9
1 ⵜⵉⵖⵉⵜ ⵜⴻⴱⵏⴰ ⵜⴰⴷⴷⴰⵔⵜ ⵏⵏⴻⵙ,
ⵜⴻⴳⴳⴰ ⵜⴻⵙⵙⵓⵢⴷⴰ ⵉⴱⵉⵍⴰⵔⴻⵏ ⵏⵏⴻⵙ,
ⴰⵇⴰ ⴰⵜⴻⵏ ⴷⵉ ⵙⴻⴱⵄⴰ.
2 ⵏⴻⵜⵜⴰⵜ ⵜⵖⴰⵔⵚ ⵉ ⵍⵎⴰⵍ ⵏⵏⴻⵙ,
ⵜⵅⴻⴵⴻⴹ ⴱⵉⵏⵓ ⵏⵏⴻⵙ.
ⵄⴰⵡⴻⴷ ⵜⴻⵙⵙⵓ ⵟⵟⴰⴱⵍⴰ ⵏⵏⴻⵙ.
3 ⵏⴻⵜⵜⴰⵜ ⵜⴻⵙⵙⴻⴽⴽ
ⵜⵉⵎⵙⴻⵅⵅⴰⵔⵉⵏ ⵏⵏⴻⵙ ⵜⵉⵎⴻⵥⵢⴰⵏⵉⵏ.
ⵅ ⵜⵇⵉⵛⵛⴰⵜⵉⵏ ⵏ ⵍⴻⴳⵄⵓⴷⵉ ⵏ ⵜⴻⵏⴷⵉⵏⵜ ⵜᵉⵜⵜⵍⴰⵖⴰ: ◘9:3 ⴰⵡⵍⵏ. 8:2
4 “ⵡⴻⵏⵏⵉ ⵉⴵⴰⵏ ⴷ ⴰⵃⴰⴼⵉ,
ⴻⵊⵊ ⵉ-ⵜ ⴰⴷ ⴷⴷ-ⵢⴰⵙ ⴷⴰⵏⵉⵜⴰ!”
ⵏⴻⵜⵜⴰⵜ ⵜⴻⵇⵇⴰⵔ
ⵉ ⵢⵉⵏⵏⵉ ⵡⴰⵔ ⵖⴰⵔ ⵉⴵⵉ ⵛⴰ ⵡⵓⵍ ⵉⵎⵜⴻⵏ:
5 “ⴰⵙⴻⵎ-ⴷⴷ, ⵛⵛⴻⵎ ⵣⴻⴳ ⵡⴻⵖⵔⵓⵎ ⵉⵏⵓ,
ⵙⵡⴻⵎ ⵣⵉ ⴱⵉⵏⵓ ⵏⵏⵉ ⴷ ⴰⵡⴻⵎ ⴷⴷ-ⵅⴻⴵⴹⴻⵖ.
6 ⵊⵊⴻⵎ ⵜⴰⵇⵓⴱⴱⴰⵏⴻⵛⵜ, ⵓⵛⴰ ⴷⴷⴰⵔⴻⵎ,
ⴹⴼⴰⵔⴻⵎ ⴰⴱⵔⵉⴷ ⵏ ⵍⴻⴼⵀⴰⵎⴻⵜ.”
7 “ⵡⴻⵏⵏⵉ ⵉⵜⵜⵡⴻⴱⴱⵅⴻⵏ ⴰⵎⴻⵙⵜⴻⵀⵣⵉⵢ,
ⵉⵙⵙⴰⵔⴻⴱⴱⵓ ⵍⴻⴼⴹⵉⵃⴻⵜ ⵉ ⵢⵉⵅⴻⴼ ⵏⵏⴻⵙ,
ⵡⴻⵏⵏⵉ ⵉⵜⵜⵄⴰⵇⴰⴱⴻⵏ ⴰⵄⴻⴼⴼⴰⵏ,
ⴰⵇⴰ ⵏⴻⵜⵜⴰ ⵢⴰⵔⴻⴱⴱⵓ ⴰⴱⴻⵇⵇⵉⴹ
ⵏ ⵍⴻⴼⴹⵉⵃⴻⵜ ⵏⵏⴻⵙ.
8 ⵡⴰⵔ ⵜⵜⵄⴻⵢⵢⴰⴱ ⴰⵎⴻⵙⵜⴻⵀⵣⵉⵢ
ⵃⵉⵎⴰ ⵏⴻⵜⵜⴰ ⵡⴰⵔ ⵛⴻⴽ ⵉⵛⴰⵔⵔⴻⵀ,
ⵄⴻⵢⵢⴻⴱ ⴰⵎⵉⵖⵉⵙ, ⵅⴻⵏⵏⵉ ⵏⴻⵜⵜⴰ ⴰⴷ ⵛⴻⴽ ⵉⵅⵙ. ◘9:8 ⵎⵜ. 7:6
9 ⴻⵡⵛ ⵉ ⵓⵎⵉⵖⵉⵙ,
ⵅⴻⵏⵏⵉ ⴰⴷ ⵉⴷⵡⴻⵍ ⴷ ⵎⵉⵖⵉⵙ ⴽⵜⴰⵔ,
ⵙⵖⴰⵔ ⵜⵓⵙⵙⵏⴰ ⵉ ⵓⵎⵙⴻⴳⴳⴻⴷ,
ⵅⴻⵏⵏⵉ ⵏⴻⵜⵜⴰ ⴰⴷ ⵉⴼⵀⴻⵎ ⴽⵜⴰⵔ.”
