57
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ‘ⵡⴰⵔ ⵜ ⵜⵜⴰⵔⴻⴷⴷⴻⴵ!’ ⵏ ⴷⴰⵡⵓⴷ. ⵜⵉⵔⴰ ⵉⵏⴻⵇⵛⴻⵏ. ⵓⵎⵉ ⵢⴰⵔⵡⴻⵍ ⵣⵉ ⵛⴰⵡⵓⵍ ⴷⴻⴳ ⵉⴼⵔⵉ.◘57:1 1 ⵚⵎ. 22:1; 24:4
2 ⵃⵉⵏⵏ ⵅⴰⴼⵉ, ⴰ ⴰⵔⴻⴱⴱⵉ, ⵃⵉⵏⵏ ⵅⴰⴼⵉ,
ⵎⴰⵖⴰⵔ ⵍⴻⵄⵎⴰⵔ ⵉⵏⵓ ⵢⴰⵔⴻⴽⴽⵡⴰⵍ-ⴷⴷ ⵖⴰⵔⴻⴽ.
ⵏⴻⵛⵛ ⵓⴼⵉⵖ ⴰⴷⵓⵔⵔⵉ
ⴷⵉ ⵜⵉⵍⵉ ⵏ ⵡⴰⴼⵔⵉⵡⴻⵏ ⵏⵏⴻⵛ,
ⴰⵍ ⵖⴰ ⵄⴷⵓⵏⵜ ⵍⵎⵓⵚⵉⴱⴰⵜ.
3 ⵏⴻⵛⵛ ⴰⴷ ⵍⴰⵖⵉⵖ ⵖⴰⵔ ⴰⵔⴻⴱⴱⵉ,
ⴰⵎⵄⵓⴵⵉ ⵅ ⴽⵓⵍⵛⵉ,
ⵖⴰⵔ ⴰⵔⴻⴱⴱⵉ ⵡⴻⵏⵏⵉ ⴷ ⴰⵢⵉ ⵖⴰ ⵉⵏⴻⴷⵀⴻⵏ
ⵖⴰⵔ ⵓⵏⴻⴳⴳⴰⵔ ⵉⵚⴻⴱⵃⴻⵏ.
4 ⵏⴻⵜⵜⴰ ⴰⴷ ⴷⴷ-ⵉⵙⵙⴻⴽⴽ ⴰⵙⴻⵏⵊⴻⵎ ⵉⵏⵓ
ⵣⴻⴳ ⵓⵊⴻⵏⵏⴰ,
ⴰⴷ ⵉⵙⵙⴱⴻⵀⴷⴻⵍ ⵡⴻⵏⵏⵉ ⵉⵅⵙⴻⵏ
ⴰⴷ ⴰⵢⵉ ⵉⵙⴰⵔⴹ. ⵙⵉⵍⴰⵀ.
ⴰⵔⴻⴱⴱⵉ ⴰⴷ ⵉⵙⵙⴻⴽⴽ
ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ
ⴷ ⵍⴰⵎⴰⵏ ⵏⵏⴻⵙ.
5 ⵍⴻⵄⵎⴰⵔ ⵉⵏⵓ ⴰⵇⴰ-ⵜ ⵊⴰⵔ ⵉⵢⵔⴰⴷⴻⵏ,
ⵣⵣⵍⴻⵖ ⵊⴰⵔ ⵉⵚⴻⴼⴹⴰⵡⴻⵏ ⵢⴰⵔⴻⵇⵇⴻⵏ,
ⵜⴰⵔⵡⴰ ⵏ ⴱⵏⴰⴷⴻⵎ, ⵉⵏⵏⵉ ⵜⵉⵖⵎⴰⵙ ⵏⵙⴻⵏ
ⴰⵎ ⵍⴰⵏⵙⴰⵜ ⴷ ⴼⵍⵉⵜⵛⴰⵜ ⵏ ⵍⵇⴻⵡⵙ,
ⵉⵍⴻⵙ ⵏⵙⴻⵏ ⴰⵎ ⵢⵉⵊⵊ ⵏ ⵙⵙⵉⴼ ⵉⵇⴹⴻⵄ.
