8
ⵍⵀⴰⵔⴷ ⴰⵎⴻⵣⵡⴰⵔⵓ ⵏ ⴱⵉⵍⴷⴰⴷ
1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵡⴻⵏⵏⵉ ⴷⴷ-ⵢⵓⵙⵉⵏ ⵣⵉ ⵛⵓⵃⴰ, ⵉⵏⵏⴰ:
2 ⵎⴻⵛⵃⴰⵍ ⵉ ⵖⴰ ⵜⴻⴽⴽⴻⴷ ⵜⴻⵙⵙⴰⵡⴰⵍⴻⴷ ⴰⵎⵎⵓ,
ⴰⴷ ⵉⵍⵉⵏ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵏⵏⴻⵛ
ⴰⵎⴻⵛⵏⴰⵡ ⴰⵙⴻⵎⵎⵉⴹ ⵏ ⵜⵀⴰⵔⵢⴰⴹⵜ.
3 ⵎⴰ ⴰⴷ ⵉⵙⵙⴼⴰⵔⵖ ⴰⵔⴻⴱⴱⵉ ⵜⴰⵙⵖⴰⵔⵜ,
ⵏⵉⵖ ⴰⴷ ⵉⵙⵙⴼⴰⵔⵖ
ⵓⵎⵣⴻⵎⵎⴰⵔ ⵅ ⴽⵓⵍⵛⵉ ⵜⴰⵙⴻⴳⴷⴰ? ◘8:3 ⴰⵄⵡⴷ. 32:4; 2 ⵉⵎ. 19:7; ⴷⴰⵏ. 9:14
4 ⵎⴰⵍⴰ ⴰⴽⵉⴷⴻⵙ ⵅⴹⴰⵏ ⵉⵃⴻⵏⵊⵉⵔⴻⵏ ⵏⵏⴻⵛ,
ⴰⵇⴰ ⵉⵙⵙⴻⴽⴽ ⵉ-ⵜⴻⵏ ⴷⴻⴳ ⵓⴼⵓⵙ ⵏ ⵓⵅⴻⵟⵟⵓ ⵏⵙⴻⵏ.
5 ⵎⴰⵍⴰ ⵛⴻⴽ ⵜⴰⵔⴻⵣⵣⵓⴷ ⴰⵔⴻⴱⴱⵉ ⵙ ⵊⵊⴻⵀⴷ,
ⵜᵉⵜⵜⵣⴰⵡⴳⴻⴷ ⴰⵃⵉⵏⵏⵉ
ⵖⴰⵔ ⵓⵎⵣⴻⵎⵎⴰⵔ ⵅ ⴽⵓⵍⵛⵉ, ◘8:5 ⴰⵢⵓⴱ 22:23
6 ⵎⴰⵍⴰ ⵜⴻⴵⵉⴷ ⴷ ⴰⵎⴻⵣⴷⴰⴳ ⵓ ⵜⵙⴻⴳⴳⵎⴻⴷ,
ⵅⴻⵏⵏⵉ ⴰⴷ ⴰⵛ ⵉⵡⵛⴰ ⵜⴰⵢⵏⵉⵜ ⵏⵉⵛⴰⵏ,
ⴰⴷ ⵉⵄⴷⴻⵍ ⵜⴰⵣⴻⴷⴷⵉⵖⵜ ⵏⵏⴻⵛ ⵉ ⵛⴻⴽ.
7 ⵡⴰⵅⵅⴰ ⵜⴰⵎⴻⵣⵡⴰⵔⵓⵜ ⵏⵏⴻⵛ
ⴰⴷ ⵜⵉⵍⵉ ⴷ ⵜⵓⵇⵍⵉⵍⵜ,
ⵜⴰⵏⴻⴳⴳⴰⵔⵓⵜ ⵏⵏⴻⵛ ⴰⴷ ⵜⵉⵍⵉ ⵜⴻⵎⵖⴰⵔ ⴰⵟⵟⴰⵙ.
