86
1 ⵜⴰⵥⴰⴵⵉⵜ ⵏ ⴷⴰⵡⵓⴷ.
ⴰ ⵙⵉⴷⵉ, ⴰⵔⵔ ⴰⵎⴻⵣⵣⵓⵖ ⵏⵏⴻⵛ ⵖⴰⵔⵉ,
ⵙⴻⵍ ⴰⵢⵉ,
ⵎⴰⵖⴰⵔ ⵏⴻⵛⵛ ⴷⵉ ⵍⴻⵖⴱⴻⵏ ⵓ ⵣⴻⵍⴹⴻⵖ.
2 ⵃⴹⴰ ⵅ ⵍⴻⵄⵎⴰⵔ ⵉⵏⵓ,
ⵎⴰⵖⴰⵔ ⵏⴻⵛⵛ ⴷ ⴰⵎⵜⵉⵇⵇⵉ,
ⴰ ⴰⵔⴻⴱⴱⵉ ⵉⵏⵓ,
ⵙⴻⵏⵊⴻⵎ ⴰⵎⵙⴻⵅⵅⴰⵔ ⵏⵏⴻⵛ,
ⵡⴻⵏⵏⵉ ⵅⴰⴽ ⵉⵜⵜⵛⴰⵍⴰⵏ.
3 ⵃⵉⵏⵏ ⵅⴰⴼⵉ, ⴰ ⵙⵉⴷⵉ ⵉⵏⵓ,
ⵎⴰⵖⴰⵔ ⵜⵜⵍⴰⵖⵉⵖ ⵅⴰⴽ ⴰⵙⵙ ⴰⵎ ⵉⵎⵓⵏ.
4 ⵙⴼⴰⵔⵃ ⵍⴻⵄⵎⴰⵔ ⵏ ⵓⵎⵙⴻⵅⵅⴰⵔ ⵏⵏⴻⵛ,
ⵎⴰⵖⴰⵔ ⵉ ⵛⴻⴽ, ⴰ ⵙⵉⴷⵉ ⵉⵏⵓ,
ⵙⵙⴳⴻⵄⵄⴰⴷⴻⵖ ⵍⴻⵄⵎⴰⵔ ⵉⵏⵓ.
5 ⵎⴰⵖⴰⵔ ⵛⴻⴽ, ⴰ ⵙⵉⴷⵉ ⵉⵏⵓ,
ⴷ ⴰⵚⴻⴱⵃⴰⵏ ⵓ ⴷ ⴰⵎⵙⴰⵎⴻⵃ,
ⵖⴰⵔⴻⴽ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ
ⵉ ⵎⴰⵔⵔⴰ ⵉⵏⵏⵉ ⵖⴰⵔⴻⴽ ⵉⵜⵜⵍⴰⵖⴰⵏ.
6 ⴰ ⵙⵉⴷⵉ, ⵙⴻⵍ ⵉ ⵜⵥⴰⴵⵉⵜ ⵉⵏⵓ,
ⵃⴻⴽⴽⴰⵔ ⵉ ⵜⵎⵉⵊⵊⴰ ⵏ ⵜⵓⵜⵔⴰ ⵉⵏⵓ.
7 ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ ⵉⵏⵓ
ⵜⵜⵍⴰⵖⵉⵖ-ⴷⴷ ⵖⴰⵔⴻⴽ,
ⵎⴰⵖⴰⵔ ⵛⴻⴽ ⴰⴷ ⵅⴰⴼⵉ ⴷⴷ-ⵜⴰⵔⵔⴻⴷ. ◘86:7 ⵉⵥⵀⴷ. 50:15
8 ⵊⴰⵔ ⵉⵔⴻⴱⴱⵉⵜⴻⵏ ⵡⴰⵔ ⵉⴵⵉ ⵓⵍⴰ ⴷ ⵉⵊⵊⴻⵏ
ⴰⵎ ⵛⴻⴽ, ⴰ ⵙⵉⴷⵉ ⵉⵏⵓ,
ⵡⴰⵔ ⴷⵉⵏ ⵎⵉⵏ ⵢⴰⵔⵡⴻⵙⴻⵏ
ⴷⵉ ⵜⵎⴻⴳⴳⴰ ⵏⵏⵉ ⵜⴻⴳⴳⵉⴷ. ◘86:8 ⴰⵄⵡⴷ. 3:24; ⵉⵥⵀⴷ. 136:4
9 ⵎⴰⵔⵔⴰ ⵍⴻⴳⵏⵓⵙ ⵉ ⵜⴻⴳⴳⵉⴷ, ⴰⴷ ⴷⴷ-ⴰⵙⴻⵏ,
ⴰⴷ ⵙⴻⵊⴷⴻⵏ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ,
ⴰ ⵙⵉⴷⵉ ⵉⵏⵓ,
ⴰⴷ ⵙⵙⵄⵓⴵⴻⵏ ⵉⵙⴻⵎ ⵏⵏⴻⵛ.
10 ⵎⴰⵖⴰⵔ ⵛⴻⴽ ⴷ ⴰⵎⴻⵇⵇⵔⴰⵏ
ⵓ ⵛⴻⴽ ⴷ ⵡⴻⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵊⵉⵣⴰⵜ,
ⵛⴻⴽ ⵡⴻⵃⵃⴷⴻⴽ ⴷ ⴰⵔⴻⴱⴱⵉ ⵉ ⵜⴻⴵⵉⴷ.
