126
Det preya langa God blanga album Isreil
Wen YAWEI bin bringimbek melabat langa Jerusalem imbin jis laik melabat bin drim tharran.
Wibin laflafbat en wibin singsingbat dumaji wibin gudbinji.
En ola pipul brom ola najalot kantri bin tok blanga melabat lagijat,
“YAWEI bin dum ola brabli gudbala ting langa olabat.”
Trubala imbin dum ola brabli gudbala ting blanga wi,
en wibin brabli gudbinji!
 
YAWEI, yu gibit melabat ebrijing igin,
jis laik rein wen im bilimap woda langa ola draiwan riba.
Larram ol detlot pipul hubin kraikrai wen deibin plentimbat olabat gadin,
gajimbat detlot sid daga gudbinjiwei.
 
Ol detlot pipul hubin kraikrai wen deibin go blanga plentimbat ola sid daga,
garra kambek singsingbat gudbinjiwei wen olabat bringimbek ola daga.