91
1 ⵜⵎⵉⵊⵊⴰ ⵜⴰⵎⴻⵣⵡⴰⵔⵓⵜ:
ⵡⴻⵏⵏⵉ ⵉⵣⴻⴷⴷⵖⴻⵏ
ⴷⴻⴳ ⵓⴷⵓⵔⵔⵉ ⵏ ⵓⵎⵄⵓⴵⵉ ⵅ ⴽⵓⵍⵛⵉ,
ⴰⵇⴰ ⵏⴻⵜⵜⴰ ⴰⴷ ⵉⵙⵙⴻⵏⵙ
ⴷⵉ ⵜⵉⵍⵉ ⵏ ⵓⵎⵣⴻⵎⵎⴰⵔ ⵅ ⴽⵓⵍⵛⵉ.
2 ⵜⵎⵉⵊⵊⴰ ⵡⵉⵙⵙ ⵜⵏⴰⵢⴻⵏ:
ⴰⴷ ⵉⵏⵉⵖ ⵉ ⵙⵉⴷⵉ:
ⵛⴻⴽ ⴷ ⴰⵎⵛⴰⵏ ⵉⵏⵓ ⵏ ⵜⴰⵔⴻⵡⵍⴰ ⴷ ⵍⴱⵓⵔⵊ ⵉⵏⵓ,
ⴰⵔⴻⴱⴱⵉ ⵉⵏⵓ, ⵡⴻⵏⵏⵉ ⵅ ⵜⵜⴻⵛⵍⴻⵖ!
3 ⵜⵎⵉⵊⵊⴰ ⵜⴰⵎⴻⵣⵡⴰⵔⵓⵜ:
ⵎⴰⵖⴰⵔ ⵏⴻⵜⵜⴰ ⴰⴷ ⵛⴻⴽ ⵉⴼⴻⴽⴽ
ⵣⵉ ⵍⴼⴻⵅ ⵏ ⵉⵏⴻⵢⵎⴰⵔⴻⵏ ⵏ ⵉⵊⴹⴰⴹ,
ⵣⵉ ⵟⵟⴰⵄⵓⵏ ⵢⴰⵔⴻⴷⴷⴵⴻⵏ. ◘91:3 ⵉⵥⵀⴷ. 124:7
4 ⵙ ⴰⵔⵔⵉⵛ ⵏⵏⴻⵙ ⴰⴷ ⵛⴻⴽ ⵉⴷⴻⵍ,
ⵙⴰⴷⵓ ⵡⴰⴼⵔⵉⵡⴻⵏ ⵏⵏⴻⵙ ⴰⴷ ⵜⴰⴼⴻⴷ ⴰⴷⵓⵔⵔⵉ.
ⵍⵎⴰⵏⴻⵜ ⵏⵏⴻⵙ ⴷ ⵜⴰⵙⴻⴷⴷⴰⵔⵜ ⵜⴰⵎⴻⵇⵇⵔⴰⵏⵜ
ⴷ ⴰⵔⵔⵓⴹ ⵏ ⵡⵓⵣⵣⴰⵍ. ◘91:4 ⵉⵥⵀⴷ. 57:2
5 ⵡⴰⵔ ⵜᵉⵜⵜⴻⴳⴳⵯⴻⴷⴻⴷ ⵛⴰ
ⵣⴻⴳ ⵓⵏⴻⵅⵍⵉⵄ ⵏ ⴵⵉⵍⴻⵜ,
ⵣⵉ ⴼⵍⵉⵜⵛⴰ ⵏ ⵍⵇⴻⵡⵙ ⵉ ⴷⵉⵏ ⵉⵟⵟⴰⵡⴻⵏ ⵙ ⵡⴰⵙⵙ, ◘91:5 ⴰⵢⵓⴱ 5:19, 20; ⴰⵡⵍⵏ. 3:25; ⵉⵥⵍⵉ 3:8
6 ⵓⵍⴰ ⵣⵉ ⵟⵟⴰⵄⵓⵏ ⵉ ⴷⴷ-ⵉⵜⵜⴻⵏⵏⴹⴻⵏ ⴷⵉ ⵜⴰⴵⴻⵙⵜ,
ⵣⵉ ⵍⵀⴰⵍⴰⴽ ⵉ ⵢⴰⵔⴻⴷⴷⴵⴻⵏ ⵙ ⵓⵣⵉⵍ.
