; ⵉⵥⵀⴷ. 39:6; 62:10; 102:12; ⵢⴰⵄ. 4:14
5 ⵎⴻⵢⵢⴻⵍ ⵉⵊⴻⵏⵡⴰⵏ ⵏⵏⴻⵛ, ⴰ ⵙⵉⴷⵉ, ⵀⵡⴰ-ⴷⴷ.
ⵃⴰⴷⴰ ⵉⴷⵓⵔⴰⵔ, ⵅⴻⵏⵏⵉ ⴰⴷ ⴳⴳⴻⵏ ⴷⴷⴻⵅⵅⴰⵏ. ◘144:5 ⵉⵥⵀⴷ. 18:8, 10; 104:32
6 ⵥⴰⵔⵢⴻⴹ ⴰⵙⵙⴰⵎⴻⵏ ⵓ ⵣⴻⴵⴻⵄ ⵉ-ⵜⴻⵏ,
ⵙⴻⴽⴽ ⴼⵍⵉⵜⵛⴰⵜ ⵏⵏⴻⵛ ⵓ ⵙⵅⴰⵔⵡⴻⴹ ⵉ-ⵜⴻⵏ. ◘144:6 1 ⵚⵎ. 7:10; 2 ⵚⵎ. 22:8; ⵉⵥⵀⴷ. 18:15
7 ⵙⵡⵉⵥⵥⴻⴹ ⵉⴼⴰⵙⵙⴻⵏ ⵏⵏⴻⵛ ⵣⵉ ⵙⴻⵏⵏⴻⵊ,
ⵙⵓⴼⴼⴻⵖ ⴰⵢⵉ-ⴷⴷ ⵓ ⴼⴻⴽⴽ ⴰⵢⵉ
ⵣⵉ ⵍⵃⴻⵎⵍⴰⵜ ⵏ ⵡⴰⵎⴰⵏ ⵜⵉⵎⴻⵇⵇⵔⴰⵏⵉⵏ,
ⵣⴻⴳ ⵓⴼⵓⵙ ⵏ ⵉⴱⴰⵔⵔⴰⵏⵉⵢⵢⴻⵏ,
8 ⵎⴰⵖⴰⵔ ⴰⵇⴻⵎⵎⵓⵎ ⵏⵙⴻⵏ ⵉⵇⵇⴰⵔ ⵉⵅⴰⵔⵔⵉⵇⴻⵏ,
ⴰⴼⵓⵙ ⵏⵙⴻⵏ ⴰⴼⵓⵙⵉ ⴷ ⵉⵊⵊ ⵏ ⵓⴼⵓⵙ ⵉⵛⵛⵓⵔ ⵙ ⵍⵖⴻⵛⵛ.
9 ⴰ ⴰⵔⴻⴱⴱⵉ, ⴰⴷ ⴰⵛ ⵖⴻⵏⵏⵊⴻⵖ
ⵉⵊⵊ ⵏ ⵢⴻⵣⵍⵉ ⴷ ⵏ ⵊⴷⵉⴷ ⵉ ⵛⴻⴽ,
ⵙ ⵍⵀⴰⵔⴱⴰ ⵓ ⵙ ⵍⵄⵓⴷ ⵙ ⵄⴻⵛⵔⴰ ⵏ ⵉⴼⵉⵍⴰⵏ
ⴰⴷ ⴰⵛ ⵣⴻⵀⵀⴷⴻⵖ.
10 ⵛⴻⴽ ⴷ ⵡⴻⵏⵏⵉ ⵉⵙⵙⴰⵡⴰⴹⴻⵏ
ⴰⵙⴻⵏⵊⴻⵎ ⵉ ⵉⵊⴻⵊⴵⵉⴷⴻⵏ,
ⴷ ⵡⴻⵏⵏⵉ ⵉⴼⴻⴽⴽⴻⵏ ⴰⵎⵙⴻⵅⵅⴰⵔ ⵏⵏⴻⵙ ⴷⴰⵡⵓⴷ
ⵣⵉ ⵙⵙⵉⴼ ⴰⵄⴻⴼⴼⴰⵏ,
11 ⵙⵓⴼⴼⴻⵖ ⴰⵢⵉ-ⴷⴷ ⵓ ⴼⴻⴽⴽ ⴰⵢⵉ
ⵣⴻⴳ ⵓⴼⵓⵙ ⵏ ⵜⴰⵔⵡⴰ ⵏ ⵓⴱⴰⵔⵔⴰⵏⵉ,
ⵣⴻⴳ ⵡⴻⵏⵏⵉ ⵖⴰⵔ ⵉⴵⴰ ⵓⵇⴻⵎⵎⵓⵎ
ⵉ ⵉⵇⵇⴰⵔⴻⵏ ⵎⵖⵉⵔ ⵉⵅⴰⵔⵔⵉⵇⴻⵏ,
ⵓ ⵣⴻⴳ ⵡⴻⵏⵏⵉ ⵖⴰⵔ ⵉⴵⴰ ⵓⴼⵓⵙ ⴰⴼⵓⵙⵉ
ⵉⵛⵛⵓⵔ ⵙ ⵍⵖⴻⵛⵛ.
