23
God im det stakmen blanga wi
Song blanga Deibid.
YAWEI, yu na det brabli gudwan stakmen.
Yu oldei maindimbat mi,
en ai garram ebrijing brom yu.
Ai kaan wandim mowa.
Yu lukaftumbat mi jis laik det stakmen weya im deigim im ship olabat blanga abum spel langa kwaitwan pleis garram bigmob gras en springwoda. Reb 7:17
 
Ebridei yu meigim mi jidan strongbala.
Yu shoum mi det raitwei blanga bulurrum,
dumaji ai trastim yu neim blanga dum wanim yubin pramis.
Nomeda if ai go thru langa brabli dakbala pleis weya enijing gin meigim mi dai,
bat stil ai kaan bradin dumaji yu iya garram mi olataim.
Yu garram yu spiya en yu longwan stik blanga lukaftumbat mi.
 
Yu meigim det padi redibala blanga mi,
weya main enami olabat garra luk yu welkam mi en meigim mi jidan haibala,
en yu filimap main kap til im randan.
Ai sabi yu na oldei gud langa mi,
en yu laigim mi brabliwei weya mi jidan laibala.
En ai sabi ai garra jidan langa yu haus garram yu olagijawan.

23:2 Reb 7:17