10
1 ⴰ ⴰⵢⵜⵎⴰ, ⴰⵎⴻⵥⵔⵉ ⵏ ⵡⵓⵍ ⵉⵏⵓ ⵓ ⵜⴰⵥⴰⴵⵉⵜ ⵜⴻⵏⵏⵉ ⵥⵓⴵⴻⵖ ⵖⴰⵔ ⴰⵔⴻⴱⴱⵉ ⴷⵉ ⵟⵟⵡⴻⵄ ⵏ ⵉⵙⵔⴰⵉⵍ, ⴰⵇⴰ-ⵜⵜ ⵃⵉⵎⴰ ⴰⴷ ⵖⴰⵔⵙⴻⵏ ⵜⵉⵍⵉ ⵜⵓⴷⴰⵔⵜ. 2 ⴰⵇⴰ ⵛⴻⵀⵀⴷⴻⵖ ⵅⴰⵙⴻⵏ ⴰⵇⴰ ⵏⵉⵜⵏⵉ ⵖⴰⵔⵙⴻⵏ ⵛⴹⴰⵔⴻⵜ ⵉ ⴰⵔⴻⴱⴱⵉ, ⵎⴰⵛⴰ ⴱⵍⴰ ⵜⵓⵙⵙⵏⴰ. ◘10:2 ⵍⴻⵅ. 22:3; ⵔⵓⵎ. 9:31; ⴳⴰⵍ. 4:17. 3 ⵎⴰⵖⴰⵔ ⵡⴰⵔ ⵙⵙⵉⵏⴻⵏ ⵜⴰⵙⴻⴳⴷⴰ ⵏ ⴰⵔⴻⴱⴱⵉ, ⵎⴰⵛⴰ ⴰⵔⴻⵣⵣⵓⵏ ⴰⴷ ⵟⵟⴼⴻⵏ ⴷⵉ ⵜⵙⴻⴳⴷⴰ ⵏ ⵉⵅⴻⴼ ⵏⵙⴻⵏ. ⵙ ⵓⵢⴰ ⵡⴰⵔ ⵙⵙⵡⴰⴹⵄⴻⵏ ⵉⵅⴻⴼ ⵏⵙⴻⵏ ⵉ ⵜⵙⴻⴳⴷⴰ ⵏ ⴰⵔⴻⴱⴱⵉ. 4 ⵎⵉⵏⵣⵉ ⴰⴽⴻⵎⵎⴻⵍ ⵏ ⵛⵛⴰⵔⵉⵄⴰ ⵏⴻⵜⵜⴰ ⴷ ⵍⵎⴰⵙⵉⵃ ⵉ ⵜⵙⴻⴳⴷⴰ ⵉ ⴽⵓⵍ ⵉⵊⵊⴻⵏ ⵉ ⵉⵜⵜⴰⵎⵏⴻⵏ. ◘10:4 ⵎⵜ. 5:17; ⵍⴻⵅ. 13:38; 2 ⴽⵓⵔ. 3:13; ⴳⴰⵍ. 3:24. 5 ⵎⵉⵏⵣⵉ ⵎⵓⵙⴰ ⵢⵓⵔⴰ ⵣⵉ ⵊⵊⵉⵀⴻⵜ ⵏ ⵜⵙⴻⴳⴷⴰ ⴷⵉ ⵛⵛⴰⵔⵉⵄⴰ:
“ⵡⴻⵏⵏⵉ ⵉⵜⵜⴻⴳⴳⴻⵏ ⵎⴰⵏ ⴰⵢⴰ,
ⴰⴷ ⵣⵣⴰⵢⴻⵙ ⵉⴷⴷⴰⵔ.” ◘10:5 ⵍⴰⵡⵉ 18:5; ⵃⵉⵥ. 20:11; ⴳⴰⵍ. 3:12.
6 ⵎⴰⵛⴰ ⵜⴰⵙⴻⴳⴷⴰ ⵜⴻⵏⵏⵉ ⵣⵉ ⵍ’ⵉⵎⴰⵏ ⵜⴻⵇⵇⴰⵔ ⴰⵎⵎⵓ:
“ⵡⴰⵔ ⵜⴻⵇⵇⴰⵔ ⴷⴻⴳ ⵡⵓⵍ ⵏⵏⴻⵛ:
‘ⵡⵉ ⵖⴰ ⵉⴳⴰⵄⵄⴷⴻⵏ ⵖⴰⵔ ⵓⵊⴻⵏⵏⴰ
ⵓⵛⴰ ⴰⴷ ⵉⵙⵙⴻⵀⵡⴰ ⵍⵎⴰⵙⵉⵃ?”
