82
Zabbu̱li̱ gyʼAsafi̱.
1 Ruhanga eicaara mu lukuratu lwa mwiguru
hakati̱ wa baruhanga kucwa misangu,
2 akukoba yati, “Mu̱li̱doosya di̱i̱ nab̯utacwanga misangu mya b̯winganiza,
kandi nimukalekera hahwo kusagika babiibi?
3 Banaku na nfu̱u̱zi̱ mubacwere mu mananu,
mu̱bbenge na b̯winganiza hali baseege na ha batali na akubajunira.
4 Mujune baseege na bali mu b̯wetaagu,
mubacungure mu mikono mya babiibi.”
5 Bei̱tu̱ baba bahi̱gani̱zi̱ tibali na magezi̱,
bali na b̯udoma b̯unene,
bakugyendera mu nti̱ti̱,
mi̱si̱nge myensei̱ mya nsi mikutengeeta.
6 82:6 Yohaana 10:34Nkukoba yati, “Muli baruhanga,
nywensei̱ muli baana ba yogwo Waahakyendi̱ Hoi̱.
7 Nka bantu mu̱kwi̱za ku̱kwa,
mumalikeho nka mu̱lemi̱ yensei̱ kwa aruga ha ntebe.”
8 Ai̱ Ruhanga, Byoka, ocwere nsi musangu,
hab̯wakubba mahanga gensei̱ gali gaamu!