12 ⵎⴻⵄⵍⵉⴽ ⵉⵃⴻⵏⵊⵉⵔⴻⵏ ⵏⵏⴻⵖ
ⴰⴷ ⵉⵍⵉⵏ ⴰⵎ ⵢⵉⵖⴻⴷⴷⵉⵡⴻⵏ,
ⵉⵏⵏⵉ ⵉⵎⵖⴰⵔⴻⵏ ⵄⴰⴷ ⴷⵉ ⵜⴻⵎⵥⵉ ⵏⵙⴻⵏ,
ⵢⴻⵙⵙⵉⵜⵏⴻⵖ ⴰⵎ ⵜⵖⴻⵎⵎⴰⵔ
ⵉ ⴳⴳⵉⵏ ⵙ ⵓⴽⴻⵛⵛⵓⴹ
ⵙ ⵄⵍⴰⵎ ⴽⵓⵍ ⴰⵔⵛⴰⵎⴻⵏ,
ⴳⴳⵉⵏ ⵜⴻⵏⵜ ⵉ ⵢⵉⵛⵜ ⵏ ⵣⵣⴰⵡⴻⵛⵜ ⵉⵇⴻⴷⴷⵙⴻⵏ.
13 ⴰⴷ ⵛⵛⵓⵔⴻⵏ ⵍⴻⵀⵔⵉⵜ ⵏⵏⴻⵖ,
ⴰⴷ ⵡⵛⴻⵏ ⵣⵣⴰⴷ ⴰⵡⴰⵔⵏⵉ ⵣⵣⴰⴷ,
ⴰⴷ ⵢⴰⵔⵏⵉ ⵡⵓⴵⵉ ⵏⵏⴻⵖ ⵙ ⵍⵓⵍⵓⴼ ⵏ ⵜⵙⴻⵇⵇⴰⵔ,
ⵙ ⵄⴻⵛⵔⴰ ⵏ ⵍⵓⵍⵓⴼ ⵏ ⵜⵙⴻⵇⵇⴰⵔ
ⴷⵉ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏⵏⴻⵖ.
14 ⴰⴷ ⵃⴻⵎⵍⴻⵏ ⵉⵎⵡⴰⵏ ⵏⵏⴻⵖ ⵎⵍⵉⵃ,
ⵡⴰⵔ ⵉⵜⵜⵉⵍⵉ ⵄⴰⴷ ⵓⵀⵊⴰⵎ
ⵏⵉⵖ ⴷ ⵓⴼⴼⵓⵖ ⵉ ⵓⵎⴻⵏⵖⵉ
ⵓⵍⴰ ⴷ ⵉⵖⵓⵢⵢⴰⵏ ⴷⴻⴳ ⵡⴰⵣⵣⴰⵢⴻⵏ ⵏⵏⴻⵖ.
15 ⵙⵙⴻⵄⴷ ⵏ ⵍⴳⴻⵏⵙ ⵏⵏⵉ ⵉⴵⴰⵏ ⴰⵎⵢⴰ.
ⵙⵙⴻⵄⴷ ⵏ ⵍⴳⴻⵏⵙ ⵏⵏⵉ ⵣⵉ ⴰⵔⴻⴱⴱⵉ ⵏⵙⴻⵏ ⴷ ⵙⵉⴷⵉ.
◘144:1 144:1 2 ⵚⵎ. 22:35; ⵉⵥⵀⴷ. 18:35
◘144:2 144:2 2 ⵚⵎ. 22:48; ⵉⵥⵀⴷ. 18:48
◘144:3 144:3 ⴰⵢⵓⴱ 7:17; ⵉⵥⵀⴷ. 8:5; 31:8; ⵄⴱⵔ. 2:6
◘144:4 144:4 ⴰⵢⵓⴱ 8:9; 14:2, 3; ⵉⵥⵀⴷ. 39:6; 62:10; 102:12; ⵢⴰⵄ. 4:14
◘144:5 144:5 ⵉⵥⵀⴷ. 18:8, 10; 104:32
◘144:6 144:6 1 ⵚⵎ. 7:10; 2 ⵚⵎ. 22:8; ⵉⵥⵀⴷ. 18:15