103
1 ⵏ ⴷⴰⵡⵓⴷ.
ⴱⴰⵔⴻⴽ ⵙⵉⴷⵉ, ⴰ ⵍⴻⵄⵎⴰⵔ ⵉⵏⵓ,
ⴷ ⵎⴰⵔⵔⴰ ⵎⵉⵏ ⴷⴰⵢⵉ ⵉⵙⴻⵎ ⵏⵏⴻⵙ ⵉⵇⴻⴷⴷⵙⴻⵏ.
2 ⴱⴰⵔⴻⴽ ⵙⵉⴷⵉ, ⴰ ⵍⴻⵄⵎⴰⵔ ⵉⵏⵓ,
ⵡⴰⵔ ⵜⵜᵉⵜⵜⵓ ⵄⴻⵎⵎⴰⵔⵚ
ⵎⴰⵔⵔⴰ ⵜⵉⵎⴻⴳⴳⴰ ⵏⵏⴻⵙ ⵉⵚⴻⴱⵃⴻⵏ.
3 ⵏⴻⵜⵜⴰ ⴷ ⵡⴻⵏⵏⵉ ⴷ ⴰⵛ ⵉⵖⴻⴼⴼⴰⵔⴻⵏ
ⵎⴰⵔⵔⴰ ⴷⴷⵏⵓⴱ ⵏⵏⴻⵛ,
ⵡⴻⵏⵏⵉ ⵉⵙⵙⴳⴻⵏⴼⴰⵏ ⵎⴰⵔⵔⴰ ⵍⴻⵀⵍⴰⵛⴰⵜ ⵏⵏⴻⵛ, ◘103:3 ⵄⴱⵔ. 6:5
4 ⵡⴻⵏⵏⵉ ⵉⴼⴷⵉⵏ ⵜⵓⴷⴰⵔⵜ ⵏⵏⴻⵛ ⵣⵉ ⵜⵓⵔⵚⵓⴹⵉ,
ⵡⴻⵏⵏⵉ ⵅⴰⴽ ⵉⴳⴳⵉⵏ ⵜⵜⴰⵊ
ⵏ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⴰⵔⵔⴻⵃⵎⴻⵜ,
5 ⵡⴻⵏⵏⵉ ⵉⵙⵙⵊⵊⴰⵡⴰⵏⴻⵏ ⴰⵇⴻⵎⵎⵓⵎ ⵏⵏⴻⵛ
ⵙ ⵎⵉⵏ ⵉⵚⴻⴱⵃⴻⵏ,
ⵡⴻⵏⵏⵉ ⵉⵜⵜⴰⵔⵔⴰⵏ ⵜⴻⵎⵥⵉ ⵏⵏⴻⵛ ⴰⵎ ⵓⴳⵉⴷⴻⵔ.
6 ⵙⵉⴷⵉ ⵉⵜⵜⴻⴳⴳ ⵜⴰⵙⴻⴳⴷⴰ ⴷ ⵍⵃⴻⵇⵇ
ⵉ ⵎⴰⵔⵔⴰ ⵉⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ.
7 ⵏⴻⵜⵜⴰ ⵉⵙⵙⵛⴻⵏ ⵉ ⵎⵓⵙⴰ ⵉⴱⵔⵉⴷⴻⵏ ⵏⵏⴻⵙ,
ⵉ ⴰⵢⵜ ⵏ ⵉⵙⵔⴰⵉⵍ ⵜⵉⵎⴻⴳⴳⴰ ⵏⵏⴻⵙ.
