1 ပေါလုနှင့် သိလသည် အံဖိပေါလိမြို့နှင့် အာပေါလောနိမြို့ကို လှည့်လည်လာကြပြီးလျှင် သက်သာလောနိတ်မြို့သို့ ရောက်လာကြ၏။ ထိုမြို့၌ ယုဒတရားဇရပ် တစ်ခု ဟိလေ၏။ 2-3 ပေါလုသည် မိမိပြုလေ့ဟိသည့်အတိုင်း တရားဇရပ်သို့ လား၍ ခရစ်တော်သည် ဒုက္ခဝေဒနာကို ခံယူပြီးမှ အသီခံခြင်းက ထမြောက်တော်မူမည့်အကြောင်းကို ကျမ်းစာကို အမှီပြု၍ ယှင်းပြပြီး ဥပုသ် သုံးပတ်တိုင်တိုင် လူတိနှင့် ဆွေးနွေးလေ၏။ ပေါလုက “ငါသည် သင်ရို့အား ဟောပြောနိန်သော ယေသျှုသည်ကား ကယ်တင်သျှင်ဖြစ်၏” ဟူ၍ ဆိုလေ၏။ 4 ထိုသူများအထဲမှ တချို့သည် ယုံကြည်လာကြသည်ဖြစ်၍ ပေါလုနှင့် သိလပါးသို့ လာရောက် ပေါင်းဖော်ကြ၏။ ဘုရားသခင်ကို ကိုးကွယ်ကြသော ဟေလသလူမျိုးအပေါင်းရို့နှင့် အမျိုးသမီးခေါင်းဆောင်ရို့လည်း ပါဝင်လာကြ၏။

5 သို့ရာတွင် ယုဒလူမျိုးတချို့သည် မနာလို ဖြစ်ကြသဖြင့်၊ လမ်းကြိုလမ်းကြားမှ အသုံးမကျသော ဆိုးသောသူအချို့ကို စုစည်းကာ ရုန်းရင်းဆန်ခတ်ပြုကြရန် ဖန်တီးကြသည်ဖြစ်၍ တစ်မြို့လုံးသည် ရုတ်ရုတ်သဲသဲဖြစ်လျက်ဟိ၏။ သူရို့သည် ယာသုန်၏အိမ်ကို ဝင်၍ ပေါလုနှင့် သိလကို လူတိရှိ့သို့ ဆွဲထုတ်ရန် ရှာဖွီကာ တိုက်ခိုက်ကြ၏။ 6 သို့ရာတွင် သူရို့သည် ပေါလုနှင့် သိလကို ရှာမတွိ့ကြသောအခါ ယာသုန်နှင့် ယုံကြည်သူတချို့ကို မြို့အုပ်ချုပ်သူ အာဏာပိုင်တိရှိ့သို့ ဆွဲထုတ်ကာ “ဤလူတိသည် နီရာတိုင်းမှာ ပြဿနာ ဖြစ်စီခြင်းငှာ လုပ်ဆောင်ကြ၏။ အဂုတွင် ဤသူရို့သည် အကျွန်ရို့မြို့သို့ ရောက်လာကြပြီး 7 ယာသုန်သည် သူရို့ကို မိမိ၏အိမ်၌ လက်ခံထား၏။ သူရို့သည် ဧကရာဇ်မင်း၏ ဥပဒေများကို ချိုးဖောက်၍ ယေသျှုဟု နာမည်ဟိသည့် တခြားသော သျှင်ဘုရင်တစ်ပါး ဟိသိမ့်ကြောင်း ပြောဆိုနိန်ကြပါ၏” ဟု အော်ဟစ် ပြောဆိုကြ၏။ 8 သူရို့သည် ဤသို့သော စကားများဖြင့် မြို့အုပ်ချုပ်သူ အာဏာပိုင်တိနှင့် လူအများကို အုတ်အုတ်သဲသဲဖြစ်စီရန် သိမ်းသွင်းကြလေ၏။ 9 အာဏာပိုင်များက ယာသုန်နှင့် တခြားလူတိအား အာမခံငွီများကို ပီးဆောင်စီပြီးလျှင် ပြန်လွှတ်လိုက်ကြ၏။