7 ⵡⴰⵅⵅⴰ ⴰⴷ ⵡⴹⴰⵏ ⴰⵍⴻⴼ ⵖⴰⵔ ⵓⵖⴻⵣⴷⵉⵙ ⵏⵏⴻⵛ
ⵓ ⵄⴻⵛⵔⴰ ⴰⵍⴻⴼ ⵖⴰⵔ ⴰⴼⵓⵙ ⴰⴼⵓⵙⵉ ⵏⵏⴻⵛ,
ⵄⴰⴷ ⵡⴰⵔ ⵛⴻⴽ ⴷⴷ-ⵉⵜⵜⵉⴽⴽⵯⵉⴹ.
8 ⴰⴷ ⵜⵡⴰⵍⵉⴷ ⴰⵢⴰ ⵙ ⵜⵉⵟⵟⴰⵡⵉⵏ ⵏⵏⴻⵛ ⵡⴰⵀⴰ,
ⴰⴷ ⵜⵥⴰⵔⴻⴷ ⵎⴰⵎⵎⴻⵛ ⵖⴰ ⵉⵜⵜⵡⴰⵅⵍⴻⴼ
ⵣⴻⴳ ⵉⵄⴻⴼⴼⴰⵏⴻⵏ.
9 ⵜⵎⵉⵊⵊⴰ ⵡⵉⵙⵙ ⵜⵏⴰⵢⴻⵏ:
ⵎⴰⵖⴰⵔ ⵅⴰⴽ:
‘ⵛⴻⴽ ⴰ ⵙⵉⴷⵉ, ⴰⵇⴰ ⵛⴻⴽ
ⴷ ⴰⵎⵛⴰⵏ ⵉⵏⵓ ⵏ ⵜⴰⵔⴻⵡⵍⴰ!’
ⵜⵎⵉⵊⵊⴰ ⵜⴰⵎⴻⵣⵡⴰⵔⵓⵜ
ⴰⵇⴰ ⵛⴻⴽ ⵜⴻⴳⴳⵉⴷ ⴰⵎⵄⵓⴵⵉ ⵅ ⴽⵓⵍⵛⵉ
ⴷ ⵜⴰⵣⴻⴷⴷⵉⵖⵜ ⵉ ⵢⵉⵅⴻⴼ ⵏⵏⴻⵛ,
10 ⵡⴰⵔ ⴷⴰⵢⴻⴽ ⵜⵏⴻⵟⵟⴻⵃ ⵜⵓⵄⴻⴼⴼⵏⴰ,
ⵓⵍⴰ ⴷ ⵉⵛⵜ ⵏ ⵊⵊⵔⵉⵃⴻⵛⵜ
ⵡⴰⵔ ⴷⴷ-ⵜⵇⴰⵔⵔⴰⴱ ⵛⴰ ⵖⴰⵔ ⵓⵇⵉⴹⵓⵏ ⵏⵏⴻⵛ,
11 ⵎⴰⵖⴰⵔ ⵏⴻⵜⵜⴰ ⴰⴷ ⵅⴰⴽ ⵢⵓⵎⵓⵔ
ⵍⵎⴰⵍⴰⴽⴰⵜ ⵏⵏⴻⵙ,
ⵎⴰⵃⴻⵏⴷ ⴰⴷ ⵛⴻⴽ ⵃⴹⴰⵏⵜ
ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵛ. ◘91:11 ⵉⵥⵀⴷ. 34:8; ⵎⵜ. 4:6; ⵍⴽ. 4:10
12 ⴰⴷ ⵛⴻⴽ ⴽⵙⵉⵏ ⵅ ⵉⴼⴰⵙⵙⴻⵏ ⵏⵙⴻⵏⵜ,
