34
1 ⵏ ⴷⴰⵡⵓⴷ, ⵓⵎⵉ ⵉⵙⵙⵏⵉⵄⵎⵉⵍ, ⵉⴳⴳⴰ ⵉⵅⴻⴼ ⵏⵏⴻⵙ ⴷ ⴰⴱⵓⵀⴰⵍⵉ ⵣⵣⴰⵜ ⵉ ⵡⵓⴷⴻⵎ ⵏ ⴰⴱⵉⵎⵉⵍⵉⴽ, ⵡⴻⵏⵏⵉ ⵉ ⵅⴰⵙ ⵢⵓⵥⵥⵍⴻⵏ ⴰⵍⴰⵎⵉ ⵢⵓⵢⵓⵔ ⵏⴻⵜⵜⴰ.◘34:1 1 ⵚⵎ. 21:13
2 ⴰⵍⵉⴼ. ⵏⴻⵛⵛ ⵅⵙⴻⵖ ⴰⴷ ⴱⴰⵔⴽⴻⵖ ⵉ ⵙⵉⴷⵉ ⵍⴻⴱⴷⴰ,
ⴰⵚⴻⴱⴱⵉⵃ ⵏⵏⴻⵙ ⴰⴷ ⵢⵉⵍⵉ
ⴷⴻⴳ ⵓⵇⴻⵎⵎⵓⵎ ⵉⵏⵓ ⴱⵍⴰ ⵇⴻⵟⵟⵓ.
3 ⴱⵉⵜ. ⵍⴻⵄⵎⴰⵔ ⵉⵏⵓ ⴰⴷ ⵉⵚⴻⴱⴱⴻⵃ ⵉ ⵙⵉⴷⵉ.
ⵉⵎⵀⵉⵏⴻⵏ ⴰⴷ ⴰⵙ ⵙⵍⴻⵏ ⵓ ⴰⴷ ⴼⴰⵔⵃⴻⵏ.
4 ⴳⵉⵎⴻⵍ. ⵙⴻⵎⵖⴰⵔⴻⵎ ⴰⴽⵉⴷⵉ ⵙⵉⴷⵉ,
ⴻⵊⵊ ⴰⵏⴻⵖ ⴰⴷ ⵏⴻⵙⵙⵓⵄⵍⴰ ⵉⵙⴻⵎ ⵏⵏⴻⵙ ⵊⵎⵉⵄ.
5 ⴷⴰⵍⵉⵜ. ⵏⴻⵛⵛ ⴰⵔⵣⵓⵖ ⵅ ⵙⵉⴷⵉ
ⵓ ⵏⴻⵜⵜⴰ ⵢⴰⵔⵔⴰ-ⴷⴷ ⵅⴰⴼⵉ,
ⵉⴼⴻⴽⴽ ⴰⵢⵉ ⵣⵉ ⵎⴰⵔⵔⴰ ⵉⵏⵏⴻⵅⵍⵉⵄⴻⵏ ⵉⵏⵓ.
6 ⵀⵉ. ⵏⵉⵜⵏⵉ ⵅⴻⵣⵣⴰⵔⴻⵏ ⵖⴰⵔⴻⵙ ⵓⵛⴰ ⵛⴻⵄⵛⴻⵄⴻⵏ,
ⵉⵖⴻⵎⴱⴰⴱ ⵏⵙⴻⵏ
ⵡⴰⵔ ⴷⴷⵉⴽⴽⵡⵉⵍⴻⵏ ⵣⴻⵡⵖⴻⵏ
ⵙ ⵓⵙⴻⴹⵃⵉ ⵄⴻⵎⵎⴰⵔⵚ.
7 ⵣⴰⵢⵉⵏ. ⵍⵎⴻⵙⴽⵉⵏ-ⴰ ⴷⴰⵏⵉⵜⴰ ⵉⵍⴰⵖⴰ
ⵓ ⵙⵉⴷⵉ ⵉⵙⵍⴰ ⵖⴰⵔⴻⵙ,
ⵉⴼⴻⴽⴽ ⵉ-ⵜ ⵣⵉ ⵎⴰⵔⵔⴰ ⵍⴻⵃⵚⴰⵔⴰⵜ ⵏⵏⴻⵙ.
8 ⵅⵉⵜ. ⵍⵎⴰⵍⴰⴽ ⵏ ⵙⵉⴷⵉ ⵉⵇⵓⵡⵡⴰⵔ ⵙ ⵍⵎⴰⵔⴳⴻⵃ ⵏⵏⴻⵙ
ⵅ ⵢⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ,
ⵏⴻⵜⵜⴰ ⵉⴼⴻⴽⴽ ⵉ-ⵜⴻⵏ.
9 ⵜⵉⵜ. ⵇⴰⵙⴻⵎ ⵓⵛⴰ ⵅⵣⴰⵔⴻⵎ, ⴰⵇⴰ ⵙⵉⴷⵉ ⵉⵛⵏⴰ.