7 ⵏⵉⵖ:
“ⵡⵉ ⴷⴷ-ⵉⵀⵡⴰⵏ ⴷⴻⴳ ⵡⴻⵃⴼⵓⵔ ⵏ ⵍⴰⵅⴰⵔⵜ,
ⵓⵛⴰ ⵉⵙⵙⴳⴻⵄⵄⴻⴷ ⵍⵎⴰⵙⵉⵃ
ⵣⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ?”
8 ⵎⴰⵛⴰ ⵎⵉⵏ ⵉⵅⵙ ⴰⴷ ⵢⵉⵏⵉ ⵎⴰⵏ ⴰⵢⴰ ⵅⴻⵏⵏⵉ?
“ⵜⴰⵎⵡⴰⵔⵔⵉⵜ ⵜⵓⴷⴻⵙ ⵉ ⵛⴻⴽ,
ⴰⵇⴰ-ⵜ ⴷⴻⴳ ⵓⵇⴻⵎⵎⵓⵎ ⵏⵏⴻⵛ ⵓⵍⴰ ⴷⴻⴳ ⵡⵓⵍ ⵏⵏⴻⵛ.
ⵡⴰ ⴷ ⴰⵡⴰⵍ ⵏ ⵍ’ⵉⵎⴰⵏ ⵉ ⵣⵉ ⵏⴻⵜⵜⴱⴰⵔⵔⴻⵃ.” ◘10:8 ⴰⵄⵡⴷ. 30:12-14.
9 ⵎⴰⵍⴰ ⵜⵛⴻⵀⴷⴻⴷ ⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵙ ⵓⵇⴻⵎⵎⵓⵎ ⵏⵏⴻⵛ ⵓⵛⴰ ⴰⴷ ⵜⴰⵎⵏⴻⴷ ⵙ ⵡⵓⵍ ⵏⵏⴻⵛ ⴱⴻⵍⵍⵉ ⴰⵔⴻⴱⴱⵉ ⵉⵙⵙⵏⴻⴽⴽⴰⵔ ⵉ-ⵜ ⵣⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ, ⴰⴷ ⵜⴻⴷⴷⴰⵔⴻⴷ. 10 ⵎⵉⵏⵣⵉ ⵓⵍ ⵉ ⴷⴰⵢⴻⵙ ⵉⵜⵜⴰⵎⴻⵏ ⴰⴷ ⵉⵜⵜⵡⴰⵙⴻⴳⴳⴻⴷ, ⵓⵛⴰ ⴰⵇⴻⵎⵎⵓⵎ ⵉ ⵣⵣⴰⵢⴻⵙ ⵉⵛⴻⵀⵀⴷⴻⵏ, ⴰⴷ ⵉⴷⴷⴰⵔ. 11 ⵎⵉⵏⵣⵉ ⵜⵉⵔⴰ ⵉⵇⴻⴷⴷⵙⴻⵏ ⵇⵇⴰⵔⴻⵏⵜ:
“ⵎⴰⵔⵔⴰ ⵡⵉ ⵣⵣⴰⵢⴻⵙ ⵉ ⵖⴰ ⵢⴰⵎⵏⴻⵏ,
ⵡⴰⵔ ⵉⵜⵜⵙⴻⴹⵃⵉ ⵛⴰ.” ◘10:11 ⵉⵛⴰ. 28:16; ⵔⵓⵎ. 9:33.
12 ⵎⵉⵏⵣⵉ ⵏⴻⵜⵜⴰ ⵡⴰⵔ ⵉⵜⵜⴻⴳⴳ ⴱⵓ ⵍⴼⴰⵔⵣ ⵊⴰⵔ ⵡⵓⴷⴰⵢⴻⵏ ⴷ ⵉⵔⴰⵎⵉⵢⵢⴻⵏ, ⵎⵉⵏⵣⵉ ⵏⴻⵜⵜⴰ ⴷ ⵉⵊⵊⴻⵏ, ⵙⵉⴷⵉ ⵏⵙⴻⵏ ⵎⴰⵔⵔⴰ ⵏⵏⵉ ⵉⵜⵜⴻⵏⴼⴻⵢⵢⴰⴹ ⵍⵅⴰⵔ ⵅ ⵎⴰⵔⵔⴰ ⵉⵏⵏⵉ ⵅⴰⵙ ⴷⴷ-ⵉⵜⵜⵍⴰⵖⴰⵏ. ◘10:12 ⵍⴻⵅ. 15:9; ⵔⵓⵎ. 3:22.
