2
1 ⵎⵎⵉ ⵉⵏⵓ, ⵎⴰⵍⴰ ⵜⵇⴻⴱⵍⴻⴷ ⴰⵡⴰⵍⴻⵏ ⵉⵏⵓ
ⵓ ⴰⴷ ⵜⴻⵃⴹⵉⴷ ⵜⵉⵡⴻⵚⵚⴰ ⵉⵏⵓ ⵖⴰⵔⴻⴽ,
2 ⵎⴰⵃⴻⵏⴷ ⴰⵎⴻⵣⵣⵓⵖ ⵏⵏⴻⵛ ⴰⴷ ⵉⵡⵛ ⵜⴰⵢⵏⵉⵜ ⵉ ⵜⵉⵖⵉⵜ
ⵓⵛⴰ ⵓⵍ ⵏⵏⴻⵛ ⴰⴷ ⵉⵎⴻⵢⵢⴻⵍ ⵖⴰⵔ ⵍⴻⴼⵀⴰⵎⴻⵜ,
3 ⵡⴰⵀ, ⵎⴰⵍⴰ ⵜᵉⵜⵜⵍⴰⵖⵉⴷ-ⴷⴷ ⵅ ⵍⴻⵄⵇⴻⵍ,
ⴰⴷ ⵜⴻⵙⵙⵅⴻⴷⵎⴻⴷ ⵜⵎⵉⵊⵊⴰ ⵏⵏⴻⵛ
ⵎⴰⵃⴻⵏⴷ ⴰⴷ ⵜⴰⴼⴻⴷ ⵍⴻⴼⵀⴰⵎⴻⵜ,
4 ⵎⴰⵍⴰ ⵜⴰⵔⴻⵣⵣⵓⴷ ⵅⴰⵙ
ⴰⵎ ⵜⴰⵔⴻⵣⵣⵓⴷ ⵅ ⵏⵏⵓⵇⴰⵔⵜ,
ⵎⴰⵍⴰ ⵅⴰⵙ ⵜⴰⵔⴻⵣⵣⵓⴷ
ⴰⵎ ⵅ ⵜⵅⵓⴱⴰⵢ ⵉⵏⵏⵓⴼⴼⴰⵔⴻⵏ, ◼2:4 ⵜⵉⵅⵓⴱⴰⵢ-ⵏⵉⵖ ‘ⵍⴻⴽⵏⵓⵥ’. ◘2:4 ⵎⵜ. 13:44
5 ⵅⴻⵏⵏⵉ ⴰⴷ ⵜⴼⴻⵀⵎⴻⴷ ⵉ ⵜⵉⴳⴳⵯⵓⴷⵉ ⵏ ⵙⵉⴷⵉ,
ⵓ ⴰⴷ ⵜⴰⴼⴻⴷ ⵜⵓⵙⵙⵏⴰ ⵏ ⴰⵔⴻⴱⴱⵉ.
6 ⵎⴰⵖⴰⵔ ⵙⵉⴷⵉ ⵉⵜⵜⵉⵛ ⵜⵉⵖⵉⵜ,
ⵣⴻⴳ ⵓⵇⴻⵎⵎⵓⵎ ⵏⵏⴻⵙ ⵜᵉⵜⵜⴻⴼⴼⴻⵖ-ⴷⴷ
ⵜⵓⵙⵙⵏⴰ ⴷ ⵍⴻⴼⵀⴰⵎⴻⵜ. ◘2:6 1 ⵉⵊ. 3:9, 12; ⵢⴰⵄ. 1:5
7 ⵉ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵉⵙⵙⴻⵡⵊⴻⴷ ⴰⵙⴻⵏ ⵜⵡⵉⵣⴰ,
ⵉ ⵢⵉⵏⵏⵉ ⵉⴳⴳⵓⵔⴻⵏ ⴷⵉ ⵍⴻⴽⵎⴰⵔⴻⵜ
ⴰⵇⴰ-ⵜ ⴷ ⵜⴰⵙⴻⴷⴷⴰⵔⵜ ⵉ ⵓⵙⴻⵍⵇⵉ,
8 ⵃⵉⵎⴰ ⴰⴷ ⵇⵇⵉⵎⴻⵏ ⵜⵜᵉⵟⵟⴼⴻⵏ
ⴷⴻⴳ ⵉⵎⴻⵙⵔⴰⵇ ⵏ ⵍⵃⴻⵇⵇ,
ⵓ ⵏⴻⵜⵜⴰ ⴰⴷ ⵉⵙⵙⴰⵔ ⴰⴱⵔⵉⴷ
ⵏ ⵢⵉⵏⵏⵉ ⴷⴰⵢⵙⴻⵏ ⵍⴰⵎⴰⵏ ⵣⵣⴰⵜⴻⵙ.
