10
ⴰⵡⴰⵍⴻⵏ ⵉⵡⴻⵣⵣⵏⴻⵏ ⵏ ⵙⵓⵍⵉⵎⴰⵏ - ⵜⴰⵙⵖⴰⵔⵜ 1ⴰ
1 ⴰⵡⴰⵍⴻⵏ ⵉⵡⴻⵣⵏⴻⵏ ⵏ ⵙⵓⵍⵉⵎⴰⵏ
ⵉⵊⵊ ⵏ ⵎⵎⵉⵙ ⴷ ⴰⵎⵉⵖⵉⵙ ⵉⵙⵙⴼⴰⵔⵔⴰⵃ ⴱⴰⴱⴰⵙ,
ⵎⴰⵛⴰ ⵉⵊⵊ ⵏ ⵓⴱⵓⵀⴰⵍⵉ ⵏ ⵎⵎⵉⵙ
ⴷ ⵡⴻⵏⵏⵉ ⴷ ⴰⵎⵏⵓⵙ ⴰⵎⴻⵇⵇⵔⴰⵏ ⵏ ⵢⴻⵎⵎⴰⵙ. ◘10:1 ⴰⵡⵍⵏ. 15:20
2 ⵜⵉⵅⵓⴱⴰⵢ ⵏ ⵜⵓⵄⴻⴼⴼⵏⴰ ⵡⴰⵔ ⵏⵏⴻⴼⴼⵄⴻⵏⵜ,
ⵎⴰⵛⴰ ⵜⴰⵙⴻⴳⴷⴰ ⵜᵉⵜⵜⴼⴻⴽⴽⴰ ⵣⵉ ⵍⵎⴻⵡⵜ. ◘10:2 ⴰⵡⵍⵏ. 11:4
3 ⵙⵉⴷⵉ ⵡⴰⵔ ⵉⵜⵜⴻⵊⵊⵉ ⵍⴻⵄⵎⴰⵔ ⵏ ⵉⵎⵙⴻⴳⴳⴰⴷⴻⵏ
ⴰⴷ ⵉⵃⴻⵢⵢⴻⴼ,
ⵎⴰⵛⴰ ⵎⴻⵥⵔⵉ ⵏ ⵉⵄⴻⴼⴼⴰⵏⴻⵏ
ⵉⵄⴰⵔⵔⴻⵏ ⵉ-ⵜ ⵖⴰⵔ ⵍⴰⴳⴳⵯⴰⵊ.
4 ⵡⵉ ⵉⵅⴻⴷⴷⵎⴻⵏ ⵙ ⵓⴼⵓⵙ ⵢⴰⵔⵅⵓⵏ,
ⵉⵜⵜⴰⵡⵉ-ⴷⴷ ⵣⵣⴻⵍⴹ,
ⵎⴰⵛⴰ ⴰⴼⵓⵙ ⵏ ⵢⵉⵏⵏⵉ ⵉⵜⵜⵛⴻⵟⵟⴰⵔⴻⵏ
ⵉⵜⵜⴰⵡⵉ-ⴷⴷ ⴰⴳⵍⴰ. ◘10:4 ⴰⵡⵍⵏ. 12:24
5 ⵡⴻⵏⵏⵉ ⵉⵢⴰⵔⵔⵡⴻⵏ ⴷⴻⴳ ⵓⵏⴻⴱⴷⵓ
ⴷ ⵉⵊⵊ ⵏ ⵎⵎⵉⵙ ⵉⴼⴻⵀⵀⵎⴻⵏ,
ⵎⴰⵛⴰ ⵡⴻⵏⵏⵉ ⵉⵜⵜⴻⵟⵟⵚⴻⵏ ⴷⵉ ⵜⵎⴻⵢⵔⴰ
ⴷ ⵉⵊⵊ ⵏ ⵎⵎⵉⵙ ⵏ ⵍⴻⴼⴹⵉⵃⴻⵜ.