11 ⵙⵛⴻⵏ ⴰⵢⵉ ⴰⴱⵔⵉⴷ ⵏⵏⴻⵛ, ⴰ ⵙⵉⴷⵉ,
ⵃⵉⵎⴰ ⴰⴷ ⵓⵢⵓⵔⴻⵖ ⴷⵉ ⵜⵉⴷⴻⵜⵜ ⵏⵏⴻⵛ,
ⵙⵎⵓⵏ ⵓⵍ ⵉⵏⵓ
ⵎⴰⵃⴻⵏⴷ ⴰⴷ ⴳⴳⵯⴻⴷⴻⵖ ⵉⵙⴻⵎ ⵏⵏⴻⵛ. ◘86:11 ⵉⵥⵀⴷ. 25:4; 27:11; 119:33
12 ⴰ ⵙⵉⴷⵉ ⵉⵏⵓ, ⴰⵔⴻⴱⴱⵉ ⵉⵏⵓ,
ⵅⵙⴻⵖ ⴰⴷ ⵛⴻⴽ ⵇⴰⴷⵉⵖ ⵙ ⵎⴰⵔⵔⴰ ⵡⵓⵍ ⵉⵏⵓ,
ⴰⴷ ⵛⴻⵏⵏⵄⴻⵖ ⵉⵙⴻⵎ ⵏⵏⴻⵛ ⵉ ⵍⴻⴱⴷⴰ ⵇⴰⵄ.
13 ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ
ⵜⴻⵎⵖⴰⵔ ⵅⴰⴼⵉ,
ⵛⴻⴽ ⵜⴼⴻⴽⴽⴻⴷ ⵍⴻⵄⵎⴰⵔ ⵉⵏⵓ
ⵣⵉ ⵍⴰⴵⴰⵖ ⵏ ⵍⴰⵅⴰⵔⵜ.
14 ⴰ ⴰⵔⴻⴱⴱⵉ,
ⵉⵎⵄⴻⴼⴼⴰⵔⴻⵏ ⴽⴽⴰⵔⴻⵏ-ⴷⴷ ⴰⴽⵉⴷⵉ,
ⵉⵛⵜ ⵏ ⴱⴰⵏⴷⵉⵢⵢⴰ ⵏ ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ
ⴰⵔⴻⵣⵣⵓⵏ ⴰⴷ ⵏⵖⴻⵏ ⵍⴻⵄⵎⴰⵔ ⵉⵏⵓ.
ⵛⴻⴽ ⵡⴰⵔ ⵖⴰⵔⵙⴻⵏ ⵜⴻⴵⵉⴷ
ⵇⵉⴱⴰⵍⵜ ⵉ ⵜⵉⵟⵟⴰⵡⵉⵏ ⵏⵙⴻⵏ. ◘86:14 ⵉⵥⵀⴷ. 54:5
15 ⵎⴰⵛⴰ ⵛⴻⴽ, ⴰ ⵙⵉⴷⵉ ⵉⵏⵓ,
ⴷ ⴰⵔⴻⴱⴱⵉ ⴷ ⴰⵔⵃⵉⵎ ⴷ ⵓⵃⵏⵉⵏ,
ⵖⴰⵔⴻⴽ ⵜⵜⴰⵙⵉⵄ ⵏ ⵍⵅⴰⴹⴰⵔ
ⵓⵍⴰ ⴷ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ
16 ⵅⵣⴰⵔ-ⴷⴷ ⵖⴰⵔⵉ ⵓ ⵃⵉⵏⵏ ⵅⴰⴼⵉ,
ⴻⴳⴳ ⵊⵊⴻⵀⴷ ⵏⵏⴻⵛ ⴷⴻⴳ ⵓⵎⵙⴻⵅⵅⴰⵔ ⵏⵏⴻⵛ,
ⵓⵛⴰ ⵙⴻⵏⵊⴻⵎ ⵎⵎⵉⵙ ⵏ ⵜⴰⵢⵢⴰ ⵏⵏⴻⵛ.
17 ⴻⴳⴳ ⵉⵛⵜ ⵏ ⵍⴻⵄⵍⴰⵎⴻⵜ ⴷⵉ ⵟⵟⵡⴻⵄ ⵉⵏⵓ,
ⵃⵉⵎⴰ ⵉⵏⵏⵉ ⴷ ⴰⵢⵉ ⵉⵛⴰⵔⵔⵀⴻⵏ
ⴰⴷ ⵜ ⵥⴰⵔⴻⵏ ⴰⴷ ⵙⴻⴹⵃⴰⵏ,
ⵎⴰⵖⴰⵔ ⵛⴻⴽ, ⴰ ⵙⵉⴷⵉ, ⵜⴻⵡⵛⵉⴷ ⴰⵢⵉ ⴰⴼⵓⵙ
ⵓ ⵜⴻⵙⵙⴼⴻⵡⵡⵊⴻⴷ ⵅⴰⴼⵉ.
◘86:7 86:7 ⵉⵥⵀⴷ. 50:15
◘86:8 86:8 ⴰⵄⵡⴷ. 3:24; ⵉⵥⵀⴷ. 136:4
◘86:11 86:11 ⵉⵥⵀⴷ. 25:4; 27:11; 119:33
◘86:14 86:14 ⵉⵥⵀⴷ. 54:5
◘86:15 86:15 ⵓⴼ. 34:6; ⵍⵅⵍ. 14:18; ⵏⴰⵃ. 9:17; ⵉⵥⵀⴷ. 103:8; 145:8; ⵢⵓⵡ. 2:13