9 ⵅⴻⵏⵏⵉ ⵉ ⵖⴰ ⵜⴼⴻⵀⵎⴻⴷ ⵜⴰⵙⴻⴳⴷⴰ ⴷ ⵍⵃⴻⵇⵇ,
ⵓⵍⴰ ⴷ ⵍⴻⵚⴼⴰⵢⴻⵜ,
ⴽⵓⵍ ⵍⴰⵜⴰⵔ ⵉⵚⴻⴱⵃⴻⵏ ⵎⴰⵃⴻⵏⴷ ⴰⴷ ⵜ ⵜⴻⴹⴼⴰⵔⴻⴷ.
10 ⵎⴰⵖⴰⵔ ⵜⵉⵖⵉⵜ ⴰⴷ ⵜⴰⴷⴻⴼ ⵖⴰⵔ ⵡⵓⵍ ⵏⵏⴻⵛ,
ⵓ ⵜⵓⵙⵙⵏⴰ ⴰⴷ ⵜⴰⵔⴹⴰ ⵅ ⵍⴻⵄⵎⴰⵔ ⵏⵏⴻⵛ.
11 ⴰⵃⴰⴷⵓⵔ ⴰⴷ ⵅⴰⴽ ⵉⵃⴹⴰ,
ⵍⴻⴼⵀⴰⵎⴻⵜ ⴰⴷ ⵅⴰⴽ ⵜⴻⵙⵙⴰⵔ:
12 ... ⵎⴰⵃⴻⵏⴷ ⴰⴷ ⵛⴻⴽ ⵜⴼⴻⴽⴽ
ⵣⴻⴳ ⵡⴻⴱⵔⵉⴷ ⵏ ⵓⵄⴻⴼⴼⴰⵏ,
ⵣⴻⴳ ⵡⴻⵔⵢⴰⵣ ⵏⵏⵉ ⵉⵇⴻⴵⴱⴻⵏ ⴰⵡⴰⵍ ⵏⵏⴻⵙ,
13 ⵣⴻⴳ ⵉⵏⵏⵉ ⵉⵙⴻⵎⵃⴻⵏ
ⴷⴻⴳ ⵉⵎⴻⵙⵔⴰⵇ ⵉⵙⴻⴳⴳⵎⴻⵏ,
ⵎⴰⵃⴻⵏⴷ ⴰⴷ ⵓⵢⵓⵔⴻⵏ ⵉⴱⵔⵉⴷⴻⵏ ⵏ ⵟⵟⵍⴰⵎ,
14 ⵉⵏⵏⵉ ⵉⴼⴰⵔⵔⵃⴻⵏ ⵎⴰⵃⴻⵏⴷ ⴰⴷ ⴳⴳⴻⵏ ⵍⵖⴰⵔ,
ⵓ ⵙⵙⵍⵉⵡⵍⵉⵡⴻⵏ ⵅ ⵍⴻⵅⴷⴰⵄⴰⵜ ⵏ ⵍⵖⴰⵔ,
15 ⵣⴻⴳ ⵢⵉⵏⵏⵉ ⴼⴰⵔⵖⴻⵏ ⵉⵎⴻⵙⵔⴰⵇ ⵏⵙⴻⵏ
ⴷ ⵢⵉⵏⵏⵉ ⵉⵎⴻⵢⵢⵍⴻⵏ ⵙⵙⴰ ⴷ ⵙⵙⴰ
ⴷⵉ ⵍⴰⵜⴰⵔⴰⵜ ⵏ ⵢⵉⵅⴻⴼ ⵏⵙⴻⵏ,
16 ... ⵎⴰⵃⴻⵏⴷ ⴰⴷ ⵛⴻⴽ ⵜⴼⴻⴽⴽ
ⵣⵉ ⵜⴻⵎⵖⴰⵔⵜ ⵜⴱⴰⵔⵔⴰⵏⴻⵛⵜ,
ⵣⵉ ⵜⴻⵎⵖⴰⵔⵜ ⵣⵉ ⴱⴰⵔⵔⴰ ⵉ ⵉⵜⵜⵖⴰⵔⵔⴰⵏ ⵙ
ⵡⴰⵡⴰⵍⴻⵏ ⵏⵏⴻⵙ, ◘2:16 ⴰⵡⵍⵏ. 5:3; 6:24; 7:5
17 ⵜⴻⵏⵏⵉ ⵉⵙⴻⵎⵃⴻⵏ
ⴷⴻⴳ ⵓⵎⴻⴷⴷⵓⴽⴽⴻⵍ ⵏ ⵜⴻⵎⵥⵉ ⵏⵏⴻⵙ,
ⵓ ⵜᵉⵜⵜⵓ ⵍⵄⴰⵀⴷ ⵏ ⴰⵔⴻⴱⴱⵉ ⵏⵏⴻⵙ.
