1 ⵜⴰⵥⴰⴵⵉⵜ ⵏ ⵎⵓⵙⴰ, ⴰⵔⵢⴰⵣ ⵏ ⴰⵔⴻⴱⴱⵉ.

ⴰ ⵙⵉⴷⵉ ⵉⵏⵓ,

ⵛⴻⴽ ⵜⵓⵖⴰ ⴷ ⵜⴰⵣⴻⴷⴷⵉⵖⵜ ⵏⵏⴻⵖ

ⵣⵉ ⵊⵊⵉⵍ ⴰⵍ ⵊⵊⵉⵍ. ◘90:1 ⴰⵄⵡⴷ. 33:1, 27

2 ⵇⴱⴻⵍ ⵎⴰ ⴰⴷ ⵉⵍⵉⵏ ⵉⴷⵓⵔⴰⵔ,

ⵇⴱⴻⵍ ⵎⴰ ⴰⴷ ⴷⴷ-ⵜⴻⵙⵙⵓⴼⴼⵖⴻⴷ

ⵜⴰⵎⵎⵓⵔⵜ ⴷ ⴷⴷⵓⵏⴻⵛⵜ,

ⵡⴰⵀ ⴰⵇⴰ ⵛⴻⴽ ⴷ ⴰⵔⴻⴱⴱⵉ

ⵣⵉ ⵍⴻⴱⴷⴰ ⴰⵍ ⵍⴻⴱⴷⴰ.

3 ⵛⴻⴽ ⵜⴻⵊⵊⵉⴷ ⴱⵏⴰⴷⴻⵎ

ⴰⴷ ⵉⵄⵇⴻⴱ ⵖⴰⵔ ⵜⵄⴻⵊⵊⴰⵊⵜ.

ⵜⴻⵇⵇⴰⵔⴻⴷ:

“ⵄⴻⵇⴱⴻⵜⵜⵉⵡ-ⴷⴷ ⵜⴰⵔⵡⴰ ⵏ ⴱⵏⴰⴷⴻⵎ!”

4 ⵎⴰⵖⴰⵔ ⴰⵍⴻⴼ ⵏ ⵉⵙⴻⴳⴳⵯⵓⵙⴰ

ⴷⵉ ⵜⵉⵟⵟⴰⵡⵉⵏ ⵏⵏⴻⵛ

ⴰⵎ ⵡⴰⵙⵙ ⵏ ⵉⴹⴻⵏⵏⴰⴹ ⵏⵏⵉ ⵉⵄⴷⵓⵏ,

ⵓⵍⴰ ⴰⵎ ⵢⵉⵛⵜ ⵏ ⵏⵏⵓⴱⴻⵜ ⵏ ⵜⵄⴻⵙⵙⴰⵙⵜ ⴷⵉ ⴵⵉⵍⴻⵜ. ◘90:4 2 ⴱⵟ. 3:8

5 ⵛⴻⴽ ⵜⴼⴰⵔⴹⴻⴷ ⵜⴻⵏ, ⴰⵇⴰ ⴰⵜⴻⵏ ⴰⵎ ⵢⵉⴹⴻⵚ.

ⵖⴰⵔ ⵜⵓⴼⴼⵓⵜ ⴳⴳⵉⵏ ⴰⵎ ⴰⵔⴱⵉⵄ ⵉⵢⴻⵎⵎⴰⵏ.

6 ⵖⴰⵔ ⵜⵓⴼⴼⵓⵜ ⵉⵜⵜⵣᵉⵢⵣⵉⵡ ⴰⵔⵔⴱⵉⵄ

ⵓⵛⴰ ⵉⵢⴻⵎⵎⴰ,

ⵖⴰⵔ ⵜⵎⴻⴷⴷⵉⵜ ⵉⵜⵜⵡⴰⵎⵊⴰⵔ, ⵉⵜⵜⴰⵥⴻⵖ.

7 ⵎⴰⵖⴰⵔ ⵏⴻⵛⵛⵉⵏ ⵏⴻⴼⵏⴰ ⵙ ⵡⴻⵖⴹⴰⴱ ⵏⵏⴻⵛ,

ⵏⴻⵏⵏⴻⵅⵍⴻⵄ ⵣⴻⴳ ⵡⴻⵙⵄⴰⵔ ⵏⵏⴻⵛ.

8 ⵛⴻⴽ ⵜⴻⴳⴳⵉⴷ ⵍⵎⵓⵄⵚⵉⵢⵢⴻⵜ ⵏⵏⴻⵖ

ⵇⵉⴱⴰⵍⵜ ⵏⵏⴻⵛ,

ⴷⴷⵏⵓⴱ ⵏⵏⴻⵖ ⵉⵏⵏⵓⴼⴼⴰⵔⴻⵏ

ⴷⵉ ⵜⴼⴰⵡⵜ ⵏ ⵡⵓⴷⴻⵎ ⵏⵏⴻⵛ.