ⵃⵉⵎⴰ ⴰⴹⴰⵔ ⵏⵏⴻⵛ ⵡⴰⵔ ⵉⵏⴻⴳⴳⴻⵃ ⴰⵥⵔⵓ. ◘91:12 ⵍⴽ. 4:11
13 ⴰⴷ ⵜⵄⴻⴼⵙⴻⴷ ⵅ ⵡⴻⵢⵔⴰⴷ ⵉⵣⴻⵀⵀⴰⵔⴻⵏ
ⵓ ⵅ ⵜⵍⴻⴼⵙⴰ,
ⴰⴷ ⵜⵄⴻⵊⵏⴻⴷ ⵅ ⵡⴻⵢⵔⴰⴷ ⴰⵎⴻⵥⵢⴰⵏ
ⴷ ⵍⵀⴰⵢⵛⴻⵜ ⵏ ⵍⴻⴱⵃⴰⵔ. ◘91:13 ⴰⵢⵓⴱ 5:22, 23
14 ⵜⵎⵉⵊⵊⴰ ⵡⵉⵙⵙ ⵜⵍⴰⵜⴰ ⵣⵉ ⴰⵔⴻⴱⴱⵉ:
ⵓⵎⵉ ⴷⴷ-ⵉⵇⵇⴻⵏ ⵏⴻⵜⵜⴰ ⵖⴰⵔⵉ,
ⵏⴻⵛⵛ ⴰⴷ ⵜ ⵙⵙⵏⴻⵊⵎⴻⵖ.
ⵏⴻⵛⵛ ⴰⴷ ⵜ ⵙⵙⴳⴻⵄⵄⴷⴻⵖ,
ⵎⴰⵖⴰⵔ ⵏⴻⵜⵜⴰ ⵉⵙⵙⴻⵏ ⵉⵙⴻⵎ ⵉⵏⵓ.
15 ⵏⴻⵜⵜⴰ ⴰⴷ ⴰⵢⵉ ⵉⵍⴰⵖⴰ
ⵓ ⵏⴻⵛⵛ ⴰⴷ ⵅⴰⵙ ⴷⴷ-ⴰⵔⵔⴻⵖ.
ⴷⵉ ⵍⴻⵃⵚⴰⵔⴻⵜ ⴰⵇⴰ ⴰⵢⵉ ⵖⴰⵔⴻⵙ.
ⵏⴻⵛⵛ ⴰⴷ ⵜ ⴼⴻⴽⴽⴻⵖ, ⴰⴷ ⴰⵙ ⵙⵙⵄⵓⴵⴻⵖ.
16 ⵏⴻⵛⵛ ⴰⴷ ⵜ ⵙⵙⵊⵊⵉⵡⵏⴻⵖ
ⴰⴽ-ⴷ ⵜⵓⵣⵣⴻⴳⴳⴰⵔⵜ ⵏ ⵡⵓⵙⵙⴰⵏ,
ⵏⴻⵛⵛ ⴰⴷ ⴰⵙ ⵙⵙⴻⵛⵏⴻⵖ ⴰⵙⴻⵏⵊⴻⵎ ⵉⵏⵓ.
◘91:3 91:3 ⵉⵥⵀⴷ. 124:7
◘91:4 91:4 ⵉⵥⵀⴷ. 57:2
◘91:5 91:5 ⴰⵢⵓⴱ 5:19, 20; ⴰⵡⵍⵏ. 3:25; ⵉⵥⵍⵉ 3:8
◘91:11 91:11 ⵉⵥⵀⴷ. 34:8; ⵎⵜ. 4:6; ⵍⴽ. 4:10
◘91:13 91:13 ⴰⵢⵓⴱ 5:22, 23