ⵙⵙⴻⵄⴷ ⵏ ⵡⴻⵔⵢⴰⵣ ⵡⴻⵏⵏⵉ ⵖⴰⵔⴻⵙ ⵢⴰⵔⴻⴽⴽⵡⴰⵍⴻⵏ.
10 ⵢⵓⴷ. ⴳⴳⵯⴻⴷⴻⵎ ⵙⵉⴷⵉ,
ⴰ ⴽⴻⵏⵏⵉⵡ, ⵉⵎⵇⴻⴷⴷⴰⵙⴻⵏ ⵏⵏⴻⵙ,
ⵎⴰⵖⴰⵔ ⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ
ⵡⴰⵔ ⵜⴻⵏ ⵉⵜⵜⵅⴻⵚⵚⵉ ⵡⴰⵍⵓ.
11 ⴽⴰⴼ. ⵉⵢⵔⴰⴷⴻⵏ ⵉⵎⴻⵥⵢⴰⵏⴻⵏ ⵜⵜⴻⵃⵡⴰⵊⴻⵏ,
ⴷⴰⵢⵙⴻⵏ ⵍⴰⵥ,
ⵎⴰⵛⴰ ⵉⵏⵏⵉ ⵢⴰⵔⴻⵣⵣⵓⵏ ⵅ ⵙⵉⴷⵉ,
ⵡⴰⵔ ⵜⴻⵏ ⵉⵜⵜⵅⴻⵚⵚⵉ ⵡⴰⵍⵓ
ⵣⵉ ⵎⴰⵔⵔⴰ ⵎⵉⵏ ⵉⴵⴰⵏ ⴷ ⵍⵅⴰⵔ. ◘34:11 ⴰⵢⵓⴱ 4:11
12 ⵍⴰⵎⵉⴷ. ⴰⵙⴻⵎ-ⴷⴷ,
ⴰ, ⴽⴻⵏⵏⵉⵡ ⵉⵃⴻⵏⵊⵉⵔⴻⵏ, ⵙⵍⴻⵎ-ⴷⴷ ⵖⴰⵔⵉ!
ⵏⴻⵛⵛ ⴰⴷ ⴰⵡⴻⵎ ⵙⵙⵍⴻⵎⴷⴻⵖ
ⵜⵉⴳⴳⵯⵓⴷⵉ ⵏ ⵙⵉⴷⵉ.
13 ⵎⵉⵎ. ⵎⴰⵏ ⵡⴻⵏ ⵉ ⵉⴵⴰⵏ ⴷ ⴰⵔⵢⴰⵣ
ⵡⴻⵏⵏⵉ ⴷⵉ ⵉⴵⴰ ⵎⴻⵥⵔⵉ ⴷⵉ ⵜⵓⴷⴰⵔⵜ,
ⵡⴻⵏⵏⵉ ⵉⵜⵜⴻⵅⵙⴻⵏ ⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⵙ
ⵃⵉⵎⴰ ⴰⴷ ⵉⵥⴰⵔ ⵍⵅⴰⵔ? ◘34:13 1 ⴱⵟ. 3:10
14 ⵏⵓⵏ. ⵎⵏⴻⵄ ⵉⵍⴻⵙ ⵏⵏⴻⵛ ⵣⵉ ⵍⵖⴰⵔ,
ⵓⵍⴰ ⴷ ⵉⵢⴻⵏⵛⵉⵛⴻⵏ ⵏⵏⴻⵛ ⵣⴻⴳ ⵡⴰⵡⴰⵍ ⵏ ⵍⵖⴻⵛⵛ.
15 ⵙⴰⵎⵉⵅ. ⵃⴻⵢⵢⴻⴷ ⵅ ⵜⵓⵄⴻⴼⴼⵏⴰ ⵓ ⴻⴳⴳ ⵍⵅⴰⵔ,
ⴰⵔⵣⵓ ⵅ ⵍⴻⵀⵏⴰ ⵓ ⴹⴼⴰⵔ ⵉ-ⵜ.
16 ⵄⴰⵢⵉⵏ. ⵜⵉⵟⵟⴰⵡⵉⵏ ⵏ ⵙⵉⴷⵉ ⵅ ⵉⵎⵙⴻⴳⴳⴰⴷⴻⵏ,
ⵉⵎⴻⵣⵣⵓⵖⴻⵏ ⵏⵏⴻⵙ ⵎⴻⵢⵢⵍⴻⵏ
ⵖⴰⵔ ⵉⵖⵓⵢⵢⴰⵏ ⵏⵙⴻⵏ. ◘34:16 ⴰⵢⵓⴱ 36:7; ⵉⵥⵀⴷ. 33:18; 1 ⴱⵟ. 3:12
17 ⴱⵉ. ⵓⴷⴻⵎ ⵏ ⵙⵉⴷⵉ
ⴹⵉⴷⴷ ⵉ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵖⴰⵔ,
ⵃⵉⵎⴰ ⴰⴷ ⵉⴽⴽⴻⵙ ⵍⵉⴷⴰⵔⴻⵜ ⴷⴰⵢⵙⴻⵏ ⵣⵉ ⵜⴻⵎⵎⵓⵔⵜ.