9 ⵎⴰⵖⴰⵔ ⵎⴰⵔⵔⴰ ⵓⵙⵙⴰⵏ ⵏⵏⴻⵖ ⴰⴷ ⵄⴷⵓⵏ

ⴷⴻⴳ ⵓⴼⵓⴳⴻⵎ ⵏⵏⴻⵛ ⵉⵙⵙⴻⴳⴳⵯⴰⴷⴻⵏ,

ⵏⴻⵙⵙⴻⵄⴷⵓ ⵉⵙⴻⴳⴳⵯⵓⵙⴰ ⵏⵏⴻⵖ

ⴰⵎ ⵢⵉⵊⵊ ⵏ ⵓⵙⵓⴹⵉ.

10 ⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⵖ

ⵜⵜⴻⴽⴽⴻⵏ ⵙⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ,

ⵏⵉⵖ, ⵎⴻⵍⵎⵉ ⵉ ⵖⴰ ⵏⵉⵍⵉ ⵏⴻⵊⵀⴻⴷ,

ⴰⵇⴰ ⵜⵎⴰⵏⵢⵉⵏ ⵏ ⵉⵙⴻⴳⴳⵯⵓⵙⴰ.

ⵎⵉⵏ ⴷⴰⵢⴻⵙ ⴷ ⴰⵄⵓⴵⵉ,

ⵉⵜⵜⴰⵔⵓ-ⴷⴷ ⵜⴰⵎⴰⵔⴰ ⴷ ⵍⵡⴻⵃⵔⴰⵏ,

ⴷⴻⵖⵢⴰ ⵜᵉⵜⵜⴻⴽⴽ ⵜⵄⴻⴷⴷⵓ ⵓ ⵏⴻⵟⵟⴰⵡ ⵖⴰⵔ ⴷⵉⵏ.

11 ⵎⴰⵏ ⵡⴻⵏ ⵉⵙⵙⵏⴻⵏ

ⵍⵇⴻⵙⵃⴰⵏ ⵏ ⵡⴻⵖⴹⴰⴱ ⵏⵏⴻⵛ,

ⵓ ⵎⴰⵏ ⵡⴻⵏ ⵉⵙⵙⵏⴻⵏ ⵜⵉⴳⴳⵯⵓⴷⵉ ⵣⵣⴰⵢⴻⴽ

ⴰⵎ ⴷⴷ-ⵉⵜⵜⵍⵉⵇ

ⴰⴽ-ⴷ ⴰⴷⵓⵇⵇⴻⵣ ⵏⵏⴻⵛ ⵏ ⵓⴼⵓⴳⴻⵎ?

12 ⵙⴻⵍⵎⴻⴷ ⴰⵏⴻⵖ ⴰⴷ ⵏⵃⴻⵙⵙⴻⴱ ⵓⵙⵙⴰⵏ ⵏⵏⴻⵖ,

ⵃⵉⵎⴰ ⴰⴷ ⴷⴷ-ⵏⴰⵡⵉ ⵓⵍ ⵉⵛⵛⵓⵔⴻⵏ ⵙ ⵜⵉⵖⵉⵜ.

13 ⴷⵡⴻⵍ-ⴷⴷ, ⴰ ⵙⵉⴷⵉ, ⴰⵍ ⵎⴻⵍⵎⵉ?

ⵃⵉⵏⵏ ⵅ ⵉⵎⵙⴻⵅⵅⴰⵔⴻⵏ ⵏⵏⴻⵛ. ◘90:13 ⴰⵄⵡⴷ. 32:36; ⵉⵥⵀⴷ. 135:14

14 ⵙⵊⵊⵉⵡⴻⵏ ⴰⵏⴻⵖ ⵖⴰⵔ ⵓⵜⴻⴼⴼⵓ

ⵙ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ,

ⵅⴻⵏⵏⵉ ⴰⴷ ⵏⴻⵙⵍⵉⵡⵍⴻⵡ,

ⴰⴷ ⵏⴼⴰⵔⵃ ⵎⴰⵔⵔⴰ ⵓⵙⵙⴰⵏ ⵏⵏⴻⵖ.

15 ⵙⴼⴰⵔⵃ ⴰⵏⴻⵖ ⴰⵏⴻⵛⵜ ⵏ ⵡⵓⵙⵙⴰⵏ

ⵉ ⴷ ⴰⵏⴻⵖ ⵜⴻⵃⵚⴰⵔⴻⴷ,

ⴰⵏⴻⵛⵜ ⵏ ⵉⵙⴻⴳⴳⵯⵓⵙⴰ ⵉ ⴷⵉ ⵏⴻⵥⵔⴰ ⵍⵖⴰⵔ.

16 ⵙⵛⴻⵏ ⵍⵅⴻⴷⵎⴻⵜ ⵏⵏⴻⵛ ⵉ ⵉⵎⵙⴻⵅⵅⴰⵔⴻⵏ ⵏⵏⴻⵛ,

ⵍⵄⴻⵣⵣ ⵏⵏⴻⵛ ⵅ ⵉⵃⴻⵏⵊⵉⵔⴻⵏ ⵏⵙⴻⵏ.

17 ⴰⴷ ⵅⴰⵏⴻⵖ ⵜⴻⵀⵡⴰ

ⵍⴻⴹⵔⴰⴼⴻⵜ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ,

ⴹⵎⴻⵏ ⵛⴻⴽ ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏⵏⴻⵖ,

ⵡⴰⵀ, ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏⵏⴻⵖ ⴹⵎⴻⵏ ⵉ-ⵜⵜ.