1 Аки о пхукаипэ катар Сим, Хам тай Яфет, э Ноески чявэнго, савэндэ пал ко бугулдима аракхлилэ чявэ.

2 О чявэ э Яфетескерэ: о Гомер, о Магог, о Мадай, о Яван, о Тувал, о Мешэх тай о Тирас.

3 О чявэ э Гомерески: о Ашкеназ, о Рифат тай о Тогарма.

4 О чявэ э Яванески: о Элиша, о Таршыш, о Киттим тай о Роданим. 5 Лэндар улэ паш ки моря о дюнядэс тай пхэрдилэ опэр пумарэ пхуя, машкарэ пумарэ дюнядэндэ; кажнестэ лэски чиб тай лэски порода.

6 О чявэ э Хамески: о Куш, о Мицраим, о Пут тай о Ханаан.

7 О чявэ э Кушэски: о Сева, о Хавила, о Савта, о Раама тай о Савтеха.

О чявэ э Раамаски: о Шэва тай о Дедан.

8 О Куш сас о дад ли э Нимродеско, саво уло о баштутно опэр пху зорало муршари. 9 Ов сас баро астардимари э гайваненго ангал Сагбус Яхвэ, оничин пхэнлёлпэс: «Баро астардимари ангал Сагбус Яхвэ, сар о Нимрод». 10 О баштутнэ диза андэ лэски патишайлыкестэ сас о Вавилон, Эрех, Аккад тай о Халне андэ пху Шынар. 11 Андар одолэ пхуятэ ов накхло андэ пху Ашшур, катэ тхэдяс э Ниневия, Реховот-Ир, Калах 12 тай Ресен, машкарэ ки Ниневия тай ки бари диз Калах.

13 О Мицраим сас о дад э лудеенго, анамеенго, легавеенго, нафтухеенго, 14 патрусеенго, каслухеенго (савэндар улэ о филистимляня), тай кафтореенго.

15 О Ханаан сас о дад э Сидонеско, о баштутно лэско, о Хет, 16 ай генэ евусеенго, амореенго, гергашэенго, 17 хивеенго, аркеенго, синеенго, 18 арвадеенго, цэмареенго тай хаматеенго.

Дэчи э Ханаанески порода паляштыпэс, 19 тай о четя э Ханаанески сас катар Сидон ко Герар джи ки Газа, ай отхар ко Садом, Гамора, Адма тай Цэвоим джи ко Лаша.

20 Асавке улэ катар Хам дюнядэс андэ пумарэ породэс, пумарэ чибаса, андэ пумарэ пхуя.

21 Аракхлилэ чявэ ли ко Сим, ко баро пхрал ки Яфетеско. О Сим сас о дад алаи э Эверески*Катар нав «Эвер» ало нав «еврея» тай алаи э порода э евреенги. чявэнго.

22 О чявэ э Симески: о Элам, о Ашшур, о Арпахшад, о Луд тай о Арам.

23 О чявэ э Арамески: о Уц, о Хул, о Гетер тай о Мешэх.

24 Ко Арпахшад аракхлило о Шэлах, ай ко Шэлах аракхлило о Эвер. 25 Ко Эвер аракхлилэ дуй чявэ: о екх бучёлас Пелег (вай андэ лэски десендэ э пху сас палящимэ), ай лэски пхралэс — Ёктан.

26 О Ёктан сас о дад э Алмодадеско, Шалефеско, Хацармаветеско, Ерахеско, 27 Гадорамеско, Узалеско, Дикласко, 28 Овалеско, Авимаилеско, Шэваско, 29 Офиреско, Хавиласко тай Ёвавеско.

Алаи он сас о чявэ э Ёктанески. 30 Э область, катэ он бэшэнас, сас катар Меша джи ки Сефар андэ васточня горадэс.

31 Асавке улэ катар Сим дюнядэс андэ пумарэ породэс, пумарэ чибаса, андэ пумарэ пхуя.

32 Асавке породэс э Ноески чявэнги, лэнги породэндар андэ лэнги дюнядэс. Лэндар пал ко бугулдима улэ алаи о дюнядэс опэр пху.