130
1 ⵉⵣⵍⵉ ⵏ ⵓⴳⴻⵄⵄⴻⴷ.
ⵣⵉ ⵍⴰⴵⴰⵖ ⵍⴰⵖⵉⵖ-ⴷⴷ ⵅⴰⴽ, ⴰ ⵙⵉⴷⵉ!
2 ⴰ ⵙⵉⴷⵉ ⵉⵏⵓ, ⵙⴻⵍ ⵉ ⵜⵎⵉⵊⵊⴰ ⵉⵏⵓ,
ⴻⵊⵊ ⵉⵎⴻⵣⵣⵓⵖⴻⵏ ⵏⵏⴻⵛ ⴰⴷ ⴼⴻⵜⵏⴻⵏ
ⵅ ⵜⵎⵉⵊⵊⴰ ⵏ ⵜⵓⵜⵔⴰ ⵉⵏⵓ!
3 ⴰ ⵙⵉⴷⵉ, ⵎⴰⵍⴰ ⵜⴻⵃⴹⵉⴹ
ⵍⵎⵓⵄⵚⵉⵢⵢⴰⵜ ⵎⵍⵉⵃ,
ⴰ ⵙⵉⴷⵉ ⵉⵏⵓ, ⵎⴰⵏ ⵡⴻⵏ ⵉⵣⴻⵎⵎⴰⵔⴻⵏ
ⴰⴷ ⵉⵇⵇⵉⵎ ⵉⴱⴻⴷⴷ. ◘130:3 ⵉⵥⵀⴷ. 143:2
4 ⵎⴰⵛⴰ ⵖⴰⵔⴻⴽ ⴰⵙⴰⵎⴻⵃ,
ⵎⴰⵃⴻⵏⴷ ⴰⴷ ⵣⵣⴰⵢⴻⴽ ⴳⴳⵯⴻⴷⴻⵏ. ◘130:4 2 ⵚⵎ. 24:14
5 ⵏⴻⵛⵛ ⵙⵉⵜⵉⵎⴻⵖ ⴷⵉ ⵙⵉⴷⵉ,
ⵍⴻⵄⵎⴰⵔ ⵉⵏⵓ ⵉⵛⵛⵓⵔ ⵙ ⵓⵙⵉⵜⴻⵎ,
ⵜⵜⵔⴰⵊⵉⵖ ⴰⵡⴰⵍ ⵏⵏⴻⵙ, ◘130:5 ⵉⵥⵀⴷ. 27:14; 40:2; ⵃⴰⴱ. 2:3
6 ⵍⴻⵄⵎⴰⵔ ⵉⵏⵓ ⵉⵜⵜⵔⴰⵊⴰ ⵙⵉⴷⵉ ⵉⵏⵓ,
ⴰⵟⵟⴰⵙ ⵣⴻⴳ ⵉⵄⴻⵙⵙⴰⵙⴻⵏ ⵜⵜⵔⴰⵊⴰⵏ
ⵖⴰⵔ ⵓⵜⴻⴼⴼⵓ. ◘130:6 ⵉⵥⵀⴷ. 5:4; 119:147; 123:1, 2
7 ⴻⵊⵊ ⵉⵙⵔⴰⵉⵍ ⴰⴷ ⵉⵔⴰⵊⴰ ⵙⵉⴷⵉ,
ⵎⴰⵖⴰⵔ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ
ⴰⵇⴰ-ⵜⵜ ⵖⴰⵔ ⵙⵉⴷⵉ,
ⵖⴰⵔⴻⵙ ⴰⴼⴻⴽⴽⵉ ⵉⵛⴻⵟⵟ.
8 ⵏⴻⵜⵜⴰ ⴰⴷ ⵉⵙⵙⴻⵏⵊⴻⵎ ⵉⵙⵔⴰⵉⵍ
ⵣⵉ ⵎⴰⵔⵔⴰ ⵍⵎⵓⵄⵚⵉⵢⵢⴰⵜ ⵏⵏⴻⵙ.
◘130:3 130:3 ⵉⵥⵀⴷ. 143:2
◘130:4 130:4 2 ⵚⵎ. 24:14
◘130:5 130:5 ⵉⵥⵀⴷ. 27:14; 40:2; ⵃⴰⴱ. 2:3
◘130:6 130:6 ⵉⵥⵀⴷ. 5:4; 119:147; 123:1, 2