8 ⵙⵉⴷⵉ ⴷ ⴰⵔⵃⵉⵎ ⴷ ⴰⵃⵏⵉⵏ,
ⵖⴰⵔⴻⵙ ⵜⵜⴰⵙⵉⵄ ⵏ ⵍⵅⴰⴹⴰⵔ,
ⵉⵛⵛⵓⵔ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ. ◘103:8 ⵓⴼ. 34:6; ⵍⵅⵍ. 14:18; ⴰⵄⵡⴷ. 5:10; ⵏⴰⵃ. 9:17; ⵉⵥⵀⴷ. 86:15; 145:8; ⵉⵔⵎ. 32:18
9 ⵏⴻⵜⵜⴰ ⵡⴰⵔ ⵉⵜⵜⴻⵎⵛⵓⴱⴱⵓⵛ ⵉ ⵍⴻⴱⴷⴰ,
ⵡⴰⵔ ⵉⵜⵜⵖⵉⵎⵉ ⵉⵜⵜⵅⴻⵢⵢⵉⵇ ⵉ ⵍⴻⴱⴷⴰ. ◘103:9 ⵉⵛⴰ. 57:16; ⵉⵛⴰ. 3:5
10 ⵏⴻⵜⵜⴰ ⵡⴰⵔ ⴷ ⴰⵏⴻⵖ ⵉⵜⵜⴻⴳⴳ
ⵄⵍⴰⵃⵙⴰⴱ ⴷⴷⵏⵓⴱ ⵏⵏⴻⵖ
ⵓ ⵡⴰⵔ ⵣⵣⴰⵢⵏⴻⵖ ⵉⵅⴻⴵⴻⴼ
ⵄⵍⴰⵃⵙⴰⴱ ⵍⵎⵓⵄⵚⵉⵢⵢⴻⵜ ⵏⵏⴻⵖ,
11 ⵎⴰⵖⴰⵔ ⴰⵎ ⵓⵊⴻⵏⵏⴰ ⵢⵓⵄⵍⴰⵏ ⵅ ⵜⴻⵎⵎⵓⵔⵜ,
ⴰⵎⵎⵓ ⵉ ⵜⴻⵎⵖⴰⵔ
ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ
ⵜⵉⵡⴰ ⵎⴰⵔⵔⴰ ⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ.
12 ⴰⵎ ⵉⴳⴳⵯⴻⵊ ⵛⵛⴰⵔⵇ ⵅ ⵍⵖⴰⵔⴱ,
ⴰⵎⵎⵓ ⵉ ⵉⵙⵙⵉⴳⴳⵯⴻⵊ ⵏⴻⵜⵜⴰ
ⵉⵅⴻⵟⵟⴰⵏ ⵏⵏⴻⵖ ⵅⴰⵏⴻⵖ.
13 ⴰⵎ ⵎⴰⵎⵎⴻⵛ ⵉⵃⵉⵏⵏ ⴱⴰⴱⴰⵜⵙⴻⵏ
ⵅ ⵉⵃⴻⵏⵊⵉⵔⴻⵏ ⵏⵏⴻⵙ,
ⴰⵎⵎⵓ ⵉ ⵉⵜⵜⵃⵉⵏⵏ ⵙⵉⴷⵉ ⵅ ⵢⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ.
14 ⵎⴰⵖⴰⵔ ⵏⴻⵜⵜⴰ ⵉⵙⵙⴻⵏ ⵎⴰⵎⵎⴻⵛ ⵏⴻⵜⵜⵡⴰⴳⴳ,
ⵉⵄⵇⴻⵍ ⴰⵇⴰ ⵏⴻⵛⵛⵉⵏ ⴷ ⴰⵛⴰⵍ.
15 ⵓⵙⵙⴰⵏ ⵏ ⴱⵏⴰⴷⴻⵎ ⴰⵎⴻⵛⵏⴰⵡ ⵜⵓⴳⴰ,
ⵏⴻⵜⵜⴰ ⵉⵜⵜⵏⵓⵡⴰⵔ ⴰⵎ ⵜⵏⵓⵡⵡⴰⵛⵜ ⵏ ⵢⴻⵢⵢⴰⵔ. ◘103:15 ⴰⵢⵓⴱ 14:1, 2; ⵉⵥⵀⴷ. 90:5, 6; ⵢⴰⵄ. 1:10, 11; 1 ⴱⵟ. 1:24
16 ⵎⴰⵍⴰ ⵉⴽⴽⴰ-ⴷⴷ ⵅⴰⵙ ⵓⵙⴻⵎⵎⵉⴹ, ⵡⴰⵔ ⵜⴻⵇⵇⵉⵎ
ⵓ ⴰⵎⵛⴰⵏ ⵎⴰⵏⵉ ⵜⵓⵖⴰ ⵜⴱⴻⴷⴷ,
ⵡⴰⵔ ⵅⴰⵙ ⵉⵙⵙⵉⵏ ⵄⴰⴷ.