6 ⵍⴱⴰⵔⴰⴽⴰⵜ ⴰⵔⴻⵙⵙⴰⵏⵜ
ⵅ ⵓⵣⴻⴵⵉⴼ ⵏ ⵉⵎⵙⴻⴳⴳⴰⴷⴻⵏ,
ⵎⴰⵛⴰ ⵍⵄⵓⵏⴼ ⵉⵙⵙⴷⵓⵔⵔⵓⵢ
ⴰⵇⴻⵎⵎⵓⵎ ⵏ ⵉⵄⴻⴼⴼⴰⵏⴻⵏ.
7 ⵍⵉⴷⴰⵔⴻⵜ ⵉ ⵓⵎⵙⴻⴳⴳⴻⴷ ⴰⴷ ⴷⴷ-ⵢⴰⵡⵉ ⵍⴱⴰⵔⴰⴽⴰ,
ⵎⴰⵛⴰ ⵉⵙⴻⵎ ⵏ ⵉⵄⴻⴼⴼⴰⵏⴻⵏ ⴰⴷ ⵢⴰⵔⵚⵓⴹ.
8 ⵡⴻⵏⵏⵉ ⴷ ⴰⵎⵉⵖⵉⵙ ⴷⴻⴳ ⵡⵓⵍ,
ⴰⴷ ⵉⵇⴱⴻⵍ ⵜⵉⵡⴻⵚⵚⴰ,
ⵎⴰⵛⴰ ⵡⴻⵏⵏⵉ ⵉⵙⵙⴰⵡⴰⵍⴻⵏ ⵜⵓⴱⴱⵓⵀⴻⵍⵢⴰ
ⵙ ⵉⵢⴻⵏⵛⵉⵛⴻⵏ ⵏⵏⴻⵙ, ⴰⴷ ⵉⵡⴹⴰ. ◘10:8 ⴰⵡⵍⵏ. 10:10
9 ⵡⴻⵏⵏⵉ ⵉⴳⴳⵓⵔⴻⵏ ⴷⵉ ⵍⴻⵚⴼⴰⵢⴻⵜ,
ⵉⴳⴳⵓⵔ ⴷⵉ ⵍⴰⵎⴰⵏ,
ⵎⴰⵛⴰ ⵡⴻⵏⵏⵉ ⵉⴳⴳⵓⵔⴻⵏ ⵉⴱⵔⵉⴷⴻⵏ ⵉⴼⴰⵔⵖⴻⵏ,
ⴰⴷ ⵉⵜⵜⵡⴰⵙⵙⴻⵏ.
10 ⵡⴻⵏⵏⵉ ⵉⵜⵜⵖⴻⵎⵎⴰⵣⴻⵏ ⵙ ⵜⵉⵟⵟⴰⵡⵉⵏ,
ⵉⵜⵜⴻⴳⴳ ⵍⴻⵃⵔⵉⵇ,
ⵡⴻⵏⵏⵉ ⵉⵙⵙⴰⵡⴰⵍⴻⵏ ⵜⵓⴱⴱⵓⵀⴻⵍⵢⴰ
ⵙ ⵉⵢⴻⵏⵛⵉⵛⴻⵏ ⵏⵏⴻⵙ, ⴰⴷ ⵉⵡⴹⴰ.
11 ⴰⵇⴻⵎⵎⵓⵎ ⵏ ⵓⵎⵙⴻⴳⴳⴻⴷ ⴷ ⵜⴰⵍⴰ ⵏ ⵜⵓⴷⴰⵔⵜ,
ⵎⴰⵛⴰ ⵍⵄⵓⵏⴼ ⵉⵙⵙⴷⵓⵔⵔⵓⵢ
ⴰⵇⴻⵎⵎⵓⵎ ⵏ ⵉⵄⴻⴼⴼⴰⵏⴻⵏ. ◘10:11 ⴰⵡⵍⵏ. 10:6, 13:14
12 ⴰⵛⵔⴰⵀ ⵜⴻⵙⵙⴻⴽⴽⴰⵔⴰ-ⴷⴷ ⵉⵎⵛⵓⴱⴱⴻⵛⴻⵏ,
ⵎⴰⵛⴰ ⵜⴰⵢⵔⵉ ⵜⴻⵙⵙⴷⵓⵔⵔⵓⵢ ⵎⴰⵔⵔⴰ ⵉⵅⴻⵟⵟⴰⵏ. ◘10:12 1 ⴽⵓⵔ. 13:7; 1 ⴱⵟ. 4:8
13 ⵅ ⵉⵢⴻⵏⵛⵉⵛⴻⵏ ⵏ ⵡⴻⵏⵏⵉ ⵖⴰⵔ ⵉⴵⴰ ⵍⴻⴼⵀⴰⵎⴻⵜ
ⵜᵉⵜⵜⵡⴰⴼ ⵜⵉⵖⵉⵜ,
ⵎⴰⵛⴰ ⴰⵄⵎⵓⴷ
ⵉ ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⴱⵓ ⵍⴻⵄⵇⴻⵍ. ◘10:13 ⴰⵡⵍⵏ. 20:30
14 ⵉⵎⵉⵖⵉⵙⴻⵏ ⵜⵜⵅⴻⵎⵎⴰⵔⴻⵏ ⵜⵓⵙⵙⵏⴰ,
ⵎⴰⵛⴰ ⴰⵇⴻⵎⵎⵓⵎ ⵏ ⵓⴱⵓⵀⴰⵍⵉ
ⵉⵜⵜⴰⴷⴻⵙ ⵖⴰⵔ ⵓⵀⴻⵍⵍⴻⴽ.