6 ⴰ ⴰⵔⴻⴱⴱⵉ, ⵙⴳⴻⵄⵄⴻⴷ ⵉⵅⴻⴼ ⵏⵏⴻⵛ
ⵜⵉⵡⴰ ⵉ ⵉⵊⴻⵏⵡⴰⵏ,
ⴰⵔⵔ ⴰⵄⵓⴵⵉ ⵏⵏⴻⵛ
ⵙⴻⵏⵏⴻⵊ ⵉ ⵎⴰⵔⵔⴰ ⵜⴰⵎⵎⵓⵔⵜ. ◘57:6 ⵉⵥⵀⴷ. 108:6
7 ⵏⵉⵜⵏⵉ ⴳⴳⵉⵏ ⵜⵔⴰⵛⵛⴰ ⵉ ⵉⵚⵓⵔⴰⴼ ⵉⵏⵓ,
ⵍⴻⵄⵎⴰⵔ ⵉⵏⵓ ⵜⵓⵖⴰ ⵉⵖⵏⴻⵙ.
ⵏⵉⵜⵏⵉ ⵖⵣⵉⵏ ⴰⵢⵉ ⴰⵃⴼⵓⵔ,
ⵎⴰⵛⴰ ⵡⴹⴰⵏ ⴷⴰⵢⴻⵙ ⵙⵉⵎⴰⵏⵜ ⵏⵙⴻⵏ.
ⵙⵉⵍⴰⵀ. ◘57:7 ⵉⵥⵀⴷ. 7:16; 9:16
8 ⴰ ⴰⵔⴻⴱⴱⵉ, ⵓⵍ ⵉⵏⵓ ⵢⴰⵔⴻⴽⴽⴻⵏ,
ⵓⵍ ⵉⵏⵓ ⵢⴰⵔⴻⴽⴽⴻⵏ.
ⴰⵇⴰ ⵏⴻⵛⵛ ⴰⴷ ⵖⴻⵏⵏⵊⴻⵖ ⴰⴷ ⵣⴻⵀⵀⴷⴻⵖ. ◘57:8 ⵉⵥⵀⴷ. 108:2-6
9 ⴼⴰⵇ, ⴰⵄⵓⴵⵉ ⵉⵏⵓ! ⴼⴰⵇ,
ⵍⵀⴰⵔⴱⴰ ⴷ ⵍⴳⴰⵎⴱⵔⵉ!
ⵏⴻⵛⵛ ⵜⵜⴻⵅⵙⴻⵖ ⴰⴷ ⵙⵙⴼⴰⵇⴻⵖ
ⵜⴰⴼⴰⵡⵜ ⵏ ⵍⴻⴼⵊⴰⵔ.
10 ⵏⴻⵛⵛ ⴰⴷ ⵛⴻⴽ ⵇⴰⴷⵉⵖ ⵊⴰⵔ ⵍⴻⴳⵏⵓⵙ,
ⴰ ⵙⵉⴷⵉ ⵉⵏⵓ,
ⴰⴷ ⵣⴻⵀⵀⴷⴻⵖ ⵊⴰⵔ ⵛⵛⵓⵄⵓⴱ ⵉ ⵛⴻⴽ. ◘57:10 ⵉⵥⵀⴷ. 108:4
11 ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ
ⵜᵉⵜⵜⴰⴽⴽⵡⴰⴹ ⴰⵍ ⵉⵊⴻⵏⵡⴰⵏ,
ⵍⴰⵎⴰⵏ ⵏⵏⴻⵛ ⴰⵍ ⵉⵙⴻⵢⵏⵓⵜⴻⵏ. ◘57:11 ⵉⵥⵀⴷ. 36:6; 108:5
12 ⴰ ⴰⵔⴻⴱⴱⵉ, ⵙⴳⴻⵄⵄⴻⴷ ⵉⵅⴻⴼ ⵏⵏⴻⵛ
ⵜⵉⵡⴰ ⵉ ⵉⵊⴻⵏⵡⴰⵏ,
ⴰⵔⵔ ⴰⵄⵓⴵⵉ ⵏⵏⴻⵛ
ⵙⴻⵏⵏⴻⵊ ⵉ ⵎⴰⵔⵔⴰ ⵜⴰⵎⵎⵓⵔⵜ.
◘57:1 57:1 1 ⵚⵎ. 22:1; 24:4
◘57:6 57:6 ⵉⵥⵀⴷ. 108:6
◘57:7 57:7 ⵉⵥⵀⴷ. 7:16; 9:16
◘57:8 57:8 ⵉⵥⵀⴷ. 108:2-6
◘57:10 57:10 ⵉⵥⵀⴷ. 108:4
◘57:11 57:11 ⵉⵥⵀⴷ. 36:6; 108:5