18 ⵜⵙⴰⴷⵉ. ⵏⵉⵜⵏⵉ ⵍⴰⵖⴰⵏ ⵓ ⵙⵉⴷⵉ ⵉⵙⵍⴰ ⵖⴰⵔⵙⴻⵏ,
ⵏⴻⵜⵜⴰ ⵉⴼⴻⴽⴽ ⵉ-ⵜⴻⵏ ⵣⵉ ⵎⴰⵔⵔⴰ ⵍⴻⵃⵚⴰⵔⴰⵜ ⵏⵙⴻⵏ.
19 ⵇⵓⴼ. ⵙⵉⴷⵉ ⵢⵓⴷⴻⵙ ⵉ ⵎⴰⵔⵔⴰ
ⵉⵏⵏⵉ ⵓⵎⵉ ⵉⵜⵜⵡⴰⵔⵥ ⵡⵓⵍ ⵏⵙⴻⵏ,
ⵉⵙⵙⴻⵏⵊⴰⵎ ⵉⵏⵏⵉ ⵓⵎⵉ ⵉⵜⵜⵡⴰⵍⴱⴻⵣ ⴱⵓⵃⴱⴻⵍ ⵏⵙⴻⵏ. ◘34:19 2 ⵜⵉⵎ. 3:11
20 ⵔⵉⵅ. ⴰⵟⵟⴰⵙ ⵉⴵⴰⵏ ⵉⴼⴻⵇⵇⵓⵙⴻⵏ ⵏ ⵉⵎⵙⴻⴳⴳⴰⴷⴻⵏ,
ⵎⴰⵛⴰ ⵙⵉⴷⵉ ⵉⴼⴻⴽⴽ ⵉ-ⵜⴻⵏ ⵣⵣⴰⵢⵙⴻⵏ ⵎⴰⵔⵔⴰ. ◘34:20 2 ⵜⵉⵎ. 3:12
21 ⵛⵉⵏ. ⵏⴻⵜⵜⴰ ⵉⵃⴻⵟⵟⴰ ⵉⵖⵙⴰⵏ ⵏⵏⴻⵙ ⵎⴰⵔⵔⴰ,
ⵓⵍⴰ ⴷ ⵉⵊⵊ ⵣⵣⴰⵢⵙⴻⵏ ⵡⴰⵔ ⵉⵜⵜⴰⵔⴻⵥⵥⵉ. ◘34:21 ⵢⵃ. 19:36
22 ⵜⴰⴼ. ⴰⵇⴰ ⵍⵖⴰⵔ ⴰⴷ ⵉⵏⴻⵖ ⴰⵄⴻⴼⴼⴰⵏ,
ⵉⵏⵏⵉ ⵉⵛⴰⵔⵔⵀⴻⵏ ⴰⵎⵙⴻⴳⴳⴻⴷ ⴰⴷ ⵜⵜⵡⴰⵄⴰⵇⴱⴻⵏ.
23 ⵙⵉⴷⵉ ⴰⴷ ⵉⴼⴷⵉ ⵍⴻⵄⵎⴰⵔ ⵏ ⵉⵎⵙⴻⵅⵅⴰⵔⴻⵏ ⵏⵏⴻⵙ,
ⵎⴰⵔⵔⴰ ⵉⵏⵏⵉ ⵖⴰⵔⴻⵙ ⵢⴰⵔⴻⴽⴽⵡⴰⵍⴻⵏ,
ⵡⴰⵔ ⵜⵜⵡⴰⵄⴰⵇⴱⴻⵏ. ◼34:23 ⴰⴷ ⵉⴼⴷⵉ - ⵅⵥⴰⵔ ‘ⴰⵎⴻⴼⴷⵉ’-ⵉⵥⵀⴷ. 78:35.
◘34:1 34:1 1 ⵚⵎ. 21:13
◘34:13 34:13 1 ⴱⵟ. 3:10
◘34:16 34:16 ⴰⵢⵓⴱ 36:7; ⵉⵥⵀⴷ. 33:18; 1 ⴱⵟ. 3:12
◘34:19 34:19 2 ⵜⵉⵎ. 3:11
◘34:20 34:20 2 ⵜⵉⵎ. 3:12
◼34:23 34:23 ⴰⴷ ⵉⴼⴷⵉ - ⵅⵥⴰⵔ ‘ⴰⵎⴻⴼⴷⵉ’-ⵉⵥⵀⴷ. 78:35.