15 ⵉ ⴱⵓ-ⵡⴰⴳⵍⴰ ⵎⵉⵏ ⵉⴵⴰⵏ ⵏⵏⴻⵙ
ⴷ ⵜⴰⵏⴷⵉⵏⵜ ⵉⵊⴻⵀⴷⴻⵏ ⵏⵏⴻⵙ,
ⵍⴻⴱⵍⴰ ⵏ ⵉⵎⴻⵣⵍⴰⴹ ⴷ ⴰⵀⴻⵍⵍⴻⴽ ⵏⵙⴻⵏ.
16 ⵍⵖⵉⴵⴻⵜ ⵏ ⵓⵎⵙⴻⴳⴳⴻⴷ ⴰⵇⴰ-ⵜⵜ ⵉ ⵜⵓⴷⴰⵔⵜ,
ⵍⵎⵓⵏⴻⵜ ⵏ ⵓⵄⴻⴼⴼⴰⵏ ⵉ ⴷⴷⴻⵏⴱ.
17 ⵡⴻⵏⵏⵉ ⵉⵃⴻⵟⵟⴰⵏ ⵜⵜⴰⵔⴱⵉⵢⵢⴻⵜ,
ⴰⵇⴰ-ⵜ ⵅ ⵡⴻⴱⵔⵉⴷ ⵏ ⵜⵓⴷⴰⵔⵜ,
ⵎⴰⵛⴰ ⵡⴻⵏⵏⵉ ⵉⵙⴻⵎⵎⵃⴻⵏ ⴷⴻⴳ ⵓⵡⴻⴱⴱⴻⵅ,
ⴰⴷ ⵉⵡⴻⴷⴷⴰⵔ.
18 ⵡⵉ ⵉⵜⵜⴻⴼⴼⴰⵔⴻⵏ ⴰⵛⵔⴰⵀⵉ,
ⵖⴰⵔⴻⵙ ⵉⵢⴻⵏⵛⵉⵛⴻⵏ ⵙⵙⵅⴰⵔⵔⵉⵇⴻⵏ,
ⵡⵉ ⵉⵜⵜⵛⴻⵇⵇⴰⴼⴻⵏ ⴰⵇⴰ-ⵜ ⴷ ⴰⴱⵓⵀⴰⵍⵉ.
19 ⵖⴰⵔ ⵡⴰⵟⵟⴰⵙ ⵏ ⵡⴰⵡⴰⵍⴻⵏ
ⵡⴰⵔ ⵉⵇⵇⵉⵎ ⵓⵅⴻⵟⵟⵓ ⵉⵏⴻⵇⵇⴻⵚ,
ⵎⴰⵛⴰ ⵡⴻⵏⵏⵉ ⵉⵎⴻⵏⵏⵄⴻⵏ ⵉⵢⴻⵏⵛⵉⵛⴻⵏ ⵏⵏⴻⵙ,
ⴰⵇⴰ ⵉⵜⵜⴻⴳⴳ ⵙ ⵍⴻⵄⵇⴻⵍ.