18 ⵎⵉⵏⵣⵉ ⵜⵀⴻⴽⴽⵡⴰ ⵖⴰⵔ ⵍⵎⴻⵡⵜ
ⵊⵎⵉⵄ ⴰⴽ-ⴷ ⵜⴰⴷⴷⴰⵔⵜ ⵏⵏⴻⵙ,
ⵓ ⵍⴰⵜⴰⵔⴰⵜ ⵏⵏⴻⵙ ⵀⴻⴽⴽⵡⴰⵏⵜ
ⵖⴰⵔ ⵍⴻⵅⵢⴰⵍⴰⵜ ⵏ ⵉⵎⴻⵜⵜⴰⵏ.
19 ⵎⴰⵔⵔⴰ ⵉⵏⵏⵉ ⵖⴰⵔⴻⵙ ⵖⴰ ⵢⴰⴷⴼⴻⵏ,
ⵡⴰⵔ ⴷⴷ-ⵜⵜⵄⵉⵇⵇⵉⴱⴻⵏ ⵄⴻⵎⵎⴰⵔⵚ,
ⵡⴰⵔ ⵜⵜⴰⴽⴽⵡⴰⴹⴻⵏ ⵄⴻⵎⵎⴰⵔⵚ
ⵖⴰⵔ ⵉⵎⴻⵙⵔⴰⵇ ⵏ ⵜⵓⴷⴰⵔⵜ.
20 ... ⵡⴰⵀ, ⵃⵉⵎⴰ ⴰⴷ ⵜⵓⵢⵓⵔⴻⴷ
ⴰⴱⵔⵉⴷ ⵏ ⵉⵚⴻⴱⵃⴰⵏⴻⵏ,
ⵓ ⴰⴷ ⵜᵉⵟⵟⴼⴻⴷ
ⴷⴻⴳ ⵉⵎⴻⵙⵔⴰⵇ ⵏ ⵉⵎⵙⴻⴳⴳⴰⴷⴻⵏ,
21 ⵎⴰⵖⴰⵔ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ
ⴰⴷ ⵣⴻⴷⵖⴻⵏ ⴷⵉ ⵜⴻⵎⵎⵓⵔⵜ,
ⵓ ⵉⵏⵏⵉ ⵉⴳⴳⵓⵔⴻⵏ ⵙ ⵍⴻⴽⵎⴰⵔⴻⵜ
ⴰⴷ ⴷⴰⵢⴻⵙ ⵇⵇⵉⵎⴻⵏ. ◘2:21 ⵉⵥⵀⴷ. 37:29
22 ⵎⴰⵛⴰ ⵉⵄⴻⴼⴼⴰⵏⴻⵏ
ⴰⴷ ⵜⵜⵡⴰⵇⴻⴹⵄⴻⵏ ⵣⵉ ⵜⴻⵎⵎⵓⵔⵜ,
ⵉⵖⴻⴷⴷⴰⵔⴻⵏ ⴰⴷ ⵣⵣⴰⵢⴻⵙ ⵜⵜⵡⴰⵇⴻⵍⵄⴻⵏ. ◘2:22 ⴰⵢⵓⴱ 18:17; ⵉⵥⵀⴷ. 104:35
◼2:4 2:4 ⵜⵉⵅⵓⴱⴰⵢ-ⵏⵉⵖ ‘ⵍⴻⴽⵏⵓⵥ’.
◘2:6 2:6 1 ⵉⵊ. 3:9, 12; ⵢⴰⵄ. 1:5
◘2:16 2:16 ⴰⵡⵍⵏ. 5:3; 6:24; 7:5
◘2:21 2:21 ⵉⵥⵀⴷ. 37:29
◘2:22 2:22 ⴰⵢⵓⴱ 18:17; ⵉⵥⵀⴷ. 104:35