56
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵉⵛⵜ ⵏ ⵜⴻⴷⴱⵉⵔⵜ ⵉⴱⴻⴽⴽⵎⴻⵎ ⴷⴻⴳ ⵉⵎⵓⵛⴰⵏ ⵉⴳⴳⵯⴻⵊⴻⵏ’. ⵏ ⴷⴰⵡⵓⴷ. ⵜⵉⵔⴰ ⵉⵏⴻⵇⵛⴻⵏ, ⵍⴰⵎⵉ ⵜ ⵟⵟⴼⴻⵏ ⵉⴼⵉⵍⵉⵙⵟⵉⵏⵉⵢⵢⴻⵏ ⴷⵉ ⵊⴰⵜ. ◘56:1 1 ⵚⵎ. 21:12, 13, 14
2 ⵃⵉⵏⵏ ⵅⴰⴼⵉ, ⴰ ⴰⵔⴻⴱⴱⵉ,
ⵎⴰⵖⴰⵔ ⵉⵊⵊ ⵏ ⴱⵏⴰⴷⴻⵎ ⵢⴰⵔⴻⵣⵣⵓ
ⴰⴷ ⴰⵢⵉ ⵉⵙⴰⵔⴹ,
ⵉⵃⴻⵚⵚⴰⵔ ⴰⵢⵉ ⵓⵎⵊⴰⵀⴻⴷ ⴰⵙⵙ ⵎⴰⵔⵔⴰ.
3 ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵅⵙⴻⵏ
ⴰⴷ ⴰⵢⵉ ⵚⴰⵔⴹⴻⵏ ⴰⵙⵙ ⵎⴰⵔⵔⴰ,
ⵎⴰⵖⴰⵔ ⵉⵏⵏⵉ ⴽⵉⴷⵉ ⵉⵜⵜⵎⴻⵏⵖⴰⵏ ⵙ ⵏⵏⴼⴰⵅⴻⵜ,
ⴰⵇⴰ ⴰⵜⴻⵏ ⴷⴻⴳ ⵡⴰⵟⵟⴰⵙ!
4 ⴷⴻⴳ ⵡⴰⵙⵙ ⵉ ⴷⵉ ⵉ ⵖⴰ ⴳⴳⵯⴻⴷⴻⵖ,
ⴰⴷ ⵅⴰⴽ ⵜⵜⴻⵛⵍⴻⵖ,
5 ⵅ ⴰⵔⴻⴱⴱⵉ, ⵡⴻⵏⵏⵉ ⵓⵎⵉ ⵖⴰ ⵚⴻⴱⵃⴻⵖ
ⴰⵡⴰⵍ ⵏⵏⴻⵙ,
ⵅ ⴰⵔⴻⴱⴱⵉ ⵉ ⵜⵜⴻⵛⵍⴻⵖ,
ⵡⴰⵔ ⵜⵜⴻⴳⴳⵯⵉⴷⴻⵖ ⵛⴰ,
ⵎⴰⵖⴰⵔ ⵎⵉⵏ ⵣⴻⵎⵎⴰⵔⴻⵏ
ⴰⴷ ⴰⵢⵉ ⴳⴳⴻⵏ ⵎⵉⴷⴷⴻⵏ? ◼56:5 ⵎⵉⴷⴷⴻⵏ-ⵙ ⵜⵄⵉⴱⵔⴰⵏⵉⵜ ‘ⴱⴰⵛⴰⵔ’ ⵏⵉⵖ ‘ⴰⵢⵙⵓⵎ’, ⵉⵅⵙ ⴰⴷ ⵢⵉⵏⵉ ‘ⴱⵏⴰⴷⴻⵎ’ ⵏⵉⵖ ‘ⵎⵉⴷⴷⴻⵏ’ (ⵅⵥⴰⵔ ⵉⵥⵀⴷ. 118:6).
6 ⵏⵉⵜⵏⵉ ⵇⴻⴵⴱⴻⵏ ⴰⵡⴰⵍⴻⵏ ⵉⵏⵓ ⴰⵙⵙ ⵉⴽⵎⴻⵍ,
ⵎⴰⵔⵔⴰ ⵜⵏⴰⵡⵉ ⵏⵙⴻⵏ ⴰⵇⴰ ⴰⵜⴻⵏ ⵅⴰⴼⵉ ⴷ ⵍⵖⴰⵔ.
7 ⵏⵉⵜⵏⵉ ⵎⵓⵏⴻⵏ, ⵏⵓⴼⴼⴰⵔⴻⵏ,
ⵏⵉⵜⵏⵉ ⵃⴻⵟⵟⴰⵏ ⵉⵏⴰⵔⵣⵉⵡⴻⵏ ⵉⵏⵓ,
ⵅⵎⵉ ⴰⵔⴻⵣⵣⵓⵏ ⴰⴷ ⵏⵖⴻⵏ ⵍⴻⵄⵎⴰⵔ ⵉⵏⵓ.
8 ⵎⴰ ⵣⴻⵎⵎⴰⵔⴻⵏ ⴰⴷ ⴰⵔⴻⵡⵍⴻⵏ
ⵡⴰⵅⵅⴰ ⴳⴳⵉⵏ ⵍⵖⴻⵛⵛ?