20 ⵏⵏⵓⵇⴰⵔⵜ ⵉⵇⵇⵓⵔⴻⵏ ⴷ ⵉⵍⴻⵙ ⵏ ⵓⵎⵙⴻⴳⴳⴻⴷ,
ⵓⵍ ⵏ ⵉⵄⴻⴼⴼⴰⵏⴻⵏ ⵡⴰⵔ ⵉⵙⴻⴽⴽⵡⵉⵏ.
21 ⵉⵢⴻⵏⵛⵉⵛⴻⵏ ⵏ ⵉⵎⵙⴻⴳⴳⴰⴷⴻⵏ ⵙⵙⴻⵛⵛⴰⵏ ⴰⵟⵟⴰⵙ,
ⵎⴰⵛⴰ ⵉⴱⵓⵀⴰⵍⵉⵢⵢⴻⵏ ⵎⵎⵓⵜⴻⵏ
ⵓⵎⵉ ⵡⴰⵔ ⵖⴰⵔⵙⴻⵏ ⴱⵓ ⵡⵓⵍ ⵉⵎⵜⴻⵏ.
22 ⵍⴱⴰⵔⴰⴽⴰ ⵏ ⵙⵉⴷⵉ ⵜᵉⵜⵜⴰⵡⵉ-ⴷⴷ ⴰⴳⵍⴰ,
ⴰⵔⴱⴻⵔ ⵏ ⴱⵏⴰⴷⴻⵎ ⵡⴰⵔ ⴷⴰⵢⴻⵙ ⵢⴰⵔⴻⵏⵏⵉ ⵡⴰⵍⵓ.
23 ⵉ ⵓⴱⵓⵀⴰⵍⵉ ⵜⴰⵎⴻⴳⴳⵉⵜ ⵏ ⵍⴻⴼⴹⵉⵀⴻⵜ
ⴰⵎ ⵢⵉⵛⵜ ⵏ ⵍⵓⵔⴰⵔⴻⵜ,
ⵎⴰⵛⴰ ⵉ ⵡⴻⵔⵢⴰⵣ ⵏ ⵍⴻⴼⵀⴰⵎⴻⵜ
24 ⵎⵉⵏ ⵣⵉ ⵉⵜⵜⴻⴳⴳⵯⴻⴷ ⵓⵄⴻⴼⴼⴰⵏ ⴰⴷ ⵜ ⵉⵍⵇⴻⴼ,
ⵎⴰⵛⴰ ⴰⵙⵉⵜⴻⵎ ⵏ ⵉⵎⵙⴻⴳⴳⴰⴷⴻⵏ ⴰⴷ ⵢⵉⵍⵉ.
25 ⵎⴰⵍⴰ ⵜⴻⵄⴷⵓ-ⴷⴷ ⵜⵃⴰⵔⵢⴰⴹⵜ,
ⴰⵄⴻⴼⴼⴰⵏ ⵡⴰⵔ ⵉⵜⵜⵖⵉⵎⵉ,
ⵎⴰⵛⴰ ⴰⵎⵙⴻⴳⴳⴻⴷ ⴰⴷ ⵉⵇⵇⵉⵎ ⵉⵎⵜⴻⵏ ⵉ ⵍⴻⴱⴷⴰ.
26 ⴰⵎ ⴱⵉⵏⵓ ⴰⵙⴻⵎⵎⴰⵎ ⵉ ⵜⴻⵖⵎⴰⵙ
ⴷ ⴷⴷⴻⵅⵅⴰⵏ ⵉ ⵜⵉⵟⵟⴰⵡⵉⵏ,
ⴰⵎⵎⵓ ⵉ ⵉⴳⴳⴰ ⵓⵎⴻⵄⴳⵓⵣ ⵉ ⵢⵉⵏⵏⵉ ⵜ ⵉⵙⵙⴻⴽⴽⴻⵏ.
