1 ⵉⵣⵍⵉ ⵏ ⵓⴳⴻⵄⵄⴻⴷ.

“ⵣⵉ ⵜⴻⵎⵥⵉ ⵉⵏⵓ

ⵃⵚⴰⵔⴻⵏ ⴰⵢⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ!”

ⵉⵏⵉ ⵜ ⵅⴻⵏⵏⵉ ⴰⵎⵎⵓ, ⴰ ⵉⵙⵔⴰⵉⵍ,

2 ⵣⵉ ⵜⴻⵎⵥⵉ ⵉⵏⵓ ⵃⵚⴰⵔⴻⵏ ⴰⵢⵉ

ⴰⵟⵟⴰⵙ ⵏ ⵜⵡⴰⵍⴰⵡⵉⵏ,

ⵎⴰⵛⴰ ⵡⴰⵔ ⴷ ⴰⵢⵉ ⵣⴻⵎⵎⴰⵔⴻⵏ.

3 ⵉⵎⵛⴰⵔⵔⵣⴻⵏ ⵛⴰⵔⵣⴻⵏ ⵅ ⵡⴻⵄⵔⵓⵔ ⵉⵏⵓ,

ⴳⴳⵉⵏ ⵍⴰⵜⴰⵔⴰⵜ ⵏ ⵡⴻⵛⵔⴰⵣ ⵏⵙⴻⵏ ⴷ ⵉⵣⵉⵔⴰⵔⴻⵏ.

4 ⵙⵉⴷⵉ ⴷ ⴰⵎⵙⴻⴳⴳⴻⴷ.

ⵏⴻⵜⵜⴰ ⵉⵇⴹⴻⵄ ⵉⵙⴻⵖⵡⴰⵏ ⵏ ⵉⵄⴻⴼⴼⴰⵏⴻⵏ.

5 ⴻⵊⵊ ⵎⴰⵔⵔⴰ ⵉⵏⵏⵉ ⵉⵛⴰⵔⵔⵀⴻⵏ ⵚⵉⵀⵢⵓⵏ,

ⴰⴷ ⵙⴻⴹⵃⴰⵏ ⵓ ⴰⴷ ⵜⵜⵡⴰⵄⴰⵔⵏⴻⵏ ⵖⴰⵔ ⴹⴻⴼⴼⴰⵔ.

6 ⴻⵊⵊ ⵉ-ⵜⴻⵏ ⴰⴷ ⴷⴻⵡⵍⴻⵏ

ⴰⵎ ⴰⵔⴱⵉⵄ ⵅ ⵜⵣⴻⵖⵡⵉⵏ

ⵉ ⵉⵜⵜⵉⵙⵍⴰⵡ ⵇⴱⴻⵍ ⵉ-ⵜ ⵖⴰ ⵇⴻⵍⵄⴻⵏ, ◘129:6 ⴰⵢⵓⴱ 8:12; 40:10

7 ⵡⴰⵔ ⵣⵣⴰⵢⴻⵙ ⵉⵜⵜⵄⴻⵎⵎⴰⵔ

ⵡⴻⵏⵏⵉ ⵉⵎⴻⵊⵊⴰⵔⴻⵏ

ⴰⴼⵓⵙ ⵏⵏⴻⵙ,

ⵓⵍⴰ ⴷ ⵡⴻⵏⵏⵉ ⵉⵜⵜⵛⴻⴷⴷⴰⵏ

ⵉⵛⵓⵡⵡⴰⴼⴻⵏ ⵏ ⵉⵎⴻⵏⴷⵉ

ⴰⵃⵙⵉⵏ ⵏⵏⴻⵙ,

8 ⵓ ⵃⵉⵎⴰ ⵉⵎⵙⴻⴱⵔⵉⴷⴻⵏ ⵡⴰⵔ ⵇⵇⴰⵔⴻⵏ:

“ⵍⴱⴰⵔⴰⴽⴰ ⵏ ⵙⵉⴷⵉ ⴰⵇⴰ-ⵜⵜ ⴰⴽⵉⴷⵡⴻⵎ!”

“ⵏⴻⵛⵛⵉⵏ ⵏⴱⴰⵔⴻⴽ ⴽⴻⵏⵏⵉⵡ ⵙ ⵢⵉⵙⴻⵎ ⵏ ⵙⵉⴷⵉ.”