8 ⵡⴰⵀ, ⵙⴻⵇⵙⴰ ⵅⴻⵏⵏⵉ ⵖⴰⵔ ⵊⵊⵉⵍ ⵉⵄⴷⵓⵏ,
ⵃⴻⴽⴽⴰⵔ ⴷⵉ ⵍⴻⵊⴷⵓⴷ ⵏⵙⴻⵏ. ◘8:8 ⴰⵄⵡⴷ. 4:32
9 ⵎⴰⵖⴰⵔ ⵏⴻⵛⵛⵉⵏ ⵏ ⵉⴹⴻⵏⵏⴰⴹ ⵡⴰⵀⴰ,
ⵡⴰⵔ ⵏⴻⵙⵙⵉⵏ ⵡⴰⵍⵓ,
ⵎⴰⵖⴰⵔ ⵓⵙⵙⴰⵏ ⵏⵏⴻⵖ ⵅ ⵜⴻⵎⵎⵓⵔⵜ ⴰⵎ ⵜⵉⵍⵉ. ◘8:9 ⴰⵎⵥ. 47:9; 1 ⵉⵎ. 29:15; ⴰⵢⵓⴱ 7:5, 6, 7; ⵉⵥⵀⴷ. 39:13; 102:12; 144:4
10 ⵎⴰ ⵡⴰⵔ ⵛⴻⴽ ⵙⵙⴻⵍⵎⵉⴷⴻⵏ ⵏⵉⵜⵏⵉ,
ⵎⴰ ⵡⴰⵔ ⵖⴰⵔⴻⴽ ⵙⵙⵉⵡⵉⵍⴻⵏ,
ⵎⴰ ⵡⴰⵔ ⴷⴷ-ⵙⵙⵓⴼⴼⵓⵖⴻⵏ ⴰⵡⴰⵍⴻⵏ
ⵣⴻⴳ ⵡⵓⵍ ⵏⵙⴻⵏ?
11 ⵎⴰ ⵉⵖⴻⵎⵎⵉ ⵓⵖⴰⵏⵉⵎ ⵏ ⴱⴰⴱⵉⵔⵓⵙ
ⴱⵍⴰ ⵙⵙⴻⴱⵅⴻⵜ,
ⵎⴰ ⵉⵎⴻⵇⵇⴰⵔ ⵓⵖⴰⵏⵉⵎ ⵖⴰⵔ ⵜⵎⴰ ⵏ ⵉⵖⵣⴰⵔ
ⴱⵍⴰ ⴰⵎⴰⵏ?
12 ⵅⵎⵉ ⵉⵜⵜⵏⴻⵡⵡⴰⵔ, ⵡⴰⵔ ⵉⵎⵊⴰⵔ ⵄⴰⴷ,
ⵉⵜⵜⴰⵥⴻⵖ ⵇⴱⴻⵍ ⵎⴰⵔⵔⴰ ⴰⵔⴱⵉⵄ ⵏⵏⴻⵖⵏⵉ. ◘8:12 ⵉⵥⵀⴷ. 129:6; ⵉⵔⵎ. 17:6
13 ⴰⵎⵎⵓ ⵉ ⴵⴰⵏ ⵉⵎⴻⵙⵔⴰⵇ
ⵏ ⵎⴰⵔⵔⴰ ⵉⵏⵏⵉ ⵉⵜⵜⵓⵏ ⴰⵔⴻⴱⴱⵉ,
ⵍⴰⵢⴰⵙ ⵏ ⵓⵎⵏⴰⴼⴻⵇ ⴰⴷ ⵉⴼⵏⴰ. ◼8:13 ⴰⵎⵏⴰⴼⴻⵇ-ⴱⵏⴰⴷⴻⵎ ⵏⵏⵉ ⵉⵜⵜⴻⴳⴳⴻⵏ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ. ◘8:13 ⴰⵢⵓⴱ 11:20; 18:14; ⵉⵥⵀⴷ. 112:10; ⴰⵡⵍⵏ. 10:28
14 ⵎⵉⵏ ⵅⴻⴼ ⵉⵄⴻⵎⵎⴻⴷ, ⴰⴷ ⵉⵜⵜⵡⴰⵇⴹⴻⵄ,
ⵎⵉⵏ ⵅⴻⴼ ⵉⵜⵜⵛⴰⵍ,
ⴰⴷ ⴷⴷ-ⵉⴱⴰⵏ ⴷ ⴰⵅⵎⴰⵍ ⵏ ⵇⵓⵏⴷⵄⴰ.
15 ⴰⴷ ⵉⵙⴻⵏⵏⴻⴷ ⵅ ⵜⴰⴷⴷⴰⵔⵜ ⵏⵏⴻⵙ,
ⵎⴰⵛⴰ ⵡⴰⵔ ⵜᵉⵜⵜⴱⴻⴷⴷⵉ,
ⴰⴷ ⴷⴰⵢⴻⵙ ⵉⵛⴻⴱⴱⴰⵔ,
ⵎⴰⵛⴰ ⵡⴰⵔ ⵜᵉⵜⵜⵖⵉⵎⵉ ⵜⴱⴻⴷⴷ.
16 ⵏⴻⵜⵜⴰ ⴷ ⴰⵣⵉⵣⴰ ⴷⵉ ⵜⴼⴰⵡⵜ ⵏ ⵜⴼⵓⵛⵜ,
ⵍⴻⴼⵔⵓⵄ ⵏⵏⴻⵙ ⵉⵎⴻⵥⵢⴰⵏⴻⵏ ⵜⵜⴱⴻⵣⵣⴰⵄⴻⵏ
ⵅ ⵡⴻⵃⵡⵉⵛ ⵏⵏⴻⵙ.