17 ⵎⴰⵛⴰ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵏ ⵙⵉⴷⵉ
ⵜᵉⵜⵜⵖⵉⵎⴰ ⵣⵉ ⵍⴻⴱⴷⴰ ⴰⵍ ⵍⴻⴱⴷⴰ
ⵜⵉⵡⴰ ⵢⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ,
ⵓ ⵜⴰⵙⴻⴳⴷⴰ ⵏⵏⴻⵙ ⵜᵉⵜⵜⵖⵉⵎⴰ
ⵉ ⵡⴰⵔⵔⴰⵡ ⵏ ⵡⴰⵔⵔⴰⵡ,
18 ⵉ ⵎⴰⵔⵔⴰ ⵉⵏⵏⵉ ⵉⵃⴻⵟⵟⴰⵏ ⵍⵄⴰⵀⴷ ⵏⵏⴻⵙ
ⵓ ⵉⵄⴻⵇⵇⵍⴻⵏ ⵅ ⵍⵓⵎⵓⵔⴰⵜ ⵏⵏⴻⵙ,
ⵎⴰⵃⴻⵏⴷ ⴰⴷ ⵣⵣⴰⵢⵙⴻⵏ ⵜⵜⴻⴳⴳⴻⵏ. ◘103:18 ⴰⵄⵡⴷ. 7:9
19 ⵙⵉⴷⵉ ⵉⵙⵙⴱⴻⴷⴷ ⵍⵄⴰⵔⵛ ⵏⵏⴻⵙ ⴷⴻⴳ ⵓⵊⴻⵏⵏⴰ,
ⵜⴰⴳⴻⵍⴷⴰ ⵏⵏⴻⵙ ⵜⵃⴻⴽⴽⴻⵎ ⵅ ⵎⴰⵔⵔⴰ ⵎⵉⵏ ⵉⴵⴰⵏ.
20 ⴱⴰⵔⴽⴻⵏⵜ ⵙⵉⴷⵉ, ⴽⴻⵏⵏⵉⵏⵜ, ⵍⵎⴰⵍⴰⴽⴰⵜ ⵏⵏⴻⵙ,
ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵉⵎⴻⵃⴹⴻⵏ
ⵉⵏⵏⵉ ⵉⵜⵜⴻⴳⴳⴻⵏ ⴰⵡⴰⵍ ⵏⵏⴻⵙ,
ⵉⵏⵏⵉ ⵉⵜⵜⴻⵙⵍⴰⵏ ⵉ ⵜⵎⵉⵊⵊⴰ ⵏ ⵡⴰⵡⴰⵍ ⵏⵏⴻⵙ.
21 ⴱⴰⵔⴽⴻⵏⵜ ⵙⵉⴷⵉ, ⵎⴰⵔⵔⴰ ⵍⵄⴻⵙⴽⴰⵔⴰⵜ ⵏⵏⴻⵙ,
ⴽⴻⵏⵏⵉⵡ, ⵉⵎⵙⴻⵅⵅⴰⵔⴻⵏ ⵏⵏⴻⵙ,
ⵉⵏⵏⵉ ⵉⵜⵜⴻⴳⴳⴻⵏ ⵎⵉⵏ ⴷ ⴰⵙ ⵢⴰⵔⴻⵛⵇⴻⵏ! ◘103:21 ⴰⵎⵥ. 32:1; 1 ⵉⵊ. 22:19; ⴰⴼⴰ. 3:10; ⴽⵓⵍ. 1:16
22 ⴱⴰⵔⴽⴻⵎ ⵙⵉⴷⵉ,
ⴰ ⵎⴰⵔⵔⴰ ⵎⵉⵏ ⵉⵜⵜⵡⴰⴳⴳⴻⵏ ⵙ ⵓⴼⵓⵙ ⵏⵏⴻⵙ,
ⴷⵉ ⵎⴰⵏⵉ ⵎⴰ ⵉ ⵜⴻⴵⴰ ⵍⴻⵃⴽⴰⵎⴻⵜ ⵏⵏⴻⵙ.
ⴱⴰⵔⴻⴽ ⵙⵉⴷⵉ, ⴰ ⵍⴻⵄⵎⴰⵔ ⵉⵏⵓ.
◘103:8 103:8 ⵓⴼ. 34:6; ⵍⵅⵍ. 14:18; ⴰⵄⵡⴷ. 5:10; ⵏⴰⵃ. 9:17; ⵉⵥⵀⴷ. 86:15; 145:8; ⵉⵔⵎ. 32:18
◘103:9 103:9 ⵉⵛⴰ. 57:16; ⵉⵛⴰ. 3:5
◘103:15 103:15 ⴰⵢⵓⴱ 14:1, 2; ⵉⵥⵀⴷ. 90:5, 6; ⵢⴰⵄ. 1:10, 11; 1 ⴱⵟ. 1:24
◘103:21 103:21 ⴰⵎⵥ. 32:1; 1 ⵉⵊ. 22:19; ⴰⴼⴰ. 3:10; ⴽⵓⵍ. 1:16