81
Hali mu̱handu̱ wa bahi̱i̱mi̱. Kikukwata ha Gititi*81:0Gititikisobora ku̱manyi̱sya kyembu rundi kigambu kikora mu kwebembera kusaba. Zabbu̱li̱ gyʼAsafi̱.
1 Mu̱hi̱i̱mi̱re Ruhanga weetu̱ na kusemererwa,
yooyo maani geetu̱,
muhaariize Ruhanga wa Yakobbo,
2 Mu̱ku̱ngye kyembu, mu̱cu̱kye bi̱cekere,
mu̱ku̱u̱te ndi̱ngi̱di̱ na ki̱dongo.
3 81:3 Kubala 10:10Mu̱ku̱u̱te bbu̱ru̱u̱zi̱ mweri̱ gu̱weneki̱ri̱,
kandi gwi̱zwi̱ri̱, ha kiro kya B̯u̱genyi̱ b̯wetu̱.
4 Hab̯wakubba kili kiragiro mwʼI̱saleeri̱,
iteeka lya Ruhanga wa Yakobbo.
5 Yaaki̱heeri̱ Yozefu̱,
b̯u̱yaagyendi̱ri̱ ku̱ru̱mba nsi gya Mi̱si̱ri̱,
haatwegwi̱ri̱ lukobo lututakukenga.
6 Yaakobi̱ri̱ yati, “Nyaaku̱toori̱ mugugu ha mabega,
nyaakuha b̯ugabe b̯utakora b̯uhinya.
7 81:7 Kidemu 17:7; Kubala 20:13B̯uwaali mu b̯ujune wanzeti̱ri̱ nyaakujuna,
nyakwi̱ri̱mwo nindi mu kiikaru kya nsita nyarabi̱i̱ri̱ mu nkuba,
ha meezi̱ ga Meri̱bba nyaaku̱lengi̱ri̱.
8 Nywe bantu bange, mwetegeerye kulamba kwange!
Ai̱ I̱saleeri̱, kabbe wanzegwi̱ri̱!
9 81:9 Kidemu 20:2-3; Kyabiragiro 5:6-7Muli nywe hatalibbamwo ruhanga ategebeerwe,
otaliramya ruhanga yensei̱ munyamahanga.
10 Gyagya Ruhanga weenyu̱,
munyakubatoola mu nsi gya Mi̱si̱ri̱,
mu̱b̯u̱u̱le mi̱nwa mbadi̱i̱sye.
11 “Bei̱tu̱ bantu bange, batakanzegwe,
Bei̱saleeri̱ batambundalire.
12 Nagya nkwi̱za kubaleka mu b̯wereme b̯wab̯u,
bahondere kwetaaga kwab̯u.
13 Ai̱ bantu bange, kabbe mwanzegwengi̱,
I̱saleeri̱, kabbe mwakorengi̱ bi̱nkwendya!
14 Nyaaku̱bi̱ngi̱ri̱ b̯wangu banyanzigwa beenyu̱,
nimbafubira hab̯wa bibii byab̯u.
15 Bensei̱ banyakunoba Mukama, baakwi̱zi̱ri̱ nibaagula b̯wagu̱li̱,
nigibba mmaliiro gyab̯u.
16 Bei̱tu̱ nyaaku̱ku̱di̱i̱si̱i̱rye nganu gikukira b̯urungi,
nimwicuta b̯uhooki kuruga mu lubbaali.”