132
1 ⵉⵣⵍⵉ ⵏ ⵓⴳⴻⵄⵄⴻⴷ.
ⴰ ⵙⵉⴷⵉ, ⵉⴷⴰⵔ ⴷⴰⵡⵓⴷ,
ⵉⴷⴰⵔ ⵎⴰⵔⵔⴰ ⴰⵡⴻⴷⴷⴻⴱ ⵏⵏⴻⵙ,
2 ⵎⴰⵎⵎⴻⵛ ⵉⵊⵊⵓⴵ ⵉ ⵙⵉⴷⵉ,
ⵉⵡⴰⵄⴷ ⵉ ⵓⵎⵣⴻⵎⵎⴰⵔ ⵏ ⵢⴰⵄⵇⵓⴱ:
3 “ⵓⵛⵜ, ⵎⴰⵍⴰ ⴰⴷ ⴰⴷⴼⴻⵖ
ⵖⴰⵔ ⵜⴰⵇⵉⴷⵓⵏⵜ ⵏ ⵜⴰⴷⴷⴰⵔⵜ ⵉⵏⵓ,
ⴰⴷ ⵃⴻⴱⵛⴻⵖ ⵅ ⵇⴰⵎⴰ ⵏ ⵍⴻⵛⵜⵓ ⵉⵏⵓ, ◘132:3 1 ⵉⵎ. 15:1
4 ⴰⴷ ⵙⴻⵎⵎⵃⴻⵖ ⵢⵉⴹⴻⵚ ⵉ ⵜⵉⵟⵟⴰⵡⵉⵏ ⵉⵏⵓ,
ⵓⵍⴰ ⴷ ⴰⵏⵓⴷⴻⵎ ⵉ ⵡⴰⴱⵍⵉⵡⴻⵏ ⵉⵏⵓ,
5 ⵇⴱⴻⵍ ⵉ ⵖⴰ ⴰⴼⴻⵖ ⴰⵎⵛⴰⵏ ⵉ ⵙⵉⴷⵉ,
ⵉⵛⵜ ⵏ ⵜⵣⴻⴷⴷⵉⵖⵜ ⵉ ⵙⵉⴷⵉ,
ⴰⵎⵣⴻⵎⵎⴰⵔ ⵏ ⵢⴰⵄⵇⵓⴱ!”
6 ⵅⵣⴰⵔ, ⵏⴻⵙⵍⴰ ⵅ ⵜⵜⴰⴱⵓⵜ ⴷⵉ ⵉⴼⵔⴰⵜⴰ,
ⵏⵓⴼⴰ ⵉ-ⵜⵜ ⴷⴻⴳ ⵉⵢⵢⴰⵔⴻⵏ ⵏ ⵢⴰⵄⴰⵔ. ◼132:6 ⵢⴰⵄⴰⵔ-ⵉⵅⵙ ⴰⴷ ⵢⵉⵏⵉ ‘ⵇⴰⵔⵢⴰⵜ-ⵢⴰⵄⴰⵔⵉⵎ’ ⵎⴰⵏⵉ ⵉⴵⴰⵏ ⵜⵜⴰⴱⵓⵜ ⴰⵡⴰⵔⵏⵉ ⴷⴷ-ⵉⴷⵡⴻⵍ ⵥⵉ ⵜⴻⵎⵎⵓⵔⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ (1 ⵚⵎ. 6:21-7:2; 1 ⵉⵎ. 13:6).
7 ⴰⴷ ⵏⴰⴷⴻⴼ ⵖⴰⵔ ⵜⵣⴻⴷⴷⵉⵖⵉⵏ ⵏⵏⴻⵙ,
ⴰⴷ ⵏⴻⵙⵊⴻⴷ ⵉ ⵜⵏⴻⴱⴷⴰⵜ ⵏ ⵉⴹⴰⵔⴻⵏ ⵏⵏⴻⵙ.
8 ⴽⴽⴰⵔ, ⵙⵉⴷⵉ, ⵓⵢⵓⵔ ⵖⴰⵔ ⴰⵔⵔⴰⵃⴻⵜ ⵏⵏⴻⵛ,
ⵛⴻⴽ ⴷ ⵜⵜⴰⴱⵓⵜ ⵏ ⵊⵊⴻⵀⴷ ⵏⵏⴻⵛ.
9 ⴻⵊⵊ ⵉⴽⴻⵀⵀⴰⵏⴻⵏ ⵏⵏⴻⵛ
ⴰⴷ ⵢⴰⵔⴹⴻⵏ ⵙ ⵜⵙⴻⴳⴷⴰ,
ⵉⵎⵜⵉⵇⵇⴰⵏ ⵏⵏⴻⵛ ⴰⴷ ⵙⵍⵉⵡⴻⵍⵡⴻⵏ.
10 ⵡⴰⵔ ⴷⴷ-ⵜⴰⵔⵔⵉ ⵓⴷⴻⵎ ⵏ ⵓⵎⴻⴷⵀⵓⵏ ⵏⵏⴻⵛ
ⴷⵉ ⵟⵟⵡⴻⵄ ⵏ ⵓⵎⵙⴻⵅⵅⴰⵔ ⵏⵏⴻⵛ ⴷⴰⵡⵓⴷ.