17 ⵉⵥⴻⵡⵔⴰⵏ ⵏⵏⴻⵙ ⵎⵎⵓⴷⴻⵏ ⵉⵅⴻⴼ ⵏⵙⴻⵏ
ⵅ ⵉⵊⵊ ⵏ ⵓⵄⵓⵔⵔⵉⵛ ⵏ ⵢⴻⵥⵔⴰ,
ⵉⵜⵜⴰⵔⵊⴰ ⵉⵛⵜ ⵏ ⵜⴰⴷⴷⴰⵔⵜ ⵏ ⵢⴻⵥⵔⴰ ⵉ ⵢⵉⵅⴻⴼ ⵏⵏⴻⵙ.
18 ⵎⴰⵍⴰ ⵏⴻⵜⵜⴰ ⵉⵇⴻⴵⴻⵄ ⵉ-ⵜ
ⵣⴻⴳ ⵡⴻⵎⵛⴰⵏ ⵏⵏⴻⵙ,
ⴰⴷ ⵜ ⵉⵏⴽⴰⵔ ⵡⴻⵎⵛⴰⵏ ⵏⵏⵉ, ⴰⴷ ⵢⵉⵏⵉ:
‘ⵄⴻⵎⵎⴰⵔⵚ ⵡⴰⵔ ⵛⴻⴽ ⵥⵔⵉⵖ!’
19 ⵅⵣⴰⵔ, ⵜⴰ ⵜⴻⴵⴰ ⴷ ⵍⴻⴼⵔⴰⵃⴻⵜ
ⵏ ⵡⴻⴱⵔⵉⴷ ⵏ ⵜⵓⴷⴰⵔⵜ ⵏⵏⴻⵙ
ⵓ ⵉⵏⵏⴻⵖⵏⵉ ⴰⴷ ⵖⴻⵎⵢⴻⵏ ⵣⴻⴳ ⵓⵛⴰⵍ.
20 ⵅⵣⴰⵔ, ⴰⵔⴻⴱⴱⵉ ⵡⴰⵔ ⵉⵏⴻⵟⵟⴰⵔ
ⵡⴻⵏⵏⵉ ⵉⴽⴻⵎⵍⴻⵏ
ⵎⴰⵛⴰ ⵡⴰⵔ ⵉⵜⵜⵉⵛ ⴰⴼⵓⵙ ⵉ ⵉⵄⴻⴼⴼⴰⵏⴻⵏ.
21 ⵄⴰⴷ ⴰⴷ ⵉⵛⵛⵓⵔ ⴰⵇⴻⵎⵎⵓⵎ ⵏⵏⴻⵛ
ⵙ ⵜⴹⴻⵃⵃⴰⵛⵜ,
ⵓ ⵉⵢⴻⵏⵛⵉⵛⴻⵏ ⵏⵏⴻⵛ ⵙ ⵓⵙⵍⵉⵡⵍⴻⵡ.
22 ⵉⵎⴻⵛⵔⴰⵀ ⵏⵏⴻⵛ ⴰⴷ ⵢⴰⵔⴹⴻⵏ ⵍⴻⴼⴹⵉⵃⴻⵜ
ⵓ ⴰⵇⵉⴹⵓⵏ ⵏ ⵉⵄⴻⴼⴼⴰⵏⴻⵏ ⵡⴰⵔ ⵉⵜⵜⵉⵍⵉ ⵄⴰⴷ.
◘8:3 8:3 ⴰⵄⵡⴷ. 32:4; 2 ⵉⵎ. 19:7; ⴷⴰⵏ. 9:14
◘8:5 8:5 ⴰⵢⵓⴱ 22:23
◘8:8 8:8 ⴰⵄⵡⴷ. 4:32
◘8:9 8:9 ⴰⵎⵥ. 47:9; 1 ⵉⵎ. 29:15; ⴰⵢⵓⴱ 7:5, 6, 7; ⵉⵥⵀⴷ. 39:13; 102:12; 144:4
◘8:12 8:12 ⵉⵥⵀⴷ. 129:6; ⵉⵔⵎ. 17:6
◼8:13 8:13 ⴰⵎⵏⴰⴼⴻⵇ-ⴱⵏⴰⴷⴻⵎ ⵏⵏⵉ ⵉⵜⵜⴻⴳⴳⴻⵏ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ.
◘8:13 8:13 ⴰⵢⵓⴱ 11:20; 18:14; ⵉⵥⵀⴷ. 112:10; ⴰⵡⵍⵏ. 10:28