10 ⵜⵉⴳⴳⵯⵓⴷⵉ ⵏ ⵙⵉⴷⵉ ⴷ ⴱⴻⴷⴷⵓ ⵏ ⵜⵉⵖⵉⵜ,
ⵜⵓⵙⵙⵏⴰ ⵏ ⵓⵎⵇⴻⴷⴷⴰⵙ ⴷ ⴰⵎⴻⵇⵇⵔⴰⵏ
ⴷ ⴱⴻⴷⴷⵓ ⵏ ⵍⴻⴼⵀⴰⵎⴻⵜ. ◘9:10 ⴰⵢⵓⴱ 28:28; ⵉⵥⵀⴷ. 111:10; ⴰⵡⵍⵏ. 1:7
11 ⵎⴰⵖⴰⵔ ⵣⵣⴰⵢⵉ ⴰⴷ ⴽⵜⴰⵔⴻⵏ ⵡⵓⵙⵙⴰⵏ ⵏⵏⴻⵛ,
ⵉⵙⴻⴳⴳⵯⵓⵙⴰ ⵏ ⵜⵓⴷⴰⵔⵜ ⴰⴷ ⵜⵜⵡⴰⵔⵏⵉⵏ ⵉ ⵛⴻⴽ. ◘9:11 ⴰⵡⵍⵏ. 10:27
12 ⵎⴰⵍⴰ ⵛⴻⴽ ⴷ ⵎⵉⵖⵉⵙ,
ⵅⴻⵏⵏⵉ ⴰⴷ ⵜⵉⵍⵉⴷ ⴷ ⵎⵉⵖⵉⵙ ⵉ ⵢⵉⵅⴻⴼ ⵏⵏⴻⵛ,
ⵓ ⵎⴰⵍⴰ ⵜⴻⵙⵜⴻⵀⴻⵣⵣⵉⴷ,
ⴰⴷ ⵜⴰⵔⴱⵓⴷ ⴰⵢⴰ ⵙⵉⵎⴰⵏⵜ ⵏⵏⴻⵛ.”
13 ⵜⴰⵎⵖⴰⵔⵜ ⵜⴰⴱⵓⵀⴰⵍⴻⵛⵜ ⵜᵉⵜⵜⴱⵓⵀⵍⵓⵢ,
ⵏⴻⵜⵜⴰⵜ ⴷ ⵜⴰⵇⵓⴱⴱⴰⵏⵉⵜ, ⵡⴰⵔ ⵜⴻⵙⵙⴻⵏ ⵡⴰⵍⵓ. ◘9:13 ⴰⵡⵍⵏ. 7:11
14 ⵏⴻⵜⵜⴰⵜ ⵜᵉⵜⵜⵖⵉⵎⴰ
ⵖⴰⵔ ⵜⴻⵡⵡⴰⵔⵜ ⵏ ⵜⴰⴷⴷⴰⵔⵜ ⵏⵏⴻⵙ,
ⵅ ⵉⵊⵊ ⵏ ⴽⵓⵔⵙⵉ, ⵅ ⵍⴻⴳⵄⵓⴷⵉ ⵏ ⵜⴻⵏⴷⵉⵏⵜ
15 ⵃⵉⵎⴰ ⴰⴷ ⵜⵍⴰⵖⴰ ⵅ ⵉⵏⵏⵉ ⵉⵄⴻⴷⴷⵓⵏ,
ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵉⵎⴻⵙⵔⴰⵇ ⵏⵙⴻⵏ, ⵜⴻⵏⵏⴰ:
16 “ⵡⴻⵏⵏⵉ ⵉⴵⴰⵏ ⴷ ⴰⵃⴰⴼⵉ,
ⴻⵊⵊ ⵉ-ⵜ ⴰⴷ ⴷⴷ-ⵢⴰⵙ ⴷⴰⵏⵉⵜⴰ!”
ⵏⴻⵜⵜⴰⵜ ⵜⴻⵇⵇⴰⵔ
ⵉ ⵢⵉⵏⵏⵉ ⵡⴰⵔ ⵖⴰⵔ ⵉⴵⵉ ⵛⴰ ⵡⵓⵍ ⵉⵎⵜⴻⵏ:
17 “ⴰⵎⴰⵏ ⵉⵜⵜⵡⴰⵛⴰⵔⴻⵏ ⴷ ⵉⵎⵉⵥⵉⴷⴻⵏ,
ⴰⵖⵔⵓⵎ ⵉⵏⵏⵓⴼⴼⴰⵔⴻⵏ ⴰⵇⴰ ⵉⵛⵏⴰ.” ◘9:17 ⴰⵡⵍⵏ. 20:17
18 ⵏⴻⵜⵜⴰ ⵡⴰⵔ ⵉⵙⵙⵉⵏ ⴰⵇⴰ ⴷⵉⵏ ⵍⴻⵅⵢⴰⵍⴰⵜ,
ⴰⵇⴰ ⵉⵏⴻⵡⵊⵉⵡⴻⵏ ⵏⵏⴻⵙ
ⴷⴻⴳ ⵡⴰⴵⴰⵖ ⵏ ⵍⴰⵅⴰⵔⵜ ⵉ ⵉⴵⴰⵏ. ◘9:18 ⴰⵡⵍⵏ. 2:18
◘9:10 9:10 ⴰⵢⵓⴱ 28:28; ⵉⵥⵀⴷ. 111:10; ⴰⵡⵍⵏ. 1:7
◘9:11 9:11 ⴰⵡⵍⵏ. 10:27
◘9:13 9:13 ⴰⵡⵍⵏ. 7:11
◘9:17 9:17 ⴰⵡⵍⵏ. 20:17
◘9:18 9:18 ⴰⵡⵍⵏ. 2:18