11 ⵙⵉⴷⵉ ⵉⵊⵊⵓⴵ ⵉ ⴷⴰⵡⵓⴷ ⵙ ⵍⴰⵎⴰⵏ,
ⵄⴻⵎⵎⴰⵔⵚ ⴰⴷ ⵉⵃⴻⵢⵢⴻⴷ ⵏⴻⵜⵜⴰ
ⵅ ⵜⵊⴰⴵⵉⵜ ⵏⵏⴻⵙ:
“ⵣⵉ ⵍⵖⵉⴵⴻⵜ ⵏ ⵓⵄⴻⴷⴷⵉⵙ ⵏⵏⴻⵛ
ⴰⴷ ⵙⵙⵖⵉⵎⴻⵖ ⵉⵊⵊ ⵅ ⵍⵄⴰⵔⵛ ⵏⵏⴻⵛ. ◘132:11 2 ⵚⵎ. 7:12; 1 ⵉⵊ. 8:25; 2 ⵉⵎ. 6:16; ⵍⴽ. 1:69
12 ⵎⴰⵍⴰ ⵉⵃⴻⵏⵊⵉⵔⴻⵏ ⵏⵏⴻⵛ
ⴰⴷ ⵃⴹⴰⵏ ⵍⵄⴰⵀⴷ ⵉⵏⵓ ⴷ ⵛⵛⵀⴰⴷⴰⵜ ⵉⵏⵓ,
ⵜⵉⵏⵏⵉ ⴷ ⴰⵙⴻⵏ ⵉ ⵖⴰ ⵙⵙⵍⴻⵎⴷⴻⵖ,
ⵅⴻⵏⵏⵉ ⵓⵍⴰ ⴷ ⵉⵃⴻⵏⵊⵉⵔⴻⵏ ⵏⵙⴻⵏ
ⴰⴷ ⵇⵇⵉⵎⴻⵏ ⵅ ⵍⴽⵓⵔⵙⵉ ⵏⵏⴻⵛ ⵉ ⵍⴻⴱⴷⴰ.”
13 ⵎⴰⵖⴰⵔ ⵙⵉⴷⵉ ⵉⴼⴰⵔⵣ ⵚⵉⵀⵢⵓⵏ,
ⵉⵎⴻⵥⵔⵉ ⵜⵜ ⴷ ⵜⴰⵣⴻⴷⴷⵉⵖⵜ ⵉ ⵢⵉⵅⴻⴼ ⵏⵏⴻⵙ.
14 “ⵡⴰ ⴷ ⴰⵎⵛⴰⵏ ⵏ ⴰⵔⵔⴰⵀⴻⵜ ⵉⵏⵓ ⵉ ⵍⴻⴱⴷⴰ,
ⴷⴰ ⵉ ⵅⵙⴻⵖ ⴰⴷ ⵣⴻⴷⵖⴻⵖ, ⵏⴻⵛⵛ ⵅⵙⴻⵖ ⵜ. ◘132:14 ⵉⵥⵀⴷ. 68:17; 132:8
15 ⴰⴷ ⴱⴰⵔⴽⴻⵖ ⵏⵏⵉⵄⵎⴻⵜ ⵏ ⵚⵉⵀⵢⵓⵏ,
ⴰⴷ ⵙⵙⵊⵉⵡⵏⴻⵖ ⵉⵎⴻⵣⵍⴰⴹ ⵏⵏⴻⵙ ⵙ ⵡⴻⵖⵔⵓⵎ.
16 ⴰⴷ ⵙⵙⵢⴰⵔⴹⴻⵖ ⵉⴽⴻⵀⵀⴰⵏⴻⵏ ⵏⵏⴻⵙ
ⵙ ⵓⵙⴻⵏⵊⴻⵎ,
ⵉⵎⵜⵉⵇⵇⴰⵏ ⵏⵏⴻⵙ ⴰⴷ ⵙⵍⵉⵡⴻⵍⵡⴻⵏ ⵙ ⵊⵊⴻⵀⴷ. ◘132:16 2 ⵉⵎ. 6:41
17 ⴷⵉⵏⵏⵉ ⴰⴷ ⵙⵙⵖⴻⵎⵎⵢⴻⵖ
ⵉⵊⵊ ⵏ ⵓⵢⵉⵛⵛ ⵉ ⴷⴰⵡⵓⴷ,
ⵉⵊⵊ ⵏ ⵍⴻⴼⵏⴰⵔ ⵉ ⵓⵎⴻⴷⵀⵓⵏ ⵉⵏⵓ
ⵙⵙⵡⴻⵊⴷⴻⵖ ⵜ ⴷⵉⵏ.◘132:17 ⵍⴽ. 1:69
18 ⴰⴷ ⵙⵙⵢⴰⵔⴹⴻⵖ ⵍⵄⴻⴷⵢⴰⵏ ⵏⵏⴻⵙ
ⵙ ⵓⵙⴻⴹⵃⵉ,
ⵎⴰⵛⴰ ⴰⴷ ⵅⴰⵙ ⵉⵏⵏⵓⵡⴰⵔ
ⵜⵜⴰⵊ ⵏ ⵡⴻⵄⵣⴰⵍ ⵏⵏⴻⵙ.”
◘132:3 132:3 1 ⵉⵎ. 15:1
◼132:6 132:6 ⵢⴰⵄⴰⵔ-ⵉⵅⵙ ⴰⴷ ⵢⵉⵏⵉ ‘ⵇⴰⵔⵢⴰⵜ-ⵢⴰⵄⴰⵔⵉⵎ’ ⵎⴰⵏⵉ ⵉⴵⴰⵏ ⵜⵜⴰⴱⵓⵜ ⴰⵡⴰⵔⵏⵉ ⴷⴷ-ⵉⴷⵡⴻⵍ ⵥⵉ ⵜⴻⵎⵎⵓⵔⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ (1 ⵚⵎ. 6:21-7:2; 1 ⵉⵎ. 13:6).
◘132:11 132:11 2 ⵚⵎ. 7:12; 1 ⵉⵊ. 8:25; 2 ⵉⵎ. 6:16; ⵍⴽ. 1:69
◘132:14 132:14 ⵉⵥⵀⴷ. 68:17; 132:8
◘132:16 132:16 2 ⵉⵎ. 6:41