10 ညဉ့်အချိန် ရောက်လျှင်ရောက်ချင်း၊ ယုံကြည်သူတိက ပေါလုနှင့် သိလကို ဗေရိမြို့သို့ ပို့ဆောင်လိုက်ကြ၏။ ထိုမြို့သို့ ရောက်လျှင် သူရို့သည် ယုဒ တရားဇရပ်သို့ ဝင်ကြ၏။ 11 ဗေရိ မြို့သူမြို့သားရို့သည် သက်သာလောနိတ် မြို့သူမြို့သားတိထက်မက သာ၍ ကြည်ညိုစိတ်ဟိကြသည်ဖြစ်၍ သူရို့သည် နှုတ်ကပတ်တရားတော်ကို စိတ်အားထက်သန်စွာ ခံယူကြပြီးလျှင် ပေါလုပြောသည်မှာ မှန်၏၊ မမှန်၏ကို သိခြင်းငှာ ကျမ်းစာကို နိ့စဉ်နိ့တိုင်း လေ့လာဆန်းစစ်ကြလေ၏။ 12 ထို့ကြောင့်၊ သူရို့အထဲမှ များစွာသောလူရို့သည် ယုံကြည်လာကြ၏။ များစွာသော အထက်တန်းလွှာ ဟေလသမိန်းမနှင့် ယောက်ျားရို့သည်လည်း ယုံကြည်လာကြ၏။ 13 သို့ရာတွင် ပေါလုသည် ဗေရိမြို့၌လည်း ဘုရားသခင်၏ နှုတ်ကပတ်တရားတော်ကို ဟောပြောနိန်သည်ကို သက်သာလောနိတ်မြို့သား ယုဒလူမျိုးများက ကြားသိကြလျှင် သူရို့သည် ဗေရိမြို့သို့ ရောက်လာ၍ လူအပေါင်းရို့အား သွီးထိုး၍ ဆူပူမှုဖြစ်စီရန် လှုံ့ဆော်ကြ၏။ 14 ထို့ကြောင့် ယုံကြည်သူများက ပေါလုကို ပင်လယ်ကမ်းခြီသို့ ချက်ချင်း ပို့ဆောင်လိုက်ကြ၏။ သို့ရာတွင် သိလနှင့် တိမောသေ နှစ်ယောက်တည်း ဗေရိမြို့၌ ကျန်လိုက်ခ၏။ 15 ပေါလုကို လိုက်ပို့သောသူရို့သည် အေသင်မြို့တိုင်အောင် လိုက်ပို့ကြပြီးနောက် သိလနှင့် တိမောသေအား မိမိပါးသို့ တတ်နိုင်သလောက် အလျင်အမြန် လိုက်လာကြရန် ပေါလု၏အမှာစာကို ယူဆောင်၍ သူရို့သည် ဗေရိမြို့သို့ ပြန်လာကြလေ၏။

16 ပေါလုသည် အေသင်မြို့၌ သိလနှင့် တိမောသေကို စောင့်နိန်စဉ်၊ ထိုမြို့ တစ်မြို့လုံး၌ ရုပ်တုများနှင့် ပြည့်လျက်ဟိသည်ကို မြင်လျှင် သူသည် အလွန် စိတ်ပျက်ရလေ၏။ 17 ထို့ကြောင့် သူသည် တရားဇရပ်၌ ယုဒလူမျိုးရို့အပြင် ဘုရားသခင်ကို ဝတ်ပြုကိုးကွယ်ကြသော တခြားလူမျိုးရို့နှင့် လည်းကောင်း၊ လူအများ စုဝေးရာအရပ်၌ နိ့တိုင်း တွိ့သမျှသော သူတိနှင့် လည်းကောင်း ဆွေးနွေးပြောဆိုခြင်းများ လုပ်ဆောင်လေ၏။ 18 ဧပိကုရု၏တပည့်တိနှင့် သတောအိတ်ဟု ခေါ်သော အတွေးအခေါ်ပညာသျှင်ရို့သည်လည်း ပေါလုနှင့် ဆွေးနွေးငြင်းခုံခြင်းငှာ စတင်ကြလေ၏။ အချို့က “ဤစကားအိုးသည် ဇာအကြောင်းကို ပြောပြဖို့ ကြိုးစားနိန်စွာလဲ” ဟု ဆို၏။

အချို့ကလည်း “ဤသူသည် နိုင်ငံခြားနတ်ဘုရားတိ အကြောင်းကို ပြောဆိုနိန်ပုံရ၏” ဟု ဆိုကြ၏။ သူရို့က ဤသို့ ပြောဆိုရသည့်အကြောင်းမှာ၊ ပေါလုသည် ယေသျှုနှင့် ရှင်ပြန်ထမြောက်ခြင်း*ယေသျှုနှင့် ရှင်ပြန်ထမြောက်ခြင်း၊ “ရှင်ပြန်ထမြောက်ခြင်း” ဟေလသဘာသာစကား၌ နပုဒ်လိင်နှင့် ဆိုင်သော နာမ်တစ်ခုသာဖြစ်သည်။ ထိုအရာကိုမြင်လျှင် နတ်ဘုရားမ၏ နာမည်ဖြစ်သည်ကို နားလည်နိုင်ကြသည်။အကြောင်း သတင်းကောင်းကို ဟောပြောနိန်ခြင်းကြောင့် ဖြစ်၏။ 19 ထို့ကြောင့် ထိုသူရို့သည် အာရေတောင်၌ဟိသော မြို့တော်ကောင်စီရှိ့သို့ ပေါလုကို ခေါ်လာကြပြီးလျှင် “သင် ဟောပြောနိန်သော ဤအယူဝါဒသစ်ကို ငါရို့ သိချင်ပါ၏။ 20 သင် ပြောနိန်သောအရာတိကို ငါရို့ ကြားရသည်မှာ တချို့သည် ငါရို့အတွက် အထူးအဆန်း ဖြစ်နိန်ပါ၏။ ထိုအရာတိကား ဇာကို ဆိုလိုသည်ကို ငါရို့ သိချင်ပါ၏” ဟု ဆိုကြ၏။ 21 အေသင်မြို့သူမြို့သားအပေါင်းနှင့် ထိုမြို့၌ နီထိုင်ကြသော တပါးအမျိုးသားများသည် အသစ်သော သတင်းစကားများကို နားထောင်ယင်း၊ ပြောကြားယင်းဖြင့် မိမိရို့၏ အချိန်ကာလအားလုံးကို အသုံးချရန် လိုလားကြလေ၏။

22 ထိုအခါ ပေါလုသည် အာရေတောင် မြို့တော်ကောင်စီရှိ့၌ မတ်တပ်ရပ်လျက် “အေသင်မြို့သူမြို့သားအပေါင်းရို့၊ သင်ရို့သည် နည်းအမျိုးမျိုးနှင့် ဘာသာတရားတိကို အလွန်ကြည်ညိုကြသည်ကို ငါ သိမြင်ရပါ၏။ 23 အကြောင်းမူကား ငါသည် သင်ရို့မြို့ကို လှည့်လည်ပြီး သင်ရို့ ကိုးကွယ်ဝတ်ပြုကြသည့်အရာတိကို ကြည့်သောအခါ၌ ‘ငါရို့မသိသောဘုရားသခင်အတွက်’ ဟူ၍ ကမ္ပည်းထိုးထားသော ယဇ်ပလ္လင်တစ်ခုကို တွိ့ပါ၏။ သင်ရို့သည် မသိဘဲလျက် ကိုးကွယ်နိန်ကြသော ဘုရားအကြောင်းကို အဂု ငါ ဟောပြောပါမည်။ 24 တ ၇.