ⵙⴻⵀⵡⴰ ⵍⴻⴳⵏⵓⵙ
ⴷⴻⴳ ⵡⴻⵖⴹⴰⴱ ⵏⵏⴻⵛ, ⴰ ⴰⵔⴻⴱⴱⵉ!
9 ⵛⴻⴽ ⵜⵃⴻⵙⵙⴱⴻⴷ ⵓⵙⵙⴰⵏ ⵏ ⵡⴻⵟⵍⴰⵄ ⵉⵏⵓ.
ⴻⴳⴳ ⵉⵎⴻⵟⵟⴰⵡⴻⵏ ⵉⵏⵓ ⴷⵉ ⵜⵣⴻⵢⵢⴰⵜ ⵏ ⵡⴰⵎⴰⵏ ⵏⵏⴻⵛ,
- ⵎⴰ ⵡⴰⵔ ⴵⵉⵏ ⴷⴻⴳ ⵡⴻⴷⵍⵉⵙ ⵏⵏⴻⵛ? -
10 ⵅⴻⵏⵏⵉ ⴰⴷ ⴷⴻⵡⵍⴻⵏ ⵍⵄⴻⴷⵢⴰⵏ ⵉⵏⵓ ⵖⴰⵔ ⴹⴻⴼⴼⴰⵔ,
ⴷⴻⴳ ⵡⴰⵙⵙ ⵓⵎⵉ ⵖⴰ ⵍⴰⵖⵉⵖ.
ⵏⴻⵛⵛ ⵙⵙⵏⴻⵖ ⴰⵢⴰ: ⴰⵔⴻⴱⴱⵉ ⴰⵇⴰ-ⵜ ⴰⴽⵉⴷⵉ.
11 ⵅ ⴰⵔⴻⴱⴱⵉ, ⵡⴻⵏⵏⵉ ⵓⵎⵉ
ⵖⴰ ⵙⵙⴻⵎⵖⴰⵔⴻⵖ ⴰⵡⴰⵍ ⵏⵏⴻⵙ,
ⵅ ⵙⵉⴷⵉ, ⵡⴻⵏⵏⵉ ⵓⵎⵉ
ⵖⴰ ⵙⵙⴻⵎⵖⴰⵔⴻⵖ ⴰⵡⴰⵍ ⵏⵏⴻⵙ,
12 ⵅ ⴰⵔⴻⴱⴱⵉ ⵉ ⵅⴻⴼ ⵜⵜⴻⵛⵍⴻⵖ,
ⵡⴰⵔ ⵜⵜⴻⴳⴳⵯⵉⴷⴻⵖ ⵛⴰ,
ⵎⴰⵖⴰⵔ ⵎⵉⵏ ⵉⵣⴻⵎⵎⴰⵔ ⴱⵏⴰⴷⴻⵎ
ⴰⴷ ⴰⵢⵉ ⵢⴻⴳⴳ? ◘56:12 ⵉⵥⵀⴷ. 118:6
13 ⵅⴰⴼⵉ, ⴰ ⴰⵔⴻⴱⴱⵉ,
ⴰⵔⵙⵉⵏ ⵍⵡⵓⵄⵓⴷ ⵉ ⵛⴻⴽ ⵉⵜⵜⵡⴰⴳⴳⴻⵏ.
ⴰⴷ ⵜⴻⵏ ⴽⴻⵎⵎⵍⴻⵖ ⵉ ⵛⴻⴽ ⵙ ⵓⵇⴰⴷⵉ.
14 ⵎⴰⵖⴰⵔ ⵛⴻⴽ ⵜⴼⴻⴽⴽⴻⴷ ⵍⴻⵄⵎⴰⵔ ⵉⵏⵓ
ⵣⵉ ⵍⵎⴻⵡⵜ!
ⵎⴰ ⵡⴰⵔ ⵜⴻⵃⴹⵉⴷ ⵉⴹⴰⵔⴻⵏ ⵉⵏⵓ
ⵣⴻⴳ ⵓⵏⴻⵇⵔⴰⴹ,
ⵃⵉⵎⴰ ⴰⴷ ⵓⵢⵓⵔⴻⵖ
ⵣⵣⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ
ⴷⵉ ⵜⴼⴰⵡⵜ ⵏ ⵜⵓⴷⴰⵔⵜ?
◘56:1 56:1 1 ⵚⵎ. 21:12, 13, 14
◼56:5 56:5 ⵎⵉⴷⴷⴻⵏ-ⵙ ⵜⵄⵉⴱⵔⴰⵏⵉⵜ ‘ⴱⴰⵛⴰⵔ’ ⵏⵉⵖ ‘ⴰⵢⵙⵓⵎ’, ⵉⵅⵙ ⴰⴷ ⵢⵉⵏⵉ ‘ⴱⵏⴰⴷⴻⵎ’ ⵏⵉⵖ ‘ⵎⵉⴷⴷⴻⵏ’ (ⵅⵥⴰⵔ ⵉⵥⵀⴷ. 118:6).
◘56:12 56:12 ⵉⵥⵀⴷ. 118:6