98
Zabbu̱li̱.
1 Mu̱hi̱i̱mi̱re Mukama kyembu kihyaka,
kubba akoori̱ byamahanu!
Ngalu gyamwe gya b̯udyo gi̱leeti̱ri̱ ku̱si̱ngu̱ra,
mukono gwamwe gu̱teeri̱ho kujunwa.
2 Mukama aheeri̱ kujuna kwamwe kwegeb̯wa,
yoolokeerye mananu gaamwe mu mahanga.
3 Ei̱zu̱ki̱ri̱ b̯wesigwa na ngonzi zaamwe zinene
hali nnyu̱mba gyʼI̱saleeri̱,
mmaliiro gya nsi gyensei̱ gi̱weeni̱
kujunwa kwa Ruhanga weetu̱.
4 Kuutira Mukama muzira gwa kusemererwa uwe nsi gyensei̱,
Mu̱byokye kyembu, mu̱hi̱i̱me nimumuhariiza!
5 Mu̱hi̱i̱mi̱re Mukama,
mu̱mu̱haari̱i̱ze neiraka lya ndi̱ngi̱di̱!
6 Mu̱ku̱u̱te ngwara na mubbilo,
mu̱ku̱ngye mu̱semererwe mu mei̱so ga Mukama, mu̱lemi̱ weetu̱.
7 Leke itaka na byensei̱ binyakulimwo byaluke,
nsi na bab̯wo bagicalamwo!
8 Leke migira mikuute mu ngalu,
leke mbamba zi̱hi̱i̱mi̱re hamwei̱ na kusemererwa,
9 mu mei̱so ga Mukama kubba akwi̱za kucwera nsi musangu,
alicwera nsi na mananu,
hamwei̱ na b̯winganiza mu bantu.