၄၈လောကနှင့်တကွ လောက၌ ဟိသမျှတိကို ဖန်ဆင်းတော်မူသော ဘုရားသခင်သည် ကောင်းကင်နှင့် မြီကြီး၏ အသျှင်သခင်လည်း ဖြစ်တော်မူ၏။ ထိုဘုရားသခင်သည် လူလက်ဖြင့် တည်ဆောက်သော ဗိမာန်တော်များ၌ ကိန်းဝပ်တော်မူသည် မဟုတ်။ 25 ထို့နောက် ထိုဘုရားသခင်သည် လူတိအား အသက်နှင့်တကွ ထွက်သက်ဝင်သက်နှင့် အရာခပ်သိမ်းတိကို ပီးတော်မူသော အသျှင်ဖြစ်သောကြောင့် ကိုယ်တော်သည် လူသားတိက ဆောင်ရွက်ပီးသော မည်သည့် အထောက်အပံ့ကိုမျှ မလိုအပ်ပေ။ 26 ထိုဘုရားသခင်သည် လူတစ်ဦး တစ်ယောက်မှစ၍ မြီကြီးထက်မှာ ဟိသမျှသော လူမျိုးအားလုံးကို ဖန်ဆင်းတော်မူ၍ သူရို့ကို မြီကြီးတစ်ပြင်လုံး၌ အသက်ရှင်ခွင့် ပီးတော်မူ၏။ ဘုရားသခင်သည် သူရို့၏ အချိန်ကာလနှင့် နီရာဒေသ အပိုင်းအခြားကို သူကိုယ်တိုင် ကြိုတင်၍ သတ်မှတ်ပီးထားတော်မူ၏။ 27 အကြောင်းမူကား ဘုရားသခင်သည် လူတိက ကိုယ်တော့်ကို ရှာဖွီ၍ အထံတော်သို့ ရောက်ဟိပြီးလျှင် ကိုယ်တော့်ကို တွိ့ကောင်းတွိ့နိုင်စီခြင်းငှာ ဤသို့ ပြုတော်မူခြင်း ဖြစ်၏။ အမှန်အားဖြင့် ဘုရားသခင်သည် ငါရို့ထဲက မည်သူတစ်ဦးတစ်ယောက်နှင့်မျှ ဝီးတော်မမူပေ။ 28 ထို့ကြောင့် ဆိုရိုးစကား ဟိသည်မှာ၊

32 သူရို့သည် ပေါလုပြောသည့် အသီခံခြင်းမှ ရှင်ပြန်ထမြောက်ခြင်းအကြောင်းကို ကြားလျှင် အချို့က ပေါလုကို လှောင်ပြောင်သရော်ကြ၏။ အချို့က “သင်ပြောသည့် အကြောင်းအရာတိကို နောက်တစ်ခါ အကျွန်ရို့ နားထောင်ချင်သိမ့်၏” ဟု ဆိုကြ၏။ 33 ထိုသို့ ပြောဆိုကြသောကြောင့် ပေါလုသည် ထိုအစည်းအဝေးပွဲမှ ထွက်လားလေ၏။ 34 လူအချို့သည် ပေါလုနှင့် မိတ်ဖွဲ့၍ ယုံကြည်ခြင်းသို့ ရောက်ကြ၏။ ထိုသူတိမှာ ဒယောနုသိ ဟုခေါ်ကြသော အာရေတောင်ကောင်စီဝင် တစ်ယောက်နှင့် ဒမောရိ ဟုခေါ်ကြသော မိန်းမတစ်ယောက်အပြင် အခြားသူတိလည်း ပါကြ၏။