13 “ⵎⵉⵏⵣⵉ ⴽⵓⵍ ⵉⵊⵊⴻⵏ
ⵡⴻⵏⵏⵉ ⵉ ⵖⴰ ⵉⵍⴰⵖⴰⵏ ⵙ ⵢⵉⵙⴻⵎ ⵏ ⵙⵉⴷⵉ,
ⴰⴷ ⵉⴷⴷⴰⵔ.” ◘10:13 ⵢⵓⵡ. 3:5; ⵍⴻⵅ. 2:21.
14 ⵎⴰⵎⵎⴻⵛ ⵉ ⵖⴰ ⵍⴰⵖⴰⵏ ⵅ ⵡⴻⵏⵏⵉ ⴷⵉ ⵡⴰⵔ ⵓⵎⵉⵏⴻⵏ ⵛⴰ? ⵏⵉⵖ ⵎⴰⵎⵎⴻⵛ ⵖⴰ ⵢⴰⵎⵏⴻⵏ ⴷⴻⴳ ⵡⴻⵏⵏⵉ ⵎⵉⵅⴻⴼ ⵡⴰⵔ ⵙⵍⵉⵏ, ⵏⵉⵖ ⵎⴰⵎⵎⴻⵛ ⵖⴰ ⵙⵍⴻⵏ, ⵎⴰⵍⴰ ⵓⵍⴰ ⴷ ⵉⵊⵊ ⵡⴰⵔ ⵣⵣⴰⵢⴻⵙ ⵉⴱⴰⵔⵔⴻⵃ ⵛⴰ? 15 ⵎⴰⵎⵎⴻⵛ ⵉ ⵖⴰ ⴱⴰⵔⵔⵃⴻⵏ ⵎⴰⵍⴰ ⵡⴰⵔ ⴷⴷ-ⵜⵜⵡⴰⵙⵙⴻⴽⴽⴻⵏ? ⴰⵎ ⵎⴰⵎⵎⴻⵛ ⵜⵓⵔⴰ:
“ⵎⴻⵛⵃⴰⵍ ⴹⴰⵔⴼⴻⵏ ⵉⴹⴰⵔⴻⵏ
ⵏ ⵢⵉⵏⵏⵉ ⵉⵜⵜⴱⴰⵔⵔⵃⴻⵏ ⵙ ⵍⴻⵀⵏⴰ,
ⵏ ⵢⵉⵏⵏⵉ ⵉⵜⵜⴱⴰⵔⵔⵃⴻⵏ ⵙ ⵜⴻⴱⵔⴰⵜⵉⵏ ⵜⵉⵚⴻⴱⵃⴰⵏⵉⵏ.” ◘10:15 ⵉⵛⴰ. 52:7; ⵏⵃⵎ. 2:1.
16 ⵎⴰⵛⴰ ⵡⴰⵔ ⵉⴵⵉ ⵎⴰⵔⵔⴰ ⵟⵟⴰⵄⴻⵏ ⵉ ⵓⴱⴰⵔⵔⴻⵃ ⵏ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍ’ⵉⵏⵊⵉⵍ, ⵎⵉⵏⵣⵉ ⵉⵛⴰⵄⵢⴰ ⵉⵇⵇⴰⵔ:
“ⴰ ⵙⵉⴷⵉ ⵉⵏⵓ, ⵡⵉ ⵖⴰ ⵢⴰⵎⵏⴻⵏ ⴷⵉ ⵜⴻⴱⵔⴰⵜ ⵏⵏⴻⵖ?” ◘10:16 ⵉⵛⴰ. 53:1; ⵢⵃ. 12:38.
17 ⴰⵇⴰ ⵍ’ⵉⵎⴰⵏ ⵣⴻⴳ ⵓⵙⵃⴻⵙⵙⵉ ⵓⵛⴰ ⴰⵙⵃⴻⵙⵙⵉ ⵣⴻⴳ ⵡⴰⵡⴰⵍ ⵏ ⴰⵔⴻⴱⴱⵉ. 18 ⵎⴰⵛⴰ ⴰⴷ ⵉⵏⵉⵖ:
“ⵎⴰ ⵣⴻⵄⵎⴰ ⵏⵉⵜⵏⵉ ⵡⴰⵔ ⵙⵍⵉⵏ?”,
“ⵅⵣⴰⵔ, ⵍⵃⴻⵙⵙ ⵏⵙⴻⵏ ⵉⴼⴼⴻⵖ-ⴷⴷ
ⵖⴰⵔ ⵎⴰⵔⵔⴰ ⵜⴰⵎⵎⵓⵔⵜ,
ⵓⵛⴰ ⴰⵡⴰⵍⴻⵏ ⵏⵙⴻⵏ ⵖⴰⵔ ⵜⵏⴻⴳⴳⵓⵔⴰ ⵏ ⴷⴷⵓⵏⴻⵛⵜ.” ◘10:18 ⵉⵥⵀⴷ. 19:5.
