14
Hali Mu̱handu̱ wa Bahi̱i̱mi̱. Zabbu̱li̱ gya Dau̱di̱.
1 Mudoma ateekereza naakoba yati, “Ruhanga eicala waahi.”
Bantu ba yatyo babba bagwagwa, bakora bikorwa bibiibi,
tihalohoona noomwei̱ akora birungi.
2 Mukama wa mwiguru waalingiira bantu ba mu nsi,
kuwona b̯uhakabbahoona akwetegereza,
b̯uhakabbahoona aramya Ruhanga.
3 Bensei̱ bahabi̱ri̱, baabba bensei̱ hamwei̱ bagwagwa,
tihalohoona noomwei̱ akora kirungi,
waahi kadi noomwei̱.
4 Zi̱zo nkori̱ za bibii tizigira kwetegereza,
bamalaho bantu bange nka bakudya bidyo,
tibafaaho kusaba Mukama.
5 Bakukankana na b̯u̱ti̱i̱ni̱,
kubba Ruhanga atonganiira mu̱hi̱hi̱ gwa beesigwa.
6 Musobora ku̱b̯u̱ru̱ngu̱tani̱a ntegeka za banaku,
bei̱tu̱ Mukama abba kujunwa kwab̯u.
7 Ee, nyaakwendeerye kujunwa kwʼI̱saleeri̱ kuruge mu Sayu̱u̱ni̱!
Mukama aha bantu baamwe mu̱gi̱sa,
leka Yakobbo asemererwe, leka I̱saleeri̱ gijaguze.