13
Hali mu̱handu̱ wa bahi̱i̱mi̱. Zabbu̱li̱ gya Dau̱di̱.
1 Ai̱ Mukama, olinzebeera ku̱doosya di̱i̱?
Oli̱nyeebi̱saho kudwa di̱i̱?
2 Ndi̱doosya di̱i̱ kwicala ni̱mpu̱mpu̱u̱ta
naakwicala na b̯ujune mu mutima gwange?
Munyanzigwa wange ali̱doosya di̱i̱ kwicala naanyeb̯ugiraho?
3 Ai̱ Mukama Ruhanga wange, nteekerezaho onjune,
omulikire aleke ntalaaliranga ki̱mwei̱ nkakwa,
4 nikikaha munyanzigwa wange kukoba, “Mmu̱si̱ngwi̱ri̱,”
na banyakunnoba nibakasemererwa hab̯wa kulemererwa kwange.
5 Bei̱tu̱ nyeesiga mbabazi̱ zaamu,
ncala nsemereerwe mu mutima hab̯wakubba wanju̱ni̱ri̱.
6 Nkwi̱za ku̱hi̱i̱mi̱ra Mukama,
hab̯wakubba onkoleeri̱ birungi binene.