19 ⵎⴰⵛⴰ ⴰⴷ ⵉⵏⵉⵖ:
“ⵎⴰ ⵉⵙⵔⴰⵉⵍ ⵡⴰⵔ ⵜⴻⴼⵀⵉⵎ ⵛⴰ ⵎⴰⵏ ⴰⵢⴰ?”
ⵖⴰⵔ ⵓⵎⴻⵣⵡⴰⵔ ⵎⵓⵙⴰ ⵉⵏⵏⴰ:
“ⴰⴷ ⴷⴰⵢⵡⴻⵎ ⴳⴳⴻⵖ ⵜⵓⵙⵎⵉ
ⵣⴻⴳ ⵉⵊⵊ ⵏ ⵍⴳⴻⵏⵙ ⵉ ⵡⴰⵔ ⵉⴵⵉⵏ ⵛⴰ ⴷ ⵍⴳⴻⵏⵙ,
ⵓⵛⴰ ⵙ ⵢⵉⵊⵊ ⵏ ⵍⴳⴻⵏⵙ ⵉ ⵡⴰⵔ ⵉⵜⵜᵉⵟⵟⵉⵄⴻⵏ
ⴰⴷ ⴷⴰⵢⵡⴻⵎ ⴳⴳⴻⵖ ⴰⵅⴻⵢⵢⴻⵇ.” ◘10:19 ⴰⵄⵡⴷ. 32:21.
20 ⵓⵛⴰ ⵉⵛⴰⵄⵢⴰ ⵉⵣⵄⴻⵎ ⴰⴷ ⵢⵉⵏⵉ:
“ⴰⵇⴰ ⴱⴰⵏⴻⵖ-ⴷⴷ ⵉ ⵢⵉⵏⵏⵉ ⵡⴰⵔ ⵅⴰⴼⵉ ⵢⴰⵔⴻⵣⵣⵓⵏ,
ⴰⵇⴰ ⵓⴼⵉⵏ ⴰⵢⵉ ⵉⵏⵏⵉ ⵡⴰⵔ ⵅⴰⴼⵉ ⵉⵙⵙⴻⵇⵙⴰⵏ.” ◘10:20 ⵉⵛⴰ. 65:1.
21 ⵎⴰⵛⴰ ⵣⵉ ⵊⵊⵉⵀⴻⵜ ⵏ ⵉⵙⵔⴰⵉⵍ ⵉⵇⵇⴰⵔ:
“ⴰⵙⵙ ⵉⴽⵎⴻⵍ ⵙⵙⵡⵉⵥⵥⴹⴻⵖ ⵉⴼⴰⵙⵙⴻⵏ ⵉⵏⵓ
ⵉ ⵉⵊⵊ ⵏ ⵍⴳⴻⵏⵙ ⵉⵜⵜⵄⴻⴽⴽⵙⴻⵏ, ⵉⵄⴻⵚⵚⴰⵏ.”◘10:21 ⵉⵛⴰ. 65:2.
◘10:2 10:2 ⵍⴻⵅ. 22:3; ⵔⵓⵎ. 9:31; ⴳⴰⵍ. 4:17.
◘10:4 10:4 ⵎⵜ. 5:17; ⵍⴻⵅ. 13:38; 2 ⴽⵓⵔ. 3:13; ⴳⴰⵍ. 3:24.
◘10:5 10:5 ⵍⴰⵡⵉ 18:5; ⵃⵉⵥ. 20:11; ⴳⴰⵍ. 3:12.
◘10:8 10:8 ⴰⵄⵡⴷ. 30:12-14.
◘10:11 10:11 ⵉⵛⴰ. 28:16; ⵔⵓⵎ. 9:33.
◘10:12 10:12 ⵍⴻⵅ. 15:9; ⵔⵓⵎ. 3:22.
◘10:13 10:13 ⵢⵓⵡ. 3:5; ⵍⴻⵅ. 2:21.
◘10:15 10:15 ⵉⵛⴰ. 52:7; ⵏⵃⵎ. 2:1.
◘10:16 10:16 ⵉⵛⴰ. 53:1; ⵢⵃ. 12:38.
◘10:18 10:18 ⵉⵥⵀⴷ. 19:5.
◘10:19 10:19 ⴰⵄⵡⴷ. 32:21.