27 ⵜⵉⴳⴳⵯⵓⴷⵉ ⵏ ⵙⵉⴷⵉ ⵜⴰⵔⴻⵏⵏⵉ
ⴷⴻⴳ ⵓⵙⵙⴰⵏ ⵉ ⵜⵓⴷⴰⵔⵜ,
ⵎⴰⵛⴰ ⵉⵙⴻⴳⴳⵯⵓⵙⴰ ⵏ ⵉⵄⴻⴼⴼⴰⵏⴻⵏ
ⵜⵜⵡⴰⵙⵙⵇⵓⴹⴹⴻⴹⴻⵏ. ◘10:27 ⴰⵡⵍⵏ. 9:11
28 ⵜⴰⵔⴰⵊⵉⵜ ⵏ ⵉⵎⵙⴻⴳⴳⴰⴷⴻⵏ ⴷ ⵍⴻⴼⵔⴰⵃⴻⵜ,
ⵎⴰⵛⴰ ⵍⴰⵢⴰⵙ ⵏ ⵉⵄⴻⴼⴼⴰⵏⴻⵏ ⴳⴳⵓⵔ ⴰⴷ ⵉⴼⵏⴰ. ◘10:28 ⴰⵢⵓⴱ 8:13, 14; 11:20; ⵉⵥⵀⴷ. 112:10
29 ⴰⴱⵔⵉⴷ ⵏ ⵙⵉⴷⵉ ⴷ ⵍⴱⵓⵔⵊ ⵉⵊⴻⵀⴷⴻⵏ
ⵉ ⵡⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ,
ⵎⴰⵛⴰ ⴷ ⴰⵀⴻⵍⵍⴻⴽ ⵉ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵖⴻⵛⵛ. ◘10:29 ⴰⵡⵍⵏ. 13:6
30 ⴰⵎⵙⴻⴳⴳⴻⴷ ⵄⴻⵎⵎⴰⵔⵚ ⴰⴷ ⵉⵏⵀⴻⵣⵣ ⵉ ⵍⴻⴱⴷⴰ,
ⵎⴰⵛⴰ ⵉⵄⴻⴼⴼⴰⵏⴻⵏ ⵡⴰⵔ ⵣⴻⴷⴷⵖⴻⵏ ⴷⵉ ⵜⴻⵎⵎⵓⵔⵜ.
31 ⴰⵇⴻⵎⵎⵓⵎ ⵏ ⵓⵎⵙⴻⴳⴳⴻⴷ
ⵉⵜⵜⴰⵡⵉ-ⴷⴷ ⵜⵉⵖⵉⵜ ⵙ ⵡⴰⵟⵟⴰⵙ,
ⵎⴰⵛⴰ ⵉⵊⵊ ⵏ ⵢⵉⵍⴻⵙ ⵉⵄⴻⵎⵎⴰⵔ ⵙ ⵍⴻⵅⴷⴰⵄⴰⵜ
ⴰⴷ ⵉⵜⵜⵡⴰⵇⴻⵙⵙ.
32 ⵉⵢⴻⵏⵛⵉⵛⴻⵏ ⵏ ⵓⵎⵙⴻⴳⴳⴻⴷ ⵙⵙⵏⴻⵏ ⵎⵉⵏ ⵢⴰⵔⴹⴰⵏ,
ⵎⴰⵛⴰ ⴰⵇⴻⵎⵎⵓⵎ ⵏ ⵓⵄⴻⴼⴼⴰⵏ
ⵉⵙⵙⴻⵏ ⵍⴻⵅⴷⴰⵄⴰⵜ ⵡⴰⵀⴰ.
◘10:1 10:1 ⴰⵡⵍⵏ. 15:20
◘10:2 10:2 ⴰⵡⵍⵏ. 11:4
◘10:4 10:4 ⴰⵡⵍⵏ. 12:24
◘10:8 10:8 ⴰⵡⵍⵏ. 10:10
◘10:11 10:11 ⴰⵡⵍⵏ. 10:6, 13:14
◘10:12 10:12 1 ⴽⵓⵔ. 13:7; 1 ⴱⵟ. 4:8
◘10:13 10:13 ⴰⵡⵍⵏ. 20:30
◘10:23 10:23 ⴰⵡⵍⵏ. 14:9
◘10:27 10:27 ⴰⵡⵍⵏ. 9:11
◘10:28 10:28 ⴰⵢⵓⴱ 8:13, 14; 11:20; ⵉⵥⵀⴷ. 112:10
◘10:29 10:29 ⴰⵡⵍⵏ. 